| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. ඵලදායකත්‌ථෙරඅපදානං
5. Phaladāyakattheraapadānaṃ
20.
20.
‘‘භාගීරථීනදීතීරෙ , අහොසි අස්‌සමො තදා;
‘‘Bhāgīrathīnadītīre , ahosi assamo tadā;
තමහං අස්‌සමං ගච්‌ඡිං, ඵලහත්‌ථො අපෙක්‌ඛවා.
Tamahaṃ assamaṃ gacchiṃ, phalahattho apekkhavā.
21.
21.
‘‘විපස්‌සිං තත්‌ථ අද්‌දක්‌ඛිං, පීතරංසිංව භාණුමං;
‘‘Vipassiṃ tattha addakkhiṃ, pītaraṃsiṃva bhāṇumaṃ;
යං මෙ අත්‌ථි ඵලං සබ්‌බං, අදාසිං සත්‌ථුනො අහං.
Yaṃ me atthi phalaṃ sabbaṃ, adāsiṃ satthuno ahaṃ.
22.
22.
‘‘එකනවුතිතො කප්‌පෙ, යං ඵලං අදදිං තදා;
‘‘Ekanavutito kappe, yaṃ phalaṃ adadiṃ tadā;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
23.
23.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ඵලදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā phaladāyako thero imā gāthāyo abhāsitthāti.
ඵලදායකත්‌ථෙරස්‌සාපදානං පඤ්‌චමං.
Phaladāyakattherassāpadānaṃ pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. පදුමකෙසරියත්‌ථෙරඅපදානාදිවණ්‌ණනා • 1-10. Padumakesariyattheraapadānādivaṇṇanā
