| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
7. ப²லதா³யகத்தே²ரஅபதா³னவண்ணனா
7. Phaladāyakattheraapadānavaṇṇanā
பப்³ப³தே ஹிமவந்தம்ஹீதிஆதி³கங் ஆயஸ்மதோ ப²லதா³யகத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதகுஸலஸம்பா⁴ரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ பு²ஸ்ஸஸ்ஸ ப⁴க³வதோ காலே ஏகஸ்மிங் குலகே³ஹே நிப்³ப³த்தோ ஸுக²ப்பத்தோ தங் ஸப்³ப³ங் பஹாய தாபஸபப்³ப³ஜ்ஜங் பப்³ப³ஜித்வா க²ராஜினசம்மதா⁴ரீ ஹுத்வா விஹரதி. தஸ்மிஞ்ச ஸமயே பு²ஸ்ஸங் ப⁴க³வந்தங் தத்த² ஸம்பத்தங் தி³ஸ்வா பஸன்னமானஸோ மது⁴ரானி ப²லானி க³ஹெத்வா போ⁴ஜேஸி. ஸோ தேனேவ குஸலேன தே³வலோகாதீ³ஸு புஞ்ஞஸம்பத்தியோ அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ வுத்³தி⁴மன்வாய ஸத்த²ரி பஸீதி³த்வா பப்³ப³ஜித்வா நசிரஸ்ஸேவ அரஹா அஹோஸி.
Pabbate himavantamhītiādikaṃ āyasmato phaladāyakattherassa apadānaṃ. Ayampi purimabuddhesu katakusalasambhāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto sukhappatto taṃ sabbaṃ pahāya tāpasapabbajjaṃ pabbajitvā kharājinacammadhārī hutvā viharati. Tasmiñca samaye phussaṃ bhagavantaṃ tattha sampattaṃ disvā pasannamānaso madhurāni phalāni gahetvā bhojesi. So teneva kusalena devalokādīsu puññasampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajitvā nacirasseva arahā ahosi.
39. ஸோ அபரபா⁴கே³ அத்தனோ புப்³ப³கம்மங் அனுஸ்ஸரித்வா புப்³ப³சரிதாபதா³னங் பகாஸெந்தோ பப்³ப³தே ஹிமவந்தம்ஹீதிஆதி³மாஹ. தங் ஸப்³ப³ங் ஹெட்டா² வுத்தனயத்தா உத்தானத்த²மேவாதி.
39. So aparabhāge attano pubbakammaṃ anussaritvā pubbacaritāpadānaṃ pakāsento pabbate himavantamhītiādimāha. Taṃ sabbaṃ heṭṭhā vuttanayattā uttānatthamevāti.
ப²லதா³யகத்தே²ரஅபதா³னவண்ணனா ஸமத்தா.
Phaladāyakattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 7. ப²லதா³யகத்தே²ரஅபதா³னங் • 7. Phaladāyakattheraapadānaṃ
