| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৭. ফলদাযকত্থেরঅপদানৰণ্ণনা
7. Phaladāyakattheraapadānavaṇṇanā
পব্বতে হিমৰন্তম্হীতিআদিকং আযস্মতো ফলদাযকত্থেরস্স অপদানং। অযম্পি পুরিমবুদ্ধেসু কতকুসলসম্ভারো তত্থ তত্থ ভৰে ৰিৰট্টূপনিস্সযানি পুঞ্ঞানি উপচিনন্তো ফুস্সস্স ভগৰতো কালে একস্মিং কুলগেহে নিব্বত্তো সুখপ্পত্তো তং সব্বং পহায তাপসপব্বজ্জং পব্বজিত্ৰা খরাজিনচম্মধারী হুত্ৰা ৰিহরতি। তস্মিঞ্চ সমযে ফুস্সং ভগৰন্তং তত্থ সম্পত্তং দিস্ৰা পসন্নমানসো মধুরানি ফলানি গহেত্ৰা ভোজেসি। সো তেনেৰ কুসলেন দেৰলোকাদীসু পুঞ্ঞসম্পত্তিযো অনুভৰিত্ৰা ইমস্মিং বুদ্ধুপ্পাদে একস্মিং কুলগেহে নিব্বত্তো ৰুদ্ধিমন্ৰায সত্থরি পসীদিত্ৰা পব্বজিত্ৰা নচিরস্সেৰ অরহা অহোসি।
Pabbate himavantamhītiādikaṃ āyasmato phaladāyakattherassa apadānaṃ. Ayampi purimabuddhesu katakusalasambhāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto sukhappatto taṃ sabbaṃ pahāya tāpasapabbajjaṃ pabbajitvā kharājinacammadhārī hutvā viharati. Tasmiñca samaye phussaṃ bhagavantaṃ tattha sampattaṃ disvā pasannamānaso madhurāni phalāni gahetvā bhojesi. So teneva kusalena devalokādīsu puññasampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajitvā nacirasseva arahā ahosi.
৩৯. সো অপরভাগে অত্তনো পুব্বকম্মং অনুস্সরিত্ৰা পুব্বচরিতাপদানং পকাসেন্তো পব্বতে হিমৰন্তম্হীতিআদিমাহ। তং সব্বং হেট্ঠা ৰুত্তনযত্তা উত্তানত্থমেৰাতি।
39. So aparabhāge attano pubbakammaṃ anussaritvā pubbacaritāpadānaṃ pakāsento pabbate himavantamhītiādimāha. Taṃ sabbaṃ heṭṭhā vuttanayattā uttānatthamevāti.
ফলদাযকত্থেরঅপদানৰণ্ণনা সমত্তা।
Phaladāyakattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৭. ফলদাযকত্থেরঅপদানং • 7. Phaladāyakattheraapadānaṃ
