| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. палад̣̇ааяагад̇т̇зраабад̣̇аанаван̣н̣анаа
7. Phaladāyakattheraapadānavaṇṇanā
аж̇жхааяаго манд̇ад̇харод̇иаад̣̇игам̣ ааяасмад̇о палад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анзгзсу бхавзсу виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇о вин̃н̃уд̇ам̣ бад̇ваа взд̣̇ад̇д̇аяаад̣̇исагасиббзсу баараббад̇д̇о анзгзсам̣ б̣раахман̣асахассааним̣ баамогко аажарияо сагасиббаанам̣ барияосаанам̣ ад̣̇исваа д̇ад̇т̇а жа саарам̣ абассанд̇о гхарааваасам̣ бахааяа исибаб̣б̣аж̇ж̇ам̣ баб̣б̣аж̇ид̇ваа химаванд̇асса авид̣̇уурз ассамам̣ гаарзд̇ваа саха сиссзхи ваасам̣ габбзси, д̇асмим̣ самаяз бад̣̇умуд̇д̇аро бхаг̇аваа бхигкааяа жарамаано д̇ассаанугамбааяа д̇ам̣ бад̣̇зсам̣ самбаабун̣и. д̇аабасо бхаг̇аванд̇ам̣ д̣̇исваа басаннамаанасо ад̇д̇ано ад̇т̇ааяа будагз нигкибид̇ваа ругкаг̇г̇з лаг̇г̇ид̇аани мад̇хураани бад̣̇умапалаани мад̇хунаа саха ад̣̇ааси. бхаг̇аваа д̇асса соманассуббаад̣̇анад̇т̇ам̣ бассанд̇ассзва барибхун̃ж̇ид̇ваа аагаасз тид̇о палад̣̇аанаанисам̣сам̣ гат̇зд̇ваа баггаами.
Ajjhāyako mantadharotiādikaṃ āyasmato phaladāyakattherassa apadānaṃ. Ayampi purimabuddhesu katādhikāro anekesu bhavesu vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto viññutaṃ patvā vedattayādisakasippesu pārappatto anekesaṃ brāhmaṇasahassāniṃ pāmokkho ācariyo sakasippānaṃ pariyosānaṃ adisvā tattha ca sāraṃ apassanto gharāvāsaṃ pahāya isipabbajjaṃ pabbajitvā himavantassa avidūre assamaṃ kāretvā saha sissehi vāsaṃ kappesi, tasmiṃ samaye padumuttaro bhagavā bhikkhāya caramāno tassānukampāya taṃ padesaṃ sampāpuṇi. Tāpaso bhagavantaṃ disvā pasannamānaso attano atthāya puṭake nikkhipitvā rukkhagge laggitāni madhurāni padumaphalāni madhunā saha adāsi. Bhagavā tassa somanassuppādanatthaṃ passantasseva paribhuñjitvā ākāse ṭhito phaladānānisaṃsaṃ kathetvā pakkāmi.
75. со д̇зна бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з вибхавасамбаннз згасмим̣ гулаг̇зхз ниб̣б̣ад̇д̇о сад̇д̇авассигоязва арахад̇д̇ам̣ бад̇ваа буб̣б̣з гад̇агусалагаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о аж̇жхааяаго манд̇ад̇харод̇иаад̣̇имааха. д̇ад̇т̇а аж̇жхзд̇и жинд̇зд̇ийд̇и аж̇жхааяи, аж̇жхааяиязва аж̇жхааяаго. зд̇т̇а хи агааро ‘‘бадисзд̇хз вуд̣̇д̇хид̇аб̣бхаавз…бз… агааро вирахаббагз’’д̇и звам̣ вуд̇д̇зсу д̣̇асасу ад̇т̇зсу д̇аб̣бхаавз вад̇д̇ад̇и. сиссаанам̣ саванад̇хааран̣аад̣̇ивасзна хид̇ам̣ аж̇жхзд̇и жинд̇зд̇и саж̇жхааяам̣ гарод̇ийд̇и аж̇жхааяаго, жинд̇агод̇и ад̇т̇о. аажарияасса санд̇игз уг̇г̇ахид̇ам̣ саб̣б̣ам̣ манд̇ам̣ манзна д̇хаарзд̇и бавад̇д̇зд̇ийд̇и манд̇ад̇харо. д̇ин̣н̣ам̣ взд̣̇аана баараг̇ууд̇и взд̣̇ам̣ вужжад̇и н̃аан̣ам̣, взд̣̇зна взд̣̇ид̇аб̣б̣аа б̣уж̇жхид̇аб̣б̣аад̇и взд̣̇аа, ирувзд̣̇аяаж̇увзд̣̇асаамавзд̣̇асан̇каад̇аа д̇аяо г̇ант̇аа, д̇зсам̣ взд̣̇аанам̣ баарам̣ барияосаанам̣ годим̣ г̇ад̇о бад̇д̇од̇и баараг̇уу. сзсам̣ баагадамзваад̇и
75. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde vibhavasampanne ekasmiṃ kulagehe nibbatto sattavassikoyeva arahattaṃ patvā pubbe katakusalakammaṃ saritvā somanassajāto pubbacaritāpadānaṃ pakāsento ajjhāyako mantadharotiādimāha. Tattha ajjheti cintetīti ajjhāyi, ajjhāyiyeva ajjhāyako. Ettha hi akāro ‘‘paṭisedhe vuddhitabbhāve…pe… akāro virahappake’’ti evaṃ vuttesu dasasu atthesu tabbhāve vattati. Sissānaṃ savanadhāraṇādivasena hitaṃ ajjheti cinteti sajjhāyaṃ karotīti ajjhāyako, cintakoti attho. Ācariyassa santike uggahitaṃ sabbaṃ mantaṃ manena dhāreti pavattetīti mantadharo. Tiṇṇaṃ vedāna pāragūti vedaṃ vuccati ñāṇaṃ, vedena veditabbā bujjhitabbāti vedā, iruvedayajuvedasāmavedasaṅkhātā tayo ganthā, tesaṃ vedānaṃ pāraṃ pariyosānaṃ koṭiṃ gato pattoti pāragū. Sesaṃ pākaṭamevāti
палад̣̇ааяагад̇т̇зраабад̣̇аанаван̣н̣анаа самад̇д̇аа.
Phaladāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. палад̣̇ааяагад̇т̇зраабад̣̇аанам̣ • 7. Phaladāyakattheraapadānaṃ
