| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༧. ཕལདཱཡཀཏྠེརཨཔདཱནཝཎྞནཱ
7. Phaladāyakattheraapadānavaṇṇanā
པབྦཏེ ཧིམཝནྟམྷཱིཏིཨཱདིཀཾ ཨཱཡསྨཏོ ཕལདཱཡཀཏྠེརསྶ ཨཔདཱནཾ། ཨཡམྤི པུརིམབུདྡྷེསུ ཀཏཀུསལསམྦྷཱརོ ཏཏྠ ཏཏྠ བྷཝེ ཝིཝཊྚཱུཔནིསྶཡཱནི པུཉྙཱནི ཨུཔཙིནནྟོ ཕུསྶསྶ བྷགཝཏོ ཀཱལེ ཨེཀསྨིཾ ཀུལགེཧེ ནིབྦཏྟོ སུཁཔྤཏྟོ ཏཾ སབྦཾ པཧཱཡ ཏཱཔསཔབྦཛྫཾ པབྦཛིཏྭཱ ཁརཱཛིནཙམྨདྷཱརཱི ཧུཏྭཱ ཝིཧརཏི། ཏསྨིཉྩ སམཡེ ཕུསྶཾ བྷགཝནྟཾ ཏཏྠ སམྤཏྟཾ དིསྭཱ པསནྣམཱནསོ མདྷུརཱནི ཕལཱནི གཧེཏྭཱ བྷོཛེསི། སོ ཏེནེཝ ཀུསལེན དེཝལོཀཱདཱིསུ པུཉྙསམྤཏྟིཡོ ཨནུབྷཝིཏྭཱ ཨིམསྨིཾ བུདྡྷུཔྤཱདེ ཨེཀསྨིཾ ཀུལགེཧེ ནིབྦཏྟོ ཝུདྡྷིམནྭཱཡ སཏྠརི པསཱིདིཏྭཱ པབྦཛིཏྭཱ ནཙིརསྶེཝ ཨརཧཱ ཨཧོསི།
Pabbate himavantamhītiādikaṃ āyasmato phaladāyakattherassa apadānaṃ. Ayampi purimabuddhesu katakusalasambhāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto sukhappatto taṃ sabbaṃ pahāya tāpasapabbajjaṃ pabbajitvā kharājinacammadhārī hutvā viharati. Tasmiñca samaye phussaṃ bhagavantaṃ tattha sampattaṃ disvā pasannamānaso madhurāni phalāni gahetvā bhojesi. So teneva kusalena devalokādīsu puññasampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajitvā nacirasseva arahā ahosi.
༣༩. སོ ཨཔརབྷཱགེ ཨཏྟནོ པུབྦཀམྨཾ ཨནུསྶརིཏྭཱ པུབྦཙརིཏཱཔདཱནཾ པཀཱསེནྟོ པབྦཏེ ཧིམཝནྟམྷཱིཏིཨཱདིམཱཧ། ཏཾ སབྦཾ ཧེཊྛཱ ཝུཏྟནཡཏྟཱ ཨུཏྟཱནཏྠམེཝཱཏི།
39. So aparabhāge attano pubbakammaṃ anussaritvā pubbacaritāpadānaṃ pakāsento pabbate himavantamhītiādimāha. Taṃ sabbaṃ heṭṭhā vuttanayattā uttānatthamevāti.
ཕལདཱཡཀཏྠེརཨཔདཱནཝཎྞནཱ སམཏྟཱ།
Phaladāyakattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༧. ཕལདཱཡཀཏྠེརཨཔདཱནཾ • 7. Phaladāyakattheraapadānaṃ
