| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๘. ผลกทายกเตฺถรอปทานํ
8. Phalakadāyakattheraapadānaṃ
๓๗.
37.
‘‘ยานกาโร ปุเร อาสิํ, ทารุกเมฺม สุสิกฺขิโต;
‘‘Yānakāro pure āsiṃ, dārukamme susikkhito;
จนฺทนํ ผลกํ กตฺวา, อทาสิํ โลกพนฺธุโนฯ
Candanaṃ phalakaṃ katvā, adāsiṃ lokabandhuno.
๓๘.
38.
‘‘ปภาสติ อิทํ พฺยมฺหํ, สุวณฺณสฺส สุนิมฺมิตํ;
‘‘Pabhāsati idaṃ byamhaṃ, suvaṇṇassa sunimmitaṃ;
หตฺถิยานํ อสฺสยานํ, ทิพฺพยานํ อุปฎฺฐิตํฯ
Hatthiyānaṃ assayānaṃ, dibbayānaṃ upaṭṭhitaṃ.
๓๙.
39.
‘‘ปาสาทา สิวิกา เจว, นิพฺพตฺตนฺติ ยทิจฺฉกํ;
‘‘Pāsādā sivikā ceva, nibbattanti yadicchakaṃ;
๔๐.
40.
‘‘เอกนวุติโต กเปฺป, ผลกํ ยมหํ ททิํ;
‘‘Ekanavutito kappe, phalakaṃ yamahaṃ dadiṃ;
ทุคฺคติํ นาภิชานามิ, ผลกสฺส อิทํ ผลํฯ
Duggatiṃ nābhijānāmi, phalakassa idaṃ phalaṃ.
๔๑.
41.
‘‘สตฺตปญฺญาสกปฺปมฺหิ, จตุโร นิมฺมิตาวฺหยา;
‘‘Sattapaññāsakappamhi, caturo nimmitāvhayā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๔๒.
42.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ผลกทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā phalakadāyako thero imā gāthāyo abhāsitthāti.
ผลกทายกเตฺถรสฺสาปทานํ อฎฺฐมํฯ
Phalakadāyakattherassāpadānaṃ aṭṭhamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๘. ผลกทายกเตฺถรอปทานวณฺณนา • 8. Phalakadāyakattheraapadānavaṇṇanā
