| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. палагад̣̇ааяагад̇т̇зраабад̣̇аанаван̣н̣анаа
8. Phalakadāyakattheraapadānavaṇṇanā
яаанагааро бурз аасинд̇иаад̣̇игам̣ ааяасмад̇о палагад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро анзгзсу ад̇д̇абхаавзсу гад̇абун̃н̃асамбхааро сид̣̇д̇хад̇т̇асса бхаг̇авад̇о гаалз вад̣дхагигулз ниб̣б̣ад̇д̇о рад̇анад̇д̇аяз басанно жанд̣̇анзна ааламб̣анапалагам̣ гад̇ваа бхаг̇авад̇о ад̣̇ааси. бхаг̇аваа д̇ассаанумод̣̇анам̣ агааси.
Yānakāro pure āsintiādikaṃ āyasmato phalakadāyakattherassa apadānaṃ. Ayampi purimabuddhesu katādhikāro anekesu attabhāvesu katapuññasambhāro siddhatthassa bhagavato kāle vaḍḍhakikule nibbatto ratanattaye pasanno candanena ālambanaphalakaṃ katvā bhagavato adāsi. Bhagavā tassānumodanaṃ akāsi.
37. со д̇зна бун̃н̃зна д̣̇звамануссзсу сам̣саранд̇о саб̣б̣ад̇т̇а гаалз жид̇д̇асукабийн̣ид̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇ваа сад̇т̇у д̇хаммад̣̇зсанам̣ суд̇ваа сан̃ж̇аад̇аббасаад̣̇о баб̣б̣аж̇ид̇ваа вааяаманд̇о нажирассзва саха бадисамбхид̣̇аахи арахад̇д̇ам̣ бад̇ваа ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о яаанагааро бурз аасинд̇иаад̣̇имааха. д̇ад̇т̇а яаанагаарод̇и яанд̇и зд̇зна ижчид̇ижчид̇адтаананд̇и яаанам̣, д̇ам̣ гарод̇ийд̇и яаанагааро, бурз б̣уд̣̇д̇хад̣̇ассанасамаяз ахам̣ яаанагааро аасим̣ ахосинд̇и ад̇т̇о. жанд̣̇анам̣ палагам̣ гад̇ваад̇и жанд̣̇ад̇и барил̣аахам̣ вуубасамзд̇ийд̇и жанд̣̇анам̣. ат̇а ваа жанд̣̇анд̇и суг̇анд̇хаваасанад̇т̇ам̣ сарийрам̣ вилимбанд̇и зд̇знаад̇и жанд̣̇анам̣, д̇ам̣ ааламб̣анапалагам̣ гад̇ваа. логаб̣анд̇хунод̇и сагалалогасса б̣анд̇ху н̃аад̇ибхууд̇од̇и логаб̣анд̇ху, д̇асса логаб̣анд̇хуно сад̇т̇усса ад̣̇аасинд̇и ад̇т̇о. сзсам̣ сувин̃н̃зяяамзваад̇и.
37. So tena puññena devamanussesu saṃsaranto sabbattha kāle cittasukhapīṇito ubhayasampattiyo anubhavitvā imasmiṃ buddhuppāde kulagehe nibbatto viññutaṃ patvā satthu dhammadesanaṃ sutvā sañjātappasādo pabbajitvā vāyamanto nacirasseva saha paṭisambhidāhi arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento yānakāro pure āsintiādimāha. Tattha yānakāroti yanti etena icchiticchitaṭṭhānanti yānaṃ, taṃ karotīti yānakāro, pure buddhadassanasamaye ahaṃ yānakāro āsiṃ ahosinti attho. Candanaṃ phalakaṃ katvāti candati pariḷāhaṃ vūpasametīti candanaṃ. Atha vā candanti sugandhavāsanatthaṃ sarīraṃ vilimpanti etenāti candanaṃ, taṃ ālambanaphalakaṃ katvā. Lokabandhunoti sakalalokassa bandhu ñātibhūtoti lokabandhu, tassa lokabandhuno satthussa adāsinti attho. Sesaṃ suviññeyyamevāti.
палагад̣̇ааяагад̇т̇зраабад̣̇аанаван̣н̣анаа самад̇д̇аа.
Phalakadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. палагад̣̇ааяагад̇т̇зраабад̣̇аанам̣ • 8. Phalakadāyakattheraapadānaṃ
