| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੮. ਫਲਕਦਾਯਕਤ੍ਥੇਰਅਪਦਾਨવਣ੍ਣਨਾ
8. Phalakadāyakattheraapadānavaṇṇanā
ਯਾਨਕਾਰੋ ਪੁਰੇ ਆਸਿਨ੍ਤਿਆਦਿਕਂ ਆਯਸ੍ਮਤੋ ਫਲਕਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨੇਕੇਸੁ ਅਤ੍ਤਭਾવੇਸੁ ਕਤਪੁਞ੍ਞਸਮ੍ਭਾਰੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ વਡ੍ਢਕਿਕੁਲੇ ਨਿਬ੍ਬਤ੍ਤੋ ਰਤਨਤ੍ਤਯੇ ਪਸਨ੍ਨੋ ਚਨ੍ਦਨੇਨ ਆਲਮ੍ਬਨਫਲਕਂ ਕਤ੍વਾ ਭਗવਤੋ ਅਦਾਸਿ। ਭਗવਾ ਤਸ੍ਸਾਨੁਮੋਦਨਂ ਅਕਾਸਿ।
Yānakāro pure āsintiādikaṃ āyasmato phalakadāyakattherassa apadānaṃ. Ayampi purimabuddhesu katādhikāro anekesu attabhāvesu katapuññasambhāro siddhatthassa bhagavato kāle vaḍḍhakikule nibbatto ratanattaye pasanno candanena ālambanaphalakaṃ katvā bhagavato adāsi. Bhagavā tassānumodanaṃ akāsi.
੩੭. ਸੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਸਬ੍ਬਤ੍ਥ ਕਾਲੇ ਚਿਤ੍ਤਸੁਖਪੀਣਿਤੋ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਸਞ੍ਜਾਤਪ੍ਪਸਾਦੋ ਪਬ੍ਬਜਿਤ੍વਾ વਾਯਮਨ੍ਤੋ ਨਚਿਰਸ੍ਸੇવ ਸਹ ਪਟਿਸਮ੍ਭਿਦਾਹਿ ਅਰਹਤ੍ਤਂ ਪਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਯਾਨਕਾਰੋ ਪੁਰੇ ਆਸਿਨ੍ਤਿਆਦਿਮਾਹ। ਤਤ੍ਥ ਯਾਨਕਾਰੋਤਿ ਯਨ੍ਤਿ ਏਤੇਨ ਇਚ੍ਛਿਤਿਚ੍ਛਿਤਟ੍ਠਾਨਨ੍ਤਿ ਯਾਨਂ, ਤਂ ਕਰੋਤੀਤਿ ਯਾਨਕਾਰੋ, ਪੁਰੇ ਬੁਦ੍ਧਦਸ੍ਸਨਸਮਯੇ ਅਹਂ ਯਾਨਕਾਰੋ ਆਸਿਂ ਅਹੋਸਿਨ੍ਤਿ ਅਤ੍ਥੋ। ਚਨ੍ਦਨਂ ਫਲਕਂ ਕਤ੍વਾਤਿ ਚਨ੍ਦਤਿ ਪਰਿਲ਼ਾਹਂ વੂਪਸਮੇਤੀਤਿ ਚਨ੍ਦਨਂ। ਅਥ વਾ ਚਨ੍ਦਨ੍ਤਿ ਸੁਗਨ੍ਧવਾਸਨਤ੍ਥਂ ਸਰੀਰਂ વਿਲਿਮ੍ਪਨ੍ਤਿ ਏਤੇਨਾਤਿ ਚਨ੍ਦਨਂ, ਤਂ ਆਲਮ੍ਬਨਫਲਕਂ ਕਤ੍વਾ। ਲੋਕਬਨ੍ਧੁਨੋਤਿ ਸਕਲਲੋਕਸ੍ਸ ਬਨ੍ਧੁ ਞਾਤਿਭੂਤੋਤਿ ਲੋਕਬਨ੍ਧੁ, ਤਸ੍ਸ ਲੋਕਬਨ੍ਧੁਨੋ ਸਤ੍ਥੁਸ੍ਸ ਅਦਾਸਿਨ੍ਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
37. So tena puññena devamanussesu saṃsaranto sabbattha kāle cittasukhapīṇito ubhayasampattiyo anubhavitvā imasmiṃ buddhuppāde kulagehe nibbatto viññutaṃ patvā satthu dhammadesanaṃ sutvā sañjātappasādo pabbajitvā vāyamanto nacirasseva saha paṭisambhidāhi arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento yānakāro pure āsintiādimāha. Tattha yānakāroti yanti etena icchiticchitaṭṭhānanti yānaṃ, taṃ karotīti yānakāro, pure buddhadassanasamaye ahaṃ yānakāro āsiṃ ahosinti attho. Candanaṃ phalakaṃ katvāti candati pariḷāhaṃ vūpasametīti candanaṃ. Atha vā candanti sugandhavāsanatthaṃ sarīraṃ vilimpanti etenāti candanaṃ, taṃ ālambanaphalakaṃ katvā. Lokabandhunoti sakalalokassa bandhu ñātibhūtoti lokabandhu, tassa lokabandhuno satthussa adāsinti attho. Sesaṃ suviññeyyamevāti.
ਫਲਕਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Phalakadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੮. ਫਲਕਦਾਯਕਤ੍ਥੇਰਅਪਦਾਨਂ • 8. Phalakadāyakattheraapadānaṃ
