| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
৫. পঞ্চমৰগ্গো
5. Pañcamavaggo
(৫২) ১০. ফলঞাণকথা
(52) 10. Phalañāṇakathā
৪৪৩. সাৰকস্স ফলে ঞাণং অত্থীতি? আমন্তা। সাৰকো ফলস্স কতং পঞ্ঞাপেতীতি? ন হেৰং ৰত্তব্ব…পে॰…।
443. Sāvakassa phale ñāṇaṃ atthīti? Āmantā. Sāvako phalassa kataṃ paññāpetīti? Na hevaṃ vattabba…pe….
সাৰকস্স ফলে ঞাণং অত্থীতি? আমন্তা। অত্থি সাৰকস্স ফলপরোপরিযত্তি ইন্দ্রিযপরোপরিযত্তি পুগ্গলপরোপরিযত্তীতি? ন হেৰং ৰত্তব্বে…পে॰…।
Sāvakassa phale ñāṇaṃ atthīti? Āmantā. Atthi sāvakassa phalaparopariyatti indriyaparopariyatti puggalaparopariyattīti? Na hevaṃ vattabbe…pe….
সাৰকস্স ফলে ঞাণং অত্থীতি? আমন্তা। অত্থি সাৰকস্স খন্ধপঞ্ঞত্তি আযতনপঞ্ঞত্তি ধাতুপঞ্ঞত্তি সচ্চপঞ্ঞত্তি ইন্দ্রিযপঞ্ঞত্তি পুগ্গলপঞ্ঞত্তীতি? ন হেৰং ৰত্তব্বে…পে॰…।
Sāvakassa phale ñāṇaṃ atthīti? Āmantā. Atthi sāvakassa khandhapaññatti āyatanapaññatti dhātupaññatti saccapaññatti indriyapaññatti puggalapaññattīti? Na hevaṃ vattabbe…pe….
সাৰকস্স ফলে ঞাণং অত্থীতি? আমন্তা। সাৰকো জিনো সত্থা সম্মাসম্বুদ্ধো সব্বঞ্ঞূ সব্বদস্সাৰী ধম্মস্সামী ধম্মপ্পটিসরণোতি? ন হেৰং ৰত্তব্বে…পে॰…।
Sāvakassa phale ñāṇaṃ atthīti? Āmantā. Sāvako jino satthā sammāsambuddho sabbaññū sabbadassāvī dhammassāmī dhammappaṭisaraṇoti? Na hevaṃ vattabbe…pe….
সাৰকস্স ফলে ঞাণং অত্থীতি? আমন্তা। সাৰকো অনুপ্পন্নস্স মগ্গস্স উপ্পাদেতা অসঞ্জাতস্স মগ্গস্স সঞ্জনেতা অনক্খাতস্স মগ্গস্স অক্খাতা মগ্গঞ্ঞূ মগ্গৰিদূ মগ্গকোৰিদোতি? ন হেৰং ৰত্তব্বে…পে॰…।
Sāvakassa phale ñāṇaṃ atthīti? Āmantā. Sāvako anuppannassa maggassa uppādetā asañjātassa maggassa sañjanetā anakkhātassa maggassa akkhātā maggaññū maggavidū maggakovidoti? Na hevaṃ vattabbe…pe….
৪৪৪. ন ৰত্তব্বং – ‘‘সাৰকস্স ফলে ঞাণং অত্থী’’তি? আমন্তা। সাৰকো অঞ্ঞাণীতি? ন হেৰং ৰত্তব্বে…পে॰… তেন হি সাৰকস্স ফলে ঞাণং অত্থীতি…পে॰…।
444. Na vattabbaṃ – ‘‘sāvakassa phale ñāṇaṃ atthī’’ti? Āmantā. Sāvako aññāṇīti? Na hevaṃ vattabbe…pe… tena hi sāvakassa phale ñāṇaṃ atthīti…pe….
ফলঞাণকথা নিট্ঠিতা।
Phalañāṇakathā niṭṭhitā.
পঞ্চমৰগ্গো।
Pañcamavaggo.
তস্সুদ্দানং –
Tassuddānaṃ –
ৰিমুত্তিঞাণং ৰিমুত্তং, সেখস্স অসেখং ঞাণং, ৰিপরীতে ঞাণং, অনিযতস্স নিযামগমনায অত্থি ঞাণং, সব্বং ঞাণং পটিসম্ভিদাতি, সম্মুতিঞাণং, চেতোপরিযাযে ঞাণং, অনাগতে ঞাণং, পটুপ্পন্নে ঞাণং, সাৰকস্স ফলে ঞাণন্তি।
Vimuttiñāṇaṃ vimuttaṃ, sekhassa asekhaṃ ñāṇaṃ, viparīte ñāṇaṃ, aniyatassa niyāmagamanāya atthi ñāṇaṃ, sabbaṃ ñāṇaṃ paṭisambhidāti, sammutiñāṇaṃ, cetopariyāye ñāṇaṃ, anāgate ñāṇaṃ, paṭuppanne ñāṇaṃ, sāvakassa phale ñāṇanti.
মহাপণ্ণাসকো।
Mahāpaṇṇāsako.
তস্সাপি উদ্দানং –
Tassāpi uddānaṃ –
সত্তুপলদ্ধিং, উপহরতো, বলং, গিহিস্স অরহা চ, ৰিমুত্তিপঞ্চমন্তি।
Sattupaladdhiṃ, upaharato, balaṃ, gihissa arahā ca, vimuttipañcamanti.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১০. ফলঞাণকথাৰণ্ণনা • 10. Phalañāṇakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১০. ফলঞাণকথাৰণ্ণনা • 10. Phalañāṇakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১০. ফলঞাণকথাৰণ্ণনা • 10. Phalañāṇakathāvaṇṇanā
