| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๕. ปญฺจมวโคฺค
5. Pañcamavaggo
(๕๒) ๑๐. ผลญาณกถา
(52) 10. Phalañāṇakathā
๔๔๓. สาวกสฺส ผเล ญาณํ อตฺถีติ? อามนฺตาฯ สาวโก ผลสฺส กตํ ปญฺญาเปตีติ? น เหวํ วตฺตพฺพ…เป.…ฯ
443. Sāvakassa phale ñāṇaṃ atthīti? Āmantā. Sāvako phalassa kataṃ paññāpetīti? Na hevaṃ vattabba…pe….
สาวกสฺส ผเล ญาณํ อตฺถีติ? อามนฺตาฯ อตฺถิ สาวกสฺส ผลปโรปริยตฺติ อินฺทฺริยปโรปริยตฺติ ปุคฺคลปโรปริยตฺตีติ? น เหวํ วตฺตเพฺพ…เป.…ฯ
Sāvakassa phale ñāṇaṃ atthīti? Āmantā. Atthi sāvakassa phalaparopariyatti indriyaparopariyatti puggalaparopariyattīti? Na hevaṃ vattabbe…pe….
สาวกสฺส ผเล ญาณํ อตฺถีติ? อามนฺตาฯ อตฺถิ สาวกสฺส ขนฺธปญฺญตฺติ อายตนปญฺญตฺติ ธาตุปญฺญตฺติ สจฺจปญฺญตฺติ อินฺทฺริยปญฺญตฺติ ปุคฺคลปญฺญตฺตีติ? น เหวํ วตฺตเพฺพ…เป.…ฯ
Sāvakassa phale ñāṇaṃ atthīti? Āmantā. Atthi sāvakassa khandhapaññatti āyatanapaññatti dhātupaññatti saccapaññatti indriyapaññatti puggalapaññattīti? Na hevaṃ vattabbe…pe….
สาวกสฺส ผเล ญาณํ อตฺถีติ? อามนฺตาฯ สาวโก ชิโน สตฺถา สมฺมาสมฺพุโทฺธ สพฺพญฺญู สพฺพทสฺสาวี ธมฺมสฺสามี ธมฺมปฺปฎิสรโณติ? น เหวํ วตฺตเพฺพ…เป.…ฯ
Sāvakassa phale ñāṇaṃ atthīti? Āmantā. Sāvako jino satthā sammāsambuddho sabbaññū sabbadassāvī dhammassāmī dhammappaṭisaraṇoti? Na hevaṃ vattabbe…pe….
สาวกสฺส ผเล ญาณํ อตฺถีติ? อามนฺตาฯ สาวโก อนุปฺปนฺนสฺส มคฺคสฺส อุปฺปาเทตา อสญฺชาตสฺส มคฺคสฺส สญฺชเนตา อนกฺขาตสฺส มคฺคสฺส อกฺขาตา มคฺคญฺญู มคฺควิทู มคฺคโกวิโทติ? น เหวํ วตฺตเพฺพ…เป.…ฯ
Sāvakassa phale ñāṇaṃ atthīti? Āmantā. Sāvako anuppannassa maggassa uppādetā asañjātassa maggassa sañjanetā anakkhātassa maggassa akkhātā maggaññū maggavidū maggakovidoti? Na hevaṃ vattabbe…pe….
๔๔๔. น วตฺตพฺพํ – ‘‘สาวกสฺส ผเล ญาณํ อตฺถี’’ติ? อามนฺตาฯ สาวโก อญฺญาณีติ? น เหวํ วตฺตเพฺพ…เป.… เตน หิ สาวกสฺส ผเล ญาณํ อตฺถีติ…เป.…ฯ
444. Na vattabbaṃ – ‘‘sāvakassa phale ñāṇaṃ atthī’’ti? Āmantā. Sāvako aññāṇīti? Na hevaṃ vattabbe…pe… tena hi sāvakassa phale ñāṇaṃ atthīti…pe….
ผลญาณกถา นิฎฺฐิตาฯ
Phalañāṇakathā niṭṭhitā.
ปญฺจมวโคฺคฯ
Pañcamavaggo.
ตสฺสุทฺทานํ –
Tassuddānaṃ –
วิมุตฺติญาณํ วิมุตฺตํ, เสขสฺส อเสขํ ญาณํ, วิปรีเต ญาณํ, อนิยตสฺส นิยามคมนาย อตฺถิ ญาณํ, สพฺพํ ญาณํ ปฎิสมฺภิทาติ, สมฺมุติญาณํ, เจโตปริยาเย ญาณํ, อนาคเต ญาณํ, ปฎุปฺปเนฺน ญาณํ, สาวกสฺส ผเล ญาณนฺติฯ
Vimuttiñāṇaṃ vimuttaṃ, sekhassa asekhaṃ ñāṇaṃ, viparīte ñāṇaṃ, aniyatassa niyāmagamanāya atthi ñāṇaṃ, sabbaṃ ñāṇaṃ paṭisambhidāti, sammutiñāṇaṃ, cetopariyāye ñāṇaṃ, anāgate ñāṇaṃ, paṭuppanne ñāṇaṃ, sāvakassa phale ñāṇanti.
มหาปณฺณาสโกฯ
Mahāpaṇṇāsako.
ตสฺสาปิ อุทฺทานํ –
Tassāpi uddānaṃ –
สตฺตุปลทฺธิํ, อุปหรโต, พลํ, คิหิสฺส อรหา จ, วิมุตฺติปญฺจมนฺติฯ
Sattupaladdhiṃ, upaharato, balaṃ, gihissa arahā ca, vimuttipañcamanti.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๑๐. ผลญาณกถาวณฺณนา • 10. Phalañāṇakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๐. ผลญาณกถาวณฺณนา • 10. Phalañāṇakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๐. ผลญาณกถาวณฺณนา • 10. Phalañāṇakathāvaṇṇanā
