| Library / Tipiṭaka / ತಿಪಿಟಕ • Tipiṭaka / ಕಥಾವತ್ಥುಪಾಳಿ • Kathāvatthupāḷi |
೫. ಪಞ್ಚಮವಗ್ಗೋ
5. Pañcamavaggo
(೫೨) ೧೦. ಫಲಞಾಣಕಥಾ
(52) 10. Phalañāṇakathā
೪೪೩. ಸಾವಕಸ್ಸ ಫಲೇ ಞಾಣಂ ಅತ್ಥೀತಿ? ಆಮನ್ತಾ। ಸಾವಕೋ ಫಲಸ್ಸ ಕತಂ ಪಞ್ಞಾಪೇತೀತಿ? ನ ಹೇವಂ ವತ್ತಬ್ಬ…ಪೇ॰…।
443. Sāvakassa phale ñāṇaṃ atthīti? Āmantā. Sāvako phalassa kataṃ paññāpetīti? Na hevaṃ vattabba…pe….
ಸಾವಕಸ್ಸ ಫಲೇ ಞಾಣಂ ಅತ್ಥೀತಿ? ಆಮನ್ತಾ। ಅತ್ಥಿ ಸಾವಕಸ್ಸ ಫಲಪರೋಪರಿಯತ್ತಿ ಇನ್ದ್ರಿಯಪರೋಪರಿಯತ್ತಿ ಪುಗ್ಗಲಪರೋಪರಿಯತ್ತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Sāvakassa phale ñāṇaṃ atthīti? Āmantā. Atthi sāvakassa phalaparopariyatti indriyaparopariyatti puggalaparopariyattīti? Na hevaṃ vattabbe…pe….
ಸಾವಕಸ್ಸ ಫಲೇ ಞಾಣಂ ಅತ್ಥೀತಿ? ಆಮನ್ತಾ। ಅತ್ಥಿ ಸಾವಕಸ್ಸ ಖನ್ಧಪಞ್ಞತ್ತಿ ಆಯತನಪಞ್ಞತ್ತಿ ಧಾತುಪಞ್ಞತ್ತಿ ಸಚ್ಚಪಞ್ಞತ್ತಿ ಇನ್ದ್ರಿಯಪಞ್ಞತ್ತಿ ಪುಗ್ಗಲಪಞ್ಞತ್ತೀತಿ? ನ ಹೇವಂ ವತ್ತಬ್ಬೇ…ಪೇ॰…।
Sāvakassa phale ñāṇaṃ atthīti? Āmantā. Atthi sāvakassa khandhapaññatti āyatanapaññatti dhātupaññatti saccapaññatti indriyapaññatti puggalapaññattīti? Na hevaṃ vattabbe…pe….
ಸಾವಕಸ್ಸ ಫಲೇ ಞಾಣಂ ಅತ್ಥೀತಿ? ಆಮನ್ತಾ। ಸಾವಕೋ ಜಿನೋ ಸತ್ಥಾ ಸಮ್ಮಾಸಮ್ಬುದ್ಧೋ ಸಬ್ಬಞ್ಞೂ ಸಬ್ಬದಸ್ಸಾವೀ ಧಮ್ಮಸ್ಸಾಮೀ ಧಮ್ಮಪ್ಪಟಿಸರಣೋತಿ? ನ ಹೇವಂ ವತ್ತಬ್ಬೇ…ಪೇ॰…।
Sāvakassa phale ñāṇaṃ atthīti? Āmantā. Sāvako jino satthā sammāsambuddho sabbaññū sabbadassāvī dhammassāmī dhammappaṭisaraṇoti? Na hevaṃ vattabbe…pe….
ಸಾವಕಸ್ಸ ಫಲೇ ಞಾಣಂ ಅತ್ಥೀತಿ? ಆಮನ್ತಾ। ಸಾವಕೋ ಅನುಪ್ಪನ್ನಸ್ಸ ಮಗ್ಗಸ್ಸ ಉಪ್ಪಾದೇತಾ ಅಸಞ್ಜಾತಸ್ಸ ಮಗ್ಗಸ್ಸ ಸಞ್ಜನೇತಾ ಅನಕ್ಖಾತಸ್ಸ ಮಗ್ಗಸ್ಸ ಅಕ್ಖಾತಾ ಮಗ್ಗಞ್ಞೂ ಮಗ್ಗವಿದೂ ಮಗ್ಗಕೋವಿದೋತಿ? ನ ಹೇವಂ ವತ್ತಬ್ಬೇ…ಪೇ॰…।
Sāvakassa phale ñāṇaṃ atthīti? Āmantā. Sāvako anuppannassa maggassa uppādetā asañjātassa maggassa sañjanetā anakkhātassa maggassa akkhātā maggaññū maggavidū maggakovidoti? Na hevaṃ vattabbe…pe….
೪೪೪. ನ ವತ್ತಬ್ಬಂ – ‘‘ಸಾವಕಸ್ಸ ಫಲೇ ಞಾಣಂ ಅತ್ಥೀ’’ತಿ? ಆಮನ್ತಾ। ಸಾವಕೋ ಅಞ್ಞಾಣೀತಿ? ನ ಹೇವಂ ವತ್ತಬ್ಬೇ…ಪೇ॰… ತೇನ ಹಿ ಸಾವಕಸ್ಸ ಫಲೇ ಞಾಣಂ ಅತ್ಥೀತಿ…ಪೇ॰…।
444. Na vattabbaṃ – ‘‘sāvakassa phale ñāṇaṃ atthī’’ti? Āmantā. Sāvako aññāṇīti? Na hevaṃ vattabbe…pe… tena hi sāvakassa phale ñāṇaṃ atthīti…pe….
ಫಲಞಾಣಕಥಾ ನಿಟ್ಠಿತಾ।
Phalañāṇakathā niṭṭhitā.
ಪಞ್ಚಮವಗ್ಗೋ।
Pañcamavaggo.
ತಸ್ಸುದ್ದಾನಂ –
Tassuddānaṃ –
ವಿಮುತ್ತಿಞಾಣಂ ವಿಮುತ್ತಂ, ಸೇಖಸ್ಸ ಅಸೇಖಂ ಞಾಣಂ, ವಿಪರೀತೇ ಞಾಣಂ, ಅನಿಯತಸ್ಸ ನಿಯಾಮಗಮನಾಯ ಅತ್ಥಿ ಞಾಣಂ, ಸಬ್ಬಂ ಞಾಣಂ ಪಟಿಸಮ್ಭಿದಾತಿ, ಸಮ್ಮುತಿಞಾಣಂ, ಚೇತೋಪರಿಯಾಯೇ ಞಾಣಂ, ಅನಾಗತೇ ಞಾಣಂ, ಪಟುಪ್ಪನ್ನೇ ಞಾಣಂ, ಸಾವಕಸ್ಸ ಫಲೇ ಞಾಣನ್ತಿ।
Vimuttiñāṇaṃ vimuttaṃ, sekhassa asekhaṃ ñāṇaṃ, viparīte ñāṇaṃ, aniyatassa niyāmagamanāya atthi ñāṇaṃ, sabbaṃ ñāṇaṃ paṭisambhidāti, sammutiñāṇaṃ, cetopariyāye ñāṇaṃ, anāgate ñāṇaṃ, paṭuppanne ñāṇaṃ, sāvakassa phale ñāṇanti.
ಮಹಾಪಣ್ಣಾಸಕೋ।
Mahāpaṇṇāsako.
ತಸ್ಸಾಪಿ ಉದ್ದಾನಂ –
Tassāpi uddānaṃ –
ಸತ್ತುಪಲದ್ಧಿಂ, ಉಪಹರತೋ, ಬಲಂ, ಗಿಹಿಸ್ಸ ಅರಹಾ ಚ, ವಿಮುತ್ತಿಪಞ್ಚಮನ್ತಿ।
Sattupaladdhiṃ, upaharato, balaṃ, gihissa arahā ca, vimuttipañcamanti.
Related texts:
ಅಟ್ಠಕಥಾ • Aṭṭhakathā / ಅಭಿಧಮ್ಮಪಿಟಕ (ಅಟ್ಠಕಥಾ) • Abhidhammapiṭaka (aṭṭhakathā) / ಪಞ್ಚಪಕರಣ-ಅಟ್ಠಕಥಾ • Pañcapakaraṇa-aṭṭhakathā / ೧೦. ಫಲಞಾಣಕಥಾವಣ್ಣನಾ • 10. Phalañāṇakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā / ೧೦. ಫಲಞಾಣಕಥಾವಣ್ಣನಾ • 10. Phalañāṇakathāvaṇṇanā
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೧೦. ಫಲಞಾಣಕಥಾವಣ್ಣನಾ • 10. Phalañāṇakathāvaṇṇanā
