| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੫. ਪਞ੍ਚਮવਗ੍ਗੋ
5. Pañcamavaggo
(੫੨) ੧੦. ਫਲਞਾਣਕਥਾ
(52) 10. Phalañāṇakathā
੪੪੩. ਸਾવਕਸ੍ਸ ਫਲੇ ਞਾਣਂ ਅਤ੍ਥੀਤਿ? ਆਮਨ੍ਤਾ। ਸਾવਕੋ ਫਲਸ੍ਸ ਕਤਂ ਪਞ੍ਞਾਪੇਤੀਤਿ? ਨ ਹੇવਂ વਤ੍ਤਬ੍ਬ…ਪੇ॰…।
443. Sāvakassa phale ñāṇaṃ atthīti? Āmantā. Sāvako phalassa kataṃ paññāpetīti? Na hevaṃ vattabba…pe….
ਸਾવਕਸ੍ਸ ਫਲੇ ਞਾਣਂ ਅਤ੍ਥੀਤਿ? ਆਮਨ੍ਤਾ। ਅਤ੍ਥਿ ਸਾવਕਸ੍ਸ ਫਲਪਰੋਪਰਿਯਤ੍ਤਿ ਇਨ੍ਦ੍ਰਿਯਪਰੋਪਰਿਯਤ੍ਤਿ ਪੁਗ੍ਗਲਪਰੋਪਰਿਯਤ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sāvakassa phale ñāṇaṃ atthīti? Āmantā. Atthi sāvakassa phalaparopariyatti indriyaparopariyatti puggalaparopariyattīti? Na hevaṃ vattabbe…pe….
ਸਾવਕਸ੍ਸ ਫਲੇ ਞਾਣਂ ਅਤ੍ਥੀਤਿ? ਆਮਨ੍ਤਾ। ਅਤ੍ਥਿ ਸਾવਕਸ੍ਸ ਖਨ੍ਧਪਞ੍ਞਤ੍ਤਿ ਆਯਤਨਪਞ੍ਞਤ੍ਤਿ ਧਾਤੁਪਞ੍ਞਤ੍ਤਿ ਸਚ੍ਚਪਞ੍ਞਤ੍ਤਿ ਇਨ੍ਦ੍ਰਿਯਪਞ੍ਞਤ੍ਤਿ ਪੁਗ੍ਗਲਪਞ੍ਞਤ੍ਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sāvakassa phale ñāṇaṃ atthīti? Āmantā. Atthi sāvakassa khandhapaññatti āyatanapaññatti dhātupaññatti saccapaññatti indriyapaññatti puggalapaññattīti? Na hevaṃ vattabbe…pe….
ਸਾવਕਸ੍ਸ ਫਲੇ ਞਾਣਂ ਅਤ੍ਥੀਤਿ? ਆਮਨ੍ਤਾ। ਸਾવਕੋ ਜਿਨੋ ਸਤ੍ਥਾ ਸਮ੍ਮਾਸਮ੍ਬੁਦ੍ਧੋ ਸਬ੍ਬਞ੍ਞੂ ਸਬ੍ਬਦਸ੍ਸਾવੀ ਧਮ੍ਮਸ੍ਸਾਮੀ ਧਮ੍ਮਪ੍ਪਟਿਸਰਣੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sāvakassa phale ñāṇaṃ atthīti? Āmantā. Sāvako jino satthā sammāsambuddho sabbaññū sabbadassāvī dhammassāmī dhammappaṭisaraṇoti? Na hevaṃ vattabbe…pe….
ਸਾવਕਸ੍ਸ ਫਲੇ ਞਾਣਂ ਅਤ੍ਥੀਤਿ? ਆਮਨ੍ਤਾ। ਸਾવਕੋ ਅਨੁਪ੍ਪਨ੍ਨਸ੍ਸ ਮਗ੍ਗਸ੍ਸ ਉਪ੍ਪਾਦੇਤਾ ਅਸਞ੍ਜਾਤਸ੍ਸ ਮਗ੍ਗਸ੍ਸ ਸਞ੍ਜਨੇਤਾ ਅਨਕ੍ਖਾਤਸ੍ਸ ਮਗ੍ਗਸ੍ਸ ਅਕ੍ਖਾਤਾ ਮਗ੍ਗਞ੍ਞੂ ਮਗ੍ਗવਿਦੂ ਮਗ੍ਗਕੋવਿਦੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Sāvakassa phale ñāṇaṃ atthīti? Āmantā. Sāvako anuppannassa maggassa uppādetā asañjātassa maggassa sañjanetā anakkhātassa maggassa akkhātā maggaññū maggavidū maggakovidoti? Na hevaṃ vattabbe…pe….
੪੪੪. ਨ વਤ੍ਤਬ੍ਬਂ – ‘‘ਸਾવਕਸ੍ਸ ਫਲੇ ਞਾਣਂ ਅਤ੍ਥੀ’’ਤਿ? ਆਮਨ੍ਤਾ। ਸਾવਕੋ ਅਞ੍ਞਾਣੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਤੇਨ ਹਿ ਸਾવਕਸ੍ਸ ਫਲੇ ਞਾਣਂ ਅਤ੍ਥੀਤਿ…ਪੇ॰…।
444. Na vattabbaṃ – ‘‘sāvakassa phale ñāṇaṃ atthī’’ti? Āmantā. Sāvako aññāṇīti? Na hevaṃ vattabbe…pe… tena hi sāvakassa phale ñāṇaṃ atthīti…pe….
ਫਲਞਾਣਕਥਾ ਨਿਟ੍ਠਿਤਾ।
Phalañāṇakathā niṭṭhitā.
ਪਞ੍ਚਮવਗ੍ਗੋ।
Pañcamavaggo.
ਤਸ੍ਸੁਦ੍ਦਾਨਂ –
Tassuddānaṃ –
વਿਮੁਤ੍ਤਿਞਾਣਂ વਿਮੁਤ੍ਤਂ, ਸੇਖਸ੍ਸ ਅਸੇਖਂ ਞਾਣਂ, વਿਪਰੀਤੇ ਞਾਣਂ, ਅਨਿਯਤਸ੍ਸ ਨਿਯਾਮਗਮਨਾਯ ਅਤ੍ਥਿ ਞਾਣਂ, ਸਬ੍ਬਂ ਞਾਣਂ ਪਟਿਸਮ੍ਭਿਦਾਤਿ, ਸਮ੍ਮੁਤਿਞਾਣਂ, ਚੇਤੋਪਰਿਯਾਯੇ ਞਾਣਂ, ਅਨਾਗਤੇ ਞਾਣਂ, ਪਟੁਪ੍ਪਨ੍ਨੇ ਞਾਣਂ, ਸਾવਕਸ੍ਸ ਫਲੇ ਞਾਣਨ੍ਤਿ।
Vimuttiñāṇaṃ vimuttaṃ, sekhassa asekhaṃ ñāṇaṃ, viparīte ñāṇaṃ, aniyatassa niyāmagamanāya atthi ñāṇaṃ, sabbaṃ ñāṇaṃ paṭisambhidāti, sammutiñāṇaṃ, cetopariyāye ñāṇaṃ, anāgate ñāṇaṃ, paṭuppanne ñāṇaṃ, sāvakassa phale ñāṇanti.
ਮਹਾਪਣ੍ਣਾਸਕੋ।
Mahāpaṇṇāsako.
ਤਸ੍ਸਾਪਿ ਉਦ੍ਦਾਨਂ –
Tassāpi uddānaṃ –
ਸਤ੍ਤੁਪਲਦ੍ਧਿਂ, ਉਪਹਰਤੋ, ਬਲਂ, ਗਿਹਿਸ੍ਸ ਅਰਹਾ ਚ, વਿਮੁਤ੍ਤਿਪਞ੍ਚਮਨ੍ਤਿ।
Sattupaladdhiṃ, upaharato, balaṃ, gihissa arahā ca, vimuttipañcamanti.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੧੦. ਫਲਞਾਣਕਥਾવਣ੍ਣਨਾ • 10. Phalañāṇakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੦. ਫਲਞਾਣਕਥਾવਣ੍ਣਨਾ • 10. Phalañāṇakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੦. ਫਲਞਾਣਕਥਾવਣ੍ਣਨਾ • 10. Phalañāṇakathāvaṇṇanā
