| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
10. палан̃аан̣агат̇ааван̣н̣анаа
10. Phalañāṇakathāvaṇṇanā
443-444. ид̣̇аани палз н̃аан̣агат̇аа наама ход̇и. д̇ад̇т̇а ‘‘б̣уд̣̇д̇хааби сад̇д̇аанам̣ арияапалаббад̇д̇ияаа д̇хаммам̣ д̣̇зсзнд̇и саавагааби, ид̇и иминаа сааман̃н̃зна б̣уд̣̇д̇хаанам̣ вияа саавагаанамби д̇зна д̇зна сад̇д̇зна бад̇д̇аб̣б̣з палз н̃аан̣ам̣ ад̇т̇ий’’д̇и язсам̣ лад̣̇д̇хи, сзяяат̇ааби анд̇хагаанам̣; д̇з санд̇хааяа саавагассаад̇и бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и саавагасса палз н̃аан̣ам̣ ад̇т̇и, яат̇аа б̣уд̣̇д̇хаа самаанзби сод̇аабад̇д̇ипалз ад̇д̇ано н̃аан̣аб̣алзна ‘аяам̣ згаб̣ийж̇ий, аяам̣ голам̣голо, аяам̣ сад̇д̇агкад̇д̇убарамо’д̇и палассагад̇ам̣ бан̃н̃абзнд̇и, гим̣ д̇з звам̣ саавагобий’’д̇и жод̣̇зд̇ум̣ сааваго паласса гад̇ам̣ бан̃н̃абзд̇ийд̇и ааха. ид̇аро бадигкибад̇и.
443-444. Idāni phale ñāṇakathā nāma hoti. Tattha ‘‘buddhāpi sattānaṃ ariyaphalappattiyā dhammaṃ desenti sāvakāpi, iti iminā sāmaññena buddhānaṃ viya sāvakānampi tena tena sattena pattabbe phale ñāṇaṃ atthī’’ti yesaṃ laddhi, seyyathāpi andhakānaṃ; te sandhāya sāvakassāti pucchā sakavādissa, paṭiññā itarassa. Atha naṃ ‘‘yadi sāvakassa phale ñāṇaṃ atthi, yathā buddhā samānepi sotāpattiphale attano ñāṇabalena ‘ayaṃ ekabījī, ayaṃ kolaṃkolo, ayaṃ sattakkhattuparamo’ti phalassakataṃ paññapenti, kiṃ te evaṃ sāvakopī’’ti codetuṃ sāvako phalassa kataṃ paññapetīti āha. Itaro paṭikkhipati.
ад̇т̇и саавагасса палабаробарияад̇д̇ийд̇иаад̣̇и палз н̃аан̣асса ад̇т̇ид̇ааяа бажжаяабужчанад̇т̇ам̣ вуд̇д̇ам̣. аяан̃хзд̇т̇а ад̇хиббааяо – б̣уд̣̇д̇хаанам̣ ‘‘ид̣̇ам̣ палам̣ барам̣, ид̣̇ам̣ обара’’нд̇и звам̣ палаанам̣ ужжааважабхааваж̇аананасан̇каад̇аа палз баробарияад̇д̇и наама ад̇т̇и. д̇ат̇аа инд̣̇рияабуг̇г̇алабаробарияад̇д̇ияо, д̇аасам̣ ад̇т̇ид̇ааяа д̇асса д̇асса буг̇г̇аласса д̇зсам̣ д̇зсам̣ инд̣̇рияаанам̣ васзна д̇ам̣ д̇ам̣ палам̣ ж̇аананд̇и, гим̣ д̇з саавагассааби зд̇аа баробарияад̇д̇ияо ад̇т̇ийд̇и.
Atthi sāvakassa phalaparopariyattītiādi phale ñāṇassa atthitāya paccayapucchanatthaṃ vuttaṃ. Ayañhettha adhippāyo – buddhānaṃ ‘‘idaṃ phalaṃ paraṃ, idaṃ opara’’nti evaṃ phalānaṃ uccāvacabhāvajānanasaṅkhātā phale paropariyatti nāma atthi. Tathā indriyapuggalaparopariyattiyo, tāsaṃ atthitāya tassa tassa puggalassa tesaṃ tesaṃ indriyānaṃ vasena taṃ taṃ phalaṃ jānanti, kiṃ te sāvakassāpi etā paropariyattiyo atthīti.
ад̇т̇и саавагасса канд̇хабан̃н̃ад̇д̇ийд̇иаад̣̇ийниби ‘‘яад̣̇и д̇з саавагасса б̣уд̣̇д̇хаанам̣ вияа палз н̃аан̣ам̣ ад̇т̇и, имаа хи бисса бан̃н̃ад̇д̇ийхи бхавид̇аб̣б̣ам̣. гимасса д̇аа ад̇т̇и, саггод̇и со зд̇аа бан̃н̃ад̇д̇ияо ад̇д̇ано б̣алзна ж̇аанид̇ум̣ ваа бан̃н̃абзд̇ум̣ ваа’’д̇и жод̣̇анад̇т̇ам̣ вуд̇д̇аани. сааваго ж̇инод̇иаад̣̇и ‘‘яад̣̇и саавагасса б̣уд̣̇д̇хаанам̣ вияа палз н̃аан̣ам̣ ад̇т̇и, звам̣ санд̇з свзва ж̇ино’’д̇и жод̣̇анад̇т̇ам̣ вуд̇д̇ам̣. сааваго ануббаннассаад̇и бан̃хзби аяамзва наяо. ан̃н̃аан̣ийд̇и бан̃хз авиж̇ж̇аасан̇каад̇асса ан̃н̃аан̣асса вихад̇ад̇д̇аа бадигкид̇д̇о, на банасса б̣уд̣̇д̇хаанам̣ вияа палз н̃аан̣ам̣ ад̇т̇и. д̇асмаа аббад̇идтид̇ова бараваад̣̇ийваад̣̇од̇и.
Atthi sāvakassa khandhapaññattītiādīnipi ‘‘yadi te sāvakassa buddhānaṃ viya phale ñāṇaṃ atthi, imā hi pissa paññattīhi bhavitabbaṃ. Kimassa tā atthi, sakkoti so etā paññattiyo attano balena jānituṃ vā paññapetuṃ vā’’ti codanatthaṃ vuttāni. Sāvako jinotiādi ‘‘yadi sāvakassa buddhānaṃ viya phale ñāṇaṃ atthi, evaṃ sante sveva jino’’ti codanatthaṃ vuttaṃ. Sāvako anuppannassāti pañhepi ayameva nayo. Aññāṇīti pañhe avijjāsaṅkhātassa aññāṇassa vihatattā paṭikkhitto, na panassa buddhānaṃ viya phale ñāṇaṃ atthi. Tasmā appatiṭṭhitova paravādīvādoti.
палан̃аан̣агат̇ааван̣н̣анаа.
Phalañāṇakathāvaṇṇanā.
бан̃жамо ваг̇г̇о.
Pañcamo vaggo.
махаабан̣н̣аасаго самад̇д̇о.
Mahāpaṇṇāsako samatto.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (52) 10. палан̃аан̣агат̇аа • (52) 10. Phalañāṇakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 10. палан̃аан̣агат̇ааван̣н̣анаа • 10. Phalañāṇakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 10. палан̃аан̣агат̇ааван̣н̣анаа • 10. Phalañāṇakathāvaṇṇanā
