| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
12. ப²லஞாணனித்³தே³ஸவண்ணனா
12. Phalañāṇaniddesavaṇṇanā
63. ப²லஞாணனித்³தே³ஸே தங்பயோக³ப்படிப்பஸ்ஸத்³த⁴த்தாதி தஸ்ஸ அஜ்ஜ²த்தப³ஹித்³தா⁴ வுட்டா²னபயோக³ஸ்ஸ படிப்பஸ்ஸத்³த⁴த்தா. மக்³கோ³ ஹி ஸகக்க²ணே கிலேஸப்பஹானேன உப⁴தோ வுட்டா²னபயோக³ங் கரோதி நாம, ப²லக்க²ணே கிலேஸானங் பஹீனத்தா மக்³க³ஸ்ஸ உப⁴தோ வுட்டா²னபயோகோ³ படிப்பஸ்ஸத்³தோ⁴ வூபஸந்தோ நாம ஹோதி. உப்பஜ்ஜதீதி மக்³கா³னந்தரங் ஸகிங் வா த்³விக்க²த்துங் வா உப்பஜ்ஜதி, ப²லஸமாபத்திகாலே பன ப³ஹுக்க²த்துங், நிரோதா⁴ வுட்ட²ஹந்தஸ்ஸ த்³விக்க²த்துங் உப்பஜ்ஜதி, ஸப்³ப³ம்பி ஹி தங் பயோக³ப்படிப்பஸ்ஸத்³த⁴த்தா உப்பஜ்ஜதி. மக்³க³ஸ்ஸேதங் ப²லந்தி ப²லங் அபெக்கி²த்வா நபுங்ஸகவசனங் கதங். ஸகதா³கா³மிமக்³க³க்க²ணாதீ³ஸுபி ஏகேகமக்³க³ங்க³வஸேனேவ வுட்டா²னயோஜனா வேதி³தப்³பா³.
63. Phalañāṇaniddese taṃpayogappaṭippassaddhattāti tassa ajjhattabahiddhā vuṭṭhānapayogassa paṭippassaddhattā. Maggo hi sakakkhaṇe kilesappahānena ubhato vuṭṭhānapayogaṃ karoti nāma, phalakkhaṇe kilesānaṃ pahīnattā maggassa ubhato vuṭṭhānapayogo paṭippassaddho vūpasanto nāma hoti. Uppajjatīti maggānantaraṃ sakiṃ vā dvikkhattuṃ vā uppajjati, phalasamāpattikāle pana bahukkhattuṃ, nirodhā vuṭṭhahantassa dvikkhattuṃ uppajjati, sabbampi hi taṃ payogappaṭippassaddhattā uppajjati. Maggassetaṃ phalanti phalaṃ apekkhitvā napuṃsakavacanaṃ kataṃ. Sakadāgāmimaggakkhaṇādīsupi ekekamaggaṅgavaseneva vuṭṭhānayojanā veditabbā.
ப²லஞாணனித்³தே³ஸவண்ணனா நிட்டி²தா.
Phalañāṇaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 12. ப²லஞாணனித்³தே³ஸோ • 12. Phalañāṇaniddeso
