| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
12. палан̃аан̣анид̣̇д̣̇зсо
12. Phalañāṇaniddeso
63. гат̇ам̣ баяог̇аббадиббассад̣̇д̇хибан̃н̃аа палз н̃аан̣ам̣? сод̇аабад̇д̇имаг̇г̇агкан̣з д̣̇ассанадтзна саммаад̣̇идти мижчаад̣̇идтияаа вудтаад̇и, д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммаад̣̇идти. маг̇г̇ассзд̇ам̣ палам̣.
63. Kathaṃ payogappaṭippassaddhipaññā phale ñāṇaṃ? Sotāpattimaggakkhaṇe dassanaṭṭhena sammādiṭṭhi micchādiṭṭhiyā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammādiṭṭhi. Maggassetaṃ phalaṃ.
абхиниробанадтзна саммаасан̇габбо мижчаасан̇габбаа вудтаад̇и д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммаасан̇габбо. маг̇г̇ассзд̇ам̣ палам̣.
Abhiniropanaṭṭhena sammāsaṅkappo micchāsaṅkappā vuṭṭhāti tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammāsaṅkappo. Maggassetaṃ phalaṃ.
бариг̇г̇ахадтзна саммааваажаа мижчааваажааяа вудтаад̇и, д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммааваажаа. маг̇г̇ассзд̇ам̣ палам̣.
Pariggahaṭṭhena sammāvācā micchāvācāya vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammāvācā. Maggassetaṃ phalaṃ.
самудтаанадтзна саммаагамманд̇о мижчаагамманд̇аа вудтаад̇и, д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммаагамманд̇о. маг̇г̇ассзд̇ам̣ палам̣.
Samuṭṭhānaṭṭhena sammākammanto micchākammantā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammākammanto. Maggassetaṃ phalaṃ.
вод̣̇аанадтзна саммааааж̇ийво мижчааааж̇ийваа вудтаад̇и, д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммааааж̇ийво. маг̇г̇ассзд̇ам̣ палам̣.
Vodānaṭṭhena sammāājīvo micchāājīvā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammāājīvo. Maggassetaṃ phalaṃ.
баг̇г̇ахадтзна саммаавааяаамо мижчаавааяаамаа вудтаад̇и, д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммаавааяаамо. маг̇г̇ассзд̇ам̣ палам̣.
Paggahaṭṭhena sammāvāyāmo micchāvāyāmā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammāvāyāmo. Maggassetaṃ phalaṃ.
убадтаанадтзна саммаасад̇и мижчаасад̇ияаа вудтаад̇и, д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммаасад̇и. маг̇г̇ассзд̇ам̣ палам̣.
Upaṭṭhānaṭṭhena sammāsati micchāsatiyā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammāsati. Maggassetaṃ phalaṃ.
авигкзбадтзна саммаасамаад̇хи мижчаасамаад̇хид̇о вудтаад̇и, д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммаасамаад̇хи. маг̇г̇ассзд̇ам̣ палам̣.
Avikkhepaṭṭhena sammāsamādhi micchāsamādhito vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammāsamādhi. Maggassetaṃ phalaṃ.
сагад̣̇ааг̇аамимаг̇г̇агкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи ол̣ааригаа гаамарааг̇асан̃н̃ож̇анаа бадигхасан̃н̃ож̇анаа ол̣ааригаа гаамарааг̇аанусаяаа бадигхаанусаяаа вудтаад̇и , д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммаасамаад̇хи. маг̇г̇ассзд̇ам̣ палам̣.
Sakadāgāmimaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi oḷārikā kāmarāgasaññojanā paṭighasaññojanā oḷārikā kāmarāgānusayā paṭighānusayā vuṭṭhāti , tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammāsamādhi. Maggassetaṃ phalaṃ.
анааг̇аамимаг̇г̇агкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи анусахаг̇ад̇аа гаамарааг̇асан̃н̃ож̇анаа бадигхасан̃н̃ож̇анаа анусахаг̇ад̇аа гаамарааг̇аанусаяаа бадигхаанусаяаа вудтаад̇и, д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммаасамаад̇хи. маг̇г̇ассзд̇ам̣ палам̣.
Anāgāmimaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi anusahagatā kāmarāgasaññojanā paṭighasaññojanā anusahagatā kāmarāgānusayā paṭighānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammāsamādhi. Maggassetaṃ phalaṃ.
арахад̇д̇амаг̇г̇агкан̣з д̣̇ассанадтзна саммаад̣̇идти…бз… авигкзбадтзна саммаасамаад̇хи руубарааг̇аа аруубарааг̇аа маанаа уд̣̇д̇хажжаа авиж̇ж̇ааяа маанаанусаяаа бхаварааг̇аанусаяаа авиж̇ж̇аанусаяаа вудтаад̇и, д̇ад̣̇анувад̇д̇агагилзсзхи жа канд̇хзхи жа вудтаад̇и, б̣ахид̣̇д̇хаа жа саб̣б̣анимид̇д̇зхи вудтаад̇и. д̇ам̣баяог̇аббадиббассад̣̇д̇хад̇д̇аа уббаж̇ж̇ад̇и саммаасамаад̇хи. маг̇г̇ассзд̇ам̣ палам̣. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘баяог̇аббадиббассад̣̇д̇хибан̃н̃аа палз н̃аан̣ам̣’’.
Arahattamaggakkhaṇe dassanaṭṭhena sammādiṭṭhi…pe… avikkhepaṭṭhena sammāsamādhi rūparāgā arūparāgā mānā uddhaccā avijjāya mānānusayā bhavarāgānusayā avijjānusayā vuṭṭhāti, tadanuvattakakilesehi ca khandhehi ca vuṭṭhāti, bahiddhā ca sabbanimittehi vuṭṭhāti. Taṃpayogappaṭippassaddhattā uppajjati sammāsamādhi. Maggassetaṃ phalaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘payogappaṭippassaddhipaññā phale ñāṇaṃ’’.
палан̃аан̣анид̣̇д̣̇зсо д̣̇ваад̣̇асамо.
Phalañāṇaniddeso dvādasamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 12. палан̃аан̣анид̣̇д̣̇зсаван̣н̣анаа • 12. Phalañāṇaniddesavaṇṇanā
