| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. ඵාරුසඵලදායකත්‌ථෙරඅපදානං
5. Phārusaphaladāyakattheraapadānaṃ
26.
26.
‘‘සුවණ්‌ණවණ්‌ණං සම්‌බුද්‌ධං, ආහුතීනං පටිග්‌ගහං;
‘‘Suvaṇṇavaṇṇaṃ sambuddhaṃ, āhutīnaṃ paṭiggahaṃ;
රථියං පටිපජ්‌ජන්‌තං, ඵාරුසඵලමදාසහං.
Rathiyaṃ paṭipajjantaṃ, phārusaphalamadāsahaṃ.
27.
27.
‘‘එකනවුතිතො කප්‌පෙ, යං ඵලමදදිං අහං;
‘‘Ekanavutito kappe, yaṃ phalamadadiṃ ahaṃ;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
28.
28.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
29.
29.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
30.
30.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා ඵාරුසඵලදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā phārusaphaladāyako thero imā gāthāyo abhāsitthāti.
ඵාරුසඵලදායකත්‌ථෙරස්‌සාපදානං පඤ්‌චමං.
Phārusaphaladāyakattherassāpadānaṃ pañcamaṃ.
