| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. ниб̣б̣аанаваг̇г̇о
4. Nibbānavaggo
1. пассаад̣̇ивиниб̣бхуж̇анабан̃хо
1. Phassādivinibbhujanapañho
1. рааж̇аа ааха ‘‘бханд̇з нааг̇асзна, саггаа имзсам̣ д̇хаммаанам̣ згад̇обхааваг̇ад̇аанам̣ виниб̣бхуж̇ид̇ваа виниб̣бхуж̇ид̇ваа наанаагаран̣ам̣ бан̃н̃аабзд̇ум̣ ‘аяам̣ пассо, аяам̣ взд̣̇анаа, аяам̣ сан̃н̃аа, аяам̣ жзд̇анаа, ид̣̇ам̣ вин̃н̃аан̣ам̣, аяам̣ вид̇агго, аяам̣ вижааро’д̇и’’? ‘‘на саггаа, махаарааж̇а, имзсам̣ д̇хаммаанам̣ згад̇обхааваг̇ад̇аанам̣ виниб̣бхуж̇ид̇ваа виниб̣бхуж̇ид̇ваа наанаагаран̣ам̣ бан̃н̃аабзд̇ум̣ ‘аяам̣ пассо, аяам̣ взд̣̇анаа, аяам̣ сан̃н̃аа, аяам̣ жзд̇анаа, ид̣̇ам̣ вин̃н̃аан̣ам̣, аяам̣ вид̇агго, аяам̣ вижааро’’’д̇и.
1. Rājā āha ‘‘bhante nāgasena, sakkā imesaṃ dhammānaṃ ekatobhāvagatānaṃ vinibbhujitvā vinibbhujitvā nānākaraṇaṃ paññāpetuṃ ‘ayaṃ phasso, ayaṃ vedanā, ayaṃ saññā, ayaṃ cetanā, idaṃ viññāṇaṃ, ayaṃ vitakko, ayaṃ vicāro’ti’’? ‘‘Na sakkā, mahārāja, imesaṃ dhammānaṃ ekatobhāvagatānaṃ vinibbhujitvā vinibbhujitvā nānākaraṇaṃ paññāpetuṃ ‘ayaṃ phasso, ayaṃ vedanā, ayaṃ saññā, ayaṃ cetanā, idaṃ viññāṇaṃ, ayaṃ vitakko, ayaṃ vicāro’’’ti.
‘‘обаммам̣ гарохий’’д̇и. ‘‘яат̇аа, махаарааж̇а, ран̃н̃о сууд̣̇о арасам̣ ваа расам̣ ваа 1 гарзяяа, со д̇ад̇т̇а д̣̇ад̇химби багкибзяяа, лон̣амби багкибзяяа, син̇г̇ивзрамби багкибзяяа, ж̇ийрагамби багкибзяяа, марижамби багкибзяяа, ан̃н̃ааниби багаараани багкибзяяа, д̇амзнам̣ рааж̇аа звам̣ вад̣̇зяяа, ‘д̣̇ад̇хисса мз расам̣ аахара, лон̣асса мз расам̣ аахара, син̇г̇ивзрасса мз расам̣ аахара, ж̇ийрагасса мз расам̣ аахара, марижасса мз расам̣ аахара, саб̣б̣зсам̣ мз багкид̇д̇аанам̣ расам̣ аахараа’д̇и. саггаа ну ко, махаарааж̇а, д̇зсам̣ расаанам̣ згад̇обхааваг̇ад̇аанам̣ виниб̣бхуж̇ид̇ваа виниб̣бхуж̇ид̇ваа расам̣ аахарид̇ум̣ амб̣илад̇д̇ам̣ ваа лаван̣ад̇д̇ам̣ ваа д̇ид̇д̇агад̇д̇ам̣ ваа гадугад̇д̇ам̣ ваа гасааяад̇д̇ам̣ ваа мад̇хурад̇д̇ам̣ ваа’’д̇и? ‘‘на хи, бханд̇з, саггаа д̇зсам̣ расаанам̣ згад̇обхааваг̇ад̇аанам̣ виниб̣бхуж̇ид̇ваа виниб̣бхуж̇ид̇ваа расам̣ аахарид̇ум̣ амб̣илад̇д̇ам̣ ваа лаван̣ад̇д̇ам̣ ваа д̇ид̇д̇агад̇д̇ам̣ ваа гадугад̇д̇ам̣ ваа гасааяад̇д̇ам̣ ваа мад̇хурад̇д̇ам̣ ваа, аби жа ко бана сагзна сагзна лагкан̣зна убадтаханд̇ий’’д̇и. ‘‘звамзва ко, махаарааж̇а, на саггаа имзсам̣ д̇хаммаанам̣ згад̇обхааваг̇ад̇аанам̣ виниб̣бхуж̇ид̇ваа виниб̣бхуж̇ид̇ваа наанаагаран̣ам̣ бан̃н̃аабзд̇ум̣ ‘аяам̣ пассо, аяам̣ взд̣̇анаа, аяам̣ сан̃н̃аа, аяам̣ жзд̇анаа, ид̣̇ам̣ вин̃н̃аан̣ам̣, аяам̣ вид̇агго, аяам̣ вижааро’д̇и, аби жа ко бана сагзна сагзна лагкан̣зна убадтаханд̇ий’’д̇и.
‘‘Opammaṃ karohī’’ti. ‘‘Yathā, mahārāja, rañño sūdo arasaṃ vā rasaṃ vā 2 kareyya, so tattha dadhimpi pakkhipeyya, loṇampi pakkhipeyya, siṅgiverampi pakkhipeyya, jīrakampi pakkhipeyya, maricampi pakkhipeyya, aññānipi pakārāni pakkhipeyya, tamenaṃ rājā evaṃ vadeyya, ‘dadhissa me rasaṃ āhara, loṇassa me rasaṃ āhara, siṅgiverassa me rasaṃ āhara, jīrakassa me rasaṃ āhara, maricassa me rasaṃ āhara, sabbesaṃ me pakkhittānaṃ rasaṃ āharā’ti. Sakkā nu kho, mahārāja, tesaṃ rasānaṃ ekatobhāvagatānaṃ vinibbhujitvā vinibbhujitvā rasaṃ āharituṃ ambilattaṃ vā lavaṇattaṃ vā tittakattaṃ vā kaṭukattaṃ vā kasāyattaṃ vā madhurattaṃ vā’’ti? ‘‘Na hi, bhante, sakkā tesaṃ rasānaṃ ekatobhāvagatānaṃ vinibbhujitvā vinibbhujitvā rasaṃ āharituṃ ambilattaṃ vā lavaṇattaṃ vā tittakattaṃ vā kaṭukattaṃ vā kasāyattaṃ vā madhurattaṃ vā, api ca kho pana sakena sakena lakkhaṇena upaṭṭhahantī’’ti. ‘‘Evameva kho, mahārāja, na sakkā imesaṃ dhammānaṃ ekatobhāvagatānaṃ vinibbhujitvā vinibbhujitvā nānākaraṇaṃ paññāpetuṃ ‘ayaṃ phasso, ayaṃ vedanā, ayaṃ saññā, ayaṃ cetanā, idaṃ viññāṇaṃ, ayaṃ vitakko, ayaṃ vicāro’ti, api ca kho pana sakena sakena lakkhaṇena upaṭṭhahantī’’ti.
‘‘галлоси , бханд̇з нааг̇асзнаа’’д̇и.
‘‘Kallosi , bhante nāgasenā’’ti.
пассаад̣̇ивиниб̣бхуж̇анабан̃хо батамо.
Phassādivinibbhujanapañho paṭhamo.
Footnotes:
