| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. пассамуулагасуд̇д̇ам̣
10. Phassamūlakasuttaṃ
258. ‘‘д̇иссо имаа, бхигкавз, взд̣̇анаа пассаж̇аа пассамуулагаа пассанид̣̇аанаа пассабажжаяаа. гад̇амаа д̇иссо? сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа. сукавзд̣̇анияам̣, бхигкавз, пассам̣ бадижжа уббаж̇ж̇ад̇и сукаа взд̣̇анаа. д̇ассзва сукавзд̣̇анияасса пассасса нирод̇хаа, яам̣ д̇аж̇ж̇ам̣ взд̣̇аяид̇ам̣ сукавзд̣̇анияам̣ пассам̣ бадижжа уббаннаа сукаа взд̣̇анаа, саа нируж̇жхад̇и, саа вуубасаммад̇и. д̣̇угкавзд̣̇анияам̣, бхигкавз, пассам̣ бадижжа уббаж̇ж̇ад̇и д̣̇угкаа взд̣̇анаа. д̇ассзва д̣̇угкавзд̣̇анияасса пассасса нирод̇хаа, яам̣ д̇аж̇ж̇ам̣ взд̣̇аяид̇ам̣ д̣̇угкавзд̣̇анияам̣ пассам̣ бадижжа уббаннаа д̣̇угкаа взд̣̇анаа, саа нируж̇жхад̇и, саа вуубасаммад̇и. ад̣̇угкамасукавзд̣̇анияам̣, бхигкавз, пассам̣ бадижжа уббаж̇ж̇ад̇и ад̣̇угкамасукаа взд̣̇анаа. д̇ассзва ад̣̇угкамасукавзд̣̇анияасса пассасса нирод̇хаа, яам̣ д̇аж̇ж̇ам̣ взд̣̇аяид̇ам̣ ад̣̇угкамасукавзд̣̇анияам̣ пассам̣ бадижжа уббаннаа ад̣̇угкамасукаа взд̣̇анаа, саа нируж̇жхад̇и, саа вуубасаммад̇и. сзяяат̇ааби , бхигкавз, д̣̇виннам̣ гадтаанам̣ сан̇гхадданасамод̇хаанаа 1 усмаа ж̇ааяад̇и, д̇зж̇о абхиниб̣б̣ад̇д̇ад̇и. д̇зсам̣язва гадтаанам̣ наанаабхааваа винигкзбаа, яаа д̇аж̇ж̇аа усмаа, саа нируж̇жхад̇и, саа вуубасаммад̇и. звамзва ко, бхигкавз, имаа д̇иссо взд̣̇анаа пассаж̇аа пассамуулагаа пассанид̣̇аанаа пассабажжаяаа. д̇аж̇ж̇ам̣ пассам̣ бадижжа д̇аж̇ж̇аа взд̣̇анаа уббаж̇ж̇анд̇и. д̇аж̇ж̇асса пассасса нирод̇хаа д̇аж̇ж̇аа взд̣̇анаа нируж̇жханд̇ий’’д̇и. д̣̇асамам̣.
258. ‘‘Tisso imā, bhikkhave, vedanā phassajā phassamūlakā phassanidānā phassapaccayā. Katamā tisso? Sukhā vedanā, dukkhā vedanā, adukkhamasukhā vedanā. Sukhavedaniyaṃ, bhikkhave, phassaṃ paṭicca uppajjati sukhā vedanā. Tasseva sukhavedaniyassa phassassa nirodhā, yaṃ tajjaṃ vedayitaṃ sukhavedaniyaṃ phassaṃ paṭicca uppannā sukhā vedanā, sā nirujjhati, sā vūpasammati. Dukkhavedaniyaṃ, bhikkhave, phassaṃ paṭicca uppajjati dukkhā vedanā. Tasseva dukkhavedaniyassa phassassa nirodhā, yaṃ tajjaṃ vedayitaṃ dukkhavedaniyaṃ phassaṃ paṭicca uppannā dukkhā vedanā, sā nirujjhati, sā vūpasammati. Adukkhamasukhavedaniyaṃ, bhikkhave, phassaṃ paṭicca uppajjati adukkhamasukhā vedanā. Tasseva adukkhamasukhavedaniyassa phassassa nirodhā, yaṃ tajjaṃ vedayitaṃ adukkhamasukhavedaniyaṃ phassaṃ paṭicca uppannā adukkhamasukhā vedanā, sā nirujjhati, sā vūpasammati. Seyyathāpi , bhikkhave, dvinnaṃ kaṭṭhānaṃ saṅghaṭṭanasamodhānā 2 usmā jāyati, tejo abhinibbattati. Tesaṃyeva kaṭṭhānaṃ nānābhāvā vinikkhepā, yā tajjā usmā, sā nirujjhati, sā vūpasammati. Evameva kho, bhikkhave, imā tisso vedanā phassajā phassamūlakā phassanidānā phassapaccayā. Tajjaṃ phassaṃ paṭicca tajjā vedanā uppajjanti. Tajjassa phassassa nirodhā tajjā vedanā nirujjhantī’’ti. Dasamaṃ.
саг̇аат̇ааваг̇г̇о батамо .
Sagāthāvaggo paṭhamo .
д̇ассуд̣̇д̣̇аанам̣ –
Tassuddānaṃ –
самаад̇хи сукам̣ бахаанзна, баад̇аалам̣ д̣̇адтаб̣б̣зна жа;
Samādhi sukhaṃ pahānena, pātālaṃ daṭṭhabbena ca;
саллзна жзва г̇злан̃н̃аа, анижжа пассамуулагаад̇и.
Sallena ceva gelaññā, anicca phassamūlakāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. пассамуулагасуд̇д̇аван̣н̣анаа • 10. Phassamūlakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. пассамуулагасуд̇д̇аван̣н̣анаа • 10. Phassamūlakasuttavaṇṇanā
