| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. ඵස්‌සනානත්‌තසුත්‌තං
2. Phassanānattasuttaṃ
86. සාවත්‌ථියං විහරති…පෙ.… ‘‘ධාතුනානත්‌තං, භික්‌ඛවෙ, පටිච්‌ච උප්‌පජ්‌ජති ඵස්‌සනානත්‌තං. කතමඤ්‌ච, භික්‌ඛවෙ, ධාතුනානත්‌තං? චක්‌ඛුධාතු සොතධාතු ඝානධාතු ජිව්‌හාධාතු කායධාතු මනොධාතු – ඉදං වුච්‌චති, භික්‌ඛවෙ, ධාතුනානත්‌තං’’.
86. Sāvatthiyaṃ viharati…pe… ‘‘dhātunānattaṃ, bhikkhave, paṭicca uppajjati phassanānattaṃ. Katamañca, bhikkhave, dhātunānattaṃ? Cakkhudhātu sotadhātu ghānadhātu jivhādhātu kāyadhātu manodhātu – idaṃ vuccati, bhikkhave, dhātunānattaṃ’’.
‘‘කථඤ්‌ච, භික්‌ඛවෙ, ධාතුනානත්‌තං පටිච්‌ච උප්‌පජ්‌ජති ඵස්‌සනානත්‌තං? චක්‌ඛුධාතුං, භික්‌ඛවෙ, පටිච්‌ච උප්‌පජ්‌ජති චක්‌ඛුසම්‌ඵස්‌සො. සොතධාතුං පටිච්‌ච… ඝානධාතුං පටිච්‌ච … ජිව්‌හාධාතුං පටිච්‌ච… කායධාතුං පටිච්‌ච… මනොධාතුං පටිච්‌ච උප්‌පජ්‌ජති මනොසම්‌ඵස්‌සො. එවං ඛො , භික්‌ඛවෙ, ධාතුනානත්‌තං පටිච්‌ච උප්‌පජ්‌ජති ඵස්‌සනානත්‌ත’’න්‌ති. දුතියං.
‘‘Kathañca, bhikkhave, dhātunānattaṃ paṭicca uppajjati phassanānattaṃ? Cakkhudhātuṃ, bhikkhave, paṭicca uppajjati cakkhusamphasso. Sotadhātuṃ paṭicca… ghānadhātuṃ paṭicca … jivhādhātuṃ paṭicca… kāyadhātuṃ paṭicca… manodhātuṃ paṭicca uppajjati manosamphasso. Evaṃ kho , bhikkhave, dhātunānattaṃ paṭicca uppajjati phassanānatta’’nti. Dutiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. ඵස්‌සනානත්‌තසුත්‌තවණ්‌ණනා • 2. Phassanānattasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2. ඵස්‌සනානත්‌තසුත්‌තවණ්‌ණනා • 2. Phassanānattasuttavaṇṇanā
