| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༢. ཕསྶནཱནཏྟསུཏྟཝཎྞནཱ
2. Phassanānattasuttavaṇṇanā
༨༦. ཛཱཏིཔསུཏིཨཱརམྨཎཱདིབྷེདེན ནཱནཱབྷཱཝོ ཕསྶོ། ཛཱཏིཔཙྩཡབྷེདེན ཧི པཙྩཡུཔྤནྣསྶ བྷེདོ ཧོཏིཡེཝ། དྷམྨཔརིཙྪེདཝསེན དྷཱཏུདེསནཱཡཾ ཏིསྶོ མནནམཏྟཱ དྷཱཏུཡོཝ མནོདྷཱཏུཡོ། ཀིརིཡཱམཡསྶ ཙིཏྟུཔྤཏྟིཝིབྷཱགེན པཙྩཡུཔྤནྣསྶ ཝསེན དྷཱཏུདེསནཱཡཾ མནནཊྛེན དྷཱཏུཏཱཡ སཱམཉྙཏོ མནོདྭཱརཱཝཛྫནཾ ‘‘མནོདྷཱཏཱུ’’ཏི ཨདྷིཔྤེཏནྟི ཝུཏྟཾ ‘‘མནོསམྥསྶོ མནོདྭཱརེ པཋམཛཝནསམྤཡུཏྟོ’’ཏིཨཱདི། ཏསྨཱཏི ཡསྨཱ ཀཱམཾ སམྤཊིཙྪནམནོདྷཱཏུཨནནྟརཾ ཨུཔྤཛྫམཱནོ སནྟཱིརཎཝིཉྙཱཎདྷཱཏུཡཱ སམྤཡུཏྟོ ཕསྶོཔི མནོསམྥསྶོ ཨེཝ ནཱམ, དུབྦལཏྟཱ པན སོ སབྦབྷཝེསུ ཨསམྦྷཝཏོ ཙ གཧིཏོ ཨནཝསེསཏོ གཧཎཾ ན ཧོཏཱིཏི མནོདྭཱརེ ཛཝནསམྥསྶོ ཧོཏི, ཏསྨཱ། ཨཡམེཏྠ ཨཏྠོཏི ཨཡཾ ཨིདྷ ཨདྷིཔྤཱཡཱནུགཏོ ཨཏྠོ།
86. Jātipasutiārammaṇādibhedena nānābhāvo phasso. Jātipaccayabhedena hi paccayuppannassa bhedo hotiyeva. Dhammaparicchedavasena dhātudesanāyaṃ tisso mananamattā dhātuyova manodhātuyo. Kiriyāmayassa cittuppattivibhāgena paccayuppannassa vasena dhātudesanāyaṃ mananaṭṭhena dhātutāya sāmaññato manodvārāvajjanaṃ ‘‘manodhātū’’ti adhippetanti vuttaṃ ‘‘manosamphasso manodvāre paṭhamajavanasampayutto’’tiādi. Tasmāti yasmā kāmaṃ sampaṭicchanamanodhātuanantaraṃ uppajjamāno santīraṇaviññāṇadhātuyā sampayutto phassopi manosamphasso eva nāma, dubbalattā pana so sabbabhavesu asambhavato ca gahito anavasesato gahaṇaṃ na hotīti manodvāre javanasamphasso hoti, tasmā. Ayamettha atthoti ayaṃ idha adhippāyānugato attho.
ཕསྶནཱནཏྟསུཏྟཝཎྞནཱ ནིཊྛིཏཱ།
Phassanānattasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. ཕསྶནཱནཏྟསུཏྟཾ • 2. Phassanānattasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. ཕསྶནཱནཏྟསུཏྟཝཎྞནཱ • 2. Phassanānattasuttavaṇṇanā
