| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
д̇хаммуд̣̇д̣̇зсавааро
Dhammuddesavāro
пассабан̃жамагараасиван̣н̣анаа
Phassapañcamakarāsivaṇṇanā
д̇асмим̣ самаязд̇и ид̣̇ам̣ анияаманид̣̇д̣̇идтасса самаяасса нияамад̇о бадинид̣̇д̣̇зсаважанам̣. д̇асмаа ‘яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇и, д̇асмим̣язва самаяз пассо ход̇и…бз… авигкзбо ход̇ий’д̇и аяамад̇т̇о взд̣̇ид̇аб̣б̣о. д̇ад̇т̇а яат̇зва жид̇д̇ам̣ звам̣ пассаад̣̇ийсуби пассо ход̇и. гим̣ ход̇и? ‘гаамааважаро ход̇и, гусало ход̇и, уббанно ход̇и, соманассасахаг̇ад̇о ход̇ий’д̇иаад̣̇инаа наязна лаб̣бхамаанабад̣̇авасзна яож̇анаа гаад̇аб̣б̣аа. взд̣̇анааяан̃хи ‘соманассасахаг̇ад̇аа’д̇и бан̃н̃инд̣̇рияз жа ‘н̃аан̣асамбаяуд̇д̇а’нд̇и на лаб̣бхад̇и, д̇асмаа ‘лаб̣бхамаанабад̣̇авасзнаа’д̇и вуд̇д̇ам̣. ид̣̇ам̣ адтагат̇аамуд̇д̇агам̣ аажарияаанам̣ мад̇ам̣; на банзд̇ам̣ саарад̇о д̣̇адтаб̣б̣ам̣.
Tasmiṃ samayeti idaṃ aniyamaniddiṭṭhassa samayassa niyamato paṭiniddesavacanaṃ. Tasmā ‘yasmiṃ samaye kāmāvacaraṃ kusalaṃ cittaṃ uppannaṃ hoti, tasmiṃyeva samaye phasso hoti…pe… avikkhepo hotī’ti ayamattho veditabbo. Tattha yatheva cittaṃ evaṃ phassādīsupi phasso hoti. Kiṃ hoti? ‘Kāmāvacaro hoti, kusalo hoti, uppanno hoti, somanassasahagato hotī’tiādinā nayena labbhamānapadavasena yojanā kātabbā. Vedanāyañhi ‘somanassasahagatā’ti paññindriye ca ‘ñāṇasampayutta’nti na labbhati, tasmā ‘labbhamānapadavasenā’ti vuttaṃ. Idaṃ aṭṭhakathāmuttakaṃ ācariyānaṃ mataṃ; na panetaṃ sārato daṭṭhabbaṃ.
гасмаа банзд̇т̇а пассова батамам̣ вуд̇д̇од̇и? жид̇д̇асса батамаабхинибаад̇ад̇д̇аа. аарамман̣асмин̃хи жид̇д̇асса батамаабхинибаад̇о худ̇ваа пассо аарамман̣ам̣ пусамаано уббаж̇ж̇ад̇и, д̇асмаа батамам̣ вуд̇д̇о. пассзна бана пусид̇ваа взд̣̇анааяа взд̣̇аяад̇и, сан̃н̃ааяа сан̃ж̇аанаад̇и, жзд̇анааяа жзд̇зд̇и. д̇зна вуд̇д̇ам̣ – ‘‘пудто, бхигкавз, взд̣̇зд̇и, пудто сан̃ж̇аанаад̇и пудто жзд̇зд̇ий’’д̇и.
Kasmā panettha phassova paṭhamaṃ vuttoti? Cittassa paṭhamābhinipātattā. Ārammaṇasmiñhi cittassa paṭhamābhinipāto hutvā phasso ārammaṇaṃ phusamāno uppajjati, tasmā paṭhamaṃ vutto. Phassena pana phusitvā vedanāya vedayati, saññāya sañjānāti, cetanāya ceteti. Tena vuttaṃ – ‘‘phuṭṭho, bhikkhave, vedeti, phuṭṭho sañjānāti phuṭṭho cetetī’’ti.
абижа , аяам̣ пассо наама яат̇аа баасаад̣̇ам̣ бад̇ваа т̇амбхо наама сзсад̣̇аб̣б̣асамбхаараанам̣ б̣алавабажжаяо, д̇улаасан̇гхаадабхид̇д̇ибаад̣̇агуудаг̇обаанасийбагкабаасагамукаваддияо т̇амбхааб̣ад̣̇д̇хаа т̇амбхз бад̇идтид̇аа, звамзва сахаж̇аад̇асамбаяуд̇д̇ад̇хаммаанам̣ б̣алавабажжаяо ход̇и. т̇амбхасад̣̇исо хи зса. авасзсаа д̣̇аб̣б̣асамбхаарасад̣̇исаад̇и. д̇асмааби батамам̣ вуд̇д̇о. ид̣̇ам̣ бана агааран̣ам̣. згажид̇д̇асмин̃хи уббаннад̇хаммаанам̣ ‘аяам̣ батамам̣ уббанно аяам̣ бажчаа’д̇и ид̣̇ам̣ вад̇д̇ум̣ на лаб̣бхаа. б̣алавабажжаяабхаавзби пассасса гааран̣ам̣ на д̣̇иссад̇и. д̣̇зсанааваарзнзва бана пассо батамам̣ вуд̇д̇о. взд̣̇анаа ход̇и пассо ход̇и, сан̃н̃аа ход̇и пассо ход̇и, жзд̇анаа ход̇и пассо ход̇и, жид̇д̇ам̣ ход̇и пассо ход̇и, взд̣̇анаа ход̇и сан̃н̃аа ход̇и, жзд̇анаа ход̇и вид̇агго ход̇ийд̇и аахарид̇умби хи ваддзяяа. д̣̇зсанааваарзна бана пассова батамам̣ вуд̇д̇од̇и взд̣̇ид̇аб̣б̣о. яат̇аа жзд̇т̇а звам̣ сзсад̇хаммзсуби буб̣б̣аабараггамо наама на бариязсид̇аб̣б̣о. важанад̇т̇алагкан̣арасаад̣̇ийхи бана д̇хаммаа зва бариязсид̇аб̣б̣аа.
Apica , ayaṃ phasso nāma yathā pāsādaṃ patvā thambho nāma sesadabbasambhārānaṃ balavapaccayo, tulāsaṅghāṭabhittipādakūṭagopānasīpakkhapāsakamukhavaṭṭiyo thambhābaddhā thambhe patiṭṭhitā, evameva sahajātasampayuttadhammānaṃ balavapaccayo hoti. Thambhasadiso hi esa. Avasesā dabbasambhārasadisāti. Tasmāpi paṭhamaṃ vutto. Idaṃ pana akāraṇaṃ. Ekacittasmiñhi uppannadhammānaṃ ‘ayaṃ paṭhamaṃ uppanno ayaṃ pacchā’ti idaṃ vattuṃ na labbhā. Balavapaccayabhāvepi phassassa kāraṇaṃ na dissati. Desanāvāreneva pana phasso paṭhamaṃ vutto. Vedanā hoti phasso hoti, saññā hoti phasso hoti, cetanā hoti phasso hoti, cittaṃ hoti phasso hoti, vedanā hoti saññā hoti, cetanā hoti vitakko hotīti āharitumpi hi vaṭṭeyya. Desanāvārena pana phassova paṭhamaṃ vuttoti veditabbo. Yathā cettha evaṃ sesadhammesupi pubbāparakkamo nāma na pariyesitabbo. Vacanatthalakkhaṇarasādīhi pana dhammā eva pariyesitabbā.
сзяяат̇ид̣̇ам̣ – пусад̇ийд̇и пассо. свааяам̣ пусаналагкан̣о, сан̇гхадданарасо, саннибаад̇абажжубадтаано, аабаат̇аг̇ад̇ависаяабад̣̇адтаано.
Seyyathidaṃ – phusatīti phasso. Svāyaṃ phusanalakkhaṇo, saṅghaṭṭanaraso, sannipātapaccupaṭṭhāno, āpāthagatavisayapadaṭṭhāno.
аяан̃хи аруубад̇хаммоби самаано аарамман̣з пусанаагаарзнзва бавад̇д̇ад̇ийд̇и пусаналагкан̣о. згад̣̇зсзна жа аналлийяамааноби руубам̣ вияа жагкум̣, сад̣̇д̣̇о вияа жа сод̇ам̣, жид̇д̇ам̣ аарамман̣ан̃жа сан̇гхаддзд̇ийд̇и сан̇гхадданарасо. вад̇т̇аарамман̣асан̇гхадданад̇о ваа уббаннад̇д̇аа самбад̇д̇иад̇т̇знаби расзна сан̇гхадданарасод̇и взд̣̇ид̇аб̣б̣о. вуд̇д̇ан̃хзд̇ам̣ адтагат̇ааяам̣ – ‘‘жад̇убхуумагапассо хи нопусаналагкан̣о наама над̇т̇и. сан̇гхадданарасо бана бан̃жад̣̇вааригова ход̇и. бан̃жад̣̇вааригасса хи пусаналагкан̣од̇иби сан̇гхадданарасод̇иби наамам̣; манод̣̇вааригасса пусаналагкан̣од̇взва наамам̣, на сан̇гхадданарасо’’д̇и.
Ayañhi arūpadhammopi samāno ārammaṇe phusanākāreneva pavattatīti phusanalakkhaṇo. Ekadesena ca anallīyamānopi rūpaṃ viya cakkhuṃ, saddo viya ca sotaṃ, cittaṃ ārammaṇañca saṅghaṭṭetīti saṅghaṭṭanaraso. Vatthārammaṇasaṅghaṭṭanato vā uppannattā sampattiatthenapi rasena saṅghaṭṭanarasoti veditabbo. Vuttañhetaṃ aṭṭhakathāyaṃ – ‘‘catubhūmakaphasso hi nophusanalakkhaṇo nāma natthi. Saṅghaṭṭanaraso pana pañcadvārikova hoti. Pañcadvārikassa hi phusanalakkhaṇotipi saṅghaṭṭanarasotipi nāmaṃ; manodvārikassa phusanalakkhaṇotveva nāmaṃ, na saṅghaṭṭanaraso’’ti.
ид̣̇ан̃жа вад̇ваа ид̣̇ам̣ суд̇д̇ам̣ аабхад̇ам̣ – ‘‘яат̇аа, махаарааж̇а, д̣̇вз мзн̣д̣аа яуж̇жхзяяум̣, д̇зсу яат̇аа зго мзн̣д̣о звам̣ жагку д̣̇адтаб̣б̣ам̣, яат̇аа д̣̇уд̇ияо мзн̣д̣о звам̣ руубам̣ д̣̇адтаб̣б̣ам̣; яат̇аа д̇зсам̣ саннибаад̇о звам̣ пассо д̣̇адтаб̣б̣о’’. звам̣ пусаналагкан̣о жа пассо, сан̇гхадданарасо жа. ‘‘яат̇аа, махаарааж̇а, д̣̇вз саммаа важ̇ж̇зяяум̣…бз… д̣̇вз баан̣ий важ̇ж̇зяяум̣, яат̇аа зго баан̣и звам̣ жагку д̣̇адтаб̣б̣ам̣, яат̇аа д̣̇уд̇ияо баан̣и звам̣ руубам̣ д̣̇адтаб̣б̣ам̣, яат̇аа д̇зсам̣ саннибаад̇о звам̣ пассо д̣̇адтаб̣б̣о. звам̣ пусаналагкан̣о жа пассо сан̇гхадданарасо жаа’’д̇и (ми. ба. 2.3.8) вид̇т̇ааро.
Idañca vatvā idaṃ suttaṃ ābhataṃ – ‘‘yathā, mahārāja, dve meṇḍā yujjheyyuṃ, tesu yathā eko meṇḍo evaṃ cakkhu daṭṭhabbaṃ, yathā dutiyo meṇḍo evaṃ rūpaṃ daṭṭhabbaṃ; yathā tesaṃ sannipāto evaṃ phasso daṭṭhabbo’’. Evaṃ phusanalakkhaṇo ca phasso, saṅghaṭṭanaraso ca. ‘‘Yathā, mahārāja, dve sammā vajjeyyuṃ…pe… dve pāṇī vajjeyyuṃ, yathā eko pāṇi evaṃ cakkhu daṭṭhabbaṃ, yathā dutiyo pāṇi evaṃ rūpaṃ daṭṭhabbaṃ, yathā tesaṃ sannipāto evaṃ phasso daṭṭhabbo. Evaṃ phusanalakkhaṇo ca phasso saṅghaṭṭanaraso cā’’ti (mi. pa. 2.3.8) vitthāro.
яат̇аа ваа ‘‘жагкунаа руубам̣ д̣̇исваа’’д̇иаад̣̇ийсу (д̇ха. са. 1352, 1354) жагкувин̃н̃аан̣аад̣̇ийни жагкуаад̣̇инаамзна вуд̇д̇аани, звамид̇хааби д̇аани жагкуаад̣̇инаамзна вуд̇д̇аанийд̇и взд̣̇ид̇аб̣б̣аани. д̇асмаа ‘звам̣ жагку д̣̇адтаб̣б̣а’нд̇иаад̣̇ийсу звам̣ жагкувин̃н̃аан̣ам̣ д̣̇адтаб̣б̣анд̇и иминаа наязна ад̇т̇о взд̣̇ид̇аб̣б̣о. звам̣ санд̇з жид̇д̇аарамман̣асан̇гхадданад̇о имасмимби суд̇д̇з гижжадтзнзва расзна сан̇гхадданарасод̇и сид̣̇д̇хо ход̇и.
Yathā vā ‘‘cakkhunā rūpaṃ disvā’’tiādīsu (dha. sa. 1352, 1354) cakkhuviññāṇādīni cakkhuādināmena vuttāni, evamidhāpi tāni cakkhuādināmena vuttānīti veditabbāni. Tasmā ‘evaṃ cakkhu daṭṭhabba’ntiādīsu evaṃ cakkhuviññāṇaṃ daṭṭhabbanti iminā nayena attho veditabbo. Evaṃ sante cittārammaṇasaṅghaṭṭanato imasmimpi sutte kiccaṭṭheneva rasena saṅghaṭṭanarasoti siddho hoti.
д̇игасаннибаад̇асан̇каад̇асса бана ад̇д̇ано гааран̣асса васзна бавзд̣̇ид̇ад̇д̇аа саннибаад̇абажжубадтаано. аяан̃хи д̇ад̇т̇а д̇ад̇т̇а ‘‘д̇ин̣н̣ам̣ сан̇г̇ад̇и пассо’’д̇и звам̣ гааран̣асса васзна бавзд̣̇ид̇од̇и. имасса жа суд̇д̇абад̣̇асса д̇ин̣н̣ам̣ сан̇г̇ад̇ияаа пассод̇и аяамад̇т̇о; на сан̇г̇ад̇имад̇д̇амзва пассод̇и.
Tikasannipātasaṅkhātassa pana attano kāraṇassa vasena paveditattā sannipātapaccupaṭṭhāno. Ayañhi tattha tattha ‘‘tiṇṇaṃ saṅgati phasso’’ti evaṃ kāraṇassa vasena paveditoti. Imassa ca suttapadassa tiṇṇaṃ saṅgatiyā phassoti ayamattho; na saṅgatimattameva phassoti.
звам̣ бавзд̣̇ид̇ад̇д̇аа бана д̇знзваагаарзна бажжубадтаад̇ийд̇и саннибаад̇абажжубадтаанод̇и вуд̇д̇о. паладтзна бана бажжубадтаанзнзса взд̣̇анаабажжубадтаано наама ход̇и. взд̣̇анан̃хзса бажжубадтаабзд̇и уббаад̣̇зд̇ийд̇и ад̇т̇о. уббаад̣̇аяамаано жа яат̇аа б̣ахид̣̇д̇хаа ун̣хабажжаяааби лаакаасан̇каад̇ад̇хаад̇униссид̇аа усмаа ад̇д̇ано ниссаяз муд̣̇убхаавагаарий ход̇и, на ад̇д̇ано бажжаяабхууд̇зби б̣ахид̣̇д̇хаа вийд̇ажжид̇ан̇г̇аарасан̇каад̇з ун̣хабхаавз, звам̣ вад̇т̇аарамман̣асан̇каад̇аан̃н̃абажжаяоби самаано, жид̇д̇аниссид̇ад̇д̇аа ад̇д̇ано ниссаяабхууд̇з жид̇д̇з зва зса взд̣̇ануббаад̣̇аго ход̇и, на ад̇д̇ано бажжаяабхууд̇зби вад̇т̇умхи аарамман̣з ваад̇и взд̣̇ид̇аб̣б̣о. д̇аж̇ж̇аасаманнаахаарзна бана инд̣̇риязна жа баригкад̇з висаяз ананд̇арааязна уббаж̇ж̇анад̇о зса аабаат̇аг̇ад̇ависаяабад̣̇адтаанод̇и вужжад̇и.
Evaṃ paveditattā pana tenevākārena paccupaṭṭhātīti sannipātapaccupaṭṭhānoti vutto. Phalaṭṭhena pana paccupaṭṭhānenesa vedanāpaccupaṭṭhāno nāma hoti. Vedanañhesa paccupaṭṭhāpeti uppādetīti attho. Uppādayamāno ca yathā bahiddhā uṇhapaccayāpi lākhāsaṅkhātadhātunissitā usmā attano nissaye mudubhāvakārī hoti, na attano paccayabhūtepi bahiddhā vītaccitaṅgārasaṅkhāte uṇhabhāve, evaṃ vatthārammaṇasaṅkhātaaññapaccayopi samāno, cittanissitattā attano nissayabhūte citte eva esa vedanuppādako hoti, na attano paccayabhūtepi vatthumhi ārammaṇe vāti veditabbo. Tajjāsamannāhārena pana indriyena ca parikkhate visaye anantarāyena uppajjanato esa āpāthagatavisayapadaṭṭhānoti vuccati.
взд̣̇аяад̇ийд̇и взд̣̇анаа. саа взд̣̇аяид̇алагкан̣аа, анубхаванарасаа идтаагаарасамбхог̇арасаа ваа, жзд̇асигаассаад̣̇абажжубадтаанаа, бассад̣̇д̇хибад̣̇адтаанаа.
Vedayatīti vedanā. Sā vedayitalakkhaṇā, anubhavanarasā iṭṭhākārasambhogarasā vā, cetasikaassādapaccupaṭṭhānā, passaddhipadaṭṭhānā.
‘жад̇убхуумигавзд̣̇анаа хи новзд̣̇аяид̇алагкан̣аа наама над̇т̇и. анубхаванарасад̇аа бана сукавзд̣̇анааяамзва лаб̣бхад̇ий’д̇и вад̇ваа буна д̇ам̣ ваад̣̇ам̣ бадигкибид̇ваа ‘сукавзд̣̇анаа ваа ход̇у, д̣̇угкавзд̣̇анаа ваа, ад̣̇угкамасукавзд̣̇анаа ваа, саб̣б̣аа анубхаванарасаа’д̇и вад̇ваа аяамад̇т̇о д̣̇ийбид̇о – аарамман̣арасаанубхаванадтаанам̣ бад̇ваа сзсасамбаяуд̇д̇ад̇хаммаа згад̣̇зсамад̇д̇агамзва анубхаванд̇и. пассасса хи пусанамад̇д̇агамзва ход̇и, сан̃н̃ааяа сан̃ж̇аананамад̇д̇агамзва, жзд̇анааяа жзд̇анаамад̇д̇агамзва, вин̃н̃аан̣асса виж̇аананамад̇д̇агамзва. згам̣сад̇о бана иссаравад̇ааяа виссавид̇ааяа саамибхаавзна взд̣̇анаава аарамман̣арасам̣ анубхавад̇и.
‘Catubhūmikavedanā hi novedayitalakkhaṇā nāma natthi. Anubhavanarasatā pana sukhavedanāyameva labbhatī’ti vatvā puna taṃ vādaṃ paṭikkhipitvā ‘sukhavedanā vā hotu, dukkhavedanā vā, adukkhamasukhavedanā vā, sabbā anubhavanarasā’ti vatvā ayamattho dīpito – ārammaṇarasānubhavanaṭṭhānaṃ patvā sesasampayuttadhammā ekadesamattakameva anubhavanti. Phassassa hi phusanamattakameva hoti, saññāya sañjānanamattakameva, cetanāya cetanāmattakameva, viññāṇassa vijānanamattakameva. Ekaṃsato pana issaravatāya vissavitāya sāmibhāvena vedanāva ārammaṇarasaṃ anubhavati.
рааж̇аа вияа хи взд̣̇анаа, сууд̣̇о вияа сзсад̇хаммаа. яат̇аа сууд̣̇о наанаарасабхож̇анам̣ самбаад̣̇зд̇ваа бзл̣ааяа багкибид̇ваа лан̃чанам̣ д̣̇ад̇ваа ран̃н̃о санд̇игз од̇аарзд̇ваа лан̃чанам̣ бхинд̣̇ид̇ваа бзл̣ам̣ виварид̇ваа саб̣б̣асуубаб̣яан̃ж̇анзхи аг̇г̇аг̇г̇ам̣ аад̣̇ааяа бхааж̇анз багкибид̇ваа сад̣̇осанид̣̇д̣̇осабхаававиймам̣санад̇т̇ам̣ аж̇жхохарад̇и, д̇ад̇о ран̃н̃о наанаг̇г̇арасабхож̇анам̣ убанаамзд̇и. рааж̇аа иссаравад̇ааяа виссавид̇ааяа саамий худ̇ваа ижчид̇ижчид̇ам̣ бхун̃ж̇ад̇и. д̇ад̇т̇а хи сууд̣̇асса бхад̇д̇авиймам̣санамад̇д̇амива авасзсад̇хаммаанам̣ аарамман̣арасасса згад̣̇зсаанубхаванам̣. яат̇аа хи сууд̣̇о бхад̇д̇згад̣̇зсамад̇д̇амзва виймам̣сад̇и звам̣ сзсад̇хаммааби аарамман̣арасзгад̣̇зсамзва анубхаванд̇и. яат̇аа бана рааж̇аа иссаравад̇ааяа виссавид̇ааяа саамий худ̇ваа яад̣̇ижчагам̣ бхун̃ж̇ад̇и, звам̣ взд̣̇анааби иссаравад̇ааяа виссавид̇ааяа саамибхаавзна аарамман̣арасам̣ анубхавад̇и. д̇асмаа анубхаванарасаад̇и вужжад̇и.
Rājā viya hi vedanā, sūdo viya sesadhammā. Yathā sūdo nānārasabhojanaṃ sampādetvā peḷāya pakkhipitvā lañchanaṃ datvā rañño santike otāretvā lañchanaṃ bhinditvā peḷaṃ vivaritvā sabbasūpabyañjanehi aggaggaṃ ādāya bhājane pakkhipitvā sadosaniddosabhāvavīmaṃsanatthaṃ ajjhoharati, tato rañño nānaggarasabhojanaṃ upanāmeti. Rājā issaravatāya vissavitāya sāmī hutvā icchiticchitaṃ bhuñjati. Tattha hi sūdassa bhattavīmaṃsanamattamiva avasesadhammānaṃ ārammaṇarasassa ekadesānubhavanaṃ. Yathā hi sūdo bhattekadesamattameva vīmaṃsati evaṃ sesadhammāpi ārammaṇarasekadesameva anubhavanti. Yathā pana rājā issaravatāya vissavitāya sāmī hutvā yadicchakaṃ bhuñjati, evaṃ vedanāpi issaravatāya vissavitāya sāmibhāvena ārammaṇarasaṃ anubhavati. Tasmā anubhavanarasāti vuccati.
д̣̇уд̇ияз ад̇т̇авигаббз аяам̣ ид̇ха ад̇хиббзд̇аа взд̣̇анаа яат̇аа ваа д̇ат̇аа ваа аарамман̣асса идтаагаарамзва самбхун̃ж̇ад̇ийд̇и идтаагаарасамбхог̇арасаад̇и вуд̇д̇аа. жзд̇асигаассаад̣̇ад̇о банзсаа ад̇д̇ано сабхаавзнзва убадтаанам̣ санд̇хааяа жзд̇асигаассаад̣̇абажжубадтаанаад̇и вуд̇д̇аа. яасмаа бана ‘‘бассад̣̇д̇хигааяо сукам̣ взд̣̇зд̇и’’ д̇асмаа бассад̣̇д̇хибад̣̇адтаанаад̇и взд̣̇ид̇аб̣б̣аа.
Dutiye atthavikappe ayaṃ idha adhippetā vedanā yathā vā tathā vā ārammaṇassa iṭṭhākārameva sambhuñjatīti iṭṭhākārasambhogarasāti vuttā. Cetasikaassādato panesā attano sabhāveneva upaṭṭhānaṃ sandhāya cetasikaassādapaccupaṭṭhānāti vuttā. Yasmā pana ‘‘passaddhikāyo sukhaṃ vedeti’’ tasmā passaddhipadaṭṭhānāti veditabbā.
нийлаад̣̇ибхзд̣̇ам̣ аарамман̣ам̣ сан̃ж̇аанаад̇ийд̇и сан̃н̃аа. саа сан̃ж̇аананалагкан̣аа бажжаабхин̃н̃аан̣арасаа. жад̇убхуумигасан̃н̃аа хи носан̃ж̇аананалагкан̣аа наама над̇т̇и . саб̣б̣аа сан̃ж̇аананалагкан̣аава. яаа банзд̇т̇а абхин̃н̃аан̣зна сан̃ж̇аанаад̇и саа бажжаабхин̃н̃аан̣арасаа наама ход̇и.
Nīlādibhedaṃ ārammaṇaṃ sañjānātīti saññā. Sā sañjānanalakkhaṇā paccābhiññāṇarasā. Catubhūmikasaññā hi nosañjānanalakkhaṇā nāma natthi . Sabbā sañjānanalakkhaṇāva. Yā panettha abhiññāṇena sañjānāti sā paccābhiññāṇarasā nāma hoti.
д̇ассаа, вад̣дхагисса д̣̇аарумхи абхин̃н̃аан̣ам̣ гад̇ваа буна д̇зна абхин̃н̃аан̣зна д̇ам̣ бажжаабхиж̇аананагаалз, бурисасса гаал̣ад̇илагаад̣̇иабхин̃н̃аан̣ам̣ саллагкзд̇ваа буна д̇зна абхин̃н̃аан̣зна асуго наама зсод̇и д̇асса бажжаабхиж̇аананагаалз, ран̃н̃о бил̣анд̇ханаг̇обагабхан̣д̣ааг̇ааригасса д̇асмим̣ д̇асмим̣ бил̣анд̇ханз наамабан̣н̣агам̣ б̣анд̇хид̇ваа ‘асугам̣ бил̣анд̇ханам̣ наама аахараа’д̇и вуд̇д̇з д̣̇ийбам̣ ж̇аалзд̇ваа рад̇анаг̇аб̣бхам̣ бависид̇ваа бан̣н̣ам̣ ваажзд̇ваа д̇асса д̇ассзва бил̣анд̇ханасса аахаран̣агаалз жа бавад̇д̇и взд̣̇ид̇аб̣б̣аа.
Tassā, vaḍḍhakissa dārumhi abhiññāṇaṃ katvā puna tena abhiññāṇena taṃ paccābhijānanakāle, purisassa kāḷatilakādiabhiññāṇaṃ sallakkhetvā puna tena abhiññāṇena asuko nāma esoti tassa paccābhijānanakāle, rañño piḷandhanagopakabhaṇḍāgārikassa tasmiṃ tasmiṃ piḷandhane nāmapaṇṇakaṃ bandhitvā ‘asukaṃ piḷandhanaṃ nāma āharā’ti vutte dīpaṃ jāletvā ratanagabbhaṃ pavisitvā paṇṇaṃ vācetvā tassa tasseva piḷandhanassa āharaṇakāle ca pavatti veditabbā.
абаро наяо – саб̣б̣асан̇г̇аахигавасзна хи сан̃ж̇аананалагкан̣аа сан̃н̃аа. бунасан̃ж̇аананабажжаяанимид̇д̇агаран̣арасаа, д̣̇ааруаад̣̇ийсу д̇ажчагаад̣̇аяо вияа. яат̇ааг̇ахид̇анимид̇д̇авасзна абхинивзсагаран̣абажжубадтаанаа, хад̇т̇ид̣̇ассагаанд̇хаа вияа. аарамман̣з аног̇аал̣хавуд̇д̇ид̇ааяа ажирадтаанабажжубадтаанаа ваа, виж̇ж̇у вияа. яат̇ааубадтид̇ависаяабад̣̇адтаанаа, д̇ин̣абурисагзсу миг̇абод̇агаанам̣ ‘бурисаа’д̇и уббаннасан̃н̃аа вияа. яаа банзд̇т̇а н̃аан̣асамбаяуд̇д̇аа ход̇и саа сан̃н̃аа н̃аан̣амзва анувад̇д̇ад̇и. сасамбхаарабат̇авийаад̣̇ийсу сзсад̇хаммаа бат̇авийаад̣̇ийни вияаад̇и взд̣̇ид̇аб̣б̣аа.
Aparo nayo – sabbasaṅgāhikavasena hi sañjānanalakkhaṇā saññā. Punasañjānanapaccayanimittakaraṇarasā, dāruādīsu tacchakādayo viya. Yathāgahitanimittavasena abhinivesakaraṇapaccupaṭṭhānā, hatthidassakaandhā viya. Ārammaṇe anogāḷhavuttitāya aciraṭṭhānapaccupaṭṭhānā vā, vijju viya. Yathāupaṭṭhitavisayapadaṭṭhānā, tiṇapurisakesu migapotakānaṃ ‘purisā’ti uppannasaññā viya. Yā panettha ñāṇasampayuttā hoti sā saññā ñāṇameva anuvattati. Sasambhārapathavīādīsu sesadhammā pathavīādīni viyāti veditabbā.
жзд̇аяад̇ийд̇и жзд̇анаа сад̣̇д̇хим̣ ад̇д̇анаа самбаяуд̇д̇ад̇хаммз аарамман̣з абхисанд̣̇ахад̇ийд̇и ад̇т̇о. саа жзд̇аяид̇алагкан̣аа, жзд̇анаабхаавалагкан̣аад̇и ад̇т̇о. ааяууханарасаа. жад̇убхуумигажзд̇анаа хи ножзд̇аяид̇алагкан̣аа наама над̇т̇и. саб̣б̣аа жзд̇аяид̇алагкан̣аава. ааяууханарасад̇аа бана гусалаагусалзсу зва ход̇и. гусалаагусалагаммааяууханадтаанан̃хи бад̇ваа сзсасамбаяуд̇д̇ад̇хаммаанам̣ згад̣̇зсамад̇д̇агамзва гижжам̣ ход̇и. жзд̇анаа бана ад̇ирзгауссаахаа ад̇ирзгавааяаамаа, д̣̇иг̇ун̣уссаахаа д̣̇иг̇ун̣авааяаамаа. д̇знааху бораан̣аа – ‘‘т̇ааварияасабхаавасан̣тид̇аа жа банзсаа жзд̇анаа’’д̇и. т̇ааварияод̇и кзд̇д̇асаамий вужжад̇и. яат̇аа кзд̇д̇асаамий бурисо бан̃жабан̣н̣ааса б̣алибурисз г̇ахзд̇ваа ‘лааяиссаамий’д̇и згад̇о кзд̇д̇ам̣ од̇арад̇и. д̇асса ад̇ирзго уссаахо ад̇ирзго вааяаамо, д̣̇иг̇ун̣о уссаахо д̣̇иг̇ун̣о вааяаамо ход̇и, ‘ниранд̇арам̣ г̇ан̣хат̇аа’д̇иаад̣̇ийни вад̣̇ад̇и, сиймам̣ аажигкад̇и, д̇зсам̣ сураабхад̇д̇аг̇анд̇хамаалаад̣̇ийни ж̇аанаад̇и, маг̇г̇ам̣ самагам̣ харад̇и. звам̣самбад̣̇амид̣̇ам̣ взд̣̇ид̇аб̣б̣ам̣ . кзд̇д̇асаамибурисо вияа хи жзд̇анаа. бан̃жабан̣н̣ааса б̣алибурисаа вияа жид̇д̇ан̇г̇авасзна уббаннаа бан̃жабан̣н̣ааса гусалаа д̇хаммаа. кзд̇д̇асаамибурисасса д̣̇иг̇ун̣уссаахад̣̇иг̇ун̣авааяаамагаран̣агаало вияа гусалаагусалагаммааяууханадтаанам̣ бад̇ваа жзд̇анааяа д̣̇иг̇ун̣уссаахо д̣̇иг̇ун̣авааяаамо ход̇и. звамассаа ааяууханарасад̇аа взд̣̇ид̇аб̣б̣аа.
Cetayatīti cetanā saddhiṃ attanā sampayuttadhamme ārammaṇe abhisandahatīti attho. Sā cetayitalakkhaṇā, cetanābhāvalakkhaṇāti attho. Āyūhanarasā. Catubhūmikacetanā hi nocetayitalakkhaṇā nāma natthi. Sabbā cetayitalakkhaṇāva. Āyūhanarasatā pana kusalākusalesu eva hoti. Kusalākusalakammāyūhanaṭṭhānañhi patvā sesasampayuttadhammānaṃ ekadesamattakameva kiccaṃ hoti. Cetanā pana atirekaussāhā atirekavāyāmā, diguṇussāhā diguṇavāyāmā. Tenāhu porāṇā – ‘‘thāvariyasabhāvasaṇṭhitā ca panesā cetanā’’ti. Thāvariyoti khettasāmī vuccati. Yathā khettasāmī puriso pañcapaṇṇāsa balipurise gahetvā ‘lāyissāmī’ti ekato khettaṃ otarati. Tassa atireko ussāho atireko vāyāmo, diguṇo ussāho diguṇo vāyāmo hoti, ‘nirantaraṃ gaṇhathā’tiādīni vadati, sīmaṃ ācikkhati, tesaṃ surābhattagandhamālādīni jānāti, maggaṃ samakaṃ harati. Evaṃsampadamidaṃ veditabbaṃ . Khettasāmipuriso viya hi cetanā. Pañcapaṇṇāsa balipurisā viya cittaṅgavasena uppannā pañcapaṇṇāsa kusalā dhammā. Khettasāmipurisassa diguṇussāhadiguṇavāyāmakaraṇakālo viya kusalākusalakammāyūhanaṭṭhānaṃ patvā cetanāya diguṇussāho diguṇavāyāmo hoti. Evamassā āyūhanarasatā veditabbā.
саа банзсаа сам̣вид̣̇аханабажжубадтаанаа. сам̣вид̣̇ахамаанаа хи аяам̣ убадтаад̇и, сагижжабарагижжасаад̇хагаа, ж̇здтасиссамахаавад̣дхагийаад̣̇аяо вияа. яат̇аа хи ж̇здтасиссо убаж̇жхааяам̣ д̣̇уурад̇ова ааг̇ажчанд̇ам̣ д̣̇исваа саяам̣ ад̇хийяамаано ид̇арзби д̣̇аарагз ад̇д̇ано ад̇д̇ано аж̇жхаяанагаммз бавад̇д̇аяад̇и, д̇асмин̃хи ад̇хийяид̇ум̣ аарад̣̇д̇хз д̇зби ад̇хийяанд̇и, д̇ад̣̇анувад̇д̇ид̇ааяа. яат̇аа жа махаавад̣дхагий саяам̣ д̇ажчанд̇о ид̇арзби д̇ажчагз ад̇д̇ано ад̇д̇ано д̇ажчанагаммз бавад̇д̇аяад̇и, д̇асмин̃хи д̇ажчид̇ум̣ аарад̣̇д̇хз д̇зби д̇ажчанд̇и, д̇ад̣̇анувад̇д̇ид̇ааяа. яат̇аа жа яод̇ханааяаго саяам̣ яуж̇жхамаано ид̇арзби яод̇хз самбахааравуд̇д̇ияам̣ бавад̇д̇аяад̇и, д̇асмин̃хи яуж̇жхид̇ум̣ аарад̣̇д̇хз д̇зби анивад̇д̇амаанаа яуж̇жханд̇и, д̇ад̣̇анувад̇д̇ид̇ааяа. звамзсааби ад̇д̇ано гижжзна аарамман̣з бавад̇д̇амаанаа ан̃н̃зби самбаяуд̇д̇ад̇хаммз ад̇д̇ано ад̇д̇ано гирияааяа бавад̇д̇зд̇и. д̇ассаа хи ад̇д̇ано гижжам̣ аарад̣̇д̇хааяа, д̇ам̣самбаяуд̇д̇ааби аарабханд̇и. д̇зна вуд̇д̇ам̣ – ‘сагижжабарагижжасаад̇хагаа, ж̇здтасиссамахаавад̣дхагийаад̣̇аяо вияаа’д̇и. ажжааяигагаммаануссаран̣аад̣̇ийсу жа банааяам̣ самбаяуд̇д̇аанам̣ уссааханабхаавзна бавад̇д̇амаанаа баагадаа ход̇ийд̇и взд̣̇ид̇аб̣б̣аа.
Sā panesā saṃvidahanapaccupaṭṭhānā. Saṃvidahamānā hi ayaṃ upaṭṭhāti, sakiccaparakiccasādhakā, jeṭṭhasissamahāvaḍḍhakīādayo viya. Yathā hi jeṭṭhasisso upajjhāyaṃ dūratova āgacchantaṃ disvā sayaṃ adhīyamāno itarepi dārake attano attano ajjhayanakamme pavattayati, tasmiñhi adhīyituṃ āraddhe tepi adhīyanti, tadanuvattitāya. Yathā ca mahāvaḍḍhakī sayaṃ tacchanto itarepi tacchake attano attano tacchanakamme pavattayati, tasmiñhi tacchituṃ āraddhe tepi tacchanti, tadanuvattitāya. Yathā ca yodhanāyako sayaṃ yujjhamāno itarepi yodhe sampahāravuttiyaṃ pavattayati, tasmiñhi yujjhituṃ āraddhe tepi anivattamānā yujjhanti, tadanuvattitāya. Evamesāpi attano kiccena ārammaṇe pavattamānā aññepi sampayuttadhamme attano attano kiriyāya pavatteti. Tassā hi attano kiccaṃ āraddhāya, taṃsampayuttāpi ārabhanti. Tena vuttaṃ – ‘sakiccaparakiccasādhakā, jeṭṭhasissamahāvaḍḍhakīādayo viyā’ti. Accāyikakammānussaraṇādīsu ca panāyaṃ sampayuttānaṃ ussāhanabhāvena pavattamānā pākaṭā hotīti veditabbā.
‘аарамман̣ам̣ жинд̇зд̇ий’д̇и жид̇д̇анд̇и наязна жид̇д̇асса важанад̇т̇о вуд̇д̇о зва. лагкан̣аад̣̇ид̇о бана виж̇аананалагкан̣ам̣ жид̇д̇ам̣, буб̣б̣ан̇г̇амарасам̣, санд̣̇аханабажжубадтаанам̣, наамаруубабад̣̇адтаанам̣. жад̇убхуумагажид̇д̇ан̃хи новиж̇аананалагкан̣ам̣ наама над̇т̇и. саб̣б̣ам̣ виж̇аананалагкан̣амзва. д̣̇ваарам̣ бана бад̇ваа аарамман̣авибхааванадтаанз жид̇д̇ам̣ буб̣б̣ан̇г̇амам̣ бурзжааригам̣ ход̇и. жагкунаа хи д̣̇идтам̣ руубаарамман̣ам̣ жид̇д̇знзва виж̇аанаад̇и…бз… манзна вин̃н̃аад̇ам̣ д̇хаммаарамман̣ам̣ жид̇д̇знзва виж̇аанаад̇и. яат̇аа хи наг̇араг̇уд̇д̇иго наама наг̇арамаж̇жхз син̇гхаадагз нисийд̣̇ид̇ваа ‘аяам̣ нзваасиго аяам̣ ааг̇анд̇уго’д̇и ааг̇ад̇ааг̇ад̇ам̣ ж̇анам̣ убад̇хаарзд̇и вавад̇т̇абзд̇и – звам̣самбад̣̇амид̣̇ам̣ д̣̇адтаб̣б̣ам̣. вуд̇д̇амби жзд̇ам̣ махаат̇зрзна – ‘‘яат̇аа, махаарааж̇а , наг̇араг̇уд̇д̇иго наама маж̇жхз наг̇арасса син̇гхаадагз нисинно бурад̇т̇имад̇о д̣̇исад̇о бурисам̣ ааг̇ажчанд̇ам̣ бассзяяа… бажчимад̇о… д̣̇агкин̣ад̇о… уд̇д̇арад̇о д̣̇исад̇о бурисам̣ ааг̇ажчанд̇ам̣ бассзяяа, звамзва ко, махаарааж̇а, яам̣ жагкунаа руубам̣ бассад̇и д̇ам̣ вин̃н̃аан̣зна виж̇аанаад̇и, яам̣ сод̇зна сад̣̇д̣̇ам̣ сун̣аад̇и, гхаанзна г̇анд̇хам̣ гхааяад̇и, ж̇ивхааяа расам̣ сааяад̇и, гааязна подтаб̣б̣ам̣ пусад̇и, манасаа д̇хаммам̣ виж̇аанаад̇и, д̇ам̣ вин̃н̃аан̣зна виж̇аанаад̇ий’’д̇и (ми. ба. 2.3.12). звам̣ д̣̇ваарам̣ бад̇ваа аарамман̣авибхааванадтаанз жид̇д̇амзва буб̣б̣ан̇г̇амам̣ бурзжааригам̣. д̇асмаа буб̣б̣ан̇г̇амарасанд̇и вужжад̇и.
‘Ārammaṇaṃ cintetī’ti cittanti nayena cittassa vacanattho vutto eva. Lakkhaṇādito pana vijānanalakkhaṇaṃ cittaṃ, pubbaṅgamarasaṃ, sandahanapaccupaṭṭhānaṃ, nāmarūpapadaṭṭhānaṃ. Catubhūmakacittañhi novijānanalakkhaṇaṃ nāma natthi. Sabbaṃ vijānanalakkhaṇameva. Dvāraṃ pana patvā ārammaṇavibhāvanaṭṭhāne cittaṃ pubbaṅgamaṃ purecārikaṃ hoti. Cakkhunā hi diṭṭhaṃ rūpārammaṇaṃ citteneva vijānāti…pe… manena viññātaṃ dhammārammaṇaṃ citteneva vijānāti. Yathā hi nagaraguttiko nāma nagaramajjhe siṅghāṭake nisīditvā ‘ayaṃ nevāsiko ayaṃ āgantuko’ti āgatāgataṃ janaṃ upadhāreti vavatthapeti – evaṃsampadamidaṃ daṭṭhabbaṃ. Vuttampi cetaṃ mahātherena – ‘‘yathā, mahārāja , nagaraguttiko nāma majjhe nagarassa siṅghāṭake nisinno puratthimato disato purisaṃ āgacchantaṃ passeyya… pacchimato… dakkhiṇato… uttarato disato purisaṃ āgacchantaṃ passeyya, evameva kho, mahārāja, yaṃ cakkhunā rūpaṃ passati taṃ viññāṇena vijānāti, yaṃ sotena saddaṃ suṇāti, ghānena gandhaṃ ghāyati, jivhāya rasaṃ sāyati, kāyena phoṭṭhabbaṃ phusati, manasā dhammaṃ vijānāti, taṃ viññāṇena vijānātī’’ti (mi. pa. 2.3.12). Evaṃ dvāraṃ patvā ārammaṇavibhāvanaṭṭhāne cittameva pubbaṅgamaṃ purecārikaṃ. Tasmā pubbaṅgamarasanti vuccati.
д̇ад̣̇зд̇ам̣ бажчимам̣ бажчимам̣ уббаж̇ж̇амаанам̣ буримам̣ буримам̣ ниранд̇арам̣ гад̇ваа санд̣̇аханамзва убадтаад̇ийд̇и санд̣̇аханабажжубадтаанам̣. бан̃жавогаарабхавз банасса нияамад̇о наамаруубам̣, жад̇увогаарабхавз наамамзва бад̣̇адтаанам̣. д̇асмаа наамаруубабад̣̇адтаананд̇и вуд̇д̇ам̣.
Tadetaṃ pacchimaṃ pacchimaṃ uppajjamānaṃ purimaṃ purimaṃ nirantaraṃ katvā sandahanameva upaṭṭhātīti sandahanapaccupaṭṭhānaṃ. Pañcavokārabhave panassa niyamato nāmarūpaṃ, catuvokārabhave nāmameva padaṭṭhānaṃ. Tasmā nāmarūpapadaṭṭhānanti vuttaṃ.
гим̣ банзд̇ам̣ жид̇д̇ам̣ буриманид̣̇д̣̇идтажид̇д̇зна сад̣̇д̇хим̣ згамзва уд̣̇ааху ан̃н̃анд̇и? згамзва. ат̇а гасмаа буриманид̣̇д̣̇идтам̣ буна вуд̇д̇анд̇и? авижаарид̇ам̣ зд̇ам̣ адтагат̇ааяам̣. аяам̣ банзд̇т̇а яуд̇д̇и – яат̇аа хи руубаад̣̇ийни убаад̣̇ааяа бан̃н̃ад̇д̇аа суурияаад̣̇аяо на ад̇т̇ад̇о руубаад̣̇ийхи ан̃н̃з хонд̇и, д̇знзва яасмим̣ самаяз суурияо уд̣̇зд̇и д̇асмим̣ самаяз д̇асса д̇зж̇асан̇каад̇ам̣ руубамбийд̇и. звам̣ вужжамаанзби на руубаад̣̇ийхи ан̃н̃о суурияо наама ад̇т̇и. на д̇ат̇аа жид̇д̇ам̣; пассаад̣̇аяо д̇хаммз убаад̣̇ааяа бан̃н̃аабияад̇и; ад̇т̇ад̇о банзд̇ам̣ д̇зхи ан̃н̃амзва. д̇зна ‘яасмим̣ самаяз жид̇д̇ам̣ уббаннам̣ ход̇и згам̣сзнзва д̇асмим̣ самаяз пассаад̣̇ийхи ад̇т̇ад̇о ан̃н̃амзва д̇ам̣ ход̇ий’д̇и имассад̇т̇асса д̣̇ийбанад̇т̇ааяа зд̇ам̣ буна вуд̇д̇анд̇и взд̣̇ид̇аб̣б̣ам̣.
Kiṃ panetaṃ cittaṃ purimaniddiṭṭhacittena saddhiṃ ekameva udāhu aññanti? Ekameva. Atha kasmā purimaniddiṭṭhaṃ puna vuttanti? Avicāritaṃ etaṃ aṭṭhakathāyaṃ. Ayaṃ panettha yutti – yathā hi rūpādīni upādāya paññattā sūriyādayo na atthato rūpādīhi aññe honti, teneva yasmiṃ samaye sūriyo udeti tasmiṃ samaye tassa tejasaṅkhātaṃ rūpampīti. Evaṃ vuccamānepi na rūpādīhi añño sūriyo nāma atthi. Na tathā cittaṃ; phassādayo dhamme upādāya paññāpiyati; atthato panetaṃ tehi aññameva. Tena ‘yasmiṃ samaye cittaṃ uppannaṃ hoti ekaṃseneva tasmiṃ samaye phassādīhi atthato aññameva taṃ hotī’ti imassatthassa dīpanatthāya etaṃ puna vuttanti veditabbaṃ.
яат̇аа жа ‘‘яасмим̣ самаяз руубуубабад̇д̇ияаа маг̇г̇ам̣ бхаавзд̇и…бз… бат̇авийгасин̣ам̣, д̇асмим̣ самаяз пассо ход̇и взд̣̇анаа ход̇ий’’д̇иаад̣̇ийсу (д̇ха. са. 160) бана бхаавзнд̇зна вавад̇т̇аабид̇з самаяз яо бхаавзд̇и на со ад̇т̇ад̇о уббаж̇ж̇ад̇и наама, д̇знзва д̇ад̇т̇а яат̇аа ‘‘пассо ход̇и взд̣̇анаа ход̇ий’’д̇и вуд̇д̇ам̣, на звам̣ ‘‘яо бхаавзд̇и со ход̇ий’’д̇и вуд̇д̇ам̣. ‘‘яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇ий’’д̇иаад̣̇ийсу бана жид̇д̇зна вавад̇т̇аабид̇з самаяз самаяававад̇т̇аабид̇ам̣ жид̇д̇ам̣ на д̇ат̇аа ад̇т̇ад̇о нуббаж̇ж̇ад̇и . яат̇зва бана д̇ад̣̇аа ‘пассо ход̇и взд̣̇анаа ход̇и’, д̇ат̇аа ‘жид̇д̇амби ход̇ий’д̇и имассаби ад̇т̇асса д̣̇ийбанад̇т̇амид̣̇ам̣ буна вуд̇д̇анд̇и взд̣̇ид̇аб̣б̣ам̣. ид̣̇ам̣ банзд̇т̇а саннидтаанам̣ – уд̣̇д̣̇зсаваарз сан̇г̇ан̣ханад̇т̇ам̣ нид̣̇д̣̇зсаваарз жа вибхаж̇анад̇т̇ам̣ буримзна хи ‘жид̇д̇а’-сад̣̇д̣̇зна гзвалам̣ самаяо вавад̇т̇аабид̇о. д̇асмим̣ бана жид̇д̇зна вавад̇т̇аабид̇асамаяз яз д̇хаммаа хонд̇и д̇зсам̣ д̣̇ассанад̇т̇ам̣ ‘‘пассо ход̇ий’’д̇иаад̣̇и аарад̣̇д̇хам̣. жид̇д̇ан̃жааби д̇асмим̣ самаяз ход̇иязва. д̇асмаа д̇ассааби сан̇г̇ан̣ханад̇т̇амзд̇ам̣ буна вуд̇д̇ам̣. имасмин̃жа таанз зд̇асмим̣ авужжамаанз ‘‘гад̇амам̣ д̇асмим̣ самаяз жид̇д̇а’’нд̇и на саггаа бхавзяяа нид̣̇д̣̇зсаваарз вибхаж̇ид̇ум̣. звамасса вибхаж̇анам̣язва барихааязт̇а. д̇асмаа д̇асса нид̣̇д̣̇зсаваарз вибхаж̇анад̇т̇амби зд̇ан̃жа вуд̇д̇анд̇и взд̣̇ид̇аб̣б̣ам̣.
Yathā ca ‘‘yasmiṃ samaye rūpūpapattiyā maggaṃ bhāveti…pe… pathavīkasiṇaṃ, tasmiṃ samaye phasso hoti vedanā hotī’’tiādīsu (dha. sa. 160) pana bhāventena vavatthāpite samaye yo bhāveti na so atthato uppajjati nāma, teneva tattha yathā ‘‘phasso hoti vedanā hotī’’ti vuttaṃ, na evaṃ ‘‘yo bhāveti so hotī’’ti vuttaṃ. ‘‘Yasmiṃ samaye kāmāvacaraṃ kusalaṃ cittaṃ uppannaṃ hotī’’tiādīsu pana cittena vavatthāpite samaye samayavavatthāpitaṃ cittaṃ na tathā atthato nuppajjati . Yatheva pana tadā ‘phasso hoti vedanā hoti’, tathā ‘cittampi hotī’ti imassapi atthassa dīpanatthamidaṃ puna vuttanti veditabbaṃ. Idaṃ panettha sanniṭṭhānaṃ – uddesavāre saṅgaṇhanatthaṃ niddesavāre ca vibhajanatthaṃ purimena hi ‘citta’-saddena kevalaṃ samayo vavatthāpito. Tasmiṃ pana cittena vavatthāpitasamaye ye dhammā honti tesaṃ dassanatthaṃ ‘‘phasso hotī’’tiādi āraddhaṃ. Cittañcāpi tasmiṃ samaye hotiyeva. Tasmā tassāpi saṅgaṇhanatthametaṃ puna vuttaṃ. Imasmiñca ṭhāne etasmiṃ avuccamāne ‘‘katamaṃ tasmiṃ samaye citta’’nti na sakkā bhaveyya niddesavāre vibhajituṃ. Evamassa vibhajanaṃyeva parihāyetha. Tasmā tassa niddesavāre vibhajanatthampi etañca vuttanti veditabbaṃ.
яасмаа ваа ‘‘уббаннам̣ ход̇ий’’д̇и зд̇т̇а жид̇д̇ам̣ уббаннанд̇и зд̇ам̣ д̣̇зсанаасийсамзва, ‘на бана жид̇д̇ам̣ згамзва уббаж̇ж̇ад̇ий’д̇и адтагат̇ааяам̣ вижаарид̇ам̣, д̇асмаа жид̇д̇ам̣ ‘‘уббанна’’нд̇и зд̇т̇ааби жид̇д̇амад̇д̇амзва аг̇г̇ахзд̇ваа баробан̣н̣аасагусалад̇хаммзхи сад̣̇д̇хим̣язва жид̇д̇ам̣ г̇ахид̇ам̣. звам̣ д̇ад̇т̇а сан̇кзбад̇о саб̣б̣зби жид̇д̇ажзд̇асигад̇хаммз г̇ахзд̇ваа ид̇ха саруубзна бабхзд̣̇ад̇о д̣̇ассзд̇ум̣ ‘‘пассо ход̇ий’’д̇иаад̣̇и аарад̣̇д̇хам̣. ид̇и пассаад̣̇аяо вияа жид̇д̇амби вуд̇д̇амзваад̇и взд̣̇ид̇аб̣б̣ам̣.
Yasmā vā ‘‘uppannaṃ hotī’’ti ettha cittaṃ uppannanti etaṃ desanāsīsameva, ‘na pana cittaṃ ekameva uppajjatī’ti aṭṭhakathāyaṃ vicāritaṃ, tasmā cittaṃ ‘‘uppanna’’nti etthāpi cittamattameva aggahetvā paropaṇṇāsakusaladhammehi saddhiṃyeva cittaṃ gahitaṃ. Evaṃ tattha saṅkhepato sabbepi cittacetasikadhamme gahetvā idha sarūpena pabhedato dassetuṃ ‘‘phasso hotī’’tiādi āraddhaṃ. Iti phassādayo viya cittampi vuttamevāti veditabbaṃ.
