| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
д̇хаммуд̣̇д̣̇зсаваарагат̇аа
Dhammuddesavārakathā
пассабан̃жамагараасиван̣н̣анаа
Phassapañcamakarāsivaṇṇanā
аажарияаананд̇и рзвад̇аажарияасса. на банзд̇ам̣ саарад̇о д̣̇адтаб̣б̣ам̣. на хи пассаад̣̇ийнам̣ гаамааважараад̣̇ибхаавад̣̇ассанад̇т̇ам̣ ид̣̇амаарад̣̇д̇хам̣, гинд̇у д̇асмим̣ самаяз пассаад̣̇исабхаавад̣̇ассанад̇т̇анд̇и.
Ācariyānanti revatācariyassa. Na panetaṃ sārato daṭṭhabbaṃ. Na hi phassādīnaṃ kāmāvacarādibhāvadassanatthaṃ idamāraddhaṃ, kintu tasmiṃ samaye phassādisabhāvadassanatthanti.
жид̇д̇асса батамаабхинибаад̇ад̇д̇аад̇и саб̣б̣з жзд̇асигаа жид̇д̇ааяад̇д̇аа жид̇д̇агирияаабхаавзна вужжанд̇ийд̇и пассо ‘‘жид̇д̇асса батамаабхинибаад̇о’’д̇и вуд̇д̇о. гаамам̣ уббаннапассо буг̇г̇ало жид̇д̇ажзд̇асигарааси ваа аарамман̣зна пудто пассасахаж̇аад̇ааяа взд̣̇анааяа д̇ам̣самагааламзва взд̣̇зд̇и, пассо бана обхаасасса бад̣̇ийбо вияа взд̣̇анаад̣̇ийнам̣ бажжаяависзсо ход̇ийд̇и буримагаало вияа вуд̇д̇о. г̇обаанасийнам̣ убари д̇ирияам̣ табид̇агадтам̣ багкабаасо. гадтад̣̇ваяаад̣̇и вияа згад̣̇зсзна згабассзна аналлийяамааноби руубзна саха пассасса сааман̃н̃ам̣ аналлийяамаанам̣ сан̇гхадданамзва, на висаяабхааво, сан̇гхадданан̃жа пассасса жид̇д̇аарамман̣аанам̣ саннибад̇анабхааво зва. вад̇т̇аарамман̣асаннибаад̇зна самбаж̇ж̇ад̇ийд̇и сан̇гхадданасамбад̇д̇иго пассо. баан̣ид̣̇ваяасса саннибаад̇о вияа жид̇д̇аарамман̣асаннибаад̇о пассо жид̇д̇асса аарамман̣з саннибад̇ид̇аббавад̇д̇ияаа бажжаяо ход̇ийд̇и гижжадтзнзва расзна сан̇гхадданарасо. д̇ат̇аа бажжаяабхааво хи д̇асса пассасса сан̇гхадданагижжанд̇и. яат̇аа хи баан̣ияаа баан̣имхи сан̇гхадданам̣ д̇аб̣б̣исзсабхууд̇аа руубад̇хаммаа, звам̣ жид̇д̇асса аарамман̣з сан̇гхадданам̣ д̇аб̣б̣исзсабхууд̇о зго жзд̇асигад̇хаммо д̣̇адтаб̣б̣о. жид̇д̇зязваад̇и зд̇зна жзд̇асигасабхаавад̇ам̣ вад̇т̇аарамман̣зхи асам̣садтам̣ сан̇гхадданам̣ взд̣̇анааяа д̣̇ассзд̇и, на бана вад̇т̇униссаяад̇ам̣ бадигкибад̇и. д̇асса пассасса гааран̣абхууд̇о д̇ад̣̇ануруубо саманнаахааро д̇аж̇ж̇аасаманнаахааро. инд̣̇рияасса д̇ад̣̇абхимукабхааво ааваж̇ж̇анааяа жа аарамман̣агаран̣ам̣ висаяасса баригкад̇ад̇аа абхисан̇кад̇ад̇аа вин̃н̃аан̣асса висаяабхаавагаран̣анд̇и ад̇т̇о.
Cittassa paṭhamābhinipātattāti sabbe cetasikā cittāyattā cittakiriyābhāvena vuccantīti phasso ‘‘cittassa paṭhamābhinipāto’’ti vutto. Kāmaṃ uppannaphasso puggalo cittacetasikarāsi vā ārammaṇena phuṭṭho phassasahajātāya vedanāya taṃsamakālameva vedeti, phasso pana obhāsassa padīpo viya vedanādīnaṃ paccayaviseso hotīti purimakālo viya vutto. Gopānasīnaṃ upari tiriyaṃ ṭhapitakaṭṭhaṃ pakkhapāso. Kaṭṭhadvayādi viya ekadesena ekapassena anallīyamānopi rūpena saha phassassa sāmaññaṃ anallīyamānaṃ saṅghaṭṭanameva, na visayabhāvo, saṅghaṭṭanañca phassassa cittārammaṇānaṃ sannipatanabhāvo eva. Vatthārammaṇasannipātena sampajjatīti saṅghaṭṭanasampattiko phasso. Pāṇidvayassa sannipāto viya cittārammaṇasannipāto phasso cittassa ārammaṇe sannipatitappavattiyā paccayo hotīti kiccaṭṭheneva rasena saṅghaṭṭanaraso. Tathā paccayabhāvo hi tassa phassassa saṅghaṭṭanakiccanti. Yathā hi pāṇiyā pāṇimhi saṅghaṭṭanaṃ tabbisesabhūtā rūpadhammā, evaṃ cittassa ārammaṇe saṅghaṭṭanaṃ tabbisesabhūto eko cetasikadhammo daṭṭhabbo. Citteyevāti etena cetasikasabhāvataṃ vatthārammaṇehi asaṃsaṭṭhaṃ saṅghaṭṭanaṃ vedanāya dasseti, na pana vatthunissayataṃ paṭikkhipati. Tassa phassassa kāraṇabhūto tadanurūpo samannāhāro tajjāsamannāhāro. Indriyassa tadabhimukhabhāvo āvajjanāya ca ārammaṇakaraṇaṃ visayassa parikkhatatā abhisaṅkhatatā viññāṇassa visayabhāvakaraṇanti attho.
сукавзд̣̇анааяамзва лаб̣бхад̇и ассаад̣̇абхаавад̇од̇и ад̇хиббааяо. виссавид̇ааяаад̇и арахад̇ааяа. анзгад̇т̇ад̇д̇аа хи д̇хаад̇уунам̣ арахад̇т̇о вибуб̣б̣о сусад̣̇д̣̇о. виссавам̣ ваа саж̇анам̣ васид̇аа гаамагаарид̇аа виссавид̇аа. аарамман̣арасзгад̣̇зсамзва анубхаванд̇ийд̇и ид̣̇ам̣ пусанаад̣̇игижжам̣ згад̣̇зсаанубхаванамива ход̇ийд̇и гад̇ваа вуд̇д̇ам̣. взд̣̇аяид̇асабхааво зва хи анубхавананд̇и. пусанаад̣̇ибхаавзна ваа аарамман̣аг̇г̇ахан̣ам̣ згад̣̇зсаанубхаванам̣, взд̣̇аяид̇абхаавзна г̇ахан̣ам̣ яат̇аагаамам̣ саб̣б̣аанубхаванам̣. звам̣ сабхааваанзва д̇аани г̇ахан̣аанийд̇и на взд̣̇анааяа вияа пассаад̣̇ийнамби яат̇аасагагижжагаран̣зна саамибхааваанубхаванам̣ жод̣̇зд̇аб̣б̣ам̣. аяам̣ ид̇хаад̇и зд̇зна бан̃жасу взд̣̇анаасу имасмим̣ жид̇д̇з ад̇хиббзд̇ам̣ соманассавзд̣̇анам̣ вад̣̇ад̇и, д̇асмаа асоманассавзд̣̇анам̣ абанзд̇ваа г̇ахид̇ааяа соманассавзд̣̇анааяа самаанаа идтаагаарасамбхог̇арасад̇аа вуд̇д̇аад̇и взд̣̇ид̇аб̣б̣аа.
Sukhavedanāyameva labbhati assādabhāvatoti adhippāyo. Vissavitāyāti arahatāya. Anekatthattā hi dhātūnaṃ arahattho vipubbo susaddo. Vissavaṃ vā sajanaṃ vasitā kāmakāritā vissavitā. Ārammaṇarasekadesameva anubhavantīti idaṃ phusanādikiccaṃ ekadesānubhavanamiva hotīti katvā vuttaṃ. Vedayitasabhāvo eva hi anubhavananti. Phusanādibhāvena vā ārammaṇaggahaṇaṃ ekadesānubhavanaṃ, vedayitabhāvena gahaṇaṃ yathākāmaṃ sabbānubhavanaṃ. Evaṃ sabhāvāneva tāni gahaṇānīti na vedanāya viya phassādīnampi yathāsakakiccakaraṇena sāmibhāvānubhavanaṃ codetabbaṃ. Ayaṃ idhāti etena pañcasu vedanāsu imasmiṃ citte adhippetaṃ somanassavedanaṃ vadati, tasmā asomanassavedanaṃ apanetvā gahitāya somanassavedanāya samānā iṭṭhākārasambhogarasatā vuttāti veditabbā.
нимид̇д̇зна бунасан̃ж̇аананагижжаа бажжаабхин̃н̃аан̣арасаа. бунасан̃ж̇аананасса бажжаяо бунасан̃ж̇аананабажжаяо, д̇ад̣̇зва нимид̇д̇ам̣ буна…бз… нимид̇д̇ам̣, д̇асса гаран̣ам̣ буна…бз… гаран̣ам̣. бунасан̃ж̇аананабажжаяабхууд̇ам̣ ваа нимид̇д̇агаран̣ам̣ буна…бз… гаран̣ам̣, д̇ад̣̇ассаа гижжанд̇и ад̇т̇о. бунасан̃ж̇аананабажжаяанимид̇д̇агаран̣ам̣ нимид̇д̇агааригааяа нимид̇д̇зна сан̃ж̇аананд̇ияаа жа саб̣б̣ааяа сан̃н̃ааяа самаанам̣ взд̣̇ид̇аб̣б̣ам̣. н̃аан̣амзва анувад̇д̇ад̇и, д̇асмаа абхинивзсагааригаа вибарийд̇аг̇г̇аахигаа жа на ход̇ийд̇и ад̇хиббааяо. зд̇знубааязна самаад̇хисамбаяуд̇д̇ааяа ажирадтаанад̇аа жа на ход̇ийд̇и д̣̇адтаб̣б̣аа.
Nimittena punasañjānanakiccā paccābhiññāṇarasā. Punasañjānanassa paccayo punasañjānanapaccayo, tadeva nimittaṃ puna…pe… nimittaṃ, tassa karaṇaṃ puna…pe… karaṇaṃ. Punasañjānanapaccayabhūtaṃ vā nimittakaraṇaṃ puna…pe… karaṇaṃ, tadassā kiccanti attho. Punasañjānanapaccayanimittakaraṇaṃ nimittakārikāya nimittena sañjānantiyā ca sabbāya saññāya samānaṃ veditabbaṃ. Ñāṇameva anuvattati, tasmā abhinivesakārikā viparītaggāhikā ca na hotīti adhippāyo. Etenupāyena samādhisampayuttāya aciraṭṭhānatā ca na hotīti daṭṭhabbā.
абхисанд̣̇ахад̇ийд̇и баб̣анд̇хад̇и бавад̇д̇зд̇и. жзд̇анаабхааво б̣яаабаарабхааво. д̣̇иг̇ун̣уссаахаад̇и на д̣̇иг̇ун̣ам̣ вийрияаяог̇ам̣ санд̇хааяа вуд̇д̇ам̣, ад̇д̇ано зва бана б̣яаабаарагижжасса маханд̇абхаавам̣ д̣̇ийбзд̇и. уссааханабхаавзнаад̇и аад̣̇арабхаавзна. саа хи саяам̣ аад̣̇арабхууд̇аа самбаяуд̇д̇з аад̣̇араяад̇ийд̇и.
Abhisandahatīti pabandhati pavatteti. Cetanābhāvo byāpārabhāvo. Diguṇussāhāti na diguṇaṃ vīriyayogaṃ sandhāya vuttaṃ, attano eva pana byāpārakiccassa mahantabhāvaṃ dīpeti. Ussāhanabhāvenāti ādarabhāvena. Sā hi sayaṃ ādarabhūtā sampayutte ādarayatīti.
виж̇аананам̣ аарамман̣асса убалад̣̇д̇хи. санд̣̇аханам̣ жид̇д̇анд̇арасса ануббаб̣анд̇ханам̣. жагкунаа хи д̣̇идтанд̇и жагкунаа д̣̇адтаб̣б̣ам̣. яат̇аа ‘‘д̣̇идтам̣ суд̇ам̣ муд̇ам̣ вин̃н̃аад̇а’’нд̇и д̣̇адтаб̣б̣аад̣̇и вужжад̇и, звамид̇хааби взд̣̇ид̇аб̣б̣ам̣. жагкунаа хийд̇иаад̣̇ийсу жагкунаа…бз… манасаа д̣̇ваарзнаад̇и ад̇т̇о. наг̇араг̇уд̇д̇игасса вияа жид̇д̇асса аарамман̣авибхааванамад̇д̇ам̣ убад̇хааран̣амад̇д̇ам̣ убалад̣̇д̇химад̇д̇ам̣ гижжам̣, аарамман̣абадивзд̇ханабажжаабхин̃н̃аан̣аад̣̇и бана гижжам̣ бан̃н̃аасан̃н̃аад̣̇ийнанд̇и взд̣̇ид̇аб̣б̣ам̣. буриманид̣̇д̣̇идтанд̇и самаяававад̇т̇аанз нид̣̇д̣̇идтам̣. бхаавзнд̇о вияа на на уббаж̇ж̇ад̇и, гинд̇у уббаж̇ж̇ад̇ийд̇и д̣̇ассзд̇ум̣ ‘‘жид̇д̇ам̣ ход̇ий’’д̇и вуд̇д̇анд̇и зд̇ам̣ ход̇и-сад̣̇д̣̇асса уббаж̇ж̇ад̇и-сад̣̇д̣̇асса жа самаанад̇т̇ад̇д̇з сад̇и яуж̇ж̇зяяа, д̇ад̣̇ад̇т̇ад̇д̇з жа д̇ад̇т̇а уббаннам̣ ход̇ийд̇и на вужжзяяа. на хи яуд̇д̇ам̣ уббаннам̣ уббаж̇ж̇ад̇ийд̇и вад̇д̇ум̣. жид̇д̇асса жа уббаннад̇аа самаяававад̇т̇аанз вуд̇д̇аа зваад̇и гим̣ д̇асса буна уббад̇д̇ид̣̇ассанзна. язна жа самаяававад̇т̇аанам̣ гад̇ам̣, д̇асса нид̣̇д̣̇зсо на на саггаа гаад̇унд̇и гим̣ д̇ам̣ нид̣̇д̣̇зсад̇т̇ам̣ уд̣̇д̣̇зсзна д̣̇уд̇иязна, нид̣̇д̣̇зсзнзва жа пассаад̣̇ийхи жа ан̃н̃ад̇д̇ам̣ жид̇д̇асса сиж̇жхад̇ийд̇и гим̣ д̇ад̣̇ад̇т̇зна буна важанзна, ан̃н̃аббаяож̇анад̇д̇аа бана буримасса жид̇д̇аважанасса бажчимам̣ вуд̇д̇ам̣. буриман̃хи самаяававад̇т̇аанад̇т̇амзва вуд̇д̇ам̣, на вавад̇т̇ид̇асамаяз виж̇ж̇амаанад̇хаммад̣̇ассанад̇т̇ам̣, ид̇аран̃жа д̇асмим̣ самаяз виж̇ж̇амаанад̇хаммад̣̇ассанад̇т̇ам̣ вуд̇д̇ам̣, на самаяававад̇т̇аанад̇т̇ам̣, на жа ан̃н̃ад̣̇ад̇т̇ам̣ важанам̣ ан̃н̃ад̣̇ад̇т̇ам̣ вад̣̇ад̇и, на жа лзсзна вуд̇д̇од̇и гад̇ваа махаагаарун̣иго ад̇т̇ам̣ баагадам̣ на гарод̇ийд̇и.
Vijānanaṃ ārammaṇassa upaladdhi. Sandahanaṃ cittantarassa anuppabandhanaṃ. Cakkhunā hi diṭṭhanti cakkhunā daṭṭhabbaṃ. Yathā ‘‘diṭṭhaṃ sutaṃ mutaṃ viññāta’’nti daṭṭhabbādi vuccati, evamidhāpi veditabbaṃ. Cakkhunā hītiādīsu cakkhunā…pe… manasā dvārenāti attho. Nagaraguttikassa viya cittassa ārammaṇavibhāvanamattaṃ upadhāraṇamattaṃ upaladdhimattaṃ kiccaṃ, ārammaṇapaṭivedhanapaccābhiññāṇādi pana kiccaṃ paññāsaññādīnanti veditabbaṃ. Purimaniddiṭṭhanti samayavavatthāne niddiṭṭhaṃ. Bhāvento viya na na uppajjati, kintu uppajjatīti dassetuṃ ‘‘cittaṃ hotī’’ti vuttanti etaṃ hoti-saddassa uppajjati-saddassa ca samānatthatte sati yujjeyya, tadatthatte ca tattha uppannaṃ hotīti na vucceyya. Na hi yuttaṃ uppannaṃ uppajjatīti vattuṃ. Cittassa ca uppannatā samayavavatthāne vuttā evāti kiṃ tassa puna uppattidassanena. Yena ca samayavavatthānaṃ kataṃ, tassa niddeso na na sakkā kātunti kiṃ taṃ niddesatthaṃ uddesena dutiyena, niddeseneva ca phassādīhi ca aññattaṃ cittassa sijjhatīti kiṃ tadatthena puna vacanena, aññappayojanattā pana purimassa cittavacanassa pacchimaṃ vuttaṃ. Purimañhi samayavavatthānatthameva vuttaṃ, na vavatthitasamaye vijjamānadhammadassanatthaṃ, itarañca tasmiṃ samaye vijjamānadhammadassanatthaṃ vuttaṃ, na samayavavatthānatthaṃ, na ca aññadatthaṃ vacanaṃ aññadatthaṃ vadati, na ca lesena vuttoti katvā mahākāruṇiko atthaṃ pākaṭaṃ na karotīti.
пассабан̃жамагараасиван̣н̣анаа нидтид̇аа.
Phassapañcamakarāsivaṇṇanā niṭṭhitā.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / пассабан̃жамагараасиван̣н̣анаа • Phassapañcamakarāsivaṇṇanā
