| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၅. ဖာသုဝိဟာရသုတ္တဝဏ္ဏနာ
5. Phāsuvihārasuttavaṇṇanā
၁၀၅. ပဉ္စမေ မေတ္တံ ကာယကမ္မန္တိ မေတ္တစိတ္တေန ပဝတ္တိတံ ကာယကမ္မံ။ အာဝိ စေဝ ရဟော စာတိ သမ္မုခေ စေဝ ပရမ္မုခေ စ။ ဣတရေသုပိ ဧသေဝ နယော။ ယာနိ တာနိ သီလာနီတိအာဒိ စတုပာရိသုဒ္ဓိသီလဝသေန ဝုတ္တံ။ သမာဓိသံဝတ္တနိကာနီတိ မဂ္ဂသမာဓိဖလသမာဓိနိဗ္ဗတ္တကာနိ။ သီလသာမညဂတောတိ သမာနသီလတံ ဂတော, ဧကသဒိသသီလော ဟုတ္ဝာတိ အတ္ထော။ တက္ကရသ္သာတိ ယော နံ ကရောတိ, တသ္သ။ ဣတိ ဣမသ္မိံ သုတ္တေ သီလံ မိသ္သကံ ကထိတံ, ဒိဋ္ဌိ ဝိပသ္သနာသမ္မာဒိဋ္ဌီတိ။
105. Pañcame mettaṃ kāyakammanti mettacittena pavattitaṃ kāyakammaṃ. Āvi ceva raho cāti sammukhe ceva parammukhe ca. Itaresupi eseva nayo. Yāni tāni sīlānītiādi catupārisuddhisīlavasena vuttaṃ. Samādhisaṃvattanikānīti maggasamādhiphalasamādhinibbattakāni. Sīlasāmaññagatoti samānasīlataṃ gato, ekasadisasīlo hutvāti attho. Takkarassāti yo naṃ karoti, tassa. Iti imasmiṃ sutte sīlaṃ missakaṃ kathitaṃ, diṭṭhi vipassanāsammādiṭṭhīti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၅. ဖာသုဝိဟာရသုတ္တံ • 5. Phāsuvihārasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅. ဖာသုဝိဟာရသုတ္တဝဏ္ဏနာ • 5. Phāsuvihārasuttavaṇṇanā
