| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. пзн̣абин̣д̣уубамасуд̇д̇ам̣
3. Pheṇapiṇḍūpamasuttaṃ
95. згам̣ самаяам̣ бхаг̇аваа аяуж̇жхааяам̣ 1 вихарад̇и г̇ан̇г̇ааяа над̣̇ияаа д̇ийрз. д̇ад̇ра ко бхаг̇аваа бхигкуу ааманд̇зси –
95. Ekaṃ samayaṃ bhagavā ayujjhāyaṃ 2 viharati gaṅgāya nadiyā tīre. Tatra kho bhagavā bhikkhū āmantesi –
‘‘сзяяат̇ааби, бхигкавз, аяам̣ г̇ан̇г̇аа над̣̇ий маханд̇ам̣ пзн̣абин̣д̣ам̣ аавахзяяа. д̇амзнам̣ жагкумаа бурисо бассзяяа ниж̇жхааязяяа яонисо убабаригкзяяа. д̇асса д̇ам̣ бассад̇о ниж̇жхааяад̇о яонисо убабаригкад̇о рид̇д̇аган̃н̃зва кааязяяа, д̇ужчаган̃н̃зва кааязяяа, асаараган̃н̃зва кааязяяа. гин̃хи сияаа, бхигкавз, пзн̣абин̣д̣з сааро? звамзва ко, бхигкавз, яам̣ гин̃жи руубам̣ ад̇ийд̇аанааг̇ад̇абажжуббаннам̣…бз… яам̣ д̣̇уурз санд̇игз ваа д̇ам̣ бхигку бассад̇и ниж̇жхааяад̇и яонисо убабаригкад̇и. д̇асса д̇ам̣ бассад̇о ниж̇жхааяад̇о яонисо убабаригкад̇о рид̇д̇аган̃н̃зва кааяад̇и , д̇ужчаган̃н̃зва кааяад̇и, асаараган̃н̃зва кааяад̇и. гин̃хи сияаа, бхигкавз, руубз сааро?
‘‘Seyyathāpi, bhikkhave, ayaṃ gaṅgā nadī mahantaṃ pheṇapiṇḍaṃ āvaheyya. Tamenaṃ cakkhumā puriso passeyya nijjhāyeyya yoniso upaparikkheyya. Tassa taṃ passato nijjhāyato yoniso upaparikkhato rittakaññeva khāyeyya, tucchakaññeva khāyeyya, asārakaññeva khāyeyya. Kiñhi siyā, bhikkhave, pheṇapiṇḍe sāro? Evameva kho, bhikkhave, yaṃ kiñci rūpaṃ atītānāgatapaccuppannaṃ…pe… yaṃ dūre santike vā taṃ bhikkhu passati nijjhāyati yoniso upaparikkhati. Tassa taṃ passato nijjhāyato yoniso upaparikkhato rittakaññeva khāyati , tucchakaññeva khāyati, asārakaññeva khāyati. Kiñhi siyā, bhikkhave, rūpe sāro?
‘‘сзяяат̇ааби, бхигкавз, сарад̣̇асамаяз т̇уллапусид̇агз д̣̇звз вассанд̇з уд̣̇агз уд̣̇агабуб̣б̣ул̣ам̣ 3 уббаж̇ж̇ад̇и жзва нируж̇жхад̇и жа. д̇амзнам̣ жагкумаа бурисо бассзяяа ниж̇жхааязяяа яонисо убабаригкзяяа. д̇асса д̇ам̣ бассад̇о ниж̇жхааяад̇о яонисо убабаригкад̇о рид̇д̇аган̃н̃зва кааязяяа, д̇ужчаган̃н̃зва кааязяяа, асаараган̃н̃зва кааязяяа. гин̃хи сияаа, бхигкавз, уд̣̇агабуб̣б̣ул̣з сааро? звамзва ко, бхигкавз, яаа гаажи взд̣̇анаа ад̇ийд̇аанааг̇ад̇абажжуббаннаа…бз… яаа д̣̇уурз санд̇игз ваа д̇ам̣ бхигку бассад̇и ниж̇жхааяад̇и яонисо убабаригкад̇и. д̇асса д̇ам̣ бассад̇о ниж̇жхааяад̇о яонисо убабаригкад̇о рид̇д̇аган̃н̃зва кааяад̇и, д̇ужчаган̃н̃зва кааяад̇и, асаараган̃н̃зва кааяад̇и. гин̃хи сияаа, бхигкавз, взд̣̇анааяа сааро?
‘‘Seyyathāpi, bhikkhave, saradasamaye thullaphusitake deve vassante udake udakapubbuḷaṃ 4 uppajjati ceva nirujjhati ca. Tamenaṃ cakkhumā puriso passeyya nijjhāyeyya yoniso upaparikkheyya. Tassa taṃ passato nijjhāyato yoniso upaparikkhato rittakaññeva khāyeyya, tucchakaññeva khāyeyya, asārakaññeva khāyeyya. Kiñhi siyā, bhikkhave, udakapubbuḷe sāro? Evameva kho, bhikkhave, yā kāci vedanā atītānāgatapaccuppannā…pe… yā dūre santike vā taṃ bhikkhu passati nijjhāyati yoniso upaparikkhati. Tassa taṃ passato nijjhāyato yoniso upaparikkhato rittakaññeva khāyati, tucchakaññeva khāyati, asārakaññeva khāyati. Kiñhi siyā, bhikkhave, vedanāya sāro?
‘‘сзяяат̇ааби, бхигкавз, г̇имхаанам̣ бажчимз маасз тид̇з маж̇жханхигз гаалз марийжигаа панд̣̇ад̇и. д̇амзнам̣ жагкумаа бурисо бассзяяа ниж̇жхааязяяа яонисо убабаригкзяяа. д̇асса д̇ам̣ бассад̇о ниж̇жхааяад̇о яонисо убабаригкад̇о рид̇д̇аган̃н̃зва кааязяяа, д̇ужчаган̃н̃зва кааязяяа…бз… гин̃хи сияаа, бхигкавз, марийжигааяа сааро? звамзва ко, бхигкавз, яаа гаажи сан̃н̃аа…бз….
‘‘Seyyathāpi, bhikkhave, gimhānaṃ pacchime māse ṭhite majjhanhike kāle marīcikā phandati. Tamenaṃ cakkhumā puriso passeyya nijjhāyeyya yoniso upaparikkheyya. Tassa taṃ passato nijjhāyato yoniso upaparikkhato rittakaññeva khāyeyya, tucchakaññeva khāyeyya…pe… kiñhi siyā, bhikkhave, marīcikāya sāro? Evameva kho, bhikkhave, yā kāci saññā…pe….
‘‘сзяяат̇ааби, бхигкавз, бурисо саарад̇т̇иго саараг̇авзсий саарабариязсанам̣ жарамаано д̇ин̣хам̣ гутаарим̣ 5 аад̣̇ааяа ванам̣ бависзяяа. со д̇ад̇т̇а бассзяяа маханд̇ам̣ гад̣̇алигканд̇хам̣ уж̇ум̣ навам̣ агуггугаж̇аад̇ам̣ 6. д̇амзнам̣ муулз чинд̣̇зяяа; муулз чзд̇ваа аг̇г̇з чинд̣̇зяяа, аг̇г̇з чзд̇ваа бад̇д̇аваддим̣ виниб̣бхуж̇зяяа. со д̇асса бад̇д̇аваддим̣ виниб̣бхуж̇анд̇о пзг̇г̇умби наад̇хиг̇ажчзяяа, гуд̇о саарам̣! д̇амзнам̣ жагкумаа бурисо бассзяяа ниж̇жхааязяяа яонисо убабаригкзяяа. д̇асса д̇ам̣ бассад̇о ниж̇жхааяад̇о яонисо убабаригкад̇о рид̇д̇аган̃н̃зва кааязяяа, д̇ужчаган̃н̃зва кааязяяа, асаараган̃н̃зва кааязяяа. гин̃хи сияаа, бхигкавз, гад̣̇алигканд̇хз сааро? звамзва ко, бхигкавз, яз гзжи сан̇каараа ад̇ийд̇аанааг̇ад̇абажжуббаннаа…бз… яз д̣̇уурз санд̇игз ваа д̇ам̣ бхигку бассад̇и ниж̇жхааяад̇и яонисо убабаригкад̇и. д̇асса д̇ам̣ бассад̇о ниж̇жхааяад̇о яонисо убабаригкад̇о рид̇д̇аган̃н̃зва кааяад̇и, д̇ужчаган̃н̃зва кааяад̇и, асаараган̃н̃зва кааяад̇и. гин̃хи сияаа, бхигкавз, сан̇каарзсу сааро?
‘‘Seyyathāpi, bhikkhave, puriso sāratthiko sāragavesī sārapariyesanaṃ caramāno tiṇhaṃ kuṭhāriṃ 7 ādāya vanaṃ paviseyya. So tattha passeyya mahantaṃ kadalikkhandhaṃ ujuṃ navaṃ akukkukajātaṃ 8. Tamenaṃ mūle chindeyya; mūle chetvā agge chindeyya, agge chetvā pattavaṭṭiṃ vinibbhujeyya. So tassa pattavaṭṭiṃ vinibbhujanto pheggumpi nādhigaccheyya, kuto sāraṃ! Tamenaṃ cakkhumā puriso passeyya nijjhāyeyya yoniso upaparikkheyya. Tassa taṃ passato nijjhāyato yoniso upaparikkhato rittakaññeva khāyeyya, tucchakaññeva khāyeyya, asārakaññeva khāyeyya. Kiñhi siyā, bhikkhave, kadalikkhandhe sāro? Evameva kho, bhikkhave, ye keci saṅkhārā atītānāgatapaccuppannā…pe… ye dūre santike vā taṃ bhikkhu passati nijjhāyati yoniso upaparikkhati. Tassa taṃ passato nijjhāyato yoniso upaparikkhato rittakaññeva khāyati, tucchakaññeva khāyati, asārakaññeva khāyati. Kiñhi siyā, bhikkhave, saṅkhāresu sāro?
‘‘сзяяат̇ааби, бхигкавз, мааяаагааро ваа мааяаагааранд̇зваасий ваа жад̇умахаабат̇з 9 мааяам̣ вид̣̇ам̣сзяяа. д̇амзнам̣ жагкумаа бурисо бассзяяа ниж̇жхааязяяа яонисо убабаригкзяяа. д̇асса д̇ам̣ бассад̇о ниж̇жхааяад̇о яонисо убабаригкад̇о рид̇д̇аган̃н̃зва кааязяяа, д̇ужчаган̃н̃зва кааязяяа, асаараган̃н̃зва кааязяяа. гин̃хи сияаа, бхигкавз, мааяааяа сааро? звамзва ко, бхигкавз, яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣…бз… яам̣ д̣̇уурз санд̇игз ваа, д̇ам̣ бхигку бассад̇и ниж̇жхааяад̇и яонисо убабаригкад̇и. д̇асса д̇ам̣ бассад̇о ниж̇жхааяад̇о яонисо убабаригкад̇о рид̇д̇аган̃н̃зва кааяад̇и, д̇ужчаган̃н̃зва кааяад̇и, асаараган̃н̃зва кааяад̇и. гин̃хи сияаа, бхигкавз, вин̃н̃аан̣з сааро?
‘‘Seyyathāpi, bhikkhave, māyākāro vā māyākārantevāsī vā catumahāpathe 10 māyaṃ vidaṃseyya. Tamenaṃ cakkhumā puriso passeyya nijjhāyeyya yoniso upaparikkheyya. Tassa taṃ passato nijjhāyato yoniso upaparikkhato rittakaññeva khāyeyya, tucchakaññeva khāyeyya, asārakaññeva khāyeyya. Kiñhi siyā, bhikkhave, māyāya sāro? Evameva kho, bhikkhave, yaṃ kiñci viññāṇaṃ atītānāgatapaccuppannaṃ…pe… yaṃ dūre santike vā, taṃ bhikkhu passati nijjhāyati yoniso upaparikkhati. Tassa taṃ passato nijjhāyato yoniso upaparikkhato rittakaññeva khāyati, tucchakaññeva khāyati, asārakaññeva khāyati. Kiñhi siyā, bhikkhave, viññāṇe sāro?
‘‘звам̣ бассам̣, бхигкавз, суд̇аваа арияасааваго руубасмимби ниб̣б̣инд̣̇ад̇и, взд̣̇анааяаби… сан̃н̃ааяаби… сан̇каарзсуби … вин̃н̃аан̣асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и…бз… наабарам̣ ид̇т̇ад̇д̇ааяаад̇и баж̇аанаад̇и’’.
‘‘Evaṃ passaṃ, bhikkhave, sutavā ariyasāvako rūpasmimpi nibbindati, vedanāyapi… saññāyapi… saṅkhāresupi … viññāṇasmimpi nibbindati. Nibbindaṃ virajjati; virāgā vimuccati. Vimuttasmiṃ vimuttamiti ñāṇaṃ hoti…pe… nāparaṃ itthattāyāti pajānāti’’.
ид̣̇амавожа бхаг̇аваа. ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –
Idamavoca bhagavā. Idaṃ vatvāna sugato athāparaṃ etadavoca satthā –
‘‘пзн̣абин̣д̣уубамам̣ руубам̣, взд̣̇анаа б̣уб̣б̣ул̣уубамаа 11;
‘‘Pheṇapiṇḍūpamaṃ rūpaṃ, vedanā bubbuḷūpamā 12;
марийжигуубамаа сан̃н̃аа, сан̇каараа гад̣̇алуубамаа;
Marīcikūpamā saññā, saṅkhārā kadalūpamā;
мааяуубаман̃жа вин̃н̃аан̣ам̣, д̣̇зсид̇аад̣̇ижжаб̣анд̇хунаа.
Māyūpamañca viññāṇaṃ, desitādiccabandhunā.
‘‘яат̇аа яат̇аа ниж̇жхааяад̇и, яонисо убабаригкад̇и;
‘‘Yathā yathā nijjhāyati, yoniso upaparikkhati;
рид̇д̇агам̣ д̇ужчагам̣ ход̇и, яо нам̣ бассад̇и яонисо.
Rittakaṃ tucchakaṃ hoti, yo naṃ passati yoniso.
‘‘иман̃жа гааяам̣ аараб̣бха, бхуурибан̃н̃зна д̣̇зсид̇ам̣;
‘‘Imañca kāyaṃ ārabbha, bhūripaññena desitaṃ;
бахаанам̣ д̇ин̣н̣ам̣ д̇хаммаанам̣, руубам̣ бассат̇а 13 чад̣д̣ид̇ам̣.
Pahānaṃ tiṇṇaṃ dhammānaṃ, rūpaṃ passatha 14 chaḍḍitaṃ.
‘‘ааяу усмаа жа вин̃н̃аан̣ам̣, яад̣̇аа гааяам̣ ж̇аханд̇имам̣;
‘‘Āyu usmā ca viññāṇaṃ, yadā kāyaṃ jahantimaṃ;
абавид̣̇д̇хо 15 д̇ад̣̇аа сзд̇и, барабхад̇д̇ам̣ ажзд̇анам̣.
Apaviddho 16 tadā seti, parabhattaṃ acetanaṃ.
‘‘зд̇аад̣̇исааяам̣ санд̇аано, мааяааяам̣ б̣аалалаабиний;
‘‘Etādisāyaṃ santāno, māyāyaṃ bālalāpinī;
вад̇хаго зса агкаад̇о, сааро зд̇т̇а на виж̇ж̇ад̇и.
Vadhako esa akkhāto, sāro ettha na vijjati.
‘‘звам̣ канд̇хз авзгкзяяа, бхигку аарад̣̇д̇хавийрияо;
‘‘Evaṃ khandhe avekkheyya, bhikkhu āraddhavīriyo;
д̣̇иваа ваа яад̣̇и ваа рад̇д̇им̣, самбаж̇аано бадиссад̇о.
Divā vā yadi vā rattiṃ, sampajāno paṭissato.
‘‘ж̇ахзяяа саб̣б̣асам̣яог̇ам̣, гарзяяа саран̣ад̇д̇ано;
‘‘Jaheyya sabbasaṃyogaṃ, kareyya saraṇattano;
жарзяяаад̣̇ид̇д̇асийсова, бад̇т̇аяам̣ ажжуд̇ам̣ бад̣̇а’’нд̇и. д̇ад̇ияам̣;
Careyyādittasīsova, patthayaṃ accutaṃ pada’’nti. tatiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. пзн̣абин̣д̣уубамасуд̇д̇аван̣н̣анаа • 3. Pheṇapiṇḍūpamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. пзн̣абин̣д̣уубамасуд̇д̇аван̣н̣анаа • 3. Pheṇapiṇḍūpamasuttavaṇṇanā
