| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. пзн̣абин̣д̣уубамасуд̇д̇аван̣н̣анаа
3. Pheṇapiṇḍūpamasuttavaṇṇanā
95. д̇ад̇ияз г̇ан̇г̇ааяа над̣̇ияаа д̇ийрзд̇и аяуж̇жхабураваасино абаримаан̣абхигкубариваарам̣ жааригам̣ жарамаанам̣ д̇ат̇ааг̇ад̇ам̣ ад̇д̇ано наг̇арам̣ самбад̇д̇ам̣ д̣̇исваа згасмим̣ г̇ан̇г̇ааяа нивад̇д̇анадтаанз махааванасан̣д̣аман̣д̣ид̇аббад̣̇зсз сад̇т̇у вихаарам̣ гад̇ваа ад̣̇ам̣су. бхаг̇аваа д̇ад̇т̇а вихарад̇и. д̇ам̣ санд̇хааяа вуд̇д̇ам̣ ‘‘г̇ан̇г̇ааяа над̣̇ияаа д̇ийрз’’д̇и. д̇ад̇ра ко бхаг̇аваа бхигкуу ааманд̇зсийд̇и д̇асмим̣ вихаарз васанд̇о бхаг̇аваа сааяанхасамаяам̣ г̇анд̇хагудид̇о нигкамид̇ваа г̇ан̇г̇аад̇ийрз бан̃н̃ад̇д̇авараб̣уд̣̇д̇хаасанз нисинно г̇ан̇г̇ааяа над̣̇ияаа ааг̇ажчанд̇ам̣ маханд̇ам̣ пзн̣абин̣д̣ам̣ д̣̇исваа, ‘‘мама саасанз бан̃жагканд̇ханиссид̇ам̣ згам̣ д̇хаммам̣ гат̇зссаамий’’д̇и жинд̇зд̇ваа бариваарзд̇ваа нисиннз бхигкуу ааманд̇зси.
95. Tatiye gaṅgāya nadiyā tīreti ayujjhapuravāsino aparimāṇabhikkhuparivāraṃ cārikaṃ caramānaṃ tathāgataṃ attano nagaraṃ sampattaṃ disvā ekasmiṃ gaṅgāya nivattanaṭṭhāne mahāvanasaṇḍamaṇḍitappadese satthu vihāraṃ katvā adaṃsu. Bhagavā tattha viharati. Taṃ sandhāya vuttaṃ ‘‘gaṅgāya nadiyā tīre’’ti. Tatra kho bhagavā bhikkhū āmantesīti tasmiṃ vihāre vasanto bhagavā sāyanhasamayaṃ gandhakuṭito nikkhamitvā gaṅgātīre paññattavarabuddhāsane nisinno gaṅgāya nadiyā āgacchantaṃ mahantaṃ pheṇapiṇḍaṃ disvā, ‘‘mama sāsane pañcakkhandhanissitaṃ ekaṃ dhammaṃ kathessāmī’’ti cintetvā parivāretvā nisinne bhikkhū āmantesi.
маханд̇ам̣ пзн̣абин̣д̣анд̇и удтаанудтаанз б̣ад̣̇арабаггаббамаан̣ад̇о бадтааяа анусод̇ааг̇аманзна анубуб̣б̣зна бавад̣дхид̇ваа баб̣б̣ад̇агуудамад̇д̇ам̣ ж̇аад̇ам̣, яад̇т̇а уд̣̇агасаббаад̣̇аяо анзгабаан̣аяо нивасанд̇и, зваруубам̣ маханд̇ам̣ пзн̣абин̣д̣ам̣. аавахзяяаад̇и аахарзяяа. со банааяам̣ пзн̣абин̣д̣о удтид̇адтаанзби бхиж̇ж̇ад̇и , т̇огам̣ г̇анд̇вааби, згад̣̇вияож̇анаад̣̇ивасзна д̣̇уурам̣ г̇анд̇вааби, анд̇араа бана абхиж̇ж̇анд̇оби махаасамуд̣̇д̣̇ам̣ бад̇ваа авассамзва бхиж̇ж̇ад̇и. ниж̇жхааязяяаад̇и ологзяяа. яонисо убабаригкзяяаад̇и гааран̣зна убабаригкзяяа. гин̃хи сияаа, бхигкавз, пзн̣абин̣д̣з саарод̇и, бхигкавз, пзн̣абин̣д̣амхи сааро наама гим̣ бхавзяяа? вилийяид̇ваа вид̣̇д̇хам̣сзяязва.
Mahantaṃpheṇapiṇḍanti uṭṭhānuṭṭhāne badarapakkappamāṇato paṭṭhāya anusotāgamanena anupubbena pavaḍḍhitvā pabbatakūṭamattaṃ jātaṃ, yattha udakasappādayo anekapāṇayo nivasanti, evarūpaṃ mahantaṃ pheṇapiṇḍaṃ. Āvaheyyāti āhareyya. So panāyaṃ pheṇapiṇḍo uṭṭhitaṭṭhānepi bhijjati , thokaṃ gantvāpi, ekadviyojanādivasena dūraṃ gantvāpi, antarā pana abhijjantopi mahāsamuddaṃ patvā avassameva bhijjati. Nijjhāyeyyāti olokeyya. Yoniso upaparikkheyyāti kāraṇena upaparikkheyya. Kiñhi siyā, bhikkhave, pheṇapiṇḍe sāroti, bhikkhave, pheṇapiṇḍamhi sāro nāma kiṃ bhaveyya? Vilīyitvā viddhaṃseyyeva.
звамзва код̇и яат̇аа пзн̣абин̣д̣о ниссааро, звам̣ руубамби нижжасаарад̇хувасаараад̇д̇асааравирахзна ниссаарамзва. яат̇аа жа со ‘‘иминаа бад̇д̇ам̣ ваа т̇аалагам̣ ваа гариссаамий’’д̇и г̇ахзд̇ум̣ на саггаа, г̇ахид̇оби д̇амад̇т̇ам̣ на саад̇хзд̇и, бхиж̇ж̇ад̇и зва, звам̣ руубамби нижжанд̇и ваа д̇хуванд̇и ваа аханд̇и ваа маманд̇и ваа г̇ахзд̇ум̣ на саггаа, г̇ахид̇амби на д̇ат̇аа д̇идтад̇и, анижжам̣ д̣̇угкам̣ анад̇д̇аа асубхан̃н̃зва ход̇ийд̇и звам̣ пзн̣абин̣д̣асад̣̇исамзва ход̇и. яат̇аа ваа бана пзн̣абин̣д̣о чид̣̇д̣̇аавачид̣̇д̣̇о анзгасанд̇хигхадид̇о б̣ахуунам̣ уд̣̇агасаббаад̣̇ийнам̣ баан̣аанам̣ ааваасо, звам̣ руубамби чид̣̇д̣̇аавачид̣̇д̣̇ам̣ анзгасанд̇хигхадид̇ам̣, гулавасзнзвзд̇т̇а асийд̇и гимигулаани васанд̇и, д̇ад̣̇зва д̇зсам̣ сууд̇игхарамби важжагудиби г̇илаанасаалааби сусаанамби, на д̇з ан̃н̃ад̇т̇а г̇анд̇ваа г̇аб̣бхавудтаанаад̣̇ийни гаронд̇и, звамби пзн̣абин̣д̣асад̣̇исам̣.
Evamevakhoti yathā pheṇapiṇḍo nissāro, evaṃ rūpampi niccasāradhuvasāraattasāravirahena nissārameva. Yathā ca so ‘‘iminā pattaṃ vā thālakaṃ vā karissāmī’’ti gahetuṃ na sakkā, gahitopi tamatthaṃ na sādheti, bhijjati eva, evaṃ rūpampi niccanti vā dhuvanti vā ahanti vā mamanti vā gahetuṃ na sakkā, gahitampi na tathā tiṭṭhati, aniccaṃ dukkhaṃ anattā asubhaññeva hotīti evaṃ pheṇapiṇḍasadisameva hoti. Yathā vā pana pheṇapiṇḍo chiddāvachiddo anekasandhighaṭito bahūnaṃ udakasappādīnaṃ pāṇānaṃ āvāso, evaṃ rūpampi chiddāvachiddaṃ anekasandhighaṭitaṃ, kulavasenevettha asīti kimikulāni vasanti, tadeva tesaṃ sūtigharampi vaccakuṭipi gilānasālāpi susānampi, na te aññattha gantvā gabbhavuṭṭhānādīni karonti, evampi pheṇapiṇḍasadisaṃ.
яат̇аа жа пзн̣абин̣д̣о аад̣̇ид̇о б̣ад̣̇арабаггамад̇д̇о худ̇ваа анубуб̣б̣зна баб̣б̣ад̇агуудамад̇д̇оби ход̇и, звам̣ руубамби аад̣̇ид̇о галаламад̇д̇ам̣ худ̇ваа анубуб̣б̣зна б̣яаамамад̇д̇амби г̇омахим̣сахад̇т̇иаад̣̇ийнам̣ васзна баб̣б̣ад̇агуудаад̣̇имад̇д̇ам̣ ход̇и мажчагажчабаад̣̇ийнам̣ васзна анзгаяож̇анасад̇абамаан̣амби, звамби пзн̣абин̣д̣асад̣̇исам̣. яат̇аа жа пзн̣абин̣д̣о удтид̇амад̇д̇оби бхиж̇ж̇ад̇и, т̇огам̣ г̇анд̇вааби, д̣̇уурам̣ г̇анд̇вааби, самуд̣̇д̣̇ам̣ бад̇ваа бана авассамзва бхиж̇ж̇ад̇и, звамзвам̣ руубамби галалабхаавзби бхиж̇ж̇ад̇и аб̣б̣уд̣̇аад̣̇ибхаавзби, анд̇араа бана абхиж̇ж̇амаанамби вассасад̇ааяугаанам̣ вассасад̇ам̣ бад̇ваа авассамзва бхиж̇ж̇ад̇и, маран̣амукз жун̣н̣авижун̣н̣ам̣ ход̇и, звамби пзн̣абин̣д̣асад̣̇исам̣.
Yathā ca pheṇapiṇḍo ādito badarapakkamatto hutvā anupubbena pabbatakūṭamattopi hoti, evaṃ rūpampi ādito kalalamattaṃ hutvā anupubbena byāmamattampi gomahiṃsahatthiādīnaṃ vasena pabbatakūṭādimattaṃ hoti macchakacchapādīnaṃ vasena anekayojanasatapamāṇampi, evampi pheṇapiṇḍasadisaṃ. Yathā ca pheṇapiṇḍo uṭṭhitamattopi bhijjati, thokaṃ gantvāpi, dūraṃ gantvāpi, samuddaṃ patvā pana avassameva bhijjati, evamevaṃ rūpampi kalalabhāvepi bhijjati abbudādibhāvepi, antarā pana abhijjamānampi vassasatāyukānaṃ vassasataṃ patvā avassameva bhijjati, maraṇamukhe cuṇṇavicuṇṇaṃ hoti, evampi pheṇapiṇḍasadisaṃ.
гин̃хи сияаа, бхигкавз, взд̣̇анааяа саарод̇иаад̣̇ийсу взд̣̇анаад̣̇ийнам̣ буб̣б̣ул̣аад̣̇ийхи звам̣ сад̣̇исад̇аа взд̣̇ид̇аб̣б̣аа. яат̇аа хи буб̣б̣ул̣о асааро звам̣ взд̣̇анааби. яат̇аа жа со аб̣ало аг̇аяхуубаг̇о, на саггаа д̇ам̣ г̇ахзд̇ваа палагам̣ ваа аасанам̣ ваа гаад̇ум̣, г̇ахид̇оби бхиж̇ж̇ад̇зва, звам̣ взд̣̇анааби аб̣алаа аг̇аяхуубаг̇аа, на саггаа нижжаад̇и ваа д̇хуваад̇и ваа г̇ахзд̇ум̣, г̇ахид̇ааби на д̇ат̇аа д̇идтад̇и, звам̣ аг̇аяхуубаг̇ад̇ааяаби взд̣̇анаа буб̣б̣ул̣асад̣̇исаа. яат̇аа бана д̇асмим̣ д̇асмим̣ уд̣̇агаб̣инд̣̇умхи буб̣б̣ул̣о уббаж̇ж̇ад̇и жзва бхиж̇ж̇ад̇и жа, на жирадтид̇иго ход̇и, звам̣ взд̣̇анааби уббаж̇ж̇ад̇и жзва бхиж̇ж̇ад̇и жа, на жирадтид̇игаа ход̇и. згажчарагкан̣з годисад̇асахассасан̇каа уббаж̇ж̇ид̇ваа нируж̇жхад̇и. яат̇аа жа буб̣б̣ул̣о уд̣̇агад̇алам̣, уд̣̇агаб̣инд̣̇ум̣, уд̣̇агаж̇аллам̣, сан̇гад̣дхид̇ваа будам̣ гад̇ваа г̇ахан̣аваад̇ан̃жаад̇и жад̇д̇аари гааран̣аани бадижжа уббаж̇ж̇ад̇и, звам̣ взд̣̇анааби вад̇т̇ум̣ аарамман̣ам̣ гилзсаж̇аллам̣ пассасан̇гхадданан̃жаад̇и жад̇д̇аари гааран̣аани бадижжа уббаж̇ж̇ад̇и. звамби взд̣̇анаа буб̣б̣ул̣асад̣̇исаа.
Kiñhisiyā, bhikkhave, vedanāya sārotiādīsu vedanādīnaṃ pubbuḷādīhi evaṃ sadisatā veditabbā. Yathā hi pubbuḷo asāro evaṃ vedanāpi. Yathā ca so abalo agayhūpago, na sakkā taṃ gahetvā phalakaṃ vā āsanaṃ vā kātuṃ, gahitopi bhijjateva, evaṃ vedanāpi abalā agayhūpagā, na sakkā niccāti vā dhuvāti vā gahetuṃ, gahitāpi na tathā tiṭṭhati, evaṃ agayhūpagatāyapi vedanā pubbuḷasadisā. Yathā pana tasmiṃ tasmiṃ udakabindumhi pubbuḷo uppajjati ceva bhijjati ca, na ciraṭṭhitiko hoti, evaṃ vedanāpi uppajjati ceva bhijjati ca, na ciraṭṭhitikā hoti. Ekaccharakkhaṇe koṭisatasahassasaṅkhā uppajjitvā nirujjhati. Yathā ca pubbuḷo udakatalaṃ, udakabinduṃ, udakajallaṃ, saṅkaḍḍhitvā puṭaṃ katvā gahaṇavātañcāti cattāri kāraṇāni paṭicca uppajjati, evaṃ vedanāpi vatthuṃ ārammaṇaṃ kilesajallaṃ phassasaṅghaṭṭanañcāti cattāri kāraṇāni paṭicca uppajjati. Evampi vedanā pubbuḷasadisā.
сан̃н̃ааби асаарагадтзна марийжисад̣̇исаа. д̇ат̇аа аг̇аяхуубаг̇адтзна. на хи саггаа д̇ам̣ г̇ахзд̇ваа бивид̇ум̣ ваа нхааяид̇ум̣ ваа бхааж̇анам̣ ваа буурзд̇ум̣. абижа яат̇аа марийжи вибпанд̣̇ад̇и, сан̃ж̇аад̇уумивзг̇аа вияа кааяад̇и, звам̣ нийласан̃н̃аад̣̇ибхзд̣̇аа сан̃н̃ааби нийлаад̣̇ианубхаванад̇т̇ааяа панд̣̇ад̇и вибпанд̣̇ад̇и. яат̇аа жа марийжи махааж̇анам̣ виббаламбхзд̇и ‘‘бун̣н̣авааби вияа бун̣н̣анад̣̇ий вияа д̣̇иссад̇ий’’д̇и вад̣̇аабзд̇и, звам̣ сан̃н̃ааби виббаламбхзд̇и, ‘‘ид̣̇ам̣ нийлагам̣ субхам̣ сукам̣ нижжа’’нд̇и вад̣̇аабзд̇и. бийд̇агаад̣̇ийсуби зсзва наяо. звам̣ сан̃н̃аа виббаламбханзнааби марийжисад̣̇исаа.
Saññāpi asārakaṭṭhena marīcisadisā. Tathā agayhūpagaṭṭhena. Na hi sakkā taṃ gahetvā pivituṃ vā nhāyituṃ vā bhājanaṃ vā pūretuṃ. Apica yathā marīci vipphandati, sañjātūmivegā viya khāyati, evaṃ nīlasaññādibhedā saññāpi nīlādianubhavanatthāya phandati vipphandati. Yathā ca marīci mahājanaṃ vippalambheti ‘‘puṇṇavāpi viya puṇṇanadī viya dissatī’’ti vadāpeti, evaṃ saññāpi vippalambheti, ‘‘idaṃ nīlakaṃ subhaṃ sukhaṃ nicca’’nti vadāpeti. Pītakādīsupi eseva nayo. Evaṃ saññā vippalambhanenāpi marīcisadisā.
агуггугаж̇аад̇анд̇и анд̇о асан̃ж̇аад̇агханад̣̇ан̣д̣агам̣. сан̇каарааби асаарагадтзна гад̣̇алигканд̇хасад̣̇исаа, д̇ат̇аа аг̇аяхуубаг̇адтзна . яат̇зва хи гад̣̇алигканд̇хад̇о гин̃жи г̇ахзд̇ваа на саггаа г̇обаанасиаад̣̇ийнам̣ ад̇т̇ааяа убанзд̇ум̣, убанийд̇амби на д̇ат̇аа ход̇и, звам̣ сан̇каарааби на саггаа нижжаад̣̇ивасзна г̇ахзд̇ум̣, г̇ахид̇ааби на д̇ат̇аа хонд̇и. яат̇аа жа гад̣̇алигканд̇хо б̣ахубад̇д̇аваддисамод̇хаано ход̇и, звам̣ сан̇каарагканд̇хо б̣ахуд̇хаммасамод̇хаано. яат̇аа жа гад̣̇алигканд̇хо наанаалагкан̣о. ан̃н̃оязва хи б̣аахирааяа бад̇д̇аваддияаа ван̣н̣о, ан̃н̃о д̇ад̇о аб̣бханд̇арааб̣бханд̇араанам̣, звамзва сан̇каарагканд̇хзби ан̃н̃ад̣̇зва пассасса лагкан̣ам̣, ан̃н̃аа жзд̇анаад̣̇ийнам̣, самод̇хаанзд̇ваа бана сан̇каарагканд̇хова вужжад̇ийд̇и звамби сан̇каарагканд̇хо гад̣̇алигканд̇хасад̣̇исо.
Akukkukajātanti anto asañjātaghanadaṇḍakaṃ. Saṅkhārāpi asārakaṭṭhena kadalikkhandhasadisā, tathā agayhūpagaṭṭhena . Yatheva hi kadalikkhandhato kiñci gahetvā na sakkā gopānasiādīnaṃ atthāya upanetuṃ, upanītampi na tathā hoti, evaṃ saṅkhārāpi na sakkā niccādivasena gahetuṃ, gahitāpi na tathā honti. Yathā ca kadalikkhandho bahupattavaṭṭisamodhāno hoti, evaṃ saṅkhārakkhandho bahudhammasamodhāno. Yathā ca kadalikkhandho nānālakkhaṇo. Aññoyeva hi bāhirāya pattavaṭṭiyā vaṇṇo, añño tato abbhantaraabbhantarānaṃ, evameva saṅkhārakkhandhepi aññadeva phassassa lakkhaṇaṃ, aññā cetanādīnaṃ, samodhānetvā pana saṅkhārakkhandhova vuccatīti evampi saṅkhārakkhandho kadalikkhandhasadiso.
жагкумаа бурисод̇и мам̣сажагкунаа жзва бан̃н̃аажагкунаа жаад̇и д̣̇вийхи жагкуухи жагкумаа. мам̣сажагкумби хисса барисуд̣̇д̇хам̣ ваддад̇и абаг̇ад̇абадалабил̣агам̣, бан̃н̃аажагкумби асаарабхаавад̣̇ассанасамад̇т̇ам̣. вин̃н̃аан̣амби асаарагадтзна мааяаасад̣̇исам̣, д̇ат̇аа аг̇аяхуубаг̇адтзна. яат̇аа жа мааяаа ид̇д̇араа лахубажжубадтаанаа, звам̣ вин̃н̃аан̣ам̣. д̇ан̃хи д̇ад̇оби ид̇д̇арад̇аран̃жзва лахубажжубадтаанад̇аран̃жа. д̇знзва хи жид̇д̇зна бурисо ааг̇ад̇о вияа г̇ад̇о вияа тид̇о вияа нисинно вияа ход̇и. ан̃н̃ад̣̇зва жа ааг̇аманагаалз жид̇д̇ам̣, ан̃н̃ам̣ г̇аманагаалаад̣̇ийсу. звамби вин̃н̃аан̣ам̣ мааяаасад̣̇исам̣. мааяаа жа махааж̇анам̣ ван̃жзд̇и, яам̣гин̃жид̣̇зва ‘‘ид̣̇ам̣ суван̣н̣ам̣ раж̇ад̇ам̣ муд̇д̇аа’’д̇и г̇аахаабзд̇и, вин̃н̃аан̣амби махааж̇анам̣ ван̃жзд̇и. д̇знзва хи жид̇д̇зна ааг̇ажчанд̇ам̣ вияа г̇ажчанд̇ам̣ вияа тид̇ам̣ вияа нисиннам̣ вияа гад̇ваа г̇аахаабзд̇и. ан̃н̃ад̣̇зва жа ааг̇аманз жид̇д̇ам̣, ан̃н̃ам̣ г̇аманаад̣̇ийсу. звамби вин̃н̃аан̣ам̣ мааяаасад̣̇исам̣.
Cakkhumā purisoti maṃsacakkhunā ceva paññācakkhunā cāti dvīhi cakkhūhi cakkhumā. Maṃsacakkhumpi hissa parisuddhaṃ vaṭṭati apagatapaṭalapiḷakaṃ, paññācakkhumpi asārabhāvadassanasamatthaṃ. Viññāṇampi asārakaṭṭhena māyāsadisaṃ, tathā agayhūpagaṭṭhena. Yathā ca māyā ittarā lahupaccupaṭṭhānā, evaṃ viññāṇaṃ. Tañhi tatopi ittaratarañceva lahupaccupaṭṭhānatarañca. Teneva hi cittena puriso āgato viya gato viya ṭhito viya nisinno viya hoti. Aññadeva ca āgamanakāle cittaṃ, aññaṃ gamanakālādīsu. Evampi viññāṇaṃ māyāsadisaṃ. Māyā ca mahājanaṃ vañceti, yaṃkiñcideva ‘‘idaṃ suvaṇṇaṃ rajataṃ muttā’’ti gāhāpeti, viññāṇampi mahājanaṃ vañceti. Teneva hi cittena āgacchantaṃ viya gacchantaṃ viya ṭhitaṃ viya nisinnaṃ viya katvā gāhāpeti. Aññadeva ca āgamane cittaṃ, aññaṃ gamanādīsu. Evampi viññāṇaṃ māyāsadisaṃ.
бхуурибан̃н̃знаад̇и сан̣хабан̃н̃зна жзва вибулавид̇т̇ад̇абан̃н̃зна жа. ааяууд̇и ж̇ийвид̇инд̣̇рияам̣. усмаад̇и гаммаж̇ад̇зж̇од̇хаад̇у. барабхад̇д̇анд̇и наанаавид̇хаанам̣ гимиг̇ан̣аад̣̇ийнам̣ бхад̇д̇ам̣ худ̇ваа. зд̇аад̣̇исааяам̣ санд̇аанод̇и зд̇аад̣̇исий аяам̣ бавзн̣ий мад̇агасса яаава сусаанаа гхаддийяад̇ийд̇и. мааяааяам̣ б̣аалалаабинийд̇и явааяам̣ вин̃н̃аан̣агканд̇хо наама, аяам̣ б̣ааламахааж̇аналабаабанигамааяаа наама. вад̇хагод̇и д̣̇вийхи гааран̣зхи аяам̣ канд̇хасан̇каад̇о вад̇хаго ан̃н̃аман̃н̃агхаад̇анзнаби, канд̇хзсу сад̇и вад̇хо бан̃н̃ааяад̇ийд̇иби. згаа хи бат̇авийд̇хаад̇у бхиж̇ж̇амаанаа сзсад̇хаад̇уяо г̇ахзд̇ваава бхиж̇ж̇ад̇и, д̇ат̇аа аабод̇хаад̇уаад̣̇аяо. руубагканд̇хо жа бхиж̇ж̇амаано аруубагканд̇хз г̇ахзд̇ваава бхиж̇ж̇ад̇и, д̇ат̇аа аруубагканд̇хзсу взд̣̇анаад̣̇аяо сан̃н̃аад̣̇игз. жад̇д̇аароби жзд̇з вад̇т̇уруубанд̇и звам̣ ан̃н̃аман̃н̃авад̇ханзнзд̇т̇а вад̇хагад̇аа взд̣̇ид̇аб̣б̣аа. канд̇хзсу бана сад̇и вад̇хаб̣анд̇ханажчзд̣̇аад̣̇ийни самбхаванд̇и, звам̣ зд̇зсу сад̇и вад̇хабхаавад̇оби вад̇хагад̇аа взд̣̇ид̇аб̣б̣аа. саб̣б̣асам̣яог̇анд̇и саб̣б̣ам̣ д̣̇асавид̇хамби сам̣яож̇анам̣. ажжуд̇ам̣ бад̣̇анд̇и ниб̣б̣аанам̣. д̇ад̇ияам̣.
Bhūripaññenāti saṇhapaññena ceva vipulavitthatapaññena ca. Āyūti jīvitindriyaṃ. Usmāti kammajatejodhātu. Parabhattanti nānāvidhānaṃ kimigaṇādīnaṃ bhattaṃ hutvā. Etādisāyaṃ santānoti etādisī ayaṃ paveṇī matakassa yāva susānā ghaṭṭīyatīti. Māyāyaṃ bālalāpinīti yvāyaṃ viññāṇakkhandho nāma, ayaṃ bālamahājanalapāpanikamāyā nāma. Vadhakoti dvīhi kāraṇehi ayaṃ khandhasaṅkhāto vadhako aññamaññaghātanenapi, khandhesu sati vadho paññāyatītipi. Ekā hi pathavīdhātu bhijjamānā sesadhātuyo gahetvāva bhijjati, tathā āpodhātuādayo. Rūpakkhandho ca bhijjamāno arūpakkhandhe gahetvāva bhijjati, tathā arūpakkhandhesu vedanādayo saññādike. Cattāropi cete vatthurūpanti evaṃ aññamaññavadhanenettha vadhakatā veditabbā. Khandhesu pana sati vadhabandhanacchedādīni sambhavanti, evaṃ etesu sati vadhabhāvatopi vadhakatā veditabbā. Sabbasaṃyoganti sabbaṃ dasavidhampi saṃyojanaṃ. Accutaṃ padanti nibbānaṃ. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. пзн̣абин̣д̣уубамасуд̇д̇ам̣ • 3. Pheṇapiṇḍūpamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. пзн̣абин̣д̣уубамасуд̇д̇аван̣н̣анаа • 3. Pheṇapiṇḍūpamasuttavaṇṇanā
