| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. пзн̣абин̣д̣уубамасуд̇д̇аван̣н̣анаа
3. Pheṇapiṇḍūpamasuttavaṇṇanā
95. гзнажи гааран̣зна яуж̇жхид̇ваа г̇ахзд̇ум̣ на саггаад̇и аяуж̇жхаа наама. нивад̇д̇анадтаанзд̇и уд̣̇агаббаваахасса нивад̇д̇ид̇адтаанз.
95. Kenaci kāraṇena yujjhitvā gahetuṃ na sakkāti ayujjhā nāma. Nivattanaṭṭhāneti udakappavāhassa nivattitaṭṭhāne.
анусод̇ааг̇аманзд̇и анусод̇ам̣ ааг̇аманахзд̇у, ‘‘анусод̇ааг̇аманзнаа’’д̇и ваа баато. анубуб̣б̣зна бавад̣дхид̇ваад̇и д̇ад̇т̇а д̇ад̇т̇а удтид̇аанам̣ куд̣̇д̣̇агамаханд̇аанам̣ пзн̣абин̣д̣аанам̣ сам̣саг̇г̇зна багаарад̇о вуд̣̇д̇хим̣ бад̇ваа. аавахзяяаад̇и аанзд̇ваа вахзяяа. гааран̣зна убабаригкзяяаад̇и н̃аан̣зна виймам̣сзяяа. ‘‘сааро наама гим̣ бхавзяяаа’’д̇и вад̇ваа саб̣б̣асо д̇ад̣̇абхаавам̣ д̣̇ассзнд̇о ‘‘вилийяид̇ваа вид̣̇д̇хам̣сзяязваа’’д̇и ааха. д̇зна руубамби ниссаарад̇ааяа бхиж̇ж̇ад̇зваад̇и д̣̇ассзд̇и. яат̇аа хи анижжад̇ааяа асаарад̇аасид̣̇д̇хи, звам̣ асаарад̇ааяаби анижжад̇аасид̣̇д̇хийд̇и анижжад̇ааяа зва нижжасаарам̣ т̇ирабхаавасаарам̣ д̇хувасаарам̣ саамийниваасийгаарагабхууд̇асса ад̇д̇ано васз бавад̇д̇анамбзд̇т̇а над̇т̇ийд̇и ааха ‘‘руубамби…бз… ниссаарамзваа’’д̇и. сод̇и пзн̣абин̣д̣о. г̇ахид̇оби убааязна д̇амад̇т̇ам̣ на саад̇хзд̇и анарахад̇д̇аа. анзгасанд̇хигхадид̇о д̇ат̇аа д̇ат̇аа гхадид̇о худ̇ваа.
Anusotāgamaneti anusotaṃ āgamanahetu, ‘‘anusotāgamanenā’’ti vā pāṭho. Anupubbena pavaḍḍhitvāti tattha tattha uṭṭhitānaṃ khuddakamahantānaṃ pheṇapiṇḍānaṃ saṃsaggena pakārato vuddhiṃ patvā. Āvaheyyāti ānetvā vaheyya. Kāraṇena upaparikkheyyāti ñāṇena vīmaṃseyya. ‘‘Sāro nāma kiṃ bhaveyyā’’ti vatvā sabbaso tadabhāvaṃ dassento ‘‘vilīyitvā viddhaṃseyyevā’’ti āha. Tena rūpampi nissāratāya bhijjatevāti dasseti. Yathā hi aniccatāya asāratāsiddhi, evaṃ asāratāyapi aniccatāsiddhīti aniccatāya eva niccasāraṃ thirabhāvasāraṃ dhuvasāraṃ sāmīnivāsīkārakabhūtassa attano vase pavattanampettha natthīti āha ‘‘rūpampi…pe… nissāramevā’’ti. Soti pheṇapiṇḍo. Gahitopi upāyena tamatthaṃ na sādheti anarahattā. Anekasandhighaṭito tathā tathā ghaṭito hutvā.
б̣яаамамад̇д̇амби зд̇арахи мануссаанам̣ васзна. авассамзва бхиж̇ж̇ад̇и д̇аран̇г̇аб̣бхаахад̇ам̣ худ̇ваа.
Byāmamattampi etarahi manussānaṃ vasena. Avassameva bhijjati taraṅgabbhāhataṃ hutvā.
д̇асмим̣ д̇асмим̣ уд̣̇агаб̣инд̣̇умхи бад̇ид̇з. уд̣̇агад̇аланд̇и уд̣̇агабидтим̣. ан̃н̃ад̇о бад̇анд̇ам̣ уд̣̇агаб̣инд̣̇ум̣. уд̣̇агаж̇алланд̇и санд̇аанагам̣ худ̇ваа тид̇ам̣ уд̣̇агамалам̣. д̇ан̃хи сам̣гад̣дхид̇ваа д̇ад̇о уд̣̇агам̣ будам̣ гарод̇и, д̇асмим̣ будз буб̣б̣ул̣асаман̃н̃аа. вад̇т̇унд̇и жагкаад̣̇ивад̇т̇ум̣. аарамман̣анд̇и руубаад̣̇иаарамман̣ам̣. гилзсаж̇алланд̇и буримасид̣̇д̇хам̣, бадилаб̣бхамаанам̣ ваа гилзсамалам̣. пассасан̇гхаддананд̇и пассасамод̇хаанам̣. буб̣б̣ул̣асад̣̇исаа мухуд̇д̇араман̣ийяад̇ааяа. яасмаа гхаммагаалз суурияаад̇абасанд̇аабаабхиниб̣б̣ад̇д̇арасмиж̇ааланибаад̇з д̇аад̣̇исз бхуумибад̣̇зсз ид̇о жид̇о самуг̇г̇ад̇аваад̇авзг̇асамуд̣̇д̇хадавирул̣хасан̇каад̇зсу бариб̣бхаманд̇зсу ан̣убарамаан̣уд̇аж̇ж̇аариббагаарзсу бхууд̇асан̇гхаад̇зсу марийжисаман̃н̃аа, д̇асмаа саб̣б̣асо сааравирахид̇аад̇и вуд̇д̇ам̣ ‘‘сан̃н̃ааби асаарагадтзна марийжисад̣̇исаа’’д̇и. яасмаа жа бассанд̇аанам̣ язбхуяязна уд̣̇агаагаарзна кааяад̇и, д̇асмаа ‘‘г̇ахзд̇ваа бивид̇ум̣ ваа’’д̇иаад̣̇и вуд̇д̇ам̣. нийлаад̣̇ианубхаванад̇т̇ааяаад̇и нийлаад̣̇иаарамман̣асса анубхаванад̇т̇ааяа. панд̣̇ад̇ийд̇и панд̣̇анаагаараббад̇д̇аа вияа ход̇и аббахийнад̇ан̣хасса буг̇г̇аласса. виббаламбхзд̇и аббахийнавибаллаасам̣ буг̇г̇алам̣. д̇знааха ‘‘ид̣̇ам̣ нийлага’’нд̇иаад̣̇и. сан̃н̃аавибаллаасад̇о хи жид̇д̇авибаллаасо, д̇ад̇о д̣̇идтивибаллаасод̇и. виббаламбханзнаад̇и виббагааравасзнзва аарамман̣асса ламбханзна. виббагааравасзна хи зд̇ам̣ ламбханам̣, яад̣̇ид̣̇ам̣ ануд̣̇агамзва уд̣̇агам̣ гад̇ваа д̣̇ассанам̣ анаг̇арамзва наг̇арам̣ гад̇ваа г̇анд̇хаб̣б̣анаадагаад̣̇ид̣̇ассанам̣.
Tasmiṃ tasmiṃ udakabindumhi patite. Udakatalanti udakapiṭṭhiṃ. Aññato patantaṃ udakabinduṃ. Udakajallanti santānakaṃ hutvā ṭhitaṃ udakamalaṃ. Tañhi saṃkaḍḍhitvā tato udakaṃ puṭaṃ karoti, tasmiṃ puṭe pubbuḷasamaññā. Vatthunti cakkhādivatthuṃ. Ārammaṇanti rūpādiārammaṇaṃ. Kilesajallanti purimasiddhaṃ, paṭilabbhamānaṃ vā kilesamalaṃ. Phassasaṅghaṭṭananti phassasamodhānaṃ. Pubbuḷasadisā muhuttaramaṇīyatāya. Yasmā ghammakāle sūriyātapasantāpābhinibbattarasmijālanipāte tādise bhūmipadese ito cito samuggatavātavegasamuddhaṭaviruḷhasaṅkhātesu paribbhamantesu aṇuparamāṇutajjārippakāresu bhūtasaṅghātesu marīcisamaññā, tasmā sabbaso sāravirahitāti vuttaṃ ‘‘saññāpi asārakaṭṭhena marīcisadisā’’ti. Yasmā ca passantānaṃ yebhuyyena udakākārena khāyati, tasmā ‘‘gahetvā pivituṃ vā’’tiādi vuttaṃ. Nīlādianubhavanatthāyāti nīlādiārammaṇassa anubhavanatthāya. Phandatīti phandanākārappattā viya hoti appahīnataṇhassa puggalassa. Vippalambheti appahīnavipallāsaṃ puggalaṃ. Tenāha ‘‘idaṃ nīlaka’’ntiādi. Saññāvipallāsato hi cittavipallāso, tato diṭṭhivipallāsoti. Vippalambhanenāti vippakāravaseneva ārammaṇassa lambhanena. Vippakāravasena hi etaṃ lambhanaṃ, yadidaṃ anudakameva udakaṃ katvā dassanaṃ anagarameva nagaraṃ katvā gandhabbanāṭakādidassanaṃ.
гуггугам̣ вужжад̇и гад̣̇алигканд̇хасса саб̣б̣абад̇д̇аваддийнам̣ аб̣бханд̇арз д̣̇ан̣д̣аганд̇и ааха ‘‘агуггугаж̇аад̇анд̇и анд̇о асан̃ж̇аад̇агханад̣̇ан̣д̣ага’’нд̇и. на д̇ат̇аа ход̇ийд̇и яад̣̇ад̇т̇ааяа убанийд̇ам̣, д̇ад̣̇ад̇т̇ааяа на ход̇и. наанаалагкан̣од̇и наанаасабхааво. сан̇каарагканд̇ховаад̇и зго сан̇каарагканд̇ход̇взва вужжад̇и.
Kukkukaṃ vuccati kadalikkhandhassa sabbapattavaṭṭīnaṃ abbhantare daṇḍakanti āha ‘‘akukkukajātanti anto asañjātaghanadaṇḍaka’’nti. Na tathā hotīti yadatthāya upanītaṃ, tadatthāya na hoti. Nānālakkhaṇoti nānāsabhāvo. Saṅkhārakkhandhovāti eko saṅkhārakkhandhotveva vuccati.
ассаад̇и бурисасса. абаг̇ад̇абадалабил̣аганд̇и абаг̇ад̇абадалад̣̇осан̃жзва абаг̇ад̇абил̣агад̣̇осан̃жа. асаарабхаавад̣̇ассанасамад̇т̇анд̇и асаарасса асаарабхаавад̣̇ассанасамад̇т̇ам̣. ид̇д̇араад̇и барид̇д̇агаалаа, на жирадтид̇игаа. д̇знааха ‘‘лахубажжубадтаанаа’’д̇и. ан̃н̃ад̣̇зва жа ааг̇аманагаалз жид̇д̇анд̇и ид̣̇ан̃жа ол̣ааригавасзнзва вуд̇д̇ам̣. д̇ат̇аа хи згажчарагкан̣з анзгагодисад̇асахассасан̇каани жид̇д̇аани уббаж̇ж̇ид̇ваа нируж̇жханд̇и. мааяааяа д̣̇ассид̇ам̣ руубам̣ мааяаад̇и вуд̇д̇ам̣. яам̣гин̃жид̣̇зва габаалидтагабаасаан̣аваалигаад̣̇им̣. ван̃жзд̇ийд̇и асуван̣н̣амзва суван̣н̣анд̇и, амуд̇д̇амзва муд̇д̇аад̇иаад̣̇инаа ван̃жзд̇и. нану жа сан̃н̃ааби марийжи вияа виббаламбхзд̇и ван̃жзд̇и, ид̣̇амби вин̃н̃аан̣ам̣ мааяаа вияа ван̃жзд̇ийд̇и го имзсам̣ висзсод̇и? важанад̇т̇о нзсам̣ саад̇хааран̣о. д̇ат̇ааби сан̃н̃аа ануд̣̇агам̣язва уд̣̇агам̣ гад̇ваа г̇аахаабзнд̇ий, абурисан̃н̃зва бурисам̣ гад̇ваа г̇аахаабзнд̇ий виббаламбханавасзна аббависаяаа, вин̃н̃аан̣ам̣ бана яам̣ гин̃жи ад̇ам̣сабхаавам̣ д̇ам̣ гад̇ваа д̣̇ассзнд̇ий мааяаа вияа махаависаяаа. д̇знааха ‘‘яам̣гин̃жид̣̇зваа’’д̇иаад̣̇и. звамбийд̇и ад̇ивияа лахубаривад̇д̇ибхаавзнаби мааяаасад̣̇исанд̇и.
Assāti purisassa. Apagatapaṭalapiḷakanti apagatapaṭaladosañceva apagatapiḷakadosañca. Asārabhāvadassanasamatthanti asārassa asārabhāvadassanasamatthaṃ. Ittarāti parittakālā, na ciraṭṭhitikā. Tenāha ‘‘lahupaccupaṭṭhānā’’ti. Aññadeva ca āgamanakāle cittanti idañca oḷārikavaseneva vuttaṃ. Tathā hi ekaccharakkhaṇe anekakoṭisatasahassasaṅkhāni cittāni uppajjitvā nirujjhanti. Māyāya dassitaṃ rūpaṃ māyāti vuttaṃ. Yaṃkiñcideva kapāliṭṭhakapāsāṇavālikādiṃ. Vañcetīti asuvaṇṇameva suvaṇṇanti, amuttameva muttātiādinā vañceti. Nanu ca saññāpi marīci viya vippalambheti vañceti, idampi viññāṇaṃ māyā viya vañcetīti ko imesaṃ visesoti? Vacanattho nesaṃ sādhāraṇo. Tathāpi saññā anudakaṃyeva udakaṃ katvā gāhāpentī, apurisaññeva purisaṃ katvā gāhāpentī vippalambhanavasena appavisayā, viññāṇaṃ pana yaṃ kiñci ataṃsabhāvaṃ taṃ katvā dassentī māyā viya mahāvisayā. Tenāha ‘‘yaṃkiñcidevā’’tiādi. Evampīti ativiya lahuparivattibhāvenapi māyāsadisanti.
д̣̇зсид̇аад̇и звам̣ д̣̇зсид̇аа пзн̣абин̣д̣аад̣̇иубамаахи.
Desitāti evaṃ desitā pheṇapiṇḍādiupamāhi.
бхуури вужжад̇и бат̇авий, сан̣хадтзна вибуладтзна жа бхуурисад̣̇исабан̃н̃ад̇ааяа бхуурибан̃н̃о. д̇знааха ‘‘сан̣хабан̃н̃зна жзваа’’д̇иаад̣̇и. гимиг̇ан̣аад̣̇ийнанд̇и аад̣̇и-сад̣̇д̣̇зна анзгаг̇иж̇жхаад̣̇игз сан̇г̇ан̣хаад̇и. бавзн̣ийд̇и д̇хаммабаб̣анд̇хо. б̣аалалаабиний ‘‘ахам̣ мамаа’’д̇иаад̣̇инаа. сзсад̇хаад̇уяо г̇ахзд̇ваава бхиж̇ж̇ад̇и згуббаад̣̇зганирод̇хад̇д̇аа, вад̇т̇уруубаниссаяабажжаяад̇д̇аа ‘‘аяа’’нд̇и на висум̣ г̇ахид̇ам̣. вад̇хабхаавад̇од̇и вад̇хасса маран̣асса ад̇т̇ибхаавад̇о. саран̣анд̇и бадисаран̣ам̣.
Bhūri vuccati pathavī, saṇhaṭṭhena vipulaṭṭhena ca bhūrisadisapaññatāya bhūripañño. Tenāha ‘‘saṇhapaññena cevā’’tiādi. Kimigaṇādīnanti ādi-saddena anekagijjhādike saṅgaṇhāti. Paveṇīti dhammapabandho. Bālalāpinī ‘‘ahaṃ mamā’’tiādinā. Sesadhātuyo gahetvāva bhijjati ekuppādekanirodhattā, vatthurūpanissayapaccayattā ‘‘aya’’nti na visuṃ gahitaṃ. Vadhabhāvatoti vadhassa maraṇassa atthibhāvato. Saraṇanti paṭisaraṇaṃ.
пзн̣абин̣д̣уубамасуд̇д̇аван̣н̣анаа нидтид̇аа.
Pheṇapiṇḍūpamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. пзн̣абин̣д̣уубамасуд̇д̇ам̣ • 3. Pheṇapiṇḍūpamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. пзн̣абин̣д̣уубамасуд̇д̇аван̣н̣анаа • 3. Pheṇapiṇḍūpamasuttavaṇṇanā
