| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. பு²ஸதிஸுத்தவண்ணனா
2. Phusatisuttavaṇṇanā
22. து³தியே நாபு²ஸந்தங் பு²ஸதீதி கம்மங் அபு²ஸந்தங் விபாகோ ந பு²ஸதி, கம்மமேவ வா அபு²ஸந்தங் கம்மங் ந பு²ஸதி. கம்மஞ்ஹி நாகரோதோ கரியதி. பு²ஸந்தஞ்ச ததோ பு²ஸேதி கம்மங் பு²ஸந்தங் விபாகோ பு²ஸதி, கம்மமேவ வா பு²ஸதி. கம்மஞ்ஹி கரோதோ கரியதி. தஸ்மா பு²ஸந்தங் பு²ஸதி, அப்பது³ட்ட²பதோ³ஸினந்தி யஸ்மா ந அபு²ஸந்தங் பு²ஸதி, பு²ஸந்தஞ்ச பு²ஸதி, அயங் கம்மவிபாகானங் த⁴ம்மதா, தஸ்மா யோ ‘‘அப்பது³ட்ட²ஸ்ஸ நரஸ்ஸ து³ஸ்ஸதி, ஸுத்³த⁴ஸ்ஸ போஸஸ்ஸ அனங்க³ணஸ்ஸா’’தி ஏவங் வுத்தோ அப்பது³ட்ட²பதோ³ஸீ புக்³க³லோ, தங் புக்³க³லங் கம்மங் பு²ஸந்தமேவ கம்மங் பு²ஸதி, விபாகோ வா பு²ஸதி. ஸோ ஹி பரஸ்ஸ உபகா⁴தங் காதுங் ஸக்கோதி வா மா வா, அத்தா பனானேன சதூஸு அபாயேஸு ட²பிதோ நாம ஹோதி. தேனாஹ ப⁴க³வா – ‘‘தமேவ பா³லங் பச்சேதி பாபங், ஸுகு²மோ ரஜோ படிவாதங்வ கி²த்தோ’’தி. து³தியங்.
22. Dutiye nāphusantaṃ phusatīti kammaṃ aphusantaṃ vipāko na phusati, kammameva vā aphusantaṃ kammaṃ na phusati. Kammañhi nākaroto kariyati. Phusantañca tatophuseti kammaṃ phusantaṃ vipāko phusati, kammameva vā phusati. Kammañhi karoto kariyati. Tasmā phusantaṃ phusati, appaduṭṭhapadosinanti yasmā na aphusantaṃ phusati, phusantañca phusati, ayaṃ kammavipākānaṃ dhammatā, tasmā yo ‘‘appaduṭṭhassa narassa dussati, suddhassa posassa anaṅgaṇassā’’ti evaṃ vutto appaduṭṭhapadosī puggalo, taṃ puggalaṃ kammaṃ phusantameva kammaṃ phusati, vipāko vā phusati. So hi parassa upaghātaṃ kātuṃ sakkoti vā mā vā, attā panānena catūsu apāyesu ṭhapito nāma hoti. Tenāha bhagavā – ‘‘tameva bālaṃ pacceti pāpaṃ, sukhumo rajo paṭivātaṃva khitto’’ti. Dutiyaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. பு²ஸதிஸுத்தங் • 2. Phusatisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. பு²ஸதிஸுத்தவண்ணனா • 2. Phusatisuttavaṇṇanā
