| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. пусад̇исуд̇д̇аван̣н̣анаа
2. Phusatisuttavaṇṇanā
22. гаммам̣ апусанд̇анд̇и гаммапассам̣ апусанд̇ам̣, гаммам̣ агаронд̇анд̇и ад̇т̇о. вибааго на пусад̇ийд̇и вибаагапассо на пусад̇и, вибааго на уббаж̇ж̇ад̇зва гааран̣асса абхаавад̇о. звам̣ б̣яад̇ирзгамукзна гаммаваддзна вибаагаваддам̣ самб̣анд̇хам̣ гад̇ваа ад̇т̇ам̣ вад̇ваа ид̣̇аани гзвалам̣ гаммаваддавасзна ад̇т̇ам̣ вад̣̇анд̇о ‘‘гаммамзваа’’д̇иаад̣̇имааха. д̇ад̇т̇а наагарод̇о гарияад̇ийд̇и гаммам̣ агуб̣б̣ад̇о на гаяирад̇и, анабхисанд̇хигад̇агаммам̣ наама над̇т̇ийд̇и ад̇т̇о. ид̣̇аани д̇амзвад̇т̇ам̣ анваяад̇о д̣̇ассзд̇ум̣ ‘‘пусанд̇ан̃жаа’’д̇иаад̣̇и вуд̇д̇ам̣. д̇ад̇т̇а д̇ад̇од̇и пусанахзд̇у. сзсам̣ вуд̇д̇анаяамзва. вуд̇д̇амзвад̇т̇ам̣ сагааран̣ам̣ гад̇ваа баривзтид̇авасзна вибхууд̇ам̣ гад̇ваа д̣̇ассзд̇ум̣ ‘‘д̇асмаа пусанд̇а’’нд̇иаад̣̇и вуд̇д̇ам̣. д̇хаммад̇аад̇и гаарагассзва гаммавибаагаануб̣анд̇хо, наагаарагассаад̇и аяам̣ гаммавибаагаанам̣ сабхааво.
22.Kammaṃ aphusantanti kammaphassaṃ aphusantaṃ, kammaṃ akarontanti attho. Vipāko na phusatīti vipākaphasso na phusati, vipāko na uppajjateva kāraṇassa abhāvato. Evaṃ byatirekamukhena kammavaṭṭena vipākavaṭṭaṃ sambandhaṃ katvā atthaṃ vatvā idāni kevalaṃ kammavaṭṭavasena atthaṃ vadanto ‘‘kammamevā’’tiādimāha. Tattha nākaroto kariyatīti kammaṃ akubbato na kayirati, anabhisandhikatakammaṃ nāma natthīti attho. Idāni tamevatthaṃ anvayato dassetuṃ ‘‘phusantañcā’’tiādi vuttaṃ. Tattha tatoti phusanahetu. Sesaṃ vuttanayameva. Vuttamevatthaṃ sakāraṇaṃ katvā pariveṭhitavasena vibhūtaṃ katvā dassetuṃ ‘‘tasmā phusanta’’ntiādi vuttaṃ. Dhammatāti kārakasseva kammavipākānubandho, nākārakassāti ayaṃ kammavipākānaṃ sabhāvo.
бажжзд̇и убаг̇ажчад̇и ануб̣анд̇хад̇и. баабанд̇и баабагам̣ гаммам̣ палан̃жа. аяан̃жа ад̇т̇о аран̃н̃з луд̣̇д̣̇агасса уяяож̇анааяа сунакзхи бариваарияамаанасса бхигкуно бхаязна ругкам̣ аарул̣хасса жийварз луд̣̇д̣̇асса убари бад̇ид̇з д̇асса сунакзхи каад̣̇ид̇ваа маарид̇авад̇т̇унаа д̣̇ийбзд̇аб̣б̣од̇и.
Pacceti upagacchati anubandhati. Pāpanti pāpakaṃ kammaṃ phalañca. Ayañca attho araññe luddakassa uyyojanāya sunakhehi parivāriyamānassa bhikkhuno bhayena rukkhaṃ āruḷhassa cīvare luddassa upari patite tassa sunakhehi khāditvā māritavatthunā dīpetabboti.
пусад̇исуд̇д̇аван̣н̣анаа нидтид̇аа.
Phusatisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. пусад̇исуд̇д̇ам̣ • 2. Phusatisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. пусад̇исуд̇д̇аван̣н̣анаа • 2. Phusatisuttavaṇṇanā
