| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၂. ဖုသတိသုတ္တဝဏ္ဏနာ
2. Phusatisuttavaṇṇanā
၂၂. ဒုတိယေ နာဖုသန္တံ ဖုသတီတိ ကမ္မံ အဖုသန္တံ ဝိပာကော န ဖုသတိ, ကမ္မမေဝ ဝာ အဖုသန္တံ ကမ္မံ န ဖုသတိ။ ကမ္မဉ္ဟိ နာကရောတော ကရိယတိ။ ဖုသန္တဉ္စ တတော ဖုသေတိ ကမ္မံ ဖုသန္တံ ဝိပာကော ဖုသတိ, ကမ္မမေဝ ဝာ ဖုသတိ။ ကမ္မဉ္ဟိ ကရောတော ကရိယတိ။ တသ္မာ ဖုသန္တံ ဖုသတိ, အပ္ပဒုဋ္ဌပဒောသိနန္တိ ယသ္မာ န အဖုသန္တံ ဖုသတိ, ဖုသန္တဉ္စ ဖုသတိ, အယံ ကမ္မဝိပာကာနံ ဓမ္မတာ, တသ္မာ ယော ‘‘အပ္ပဒုဋ္ဌသ္သ နရသ္သ ဒုသ္သတိ, သုဒ္ဓသ္သ ပောသသ္သ အနင္ဂဏသ္သာ’’တိ ဧဝံ ဝုတ္တော အပ္ပဒုဋ္ဌပဒောသီ ပုဂ္ဂလော, တံ ပုဂ္ဂလံ ကမ္မံ ဖုသန္တမေဝ ကမ္မံ ဖုသတိ, ဝိပာကော ဝာ ဖုသတိ။ သော ဟိ ပရသ္သ ဥပဃာတံ ကာတုံ သက္ကောတိ ဝာ မာ ဝာ, အတ္တာ ပနာနေန စတူသု အပာယေသု ဌပိတော နာမ ဟောတိ။ တေနာဟ ဘဂဝာ – ‘‘တမေဝ ဗာလံ ပစ္စေတိ ပာပံ, သုခုမော ရဇော ပဋိဝာတံဝ ခိတ္တော’’တိ။ ဒုတိယံ။
22. Dutiye nāphusantaṃ phusatīti kammaṃ aphusantaṃ vipāko na phusati, kammameva vā aphusantaṃ kammaṃ na phusati. Kammañhi nākaroto kariyati. Phusantañca tatophuseti kammaṃ phusantaṃ vipāko phusati, kammameva vā phusati. Kammañhi karoto kariyati. Tasmā phusantaṃ phusati, appaduṭṭhapadosinanti yasmā na aphusantaṃ phusati, phusantañca phusati, ayaṃ kammavipākānaṃ dhammatā, tasmā yo ‘‘appaduṭṭhassa narassa dussati, suddhassa posassa anaṅgaṇassā’’ti evaṃ vutto appaduṭṭhapadosī puggalo, taṃ puggalaṃ kammaṃ phusantameva kammaṃ phusati, vipāko vā phusati. So hi parassa upaghātaṃ kātuṃ sakkoti vā mā vā, attā panānena catūsu apāyesu ṭhapito nāma hoti. Tenāha bhagavā – ‘‘tameva bālaṃ pacceti pāpaṃ, sukhumo rajo paṭivātaṃva khitto’’ti. Dutiyaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ဖုသတိသုတ္တံ • 2. Phusatisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. ဖုသတိသုတ္တဝဏ္ဏနာ • 2. Phusatisuttavaṇṇanā
