| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
2. ඵුසතිසුත්‌තවණ්‌ණනා
2. Phusatisuttavaṇṇanā
22. කම්‌මං අඵුසන්‌තන්‌ති කම්‌මඵස්‌සං අඵුසන්‌තං, කම්‌මං අකරොන්‌තන්‌ති අත්‌ථො. විපාකො න ඵුසතීති විපාකඵස්‌සො න ඵුසති, විපාකො න උප්‌පජ්‌ජතෙව කාරණස්‌ස අභාවතො. එවං බ්‍යතිරෙකමුඛෙන කම්‌මවට්‌ටෙන විපාකවට්‌ටං සම්‌බන්‌ධං කත්‌වා අත්‌ථං වත්‌වා ඉදානි කෙවලං කම්‌මවට්‌ටවසෙන අත්‌ථං වදන්‌තො ‘‘කම්‌මමෙවා’’තිආදිමාහ. තත්‌ථ නාකරොතො කරියතීති කම්‌මං අකුබ්‌බතො න කයිරති, අනභිසන්‌ධිකතකම්‌මං නාම නත්‌ථීති අත්‌ථො. ඉදානි තමෙවත්‌ථං අන්‌වයතො දස්‌සෙතුං ‘‘ඵුසන්‌තඤ්‌චා’’තිආදි වුත්‌තං. තත්‌ථ තතොති ඵුසනහෙතු. සෙසං වුත්‌තනයමෙව. වුත්‌තමෙවත්‌ථං සකාරණං කත්‌වා පරිවෙඨිතවසෙන විභූතං කත්‌වා දස්‌සෙතුං ‘‘තස්‌මා ඵුසන්‌ත’’න්‌තිආදි වුත්‌තං. ධම්‌මතාති කාරකස්‌සෙව කම්‌මවිපාකානුබන්‌ධො, නාකාරකස්‌සාති අයං කම්‌මවිපාකානං සභාවො.
22.Kammaṃ aphusantanti kammaphassaṃ aphusantaṃ, kammaṃ akarontanti attho. Vipāko na phusatīti vipākaphasso na phusati, vipāko na uppajjateva kāraṇassa abhāvato. Evaṃ byatirekamukhena kammavaṭṭena vipākavaṭṭaṃ sambandhaṃ katvā atthaṃ vatvā idāni kevalaṃ kammavaṭṭavasena atthaṃ vadanto ‘‘kammamevā’’tiādimāha. Tattha nākaroto kariyatīti kammaṃ akubbato na kayirati, anabhisandhikatakammaṃ nāma natthīti attho. Idāni tamevatthaṃ anvayato dassetuṃ ‘‘phusantañcā’’tiādi vuttaṃ. Tattha tatoti phusanahetu. Sesaṃ vuttanayameva. Vuttamevatthaṃ sakāraṇaṃ katvā pariveṭhitavasena vibhūtaṃ katvā dassetuṃ ‘‘tasmā phusanta’’ntiādi vuttaṃ. Dhammatāti kārakasseva kammavipākānubandho, nākārakassāti ayaṃ kammavipākānaṃ sabhāvo.
පච්‌චෙති උපගච්‌ඡති අනුබන්‌ධති. පාපන්‌ති පාපකං කම්‌මං ඵලඤ්‌ච. අයඤ්‌ච අත්‌ථො අරඤ්‌ඤෙ ලුද්‌දකස්‌ස උය්‍යොජනාය සුනඛෙහි පරිවාරියමානස්‌ස භික්‌ඛුනො භයෙන රුක්‌ඛං ආරුළ්‌හස්‌ස චීවරෙ ලුද්‌දස්‌ස උපරි පතිතෙ තස්‌ස සුනඛෙහි ඛාදිත්‌වා මාරිතවත්‌ථුනා දීපෙතබ්‌බොති.
Pacceti upagacchati anubandhati. Pāpanti pāpakaṃ kammaṃ phalañca. Ayañca attho araññe luddakassa uyyojanāya sunakhehi parivāriyamānassa bhikkhuno bhayena rukkhaṃ āruḷhassa cīvare luddassa upari patite tassa sunakhehi khāditvā māritavatthunā dīpetabboti.
ඵුසතිසුත්‌තවණ්‌ණනා නිට්‌ඨිතා.
Phusatisuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 2. ඵුසතිසුත්‌තං • 2. Phusatisuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2. ඵුසතිසුත්‌තවණ්‌ණනා • 2. Phusatisuttavaṇṇanā
