| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
20. пуссаб̣уд̣̇д̇хавам̣саван̣н̣анаа
20. Phussabuddhavaṃsavaṇṇanā
д̇асса д̇иссасса бхаг̇авад̇о абарабхааг̇з ануггамзна барихааяид̇ваа буна вад̣дхид̇ваа абаримид̇ааяугаа худ̇ваа анубуб̣б̣зна хааяид̇ваа навуд̇ивассасахассааяугзсу ж̇аад̇зсу д̇асмим̣язва габбз пуссо наама сад̇т̇аа логз уббаж̇ж̇и. соби бхаг̇аваа баарамияо буурзд̇ваа д̇усид̇абурз ниб̣б̣ад̇д̇ид̇ваа д̇ад̇о жавид̇ваа гаасиганаг̇арз ж̇аяасзнаран̃н̃о аг̇г̇амахзсияаа сиримааяа наама д̣̇звияаа гужчисмим̣ бадисанд̇хим̣ г̇ахзд̇ваа д̣̇асаннам̣ маасаанам̣ ажжаязна сиримуяяаанз маад̇угужчид̇о нигками. со нававассасахассаани аг̇аарам̣ аж̇жхааваси. д̇асса гира г̇арул̣абагка-хам̣са-суван̣н̣абхаараад̇и д̇аяо баасаад̣̇аа ахзсум̣. гисааг̇од̇амиббамукаани д̇им̣са ид̇т̇исахассаани бажжубадтид̇аани ахзсум̣.
Tassa tissassa bhagavato aparabhāge anukkamena parihāyitvā puna vaḍḍhitvā aparimitāyukā hutvā anupubbena hāyitvā navutivassasahassāyukesu jātesu tasmiṃyeva kappe phusso nāma satthā loke uppajji. Sopi bhagavā pāramiyo pūretvā tusitapure nibbattitvā tato cavitvā kāsikanagare jayasenarañño aggamahesiyā sirimāya nāma deviyā kucchismiṃ paṭisandhiṃ gahetvā dasannaṃ māsānaṃ accayena sirimuyyāne mātukucchito nikkhami. So navavassasahassāni agāraṃ ajjhāvasi. Tassa kira garuḷapakkha-haṃsa-suvaṇṇabhārāti tayo pāsādā ahesuṃ. Kisāgotamippamukhāni tiṃsa itthisahassāni paccupaṭṭhitāni ahesuṃ.
со жад̇д̇аари нимид̇д̇аани д̣̇исваа гисааг̇од̇амияаа анубамз наама буд̇д̇з уббаннз алан̇гад̇аг̇аж̇аварагканд̇хаг̇ад̇о махаабхинигкаманам̣ нигкамид̇ваа баб̣б̣аж̇и. д̇ам̣ баб̣б̣аж̇ид̇ам̣ ж̇анагоди анубаб̣б̣аж̇и. со д̇зхи баривуд̇о ча маасз бад̇хаанажарияам̣ жарид̇ваа д̇ад̇о г̇ан̣ам̣ бахааяа сад̇д̇аахам̣ згажарияам̣ ануб̣руухаяамаано васид̇ваа висаакабун̣н̣амааяа ан̃н̃ад̇арз наг̇арз ан̃н̃ад̇арасса сздтино д̇хийд̇ааяа сиривад̣дхааяа наама д̣̇иннам̣ мад̇хубааяаасам̣ барибхун̃ж̇ид̇ваа сим̣сабааванз д̣̇иваавихаарам̣ вийд̇инаамзд̇ваа сааяанхасамаяз сиривад̣дхзна наама убаасагзна д̣̇иннаа адта д̇ин̣амудтияо г̇ахзд̇ваа аамалагаб̣од̇хим̣ убасан̇гамид̇ваа самаарам̣ маараб̣алам̣ вид̇хамид̇ваа саб̣б̣ан̃н̃уд̇ан̃н̃аан̣ам̣ бад̇ваа – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзд̇ваа сад̇д̇асад̇д̇аахам̣ б̣од̇хисамийбзязва вийд̇инаамзд̇ваа ад̇д̇анаа сад̣̇д̇хим̣ баб̣б̣аж̇ид̇аанам̣ бхигкуунам̣ годийнам̣ д̇хаммабадивзд̇хасамад̇т̇ад̇ам̣ д̣̇исваа аагаасзна г̇анд̇ваа сан̇гассанаг̇арз исибад̇анз миг̇ад̣̇ааяз од̇арид̇ваа д̇зсам̣ маж̇жхз д̇хаммажаггам̣ бавад̇д̇зси. д̇ад̣̇аа годисад̇асахассаанам̣ батамо абхисамаяо ахоси. д̇зна вуд̇д̇ам̣ –
So cattāri nimittāni disvā kisāgotamiyā anupame nāma putte uppanne alaṅkatagajavarakkhandhagato mahābhinikkhamanaṃ nikkhamitvā pabbaji. Taṃ pabbajitaṃ janakoṭi anupabbaji. So tehi parivuto cha māse padhānacariyaṃ caritvā tato gaṇaṃ pahāya sattāhaṃ ekacariyaṃ anubrūhayamāno vasitvā visākhapuṇṇamāya aññatare nagare aññatarassa seṭṭhino dhītāya sirivaḍḍhāya nāma dinnaṃ madhupāyāsaṃ paribhuñjitvā siṃsapāvane divāvihāraṃ vītināmetvā sāyanhasamaye sirivaḍḍhena nāma upāsakena dinnā aṭṭha tiṇamuṭṭhiyo gahetvā āmalakabodhiṃ upasaṅkamitvā samāraṃ mārabalaṃ vidhamitvā sabbaññutaññāṇaṃ patvā – ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānetvā sattasattāhaṃ bodhisamīpeyeva vītināmetvā attanā saddhiṃ pabbajitānaṃ bhikkhūnaṃ koṭīnaṃ dhammapaṭivedhasamatthataṃ disvā ākāsena gantvā saṅkassanagare isipatane migadāye otaritvā tesaṃ majjhe dhammacakkaṃ pavattesi. Tadā koṭisatasahassānaṃ paṭhamo abhisamayo ahosi. Tena vuttaṃ –
1.
1.
‘‘д̇ад̇т̇зва ман̣д̣агаббамхи, аху сад̇т̇аа ануд̇д̇аро;
‘‘Tattheva maṇḍakappamhi, ahu satthā anuttaro;
ануубамо асамасамо, пуссо логаг̇г̇анааяаго.
Anūpamo asamasamo, phusso lokagganāyako.
2.
2.
‘‘соби саб̣б̣ам̣ д̇амам̣ ханд̇ваа, виж̇адзд̇ваа махааж̇адам̣;
‘‘Sopi sabbaṃ tamaṃ hantvā, vijaṭetvā mahājaṭaṃ;
сад̣̇звагам̣ д̇аббаяанд̇о, абхивасси амад̇амб̣унаа.
Sadevakaṃ tappayanto, abhivassi amatambunā.
3.
3.
‘‘д̇хаммажаггам̣ бавад̇д̇знд̇з, пуссз нагкад̇д̇аман̇г̇алз;
‘‘Dhammacakkaṃ pavattente, phusse nakkhattamaṅgale;
годисад̇асахассаанам̣, батамаабхисамаяо ахуу’’д̇и.
Koṭisatasahassānaṃ, paṭhamābhisamayo ahū’’ti.
д̇ад̇т̇а д̇ад̇т̇зва ман̣д̣агаббамхийд̇и яасмим̣ габбз д̣̇вз б̣уд̣̇д̇хаа уббаж̇ж̇анд̇и, со ‘‘ман̣д̣агаббо’’д̇и хздтаа вуд̇д̇о. виж̇адзд̇ваад̇и бадивиссаж̇ж̇зд̇ваа. махааж̇аданд̇и зд̇т̇а ж̇адаад̇и д̇ан̣хааязд̇ам̣ ад̇хиважанам̣. саа хи руубаад̣̇ийсу аарамман̣зсу хздтубарияавасзна бунаббунам̣ уббаж̇ж̇анад̇о сам̣сиб̣б̣анад̇о суд̇д̇аг̇умб̣аж̇аалабуувасан̇каад̇аа ж̇адаа вияаад̇и ж̇адаад̇и вуд̇д̇ам̣, д̇ам̣ махааж̇адам̣. сад̣̇зваганд̇и сад̣̇звагам̣ логам̣. абхивассийд̇и баавасси. амад̇амб̣унаад̇и амад̇асан̇каад̇зна д̇хаммагат̇аасалилзна д̇аббаяанд̇о баавассийд̇и ад̇т̇о.
Tattha tattheva maṇḍakappamhīti yasmiṃ kappe dve buddhā uppajjanti, so ‘‘maṇḍakappo’’ti heṭṭhā vutto. Vijaṭetvāti paṭivissajjetvā. Mahājaṭanti ettha jaṭāti taṇhāyetaṃ adhivacanaṃ. Sā hi rūpādīsu ārammaṇesu heṭṭhupariyavasena punappunaṃ uppajjanato saṃsibbanato suttagumbajālapūvasaṅkhātā jaṭā viyāti jaṭāti vuttaṃ, taṃ mahājaṭaṃ. Sadevakanti sadevakaṃ lokaṃ. Abhivassīti pāvassi. Amatambunāti amatasaṅkhātena dhammakathāsalilena tappayanto pāvassīti attho.
яад̣̇аа бана б̣аараан̣асийнаг̇арз сиривад̣дхо наама рааж̇аа маханд̇ам̣ бхог̇агканд̇хам̣ бахааяа д̇аабасабаб̣б̣аж̇ж̇ам̣ баб̣б̣аж̇и. д̇зна саха баб̣б̣аж̇ид̇аанам̣ д̇аабасаанам̣ навуд̇исад̇асахассаани ахзсум̣. д̇зсам̣ бхаг̇аваа д̇хаммам̣ д̣̇зсзси. д̇ад̣̇аа навуд̇ияаа сад̇асахассаанам̣ д̣̇уд̇ияаабхисамаяо ахоси. яад̣̇аа бана ад̇д̇ано буд̇д̇асса анубамагумаарасса д̇хаммам̣ д̣̇зсзси, д̇ад̣̇аа асийд̇ияаа сад̇асахассаанам̣ д̇ад̇ияо абхисамаяо ахоси. д̇зна вуд̇д̇ам̣ –
Yadā pana bārāṇasīnagare sirivaḍḍho nāma rājā mahantaṃ bhogakkhandhaṃ pahāya tāpasapabbajjaṃ pabbaji. Tena saha pabbajitānaṃ tāpasānaṃ navutisatasahassāni ahesuṃ. Tesaṃ bhagavā dhammaṃ desesi. Tadā navutiyā satasahassānaṃ dutiyābhisamayo ahosi. Yadā pana attano puttassa anupamakumārassa dhammaṃ desesi, tadā asītiyā satasahassānaṃ tatiyo abhisamayo ahosi. Tena vuttaṃ –
4.
4.
‘‘навуд̇исад̇асахассаанам̣, д̣̇уд̇ияаабхисамаяо аху;
‘‘Navutisatasahassānaṃ, dutiyābhisamayo ahu;
асийд̇исад̇асахассаанам̣, д̇ад̇ияаабхисамаяо ахуу’’д̇и.
Asītisatasahassānaṃ, tatiyābhisamayo ahū’’ti.
д̇ад̇о абарзна самаязна ган̣н̣агуж̇ж̇анаг̇арз сурагкид̇о рааж̇абуд̇д̇о жа бурохид̇абуд̇д̇о д̇хаммасзнагумааро жа пуссз саммаасамб̣уд̣̇д̇хз ад̇д̇ано наг̇арам̣ самбад̇д̇з садтияаа бурисасад̇асахассзхи сад̣̇д̇хим̣ бажжуг̇г̇анд̇ваа ванд̣̇ид̇ваа ниманд̇зд̇ваа сад̇д̇аахам̣ махаад̣̇аанам̣ д̣̇ад̇ваа д̣̇асаб̣аласса д̇хаммагат̇ам̣ суд̇ваа бхаг̇авад̇и басийд̣̇ид̇ваа д̇з сабариваараа баб̣б̣аж̇ид̇ваа арахад̇д̇ам̣ баабун̣им̣су. д̇зсам̣ садтияаа бхигкусад̇асахассаанам̣ маж̇жхз бхаг̇аваа баад̇имогкам̣ уд̣̇д̣̇иси, со батамо саннибаад̇о ахоси. буна гаасинаг̇арз ж̇аяасзнаран̃н̃о садтимад̇д̇аанам̣ н̃аад̇ийнам̣ самааг̇амз б̣уд̣̇д̇хавам̣сам̣ д̣̇зсзси, д̇ам̣ суд̇ваа бан̃н̃аасасад̇асахассаани зхибхигкубаб̣б̣аж̇ж̇ааяа баб̣б̣аж̇ид̇ваа арахад̇д̇ам̣ баабун̣им̣су. д̇зсам̣ маж̇жхаг̇ад̇о бхаг̇аваа баад̇имогкам̣ уд̣̇д̣̇иси, со д̣̇уд̇ияо саннибаад̇о ахоси. буна махааман̇г̇аласамааг̇амз ман̇г̇алагат̇ам̣ суд̇ваа жад̇д̇аалийсабурисасад̇асахассаани баб̣б̣аж̇ид̇ваа арахад̇д̇ам̣ баабун̣им̣су. д̇зсам̣ маж̇жхаг̇ад̇о суг̇ад̇о баад̇имогкам̣ уд̣̇д̣̇иси, со д̇ад̇ияо саннибаад̇о ахоси. д̇зна вуд̇д̇ам̣ –
Tato aparena samayena kaṇṇakujjanagare surakkhito rājaputto ca purohitaputto dhammasenakumāro ca phusse sammāsambuddhe attano nagaraṃ sampatte saṭṭhiyā purisasatasahassehi saddhiṃ paccuggantvā vanditvā nimantetvā sattāhaṃ mahādānaṃ datvā dasabalassa dhammakathaṃ sutvā bhagavati pasīditvā te saparivārā pabbajitvā arahattaṃ pāpuṇiṃsu. Tesaṃ saṭṭhiyā bhikkhusatasahassānaṃ majjhe bhagavā pātimokkhaṃ uddisi, so paṭhamo sannipāto ahosi. Puna kāsinagare jayasenarañño saṭṭhimattānaṃ ñātīnaṃ samāgame buddhavaṃsaṃ desesi, taṃ sutvā paññāsasatasahassāni ehibhikkhupabbajjāya pabbajitvā arahattaṃ pāpuṇiṃsu. Tesaṃ majjhagato bhagavā pātimokkhaṃ uddisi, so dutiyo sannipāto ahosi. Puna mahāmaṅgalasamāgame maṅgalakathaṃ sutvā cattālīsapurisasatasahassāni pabbajitvā arahattaṃ pāpuṇiṃsu. Tesaṃ majjhagato sugato pātimokkhaṃ uddisi, so tatiyo sannipāto ahosi. Tena vuttaṃ –
5.
5.
‘‘саннибаад̇аа д̇аяо аасум̣, пуссассаби махзсино;
‘‘Sannipātā tayo āsuṃ, phussassapi mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
6.
6.
‘‘садтисад̇асахассаанам̣ , батамо ааси самааг̇амо;
‘‘Saṭṭhisatasahassānaṃ , paṭhamo āsi samāgamo;
бан̃н̃аасасад̇асахассаанам̣, д̣̇уд̇ияо ааси самааг̇амо.
Paññāsasatasahassānaṃ, dutiyo āsi samāgamo.
7.
7.
‘‘жад̇д̇аалийсасад̇асахассаанам̣, д̇ад̇ияо ааси самааг̇амо;
‘‘Cattālīsasatasahassānaṃ, tatiyo āsi samāgamo;
анубаад̣̇аа вимуд̇д̇аанам̣, вожчиннабадисанд̇хина’’нд̇и.
Anupādā vimuttānaṃ, vocchinnapaṭisandhina’’nti.
д̇ад̣̇аа амхаагам̣ б̣од̇хисад̇д̇о аринд̣̇аманаг̇арз виж̇ид̇аавий наама кад̇д̇ияо худ̇ваа д̇асса д̇хаммам̣ суд̇ваа бхаг̇авад̇и басийд̣̇ид̇ваа д̇асса махаад̣̇аанам̣ д̣̇ад̇ваа махаараж̇ж̇ам̣ бахааяа бхаг̇авад̇о санд̇игз баб̣б̣аж̇ид̇ваа д̇ийн̣и бидагаани уг̇г̇ахзд̇ваа д̇збидагад̇харо махааж̇анасса д̇хаммагат̇ам̣ гат̇зси, сийлабаарамин̃жа буурзси. соби нам̣ ‘‘б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –
Tadā amhākaṃ bodhisatto arindamanagare vijitāvī nāma khattiyo hutvā tassa dhammaṃ sutvā bhagavati pasīditvā tassa mahādānaṃ datvā mahārajjaṃ pahāya bhagavato santike pabbajitvā tīṇi piṭakāni uggahetvā tepiṭakadharo mahājanassa dhammakathaṃ kathesi, sīlapāramiñca pūresi. Sopi naṃ ‘‘buddho bhavissatī’’ti byākāsi. Tena vuttaṃ –
8.
8.
‘‘ахам̣ д̇зна самаязна, виж̇ид̇аавий наама кад̇д̇ияо;
‘‘Ahaṃ tena samayena, vijitāvī nāma khattiyo;
чад̣д̣аяид̇ваа махаараж̇ж̇ам̣, баб̣б̣аж̇им̣ д̇асса санд̇игз.
Chaḍḍayitvā mahārajjaṃ, pabbajiṃ tassa santike.
9.
9.
‘‘соби мам̣ б̣уд̣̇д̇хо б̣яаагааси, пуссо логаг̇г̇анааяаго;
‘‘Sopi maṃ buddho byākāsi, phusso lokagganāyako;
д̣̇взнавуд̇з ид̇о габбз, аяам̣ б̣уд̣̇д̇хо бхависсад̇и.
Dvenavute ito kappe, ayaṃ buddho bhavissati.
10.
10.
‘‘бад̇хаанам̣ бад̣̇ахид̇ваана…бз… д̣̇асабаарамибуурияаа.
‘‘Padhānaṃ padahitvāna…pe… dasapāramipūriyā.
12.
12.
‘‘суд̇д̇анд̇ам̣ винаяан̃жааби, наван̇г̇ам̣ сад̇т̇усаасанам̣;
‘‘Suttantaṃ vinayañcāpi, navaṅgaṃ satthusāsanaṃ;
саб̣б̣ам̣ барияаабун̣ид̇ваа, собхаяим̣ ж̇инасаасанам̣.
Sabbaṃ pariyāpuṇitvā, sobhayiṃ jinasāsanaṃ.
13.
13.
‘‘д̇ад̇т̇аббамад̇д̇о вихаранд̇о, б̣рахмам̣ бхаавзд̇ва бхааванам̣;
‘‘Tatthappamatto viharanto, brahmaṃ bhāvetva bhāvanaṃ;
абхин̃н̃аабаарамим̣ г̇анд̇ваа, б̣рахмалогамаг̇ан̃чаха’’нд̇и.
Abhiññāpāramiṃ gantvā, brahmalokamagañchaha’’nti.
д̇асса бана бхаг̇авад̇о гаасигам̣ наама наг̇арам̣ ахоси. ж̇аяасзно наама рааж̇аа бид̇аа, сиримаа наама маад̇аа, сурагкид̇о жа д̇хаммасзно жа д̣̇вз аг̇г̇асаавагаа, сабхияо наамубадтааго, жаалаа жа убажаалаа жа д̣̇вз аг̇г̇асаавигаа, аамалагаругко б̣од̇хи, сарийрам̣ адтабан̣н̣аасахад̇т̇уб̣б̣зд̇хам̣ ахоси , ааяу навуд̇ивассасахассаани, гисааг̇од̇амий наама аг̇г̇амахзсий, анубамо наамасса буд̇д̇о, хад̇т̇ияаанзна нигками. д̇зна вуд̇д̇ам̣ –
Tassa pana bhagavato kāsikaṃ nāma nagaraṃ ahosi. Jayaseno nāma rājā pitā, sirimā nāma mātā, surakkhito ca dhammaseno ca dve aggasāvakā, sabhiyo nāmupaṭṭhāko, cālā ca upacālā ca dve aggasāvikā, āmalakarukkho bodhi, sarīraṃ aṭṭhapaṇṇāsahatthubbedhaṃ ahosi , āyu navutivassasahassāni, kisāgotamī nāma aggamahesī, anupamo nāmassa putto, hatthiyānena nikkhami. Tena vuttaṃ –
14.
14.
‘‘гаасигам̣ наама наг̇арам̣, ж̇аяасзно наама кад̇д̇ияо;
‘‘Kāsikaṃ nāma nagaraṃ, jayaseno nāma khattiyo;
сиримаа наама ж̇анигаа, пуссассааби махзсино…бз. …;
Sirimā nāma janikā, phussassāpi mahesino…pe. …;
б̣од̇хи д̇асса бхаг̇авад̇о, ааман̣д̣од̇и бавужжад̇и…бз….
Bodhi tassa bhagavato, āmaṇḍoti pavuccati…pe….
22.
22.
‘‘адтабан̣н̣аасарад̇анам̣, соби ажжуг̇г̇ад̇о муни;
‘‘Aṭṭhapaṇṇāsaratanaṃ, sopi accuggato muni;
собхад̇з сад̇арам̣сийва, ул̣урааж̇аава буурид̇о.
Sobhate sataraṃsīva, uḷurājāva pūrito.
23.
23.
‘‘навуд̇ивассасахассаани, ааяу виж̇ж̇ад̇и д̇аавад̣̇з;
‘‘Navutivassasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
24.
24.
‘‘овад̣̇ид̇ваа б̣ахуу сад̇д̇з, санд̇аарзд̇ваа б̣ахуу ж̇анз;
‘‘Ovaditvā bahū satte, santāretvā bahū jane;
соби сад̇т̇аа ад̇улаяасо, ниб̣б̣уд̇о со сасааваго’’д̇и.
Sopi satthā atulayaso, nibbuto so sasāvako’’ti.
д̇ад̇т̇а ааман̣д̣од̇и аамалагаругко. овад̣̇ид̇ваад̇и оваад̣̇ам̣ д̣̇ад̇ваа, анусаасид̇ваад̇и ад̇т̇о. соби сад̇т̇аа ад̇улаяасод̇и соби сад̇т̇аа амид̇аяасод̇и ад̇т̇о. ‘‘со ж̇ахид̇ваа амид̇аяасо’’д̇иби баато, д̇асса со саб̣б̣амзва вуд̇д̇аббагаарам̣ висзсам̣ хид̇ваад̇и ад̇т̇о.
Tattha āmaṇḍoti āmalakarukkho. Ovaditvāti ovādaṃ datvā, anusāsitvāti attho. Sopi satthā atulayasoti sopi satthā amitayasoti attho. ‘‘So jahitvā amitayaso’’tipi pāṭho, tassa so sabbameva vuttappakāraṃ visesaṃ hitvāti attho.
пуссо гира саммаасамб̣уд̣̇д̇хо гусинаарааяам̣ сзнаараамз бариниб̣б̣ааяи. д̇хаад̇уяо гирасса вид̇т̇ааригаа ахзсум̣. сзсаг̇аат̇аасу саб̣б̣ад̇т̇а баагадамзваад̇и.
Phusso kira sammāsambuddho kusinārāyaṃ senārāme parinibbāyi. Dhātuyo kirassa vitthārikā ahesuṃ. Sesagāthāsu sabbattha pākaṭamevāti.
пуссаб̣уд̣̇д̇хавам̣саван̣н̣анаа нидтид̇аа.
Phussabuddhavaṃsavaṇṇanā niṭṭhitā.
нидтид̇о адтаарасамо б̣уд̣̇д̇хавам̣со.
Niṭṭhito aṭṭhārasamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 20. пуссаб̣уд̣̇д̇хавам̣со • 20. Phussabuddhavaṃso
