Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā

17. д̇им̣санибаад̇о

17. Tiṃsanipāto

1. пуссад̇т̇зраг̇аат̇ааван̣н̣анаа

1. Phussattheragāthāvaṇṇanā

д̇им̣санибаад̇з баасаад̣̇игз б̣ахуу д̣̇исваад̇иаад̣̇игаа ааяасмад̇о пуссад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинид̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з згасса ман̣д̣алигаран̃н̃о буд̇д̇о худ̇ваа ниб̣б̣ад̇д̇и, пуссод̇и наамам̣ ахоси. со вин̃н̃уд̇ам̣ бад̇д̇о кад̇д̇ияагумаарзхи сигкид̇аб̣б̣асиббзсу нибпад̇д̇им̣ г̇ад̇о. убаниссаяасамбаннад̇д̇аа гаамзсу алаг̇г̇ажид̇д̇о ан̃н̃ад̇арасса махаат̇зрасса санд̇игз д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа жарияаанугуулам̣ гаммадтаанам̣ г̇ахзд̇ваа бхааванам̣ ануяун̃ж̇анд̇о жхаанаани ниб̣б̣ад̇д̇зд̇ваа жхаанабаад̣̇агам̣ вибассанам̣ бадтабзд̇ваа нажирассзва чал̣абхин̃н̃о ахоси. ат̇згад̣̇ивасам̣ бан̣д̣араг̇од̇д̇о наама зго д̇аабасо д̇асса санд̇игз д̇хаммам̣ суд̇ваа нисинно самб̣ахулз бхигкуу сийлаажаарасамбаннз сусам̣вуд̇инд̣̇рияз бхаавид̇агааяз бхаавид̇ажид̇д̇з д̣̇исваа басаннажид̇д̇о ‘‘саад̇ху вад̇ааяам̣ бадибад̇д̇и логз жирам̣ д̇идтзяяаа’’д̇и жинд̇зд̇ваа ‘‘гат̇ам̣ ну ко, бханд̇з, анааг̇ад̇амад̣̇д̇хаанам̣ бхигкуунам̣ бадибад̇д̇и бхависсад̇ий’’д̇и т̇зрам̣ бужчи. д̇амад̇т̇ам̣ д̣̇ассзнд̇о сан̇г̇ийд̇игаараа –

Tiṃsanipāte pāsādike bahū disvātiādikā āyasmato phussattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinitvā devamanussesu saṃsaranto imasmiṃ buddhuppāde ekassa maṇḍalikarañño putto hutvā nibbatti, phussoti nāmaṃ ahosi. So viññutaṃ patto khattiyakumārehi sikkhitabbasippesu nipphattiṃ gato. Upanissayasampannattā kāmesu alaggacitto aññatarassa mahātherassa santike dhammaṃ sutvā paṭiladdhasaddho pabbajitvā cariyānukūlaṃ kammaṭṭhānaṃ gahetvā bhāvanaṃ anuyuñjanto jhānāni nibbattetvā jhānapādakaṃ vipassanaṃ paṭṭhapetvā nacirasseva chaḷabhiñño ahosi. Athekadivasaṃ paṇḍaragotto nāma eko tāpaso tassa santike dhammaṃ sutvā nisinno sambahule bhikkhū sīlācārasampanne susaṃvutindriye bhāvitakāye bhāvitacitte disvā pasannacitto ‘‘sādhu vatāyaṃ paṭipatti loke ciraṃ tiṭṭheyyā’’ti cintetvā ‘‘kathaṃ nu kho, bhante, anāgatamaddhānaṃ bhikkhūnaṃ paṭipatti bhavissatī’’ti theraṃ pucchi. Tamatthaṃ dassento saṅgītikārā –

949.

‘‘баасаад̣̇игз б̣ахуу д̣̇исваа, бхаавид̇ад̇д̇з сусам̣вуд̇з;

‘‘Pāsādike bahū disvā, bhāvitatte susaṃvute;

иси бан̣д̣арасаг̇од̇д̇о, абужчи пуссасавхаяа’’нд̇и. – г̇аат̇ам̣ аад̣̇ид̇о табзсум̣;

Isi paṇḍarasagotto, apucchi phussasavhaya’’nti. – gāthaṃ ādito ṭhapesuṃ;

д̇ад̇т̇а баасаад̣̇игзд̇и ад̇д̇ано бадибад̇д̇ияаа басаад̣̇аарахз. б̣ахууд̇и самб̣ахулз. бхаавид̇ад̇д̇зд̇и самат̇авибассанаабхааванаахи бхаавид̇ажид̇д̇з. сусам̣вуд̇зд̇и судту сам̣вуд̇инд̣̇рияз. исийд̇и д̇аабасо. бан̣д̣арасаг̇од̇д̇од̇и бан̣д̣арасса наама исино вам̣сз ж̇аад̇ад̇д̇аа д̇зна самаанаг̇од̇д̇о. пуссасавхаяанд̇и пуссасад̣̇д̣̇зна авхаад̇аб̣б̣ам̣, пуссанаамаганд̇и ад̇т̇о.

Tattha pāsādiketi attano paṭipattiyā pasādārahe. Bahūti sambahule. Bhāvitatteti samathavipassanābhāvanāhi bhāvitacitte. Susaṃvuteti suṭṭhu saṃvutindriye. Isīti tāpaso. Paṇḍarasagottoti paṇḍarassa nāma isino vaṃse jātattā tena samānagotto. Phussasavhayanti phussasaddena avhātabbaṃ, phussanāmakanti attho.

950.

‘‘гим̣ чанд̣̇аа гимад̇хиббааяаа, гимаагаббаа бхависсарз;

‘‘Kiṃ chandā kimadhippāyā, kimākappā bhavissare;

анааг̇ад̇амхи гааламхи, д̇ам̣ мз агкаахи бужчид̇о’’д̇и. –

Anāgatamhi kālamhi, taṃ me akkhāhi pucchito’’ti. –

аяам̣ д̇асса исино бужчааг̇аат̇аа.

Ayaṃ tassa isino pucchāgāthā.

д̇ад̇т̇а гим̣ чанд̣̇аад̇и имасмим̣ саасанз анааг̇ад̇з бхигкуу гийд̣̇исажчанд̣̇аа гийд̣̇исаад̇химуд̇д̇игаа, гим̣ хийнаад̇химуд̇д̇игаа, уд̣̇ааху бан̣ийд̇аад̇химуд̇д̇игаад̇и ад̇т̇о. гимад̇хиббааяаад̇и гийд̣̇исаад̇хиббааяаа гийд̣̇исаж̇жхаасаяаа, гим̣ сам̣гилзсаж̇жхаасаяаа, уд̣̇ааху вод̣̇аанаж̇жхаасаяаад̇и ад̇т̇о. ат̇а ваа чанд̣̇аа наама гад̇д̇угамяад̇аа, д̇асмаа гийд̣̇исий д̇зсам̣ гад̇д̇угамяад̇аад̇и ад̇т̇о. ад̇хиббааяо аж̇жхаасаяоязва. гимаагаббаад̇и гийд̣̇исаагаббаа. аагаббаад̇и жа взсаг̇ахан̣аад̣̇иваарид̇д̇ажаарид̇д̇аванд̇од̇и ад̇т̇о. бхависсарзд̇и бхависсанд̇и. д̇ам̣ мзд̇и д̇ам̣ анааг̇ад̇з бхигкуунам̣ чанд̣̇аад̇хиббааяаагаббабхзд̣̇ам̣ бужчид̇о маяхам̣ агкаахи гат̇зхийд̇и т̇зрам̣ аж̇жхзсад̇и. д̇асса т̇зро д̇амад̇т̇ам̣ аажигканд̇о саггажжасаванз д̇аава нияож̇зд̇ум̣ –

Tattha kiṃ chandāti imasmiṃ sāsane anāgate bhikkhū kīdisacchandā kīdisādhimuttikā, kiṃ hīnādhimuttikā, udāhu paṇītādhimuttikāti attho. Kimadhippāyāti kīdisādhippāyā kīdisajjhāsayā, kiṃ saṃkilesajjhāsayā, udāhu vodānajjhāsayāti attho. Atha vā chandā nāma kattukamyatā, tasmā kīdisī tesaṃ kattukamyatāti attho. Adhippāyo ajjhāsayoyeva. Kimākappāti kīdisākappā. Ākappāti ca vesagahaṇādivārittacārittavantoti attho. Bhavissareti bhavissanti. Taṃ meti taṃ anāgate bhikkhūnaṃ chandādhippāyākappabhedaṃ pucchito mayhaṃ akkhāhi kathehīti theraṃ ajjhesati. Tassa thero tamatthaṃ ācikkhanto sakkaccasavane tāva niyojetuṃ –

951.

‘‘сун̣охи важанам̣ маяхам̣, иси бан̣д̣арасавхаяа;

‘‘Suṇohi vacanaṃ mayhaṃ, isi paṇḍarasavhaya;

саггажжам̣ убад̇хаарзхи, аажигкиссаамяанааг̇ад̇а’’нд̇и. – г̇аат̇амааха;

Sakkaccaṃ upadhārehi, ācikkhissāmyanāgata’’nti. – gāthamāha;

д̇ассад̇т̇о – бхо бан̣д̣аранаама иси, яам̣ д̇вам̣ мам̣ бужчаси, д̇ам̣ д̇з анааг̇ад̇ам̣ аажигкиссаами, аажигкад̇о бана мама важанам̣ сун̣аахи анааг̇ад̇ад̇т̇ад̣̇ийбанад̇о сам̣взг̇аавахад̇о жа саггажжам̣ убад̇хаарзхийд̇и.

Tassattho – bho paṇḍaranāma isi, yaṃ tvaṃ maṃ pucchasi, taṃ te anāgataṃ ācikkhissāmi, ācikkhato pana mama vacanaṃ suṇāhi anāgatatthadīpanato saṃvegāvahato ca sakkaccaṃ upadhārehīti.

ат̇а т̇зро анааг̇ад̇ам̣сан̃аан̣зна бхигкуунам̣ бхигкунийнан̃жа бхаавиним̣ бавад̇д̇им̣ яат̇аабхууд̇ам̣ д̣̇исваа д̇асса аажигканд̇о –

Atha thero anāgataṃsañāṇena bhikkhūnaṃ bhikkhunīnañca bhāviniṃ pavattiṃ yathābhūtaṃ disvā tassa ācikkhanto –

952.

‘‘год̇ханаа убанаахий жа, магкий т̇амбхий сатаа б̣ахуу;

‘‘Kodhanā upanāhī ca, makkhī thambhī saṭhā bahū;

иссугий наанааваад̣̇аа жа, бхависсанд̇и анааг̇ад̇з.

Issukī nānāvādā ca, bhavissanti anāgate.

953.

‘‘ан̃н̃аад̇амаанино д̇хаммз, г̇амбхийрз д̇ийраг̇ожараа;

‘‘Aññātamānino dhamme, gambhīre tīragocarā;

лахугаа аг̇аруу д̇хаммз, ан̃н̃аман̃н̃амаг̇аараваа.

Lahukā agarū dhamme, aññamaññamagāravā.

954.

‘‘б̣ахуу аад̣̇ийнаваа логз, уббаж̇ж̇иссанд̇яанааг̇ад̇з;

‘‘Bahū ādīnavā loke, uppajjissantyanāgate;

суд̣̇зсид̇ам̣ имам̣ д̇хаммам̣, гилзсиссанд̇и д̣̇уммад̇ий.

Sudesitaṃ imaṃ dhammaṃ, kilesissanti dummatī.

955.

‘‘г̇ун̣ахийнааби сан̇гхамхи, вохаранд̇аа висаарад̣̇аа;

‘‘Guṇahīnāpi saṅghamhi, voharantā visāradā;

б̣алаванд̇о бхависсанд̇и, мукараа ассуд̇аавино.

Balavanto bhavissanti, mukharā assutāvino.

956.

‘‘г̇ун̣аванд̇оби сан̇гхамхи, вохаранд̇аа яат̇аад̇т̇ад̇о;

‘‘Guṇavantopi saṅghamhi, voharantā yathātthato;

д̣̇уб̣б̣алаа д̇з бхависсанд̇и, хирийманаа анад̇т̇игаа.

Dubbalā te bhavissanti, hirīmanā anatthikā.

957.

‘‘раж̇ад̇ам̣ ж̇аад̇аруубан̃жа, кзд̇д̇ам̣ вад̇т̇умаж̇зл̣агам̣.

‘‘Rajataṃ jātarūpañca, khettaṃ vatthumajeḷakaṃ.

д̣̇аасид̣̇аасан̃жа д̣̇уммзд̇хаа, саад̣̇ияиссанд̇яанааг̇ад̇з.

Dāsidāsañca dummedhā, sādiyissantyanāgate.

958.

‘‘уж̇жхаанасан̃н̃ино б̣аалаа, сийлзсу асамаахид̇аа;

‘‘Ujjhānasaññino bālā, sīlesu asamāhitā;

уннал̣аа вижариссанд̇и, галахаабхирад̇аа маг̇аа.

Unnaḷā vicarissanti, kalahābhiratā magā.

959.

‘‘уд̣̇д̇хад̇аа жа бхависсанд̇и, нийлажийварабааруд̇аа;

‘‘Uddhatā ca bhavissanti, nīlacīvarapārutā;

гухаа т̇ад̣̇д̇хаа лабаа син̇г̇ий, жариссанд̇яарияаа вияа.

Kuhā thaddhā lapā siṅgī, carissantyariyā viya.

960.

‘‘д̇зласан̣тзхи гзсзхи, жабалаа ан̃ж̇анагкигаа;

‘‘Telasaṇṭhehi kesehi, capalā añjanakkhikā;

рат̇ияааяа г̇амиссанд̇и, д̣̇анд̇аван̣н̣игабааруд̇аа.

Rathiyāya gamissanti, dantavaṇṇikapārutā.

961.

‘‘аж̇зг̇ужчам̣ вимуд̇д̇зхи, сурад̇д̇ам̣ арахад̣̇д̇хаж̇ам̣;

‘‘Ajegucchaṃ vimuttehi, surattaṃ arahaddhajaṃ;

ж̇иг̇ужчиссанд̇и гаасаавам̣, од̣̇аад̇зсу самужчид̇аа.

Jigucchissanti kāsāvaṃ, odātesu samucchitā.

962.

‘‘лаабхагаамаа бхависсанд̇и, гусийд̇аа хийнавийрияаа;

‘‘Lābhakāmā bhavissanti, kusītā hīnavīriyā;

гижчанд̇аа ванабад̇т̇аани, г̇ааманд̇зсу васиссарз.

Kicchantā vanapatthāni, gāmantesu vasissare.

963.

‘‘яз яз лаабхам̣ лабхиссанд̇и, мижчааж̇ийварад̇аа сад̣̇аа;

‘‘Ye ye lābhaṃ labhissanti, micchājīvaratā sadā;

д̇з д̇зва анусигканд̇аа, бхаж̇иссанд̇и асам̣яад̇аа.

Te teva anusikkhantā, bhajissanti asaṃyatā.

964.

‘‘яз яз алаабхино лаабхам̣, на д̇з буж̇ж̇аа бхависсарз;

‘‘Ye ye alābhino lābhaṃ, na te pujjā bhavissare;

субзсалзби д̇з д̇хийрз, сзвиссанд̇и на д̇з д̇ад̣̇аа.

Supesalepi te dhīre, sevissanti na te tadā.

965.

‘‘милагкураж̇анам̣ рад̇д̇ам̣, г̇араханд̇аа сагам̣ д̇хаж̇ам̣;

‘‘Milakkhurajanaṃ rattaṃ, garahantā sakaṃ dhajaṃ;

д̇ид̇т̇ияаанам̣ д̇хаж̇ам̣ гзжи, д̇хаариссанд̇яавад̣̇аад̇агам̣.

Titthiyānaṃ dhajaṃ keci, dhārissantyavadātakaṃ.

966.

‘‘аг̇аараво жа гаасаавз, д̇ад̣̇аа д̇зсам̣ бхависсад̇и;

‘‘Agāravo ca kāsāve, tadā tesaṃ bhavissati;

бадисан̇каа жа гаасаавз, бхигкуунам̣ на бхависсад̇и.

Paṭisaṅkhā ca kāsāve, bhikkhūnaṃ na bhavissati.

967.

‘‘абхибхууд̇асса д̣̇угкзна, саллавид̣̇д̇хасса руббад̇о;

‘‘Abhibhūtassa dukkhena, sallaviddhassa ruppato;

бадисан̇каа махаагхораа, нааг̇ассааси ажинд̇ияаа.

Paṭisaṅkhā mahāghorā, nāgassāsi acintiyā.

968.

‘‘чад̣̇д̣̇анд̇о хи д̇ад̣̇аа д̣̇исваа, сурад̇д̇ам̣ арахад̣̇д̇хаж̇ам̣;

‘‘Chaddanto hi tadā disvā, surattaṃ arahaddhajaṃ;

д̇аавад̣̇звабхан̣ий г̇аат̇аа, г̇аж̇о ад̇т̇обасам̣хид̇аа.

Tāvadevabhaṇī gāthā, gajo atthopasaṃhitā.

969.

‘‘аниггасааво гаасаавам̣, яо вад̇т̇ам̣ барид̇хассад̇и;

‘‘Anikkasāvo kāsāvaṃ, yo vatthaṃ paridhassati;

абзд̇о д̣̇амасажжзна, на со гаасаавамарахад̇и.

Apeto damasaccena, na so kāsāvamarahati.

970.

‘‘яо жа ванд̇агасаавасса, сийлзсу сусамаахид̇о;

‘‘Yo ca vantakasāvassa, sīlesu susamāhito;

убзд̇о д̣̇амасажжзна, са вз гаасаавамарахад̇и.

Upeto damasaccena, sa ve kāsāvamarahati.

971.

‘‘вибаннасийло д̣̇уммзд̇хо, баагадо гаамагаарияо;

‘‘Vipannasīlo dummedho, pākaṭo kāmakāriyo;

виб̣бханд̇ажид̇д̇о ниссугго, на со гаасаавамарахад̇и.

Vibbhantacitto nissukko, na so kāsāvamarahati.

972.

‘‘яо жа сийлзна самбанно, вийд̇арааг̇о самаахид̇о;

‘‘Yo ca sīlena sampanno, vītarāgo samāhito;

од̣̇аад̇аманасан̇габбо, са вз гаасаавамарахад̇и.

Odātamanasaṅkappo, sa ve kāsāvamarahati.

973.

‘‘уд̣̇д̇хад̇о уннал̣о б̣аало, сийлам̣ яасса на виж̇ж̇ад̇и;

‘‘Uddhato unnaḷo bālo, sīlaṃ yassa na vijjati;

од̣̇аад̇агам̣ арахад̇и, гаасаавам̣ гим̣ гариссад̇и.

Odātakaṃ arahati, kāsāvaṃ kiṃ karissati.

974.

‘‘бхигкуу жа бхигкунияо жа, д̣̇удтажид̇д̇аа анаад̣̇араа;

‘‘Bhikkhū ca bhikkhuniyo ca, duṭṭhacittā anādarā;

д̇аад̣̇ийнам̣ мзд̇д̇ажид̇д̇аанам̣, ниг̇г̇ан̣хиссанд̇яанааг̇ад̇з.

Tādīnaṃ mettacittānaṃ, niggaṇhissantyanāgate.

975.

‘‘сигкаабзнд̇ааби т̇зрзхи, б̣аалаа жийварад̇хааран̣ам̣;

‘‘Sikkhāpentāpi therehi, bālā cīvaradhāraṇaṃ;

на сун̣иссанд̇и д̣̇уммзд̇хаа, баагадаа гаамагаарияаа.

Na suṇissanti dummedhā, pākaṭā kāmakāriyā.

976.

‘‘д̇з д̇ат̇аа сигкид̇аа б̣аалаа, ан̃н̃аман̃н̃ам̣ аг̇аараваа;

‘‘Te tathā sikkhitā bālā, aññamaññaṃ agāravā;

наад̣̇ияиссанд̇убаж̇жхааяз, кал̣ун̇го вияа саарат̇им̣.

Nādiyissantupajjhāye, khaḷuṅko viya sārathiṃ.

977.

‘‘звам̣ анааг̇ад̇ад̣̇д̇хаанам̣, бадибад̇д̇и бхависсад̇и;

‘‘Evaṃ anāgataddhānaṃ, paṭipatti bhavissati;

бхигкуунам̣ бхигкунийнан̃жа, бад̇д̇з гааламхи бажчимз.

Bhikkhūnaṃ bhikkhunīnañca, patte kālamhi pacchime.

978.

‘‘бураа ааг̇ажчад̇з зд̇ам̣, анааг̇ад̇ам̣ махаб̣бхаяам̣;

‘‘Purā āgacchate etaṃ, anāgataṃ mahabbhayaṃ;

суб̣б̣ажаа хот̇а сакилаа, ан̃н̃аман̃н̃ам̣ саг̇аараваа.

Subbacā hotha sakhilā, aññamaññaṃ sagāravā.

979.

‘‘мзд̇д̇ажид̇д̇аа гаарун̣игаа, хот̇а сийлзсу сам̣вуд̇аа;

‘‘Mettacittā kāruṇikā, hotha sīlesu saṃvutā;

аарад̣̇д̇хавийрияаа бахид̇ад̇д̇аа, нижжам̣ д̣̇ал̣хабараггамаа.

Āraddhavīriyā pahitattā, niccaṃ daḷhaparakkamā.

980.

‘‘бамаад̣̇ам̣ бхаяад̇о д̣̇исваа, аббамаад̣̇ан̃жа кзмад̇о;

‘‘Pamādaṃ bhayato disvā, appamādañca khemato;

бхаавзт̇адтан̇г̇игам̣ маг̇г̇ам̣, пусанд̇аа амад̇ам̣ бад̣̇а’’нд̇и. – имаа г̇аат̇аа абхааси;

Bhāvethaṭṭhaṅgikaṃ maggaṃ, phusantā amataṃ pada’’nti. – imā gāthā abhāsi;

д̇ад̇т̇а год̇ханаад̇и гуж̇жханасийлаа. бхависсанд̇и анааг̇ад̇зд̇и самб̣анд̇хо. гим̣ т̇зрасса гаалз д̇ат̇аа наахзсунд̇и? на наахзсум̣. д̇ад̣̇аа бана галяаан̣амид̇д̇аб̣ахулад̇ааяа оваад̣̇агзсу вин̃н̃аабагзсу саб̣рахмажаарийсу б̣ахуусу виж̇ж̇амаанзсу гилзсзсу б̣алаванд̇зсу бадисан̇каанаб̣ахулад̇ааяа жа язбхуяязна бхигкуу аггод̇ханаа ахзсум̣, ааяад̇им̣ д̇аб̣б̣ибарияааяз ад̇игод̇ханаа бхависсанд̇и, д̇асмаа ‘‘анааг̇ад̇з’’д̇и вуд̇д̇ам̣. сзсабад̣̇зсуби зсзва наяо. убанаахийд̇и аагхаад̇авад̇т̇уусу аагхаад̇асса убанаяханасийлаа убанаахасамбхавад̇о ваа убанаахий. д̇ад̇т̇а буримагаалиго б̣яаабаад̣̇о год̇хо, абарагаалиго убанаахо. сагим̣ бавад̇д̇о ваа д̣̇осо год̇хо, анзгагкад̇д̇ум̣ бавад̇д̇о убанаахо. барзсам̣ виж̇ж̇амаанз г̇ун̣з магканд̇и бун̃ж̇анд̇и, д̇зсам̣ ваа уд̣̇агабун̃ж̇анияаа вияа уд̣̇агасса магко магканам̣ бун̃ж̇анам̣ зд̇зсам̣ ад̇т̇ийд̇и магкий. ад̇имааналагкан̣о т̇амбхо зд̇зсам̣ ад̇т̇ийд̇и т̇амбхий. сатаад̇и асанд̇аг̇ун̣авибхааваналагкан̣зна саатзяязна саманнааг̇ад̇аа. иссугийд̇и барасамбад̇д̇икияяаналагкан̣ааяа иссааяа саманнааг̇ад̇аа. наанааваад̣̇аад̇и ан̃н̃аман̃н̃ам̣ вируд̣̇д̇хаваад̣̇аа вируд̣̇д̇хад̣̇идтигаа, галахагаарагаа жаад̇и ад̇т̇о.

Tattha kodhanāti kujjhanasīlā. Bhavissanti anāgateti sambandho. Kiṃ therassa kāle tathā nāhesunti? Na nāhesuṃ. Tadā pana kalyāṇamittabahulatāya ovādakesu viññāpakesu sabrahmacārīsu bahūsu vijjamānesu kilesesu balavantesu paṭisaṅkhānabahulatāya ca yebhuyyena bhikkhū akkodhanā ahesuṃ, āyatiṃ tabbipariyāye atikodhanā bhavissanti, tasmā ‘‘anāgate’’ti vuttaṃ. Sesapadesupi eseva nayo. Upanāhīti āghātavatthūsu āghātassa upanayhanasīlā upanāhasambhavato vā upanāhī. Tattha purimakāliko byāpādo kodho, aparakāliko upanāho. Sakiṃ pavatto vā doso kodho, anekakkhattuṃ pavatto upanāho. Paresaṃ vijjamāne guṇe makkhanti puñjanti, tesaṃ vā udakapuñjaniyā viya udakassa makkho makkhanaṃ puñjanaṃ etesaṃ atthīti makkhī. Atimānalakkhaṇo thambho etesaṃ atthīti thambhī. Saṭhāti asantaguṇavibhāvanalakkhaṇena sāṭheyyena samannāgatā. Issukīti parasampattikhiyyanalakkhaṇāya issāya samannāgatā. Nānāvādāti aññamaññaṃ viruddhavādā viruddhadiṭṭhikā, kalahakārakā cāti attho.

ан̃н̃аад̇амаанино д̇хаммз, г̇амбхийрз д̇ийраг̇ожараад̇и г̇амбхийрз д̣̇уробхаасз сад̣̇д̇хаммз ан̃н̃аад̇з зва ‘‘н̃аад̇од̇и, д̣̇идто’’д̇и звам̣ маанино, д̇ад̇о зва д̇асса орабхааг̇з бавад̇д̇ид̇ааяа оримад̇ийраг̇ожараа. лахугаад̇и лахусабхааваа жабалаа. аг̇аруу д̇хаммзд̇и сад̣̇д̇хаммз г̇аараварахид̇аа. ан̃н̃аман̃н̃амаг̇аараваад̇и ан̃н̃аман̃н̃асмим̣ аббад̇иссаа, сан̇гхз саб̣рахмажаарийсу жа г̇аруг̇аарававирахид̇аа. б̣ахуу аад̣̇ийнаваад̇и вуд̇д̇аббагаараа, вагкамаанаа жа б̣ахуу анзгад̣̇осаа анд̇арааяаа . логзд̇и сад̇д̇алогз. уббаж̇ж̇иссанд̇яанааг̇ад̇зд̇и анааг̇ад̇з баад̇у бхависсанд̇и. суд̣̇зсид̇ам̣ имам̣ д̇хамманд̇и, саммаасамб̣уд̣̇д̇хзна судту авибарийд̇ам̣ аад̣̇игаляаан̣аад̣̇иббагаарзна д̣̇зсид̇ам̣ имам̣ ааг̇амасад̣̇д̇хаммам̣. гилзсиссанд̇ийд̇и гилидтам̣ гилзсад̣̇уусид̇ам̣ гариссанд̇и, ‘‘аабад̇д̇им̣ ‘анаабад̇д̇ий’д̇и г̇аругаабад̇д̇им̣ ‘лахугаабад̇д̇ий’’’д̇иаад̣̇инаа д̣̇ужжарид̇асам̣гилзсзна асад̣̇д̇хаммзна сан̣хасукумам̣ руубааруубад̇хаммам̣ бадигкибиссанд̇и, д̣̇идтисам̣гилзсзна убхаяад̇рааби д̇ан̣хаасам̣гилзсзна сам̣гилзсиссанд̇и малинам̣ гариссанд̇и. д̣̇уммад̇ийд̇и ниббан̃н̃аа. вуд̇д̇ан̃хзд̇ам̣ бхаг̇авад̇аа – ‘‘бхависсанд̇и, бхигкавз, бхигкуу анааг̇ад̇амад̣̇д̇хаанам̣…бз… абхид̇хаммагат̇ам̣ взд̣̇аллагат̇ам̣ гат̇знд̇аа ган̣хад̇хаммам̣ оггамамаанаа на б̣уж̇жхиссанд̇ий’’д̇и (а. ни. 5.79).

Aññātamānino dhamme, gambhīre tīragocarāti gambhīre durobhāse saddhamme aññāte eva ‘‘ñātoti, diṭṭho’’ti evaṃ mānino, tato eva tassa orabhāge pavattitāya orimatīragocarā. Lahukāti lahusabhāvā capalā. Agarū dhammeti saddhamme gāravarahitā. Aññamaññamagāravāti aññamaññasmiṃ appatissā, saṅghe sabrahmacārīsu ca garugāravavirahitā. Bahū ādīnavāti vuttappakārā, vakkhamānā ca bahū anekadosā antarāyā . Loketi sattaloke. Uppajjissantyanāgateti anāgate pātu bhavissanti. Sudesitaṃ imaṃ dhammanti, sammāsambuddhena suṭṭhu aviparītaṃ ādikalyāṇādippakārena desitaṃ imaṃ āgamasaddhammaṃ. Kilesissantīti kiliṭṭhaṃ kilesadūsitaṃ karissanti, ‘‘āpattiṃ ‘anāpattī’ti garukāpattiṃ ‘lahukāpattī’’’tiādinā duccaritasaṃkilesena asaddhammena saṇhasukhumaṃ rūpārūpadhammaṃ paṭikkhipissanti, diṭṭhisaṃkilesena ubhayatrāpi taṇhāsaṃkilesena saṃkilesissanti malinaṃ karissanti. Dummatīti nippaññā. Vuttañhetaṃ bhagavatā – ‘‘bhavissanti, bhikkhave, bhikkhū anāgatamaddhānaṃ…pe… abhidhammakathaṃ vedallakathaṃ kathentā kaṇhadhammaṃ okkamamānā na bujjhissantī’’ti (a. ni. 5.79).

г̇ун̣ахийнаад̇и сийлаад̣̇иг̇ун̣авирахид̇аа д̣̇уссийлаа, алаж̇ж̇ино жа. ат̇а ваа г̇ун̣ахийнаад̇и винаяаваарид̇д̇аад̣̇иг̇ун̣зна хийнаа д̇хаммавинаяз аббагад̇ан̃н̃уно. сан̇гхамхийд̇и сан̇гхамаж̇жхз. вохаранд̇аад̇и гат̇знд̇аа, сан̇гхз винижчаяагат̇ааяа вад̇д̇амаанааяа яам̣гин̃жи бхан̣анд̇аа. висаарад̣̇аад̇и ниб̣бхаяаа баг̇аб̣бхаа. б̣алаванд̇од̇и багкаб̣алзна б̣алаванд̇о. мукараад̇и мукакараа караваад̣̇ино. ассуд̇аавинод̇и на суд̇аванд̇о, гзвалам̣ лаабхасаггаарасилогасанниссаязна г̇ун̣ад̇хараа худ̇ваа ‘‘д̇хаммам̣ ‘ад̇хаммо’д̇и, ад̇хамман̃жа ‘д̇хаммо’д̇и, винаяам̣ ‘авинаяо’д̇и, авинаяан̃жа ‘винаяо’’’д̇и звам̣ ад̇д̇анаа яат̇ижчид̇амад̇т̇ам̣ сан̇гхамаж̇жхз бад̇идтабзнд̇аа б̣алаванд̇о бхависсанд̇и.

Guṇahīnāti sīlādiguṇavirahitā dussīlā, alajjino ca. Atha vā guṇahīnāti vinayavārittādiguṇena hīnā dhammavinaye appakataññuno. Saṅghamhīti saṅghamajjhe. Voharantāti kathentā, saṅghe vinicchayakathāya vattamānāya yaṃkiñci bhaṇantā. Visāradāti nibbhayā pagabbhā. Balavantoti pakkhabalena balavanto. Mukharāti mukhakharā kharavādino. Assutāvinoti na sutavanto, kevalaṃ lābhasakkārasilokasannissayena guṇadharā hutvā ‘‘dhammaṃ ‘adhammo’ti, adhammañca ‘dhammo’ti, vinayaṃ ‘avinayo’ti, avinayañca ‘vinayo’’’ti evaṃ attanā yathicchitamatthaṃ saṅghamajjhe patiṭṭhapentā balavanto bhavissanti.

г̇ун̣аванд̇од̇и сийлаад̣̇иг̇ун̣асамбаннаа. вохаранд̇аа яат̇аад̇т̇ад̇од̇и ад̇т̇аануруубам̣, авибарийд̇ад̇т̇ам̣ ‘‘д̇хаммам̣ ‘д̇хаммо’д̇и, ад̇хаммам̣ ‘ад̇хаммо’д̇и, винаяам̣ ‘винаяо’д̇и авинаяам̣ ‘авинаяо’’’д̇и звам̣ д̣̇ийбзнд̇аа. д̣̇уб̣б̣алаа д̇з бхависсанд̇ийд̇и барисааяам̣ алаж̇ж̇уссаннад̇ааяа б̣алавирахид̇аа д̇з бхависсанд̇и, д̇зсам̣ важанам̣ на д̇идтиссад̇и. хирийманаа анад̇т̇игаад̇и хирийманд̇о гзнажи анад̇т̇игаа. д̇з хи д̇хаммзна вад̇д̇ум̣ самад̇т̇ааби баабаж̇иг̇ужчад̇ааяа аббагижжад̇ааяа жа гзхижи вирод̇хам̣ агаронд̇аа ад̇д̇ано ваад̣̇ам̣ бад̇идтаабзд̇ум̣ на вааяаманд̇аа д̣̇идтаавигаммам̣ ваа ад̇хидтаанам̣ ваа агад̇ваа д̇ун̣хий хонд̇и.

Guṇavantoti sīlādiguṇasampannā. Voharantā yathātthatoti atthānurūpaṃ, aviparītatthaṃ ‘‘dhammaṃ ‘dhammo’ti, adhammaṃ ‘adhammo’ti, vinayaṃ ‘vinayo’ti avinayaṃ ‘avinayo’’’ti evaṃ dīpentā. Dubbalā te bhavissantīti parisāyaṃ alajjussannatāya balavirahitā te bhavissanti, tesaṃ vacanaṃ na tiṭṭhissati. Hirīmanā anatthikāti hirīmanto kenaci anatthikā. Te hi dhammena vattuṃ samatthāpi pāpajigucchatāya appakiccatāya ca kehici virodhaṃ akarontā attano vādaṃ patiṭṭhāpetuṃ na vāyamantā diṭṭhāvikammaṃ vā adhiṭṭhānaṃ vā akatvā tuṇhī honti.

раж̇ад̇анд̇и руубияам̣, д̇зна гахаабан̣алохамаасагаад̣̇ийнамби сан̇г̇ахо д̣̇адтаб̣б̣о. ж̇аад̇аруубанд̇и суван̣н̣ам̣, д̇зна ман̣имуд̇д̇аад̣̇ийнамби сан̇г̇ахо д̣̇адтаб̣б̣о. ваа-сад̣̇д̣̇о самужжаяад̇т̇о ‘‘абад̣̇аа ваа’’д̇иаад̣̇ийсу (а. ни. 4.34; 5.32; ид̇иву. 90) вияа. ‘‘раж̇ад̇аж̇аад̇аруубан̃жаа’’д̇и ваа баато. кзд̇д̇анд̇и яад̇т̇а буб̣б̣ан̣н̣аабаран̣н̣ам̣ рухад̇и, д̇ам̣ кзд̇д̇ам̣. д̇ад̣̇ад̇т̇ам̣ агад̇абхуумибхааг̇о вад̇т̇у. аж̇зл̣аганд̇и зл̣агаа наама аж̇ааязва, д̇з табзд̇ваа авасзсаа басуж̇аад̇ий аж̇аа наама. аж̇зл̣агаг̇г̇ахан̣знзва хзд̇т̇а г̇омахим̣саад̣̇ийнамби сан̇г̇ахо гад̇о. д̣̇аасид̣̇аасан̃жаад̇и д̣̇аасияо жа д̣̇аасз жа. д̣̇уммзд̇хаад̇и авид̣̇д̣̇асуно , габбияаагаббияам̣ сааруббаасааруббам̣ аж̇аананд̇аа ад̇д̇ано ад̇т̇ааяа саад̣̇ияиссанд̇и самбадижчиссанд̇и.

Rajatanti rūpiyaṃ, tena kahāpaṇalohamāsakādīnampi saṅgaho daṭṭhabbo. Jātarūpanti suvaṇṇaṃ, tena maṇimuttādīnampi saṅgaho daṭṭhabbo. Vā-saddo samuccayattho ‘‘apadā vā’’tiādīsu (a. ni. 4.34; 5.32; itivu. 90) viya. ‘‘Rajatajātarūpañcā’’ti vā pāṭho. Khettanti yattha pubbaṇṇāparaṇṇaṃ ruhati, taṃ khettaṃ. Tadatthaṃ akatabhūmibhāgo vatthu. Ajeḷakanti eḷakā nāma ajāyeva, te ṭhapetvā avasesā pasujātī ajā nāma. Ajeḷakaggahaṇeneva hettha gomahiṃsādīnampi saṅgaho kato. Dāsidāsañcāti dāsiyo ca dāse ca. Dummedhāti aviddasuno , kappiyākappiyaṃ sāruppāsāruppaṃ ajānantā attano atthāya sādiyissanti sampaṭicchissanti.

уж̇жхаанасан̃н̃инод̇и барз хздтад̇о гад̇ваа ологанажид̇д̇аа, ануж̇жхааяид̇аб̣б̣адтаанзби ваа уж̇жхаанасийлаа. б̣аалаад̇и д̣̇ужжинд̇ид̇ажинд̇анаад̣̇инаа б̣аалалагкан̣зна саманнааг̇ад̇аа, д̇ад̇о зва сийлзсу асамаахид̇аа жад̇убаарисуд̣̇д̇хисийлзсу на самаахид̇ажид̇д̇аа. уннал̣аад̇и, самуссид̇ад̇ужчамаанаа. вижариссанд̇ийд̇и маанад̣̇д̇хаж̇ам̣ угкибид̇ваа вижариссанд̇и. галахаабхирад̇аа маг̇аад̇и саарамбхаб̣ахулад̇ааяа гаран̣уд̇д̇арияабасуд̇аа галахз зва абхирад̇аа маг̇асад̣̇исаа миг̇аа вияа ад̇д̇ахид̇аабзгкаа гхаасзсанаабхирад̇аа д̣̇уб̣б̣алавихзсабараад̇и ад̇т̇о.

Ujjhānasaññinoti pare heṭṭhato katvā olokanacittā, anujjhāyitabbaṭṭhānepi vā ujjhānasīlā. Bālāti duccintitacintanādinā bālalakkhaṇena samannāgatā, tato eva sīlesu asamāhitā catupārisuddhisīlesu na samāhitacittā. Unnaḷāti, samussitatucchamānā. Vicarissantīti mānaddhajaṃ ukkhipitvā vicarissanti. Kalahābhiratā magāti sārambhabahulatāya karaṇuttariyapasutā kalahe eva abhiratā magasadisā migā viya attahitāpekkhā ghāsesanābhiratā dubbalavihesaparāti attho.

уд̣̇д̇хад̇аад̇и уд̣̇д̇хажжзна саманнааг̇ад̇аа жид̇д̇згаг̇г̇ад̇аарахид̇аа. нийлажийварабааруд̇аад̇и агаббияараж̇анарад̇д̇зна нийлаван̣н̣зна жийварзна бааруд̇аа, д̇аад̣̇исам̣ жийварам̣ ниваасзд̇ваа жзва баарубид̇ваа жа вижаран̣агаа. гухаад̇и сааманд̇аж̇аббанаад̣̇инаа гуханавад̇т̇унаа гухагаа, асанд̇аг̇ун̣асамбхааванижчааяа гохан̃н̃ам̣ гад̇ваа барзсам̣ вимхаабаяаа. т̇ад̣̇д̇хаад̇и год̇хзна маанзна жа т̇ад̣̇д̇хамаанасаа гагкал̣ахад̣̇аяаа. лабаад̇и лабанагаа гуханавуд̇д̇игаа, басаннамаанасзхи мануссзхи ‘‘гзна, бханд̇з, аяяасса ад̇т̇о’’д̇и бажжаяад̣̇ааяагаанам̣ вад̣̇аабанагаа, баяуд̇д̇аваажаавасзна, ниббзсигад̇аавасзна жа бажжаяад̇т̇ам̣ лабагаад̇и ваа ад̇т̇о. син̇г̇ийд̇и ‘‘д̇ад̇т̇а гад̇амам̣ син̇г̇ам̣? яам̣ син̇г̇ам̣ син̇г̇аарад̇аа жаад̇урад̇аа жаад̇урияам̣ баригкад̇ад̇аа бааригкад̇ияа’’нд̇и (вибха. 852) звам̣ вуд̇д̇зхи син̇г̇асад̣̇исзхи баагадагилзсзхи саманнааг̇ад̇аа, син̇г̇ааражарид̇аад̇и ад̇т̇о. ‘‘арияаа вияаа’’д̇и ид̣̇ам̣ ‘‘гухаа’’д̇и зд̇ассзва ад̇т̇ад̣̇ассанам̣. гухагаанан̃хи арияаанамива тид̇абхаавам̣ д̣̇ассзнд̇о арияаа вияа вижаранд̇ийд̇и ааха.

Uddhatāti uddhaccena samannāgatā cittekaggatārahitā. Nīlacīvarapārutāti akappiyarajanarattena nīlavaṇṇena cīvarena pārutā, tādisaṃ cīvaraṃ nivāsetvā ceva pārupitvā ca vicaraṇakā. Kuhāti sāmantajappanādinā kuhanavatthunā kuhakā, asantaguṇasambhāvanicchāya kohaññaṃ katvā paresaṃ vimhāpayā. Thaddhāti kodhena mānena ca thaddhamānasā kakkhaḷahadayā. Lapāti lapanakā kuhanavuttikā, pasannamānasehi manussehi ‘‘kena, bhante, ayyassa attho’’ti paccayadāyakānaṃ vadāpanakā, payuttavācāvasena, nippesikatāvasena ca paccayatthaṃ lapakāti vā attho. Siṅgīti ‘‘tattha katamaṃ siṅgaṃ? Yaṃ siṅgaṃ siṅgāratā cāturatā cāturiyaṃ parikkhatatā pārikkhatiya’’nti (vibha. 852) evaṃ vuttehi siṅgasadisehi pākaṭakilesehi samannāgatā, siṅgāracaritāti attho. ‘‘Ariyā viyā’’ti idaṃ ‘‘kuhā’’ti etasseva atthadassanaṃ. Kuhakānañhi ariyānamiva ṭhitabhāvaṃ dassento ariyā viya vicarantīti āha.

д̇зласан̣тзхийд̇и сид̇т̇агад̇злзна ваа уд̣̇агад̇злзна ваа осан̣тид̇зхи. жабалаад̇и гааяаман̣д̣анабаригкаараман̣д̣анаад̣̇инаа жаабаллзна яуд̇д̇аа. ан̃ж̇анагкигаад̇и алан̇гааран̃ж̇анзна ан̃ж̇ид̇анзд̇д̇аа. рат̇ияааяа г̇амиссанд̇ийд̇и бхигкаажарияааяа гулуубасан̇гаманаабад̣̇зсзхи, махааражчааяа ид̇о жид̇о жа бариб̣бхамиссанд̇и. д̣̇анд̇аван̣н̣игабааруд̇аад̇и д̣̇анд̇аван̣н̣арад̇д̇зна жийварзна бааруд̇асарийраа.

Telasaṇṭhehīti sitthakatelena vā udakatelena vā osaṇṭhitehi. Capalāti kāyamaṇḍanaparikkhāramaṇḍanādinā cāpallena yuttā. Añjanakkhikāti alaṅkārañjanena añjitanettā. Rathiyāya gamissantīti bhikkhācariyāya kulūpasaṅkamanāpadesehi, mahāracchāya ito cito ca paribbhamissanti. Dantavaṇṇikapārutāti dantavaṇṇarattena cīvarena pārutasarīrā.

аж̇зг̇ужчанд̇и аж̇иг̇ужчид̇аб̣б̣ам̣. вимуд̇д̇зхийд̇и ариязхи. сурад̇д̇анд̇и габбияараж̇анзна судту рад̇д̇ам̣, араханд̇аанам̣ б̣уд̣̇д̇хаад̣̇ийнам̣ жин̣н̣ад̇ааяа арахад̣̇д̇хаж̇ам̣ ж̇иг̇ужчиссанд̇и гаасаавам̣. гасмаа? од̣̇аад̇зсу самужчид̇аа г̇зд̇хам̣ аабаннаа. д̣̇анд̇аван̣н̣абаарубанасса хи ид̣̇ам̣ гааран̣аважанам̣. д̇з хи сзд̇агам̣ самбхаавзнд̇аа ‘‘саб̣б̣зна саб̣б̣ам̣ сзд̇агз г̇ахид̇з лин̇г̇абарижжааг̇о зва сияаа’’д̇и д̣̇анд̇аван̣н̣ам̣ баарубанд̇и.

Ajegucchanti ajigucchitabbaṃ. Vimuttehīti ariyehi. Surattanti kappiyarajanena suṭṭhu rattaṃ, arahantānaṃ buddhādīnaṃ ciṇṇatāya arahaddhajaṃ jigucchissanti kāsāvaṃ. Kasmā? Odātesu samucchitā gedhaṃ āpannā. Dantavaṇṇapārupanassa hi idaṃ kāraṇavacanaṃ. Te hi setakaṃ sambhāventā ‘‘sabbena sabbaṃ setake gahite liṅgapariccāgo eva siyā’’ti dantavaṇṇaṃ pārupanti.

лаабхагаамаад̇и лаабхаг̇ид̣̇д̇хаа. бхигкаажарияаасуби госаж̇ж̇аяог̇ад̇о гусийд̇аа. саман̣ад̇хаммам̣ гаад̇ум̣ жид̇д̇асса уссаахаабхаавзна хийнавийрияаа. гижчанд̇аад̇и, гиламанд̇аа, ванабад̇т̇зсу васид̇ум̣ гижчанд̇аа гиланд̇ажид̇д̇аад̇и ад̇т̇о. г̇ааманд̇зсууд̇и г̇ааманд̇асзнаасанзсу г̇аамасамийбзсу сзнаасанзсу, г̇аамад̣̇ваарзсу ваа сзнаасанзсу. васиссарзд̇и васиссанд̇и.

Lābhakāmāti lābhagiddhā. Bhikkhācariyāsupi kosajjayogato kusītā. Samaṇadhammaṃ kātuṃ cittassa ussāhābhāvena hīnavīriyā. Kicchantāti, kilamantā, vanapatthesu vasituṃ kicchantā kilantacittāti attho. Gāmantesūti gāmantasenāsanesu gāmasamīpesu senāsanesu, gāmadvāresu vā senāsanesu. Vasissareti vasissanti.

д̇з д̇зва анусигканд̇аад̇и яз яз мижчааж̇ийваббаяог̇зна лад̣̇д̇халаабхаа, д̇з д̇з зва буг̇г̇алз анусигканд̇аа бхамиссанд̇и. бхамиссанд̇ийд̇и саяамби д̇з вияа мижчааж̇ийвзна лаабхам̣ уббаад̣̇зд̇ум̣ рааж̇агулаад̣̇ийни сзванд̇аа бариб̣бхамиссанд̇и. ‘‘бхаж̇иссанд̇ий’’д̇и ваа баато, сзвиссанд̇ийд̇и ад̇т̇о. асам̣яад̇аад̇и сийласам̣яамарахид̇аа.

Te teva anusikkhantāti ye ye micchājīvappayogena laddhalābhā, te te eva puggale anusikkhantā bhamissanti. Bhamissantīti sayampi te viya micchājīvena lābhaṃ uppādetuṃ rājakulādīni sevantā paribbhamissanti. ‘‘Bhajissantī’’ti vā pāṭho, sevissantīti attho. Asaṃyatāti sīlasaṃyamarahitā.

яз яз алаабхино лаабханд̇и яз яз бхигкуу мижчааж̇ийвабариваж̇ж̇анзна аббабун̃н̃ад̇ааяа жа лаабхасса бажжаяасса на лаабхино, д̇з буж̇ж̇аа бууж̇анийяаа баасам̣саа д̇ад̣̇аа анааг̇ад̇з гаалз на бхависсанд̇и. субзсалзби д̇з д̇хийрзд̇и д̇хид̇исамбаннад̇ааяа д̇хийрз судту бзсалзби д̇з бхигкуу на сзвиссанд̇и, д̇ад̣̇аа анааг̇ад̇з д̇з лаабхино лаабхагаамаава бхигкууд̇и ад̇т̇о.

Ye ye alābhino lābhanti ye ye bhikkhū micchājīvaparivajjanena appapuññatāya ca lābhassa paccayassa na lābhino, te pujjā pūjanīyā pāsaṃsā tadā anāgate kāle na bhavissanti. Supesalepi te dhīreti dhitisampannatāya dhīre suṭṭhu pesalepi te bhikkhū na sevissanti, tadā anāgate te lābhino lābhakāmāva bhikkhūti attho.

милагкураж̇анам̣ рад̇д̇анд̇и гаалагажчагараж̇анзна рад̇д̇ам̣. самаасабад̣̇ан̃хзд̇ам̣, г̇аат̇аасукад̇т̇ам̣ саанунаасиганид̣̇д̣̇зсо. г̇араханд̇аа сагам̣ д̇хаж̇анд̇и ад̇д̇ано д̇хаж̇абхууд̇ам̣ гаасаавам̣ ж̇иг̇ужчанд̇аа. саасанз баб̣б̣аж̇ид̇аанан̃хи гаасааво д̇хаж̇о наама. д̇ид̇т̇ияаанам̣ д̇хаж̇ам̣ гзжийд̇и гзжи сагяабуд̇д̇ияабхаавам̣ бадиж̇аананд̇аа зва д̇ид̇т̇ияаанам̣ сзд̇авад̇т̇игаанам̣ д̇хаж̇абхууд̇ам̣ авад̣̇аад̇агам̣ сзд̇авад̇т̇ам̣ д̇хаарзссанд̇и.

Milakkhurajanaṃ rattanti kālakacchakarajanena rattaṃ. Samāsapadañhetaṃ, gāthāsukhatthaṃ sānunāsikaniddeso. Garahantā sakaṃ dhajanti attano dhajabhūtaṃ kāsāvaṃ jigucchantā. Sāsane pabbajitānañhi kāsāvo dhajo nāma. Titthiyānaṃ dhajaṃ kecīti keci sakyaputtiyabhāvaṃ paṭijānantā eva titthiyānaṃ setavatthikānaṃ dhajabhūtaṃ avadātakaṃ setavatthaṃ dhāressanti.

аг̇аараво жа гаасаавзд̇и арахад̣̇д̇хаж̇абхууд̇з гаасаавз аг̇аараво аб̣ахумаанам̣ д̇ад̣̇аа анааг̇ад̇з д̇зсам̣ бхависсад̇и. бадисан̇каа жа гаасаавзд̇и ‘‘бадисан̇каа яонисо жийварам̣ бадисзваамий’’д̇иаад̣̇инаа (ма. ни. 1.23; а. ни. 6.58) наязна бажжавзгкан̣амад̇д̇амби гаасаавабарибхог̇з на бхависсад̇и.

Agāravoca kāsāveti arahaddhajabhūte kāsāve agāravo abahumānaṃ tadā anāgate tesaṃ bhavissati. Paṭisaṅkhā ca kāsāveti ‘‘paṭisaṅkhā yoniso cīvaraṃ paṭisevāmī’’tiādinā (ma. ni. 1.23; a. ni. 6.58) nayena paccavekkhaṇamattampi kāsāvaparibhoge na bhavissati.

гаасаавам̣ д̇хаарзнд̇зна гаасаавам̣ б̣ахумаанзна ‘‘д̣̇ужжарид̇ад̇о орамид̇аб̣б̣а’’нд̇и гаасаавасса г̇аругаад̇аб̣б̣абхаавз чад̣̇д̣̇анд̇аж̇аад̇агамуд̣̇аахаранд̇о ‘‘абхибхууд̇асса д̣̇угкзнаа’’д̇иаад̣̇имааха. д̇ад̇т̇а саллавид̣̇д̇хассаад̇и бут̇унаа сависзна саллзна вид̣̇д̇хасса, д̇ад̇о зва махад̇аа д̣̇угкзна абхибхууд̇асса. руббад̇од̇и сарийравигаарам̣ аабаж̇ж̇ад̇о. махаагхораад̇и сарийраж̇ийвид̇зсу нирабзгкад̇ааяа бхиммаа г̇аруд̇араа бадисан̇каа ан̃н̃зхи ажинд̇ияаа жинд̇аамад̇д̇зна бавад̇д̇зд̇ум̣ асаггун̣зяяаа чад̣̇д̣̇анд̇амахаанааг̇ассаааси, ахоси. чад̣̇д̣̇анд̇анааг̇арааж̇агаалз хи б̣од̇хисад̇д̇о сон̣уд̇д̇арзна наама нзсаад̣̇зна бадижчаннадтаанз тад̇ваа висабийд̇зна саллзна вид̣̇д̇хо махад̇аа д̣̇угкзна абхибхууд̇о д̇ам̣ г̇ахзд̇ваа барид̣̇ахид̇ам̣ гаасаавам̣ д̣̇исваа ‘‘аяам̣ арияад̣̇д̇хаж̇зна бадижчанно, на маяаа хим̣сид̇аб̣б̣о’’д̇и д̇ад̇т̇а мзд̇д̇ажид̇д̇амзва бажжубадтабзд̇ваа убарид̇хаммам̣ д̣̇зсзси. яат̇ааха –

Kāsāvaṃ dhārentena kāsāvaṃ bahumānena ‘‘duccaritato oramitabba’’nti kāsāvassa garukātabbabhāve chaddantajātakamudāharanto ‘‘abhibhūtassa dukkhenā’’tiādimāha. Tattha sallaviddhassāti puthunā savisena sallena viddhassa, tato eva mahatā dukkhena abhibhūtassa. Ruppatoti sarīravikāraṃ āpajjato. Mahāghorāti sarīrajīvitesu nirapekkhatāya bhimmā garutarā paṭisaṅkhā aññehi acintiyā cintāmattena pavattetuṃ asakkuṇeyyā chaddantamahānāgassaāsi, ahosi. Chaddantanāgarājakāle hi bodhisatto soṇuttarena nāma nesādena paṭicchannaṭṭhāne ṭhatvā visapītena sallena viddho mahatā dukkhena abhibhūto taṃ gahetvā paridahitaṃ kāsāvaṃ disvā ‘‘ayaṃ ariyaddhajena paṭicchanno, na mayā hiṃsitabbo’’ti tattha mettacittameva paccupaṭṭhapetvā uparidhammaṃ desesi. Yathāha –

‘‘самаббид̇о бут̇усаллзна нааг̇о,

‘‘Samappito puthusallena nāgo,

ад̣̇удтажид̇д̇о луд̣̇д̣̇агамаж̇жхабхааси;

Aduṭṭhacitto luddakamajjhabhāsi;

гимад̇т̇аяам̣ гисса ваа самма хзд̇у,

Kimatthayaṃ kissa vā samma hetu,

мамам̣ вад̇хий гасса вааяам̣ баяог̇о’’д̇иаад̣̇и. (ж̇аа. 1.16.124);

Mamaṃ vadhī kassa vāyaṃ payogo’’tiādi. (jā. 1.16.124);

имамад̇т̇ам̣ д̣̇ассзнд̇о т̇зро ‘‘чад̣̇д̣̇анд̇о хий’’д̇иаад̣̇имааха. д̇ад̇т̇а сурад̇д̇ам̣ арахад̣̇д̇хаж̇анд̇и сон̣уд̇д̇арзна барид̣̇ахид̇агаасаавам̣ санд̇хааяааха. абхан̣ийд̇и абхааси. г̇аат̇аад̇и г̇аат̇ааяо. г̇аж̇од̇и чад̣̇д̣̇анд̇о нааг̇арааж̇аа. ад̇т̇обасам̣хид̇аад̇и ад̇т̇асанниссид̇аа хид̇аа, хид̇аяуд̇д̇аад̇и ад̇т̇о.

Imamatthaṃ dassento thero ‘‘chaddanto hī’’tiādimāha. Tattha surattaṃ arahaddhajanti soṇuttarena paridahitakāsāvaṃ sandhāyāha. Abhaṇīti abhāsi. Gāthāti gāthāyo. Gajoti chaddanto nāgarājā. Atthopasaṃhitāti atthasannissitā hitā, hitayuttāti attho.

чад̣̇д̣̇анд̇анааг̇арааж̇зна вуд̇д̇аг̇аат̇аасу аниггасаавод̇и рааг̇аад̣̇ийхи гасаавзхи гасааво, барид̣̇ахиссад̇ийд̇и ниваасанабаарубанаад̇т̇аран̣авасзна барибхун̃ж̇иссад̇и. ‘‘барид̇хассад̇ий’’д̇и ваа баато. абзд̇о д̣̇амасажжзнаад̇и инд̣̇рияад̣̇амзна жзва барамад̇т̇асажжабагкигзна важийсажжзна жа абзд̇о, вияуд̇д̇о барижжад̇д̇од̇и ад̇т̇о. на сод̇и со зваруубо буг̇г̇ало гаасаавам̣ барид̣̇ахид̇ум̣ наарахад̇и.

Chaddantanāgarājena vuttagāthāsu anikkasāvoti rāgādīhi kasāvehi kasāvo, paridahissatīti nivāsanapārupanaattharaṇavasena paribhuñjissati. ‘‘Paridhassatī’’ti vā pāṭho. Apeto damasaccenāti indriyadamena ceva paramatthasaccapakkhikena vacīsaccena ca apeto, viyutto pariccattoti attho. Na soti so evarūpo puggalo kāsāvaṃ paridahituṃ nārahati.

ванд̇агасаавассаад̇и жад̇уухи маг̇г̇зхи ванд̇агасааво чад̣д̣ид̇агасааво бахийнагасааво асса бхавзяяаад̇и ад̇т̇о. сийлзсууд̇и жад̇убаарисуд̣̇д̇хисийлзсу. сусамаахид̇од̇и судту самаахид̇о. убзд̇од̇и инд̣̇рияад̣̇амзна жзва вуд̇д̇аббагаарзна сажжзна жа убаг̇ад̇о саманнааг̇ад̇о. са взд̇и со зваруубо буг̇г̇ало д̇ам̣ г̇анд̇хагаасаававад̇т̇ам̣ зганд̇зна арахад̇ийд̇и ад̇т̇о.

Vantakasāvassāti catūhi maggehi vantakasāvo chaḍḍitakasāvo pahīnakasāvo assa bhaveyyāti attho. Sīlesūti catupārisuddhisīlesu. Susamāhitoti suṭṭhu samāhito. Upetoti indriyadamena ceva vuttappakārena saccena ca upagato samannāgato. Sa veti so evarūpo puggalo taṃ gandhakāsāvavatthaṃ ekantena arahatīti attho.

вибаннасийлод̇и бхиннасийло. д̣̇уммзд̇ход̇и ниббан̃н̃о сийлависод̇ханабан̃н̃ааяа вирахид̇о. баагадод̇и ‘‘д̣̇уссийло аяа’’нд̇и баагадо багаасо, вигкид̇д̇инд̣̇рияад̇ааяа ваа баагадо баагадинд̣̇рияод̇и ад̇т̇о. гаамагаарияод̇и бхиннасам̣варад̇ааяа яат̇ижчид̇агаараго, гаамасса ваа маарасса яат̇аагаамагаран̣ийяо. виб̣бханд̇ажид̇д̇од̇и руубаад̣̇ийсу висаязсу вигкид̇д̇ажид̇д̇о. ниссуггод̇и асугго суггад̇хаммарахид̇о хирод̇д̇аббавиваж̇ж̇ид̇о, гусалад̇хаммасамбаад̣̇анауссуггарахид̇о ваа.

Vipannasīloti bhinnasīlo. Dummedhoti nippañño sīlavisodhanapaññāya virahito. Pākaṭoti ‘‘dussīlo aya’’nti pākaṭo pakāso, vikkhittindriyatāya vā pākaṭo pākaṭindriyoti attho. Kāmakāriyoti bhinnasaṃvaratāya yathicchitakārako, kāmassa vā mārassa yathākāmakaraṇīyo. Vibbhantacittoti rūpādīsu visayesu vikkhittacitto. Nissukkoti asukko sukkadhammarahito hirottappavivajjito, kusaladhammasampādanaussukkarahito vā.

вийд̇арааг̇од̇и виг̇ад̇ажчанд̣̇арааг̇о. од̣̇аад̇аманасан̇габбод̇и сувисуд̣̇д̇хамановид̇агго, анаавиласан̇габбо ваа.

Vītarāgoti vigatacchandarāgo. Odātamanasaṅkappoti suvisuddhamanovitakko, anāvilasaṅkappo vā.

гаасаавам̣ гим̣ гариссад̇ийд̇и яасса сийлам̣ над̇т̇и, д̇асса гаасаавам̣ гим̣ наама баяож̇анам̣ саад̇хзссад̇и, жид̇д̇агад̇асад̣̇исам̣ д̇асса баб̣б̣аж̇ид̇алин̇г̇анд̇и ад̇т̇о.

Kāsāvaṃ kiṃ karissatīti yassa sīlaṃ natthi, tassa kāsāvaṃ kiṃ nāma payojanaṃ sādhessati, cittakatasadisaṃ tassa pabbajitaliṅganti attho.

д̣̇удтажид̇д̇аад̇и рааг̇аад̣̇ид̣̇осзхи д̣̇уусид̇ажид̇д̇аа. анаад̣̇араад̇и сад̇т̇ари д̇хаммз ан̃н̃аман̃н̃ан̃жа аад̣̇арарахид̇аа аг̇аараваа. д̇аад̣̇ийнам̣ мзд̇д̇ажид̇д̇аананд̇и мзд̇д̇аабхааванааяа самбаяуд̇д̇ахад̣̇аяз д̇знзва арахад̇д̇аад̇хиг̇амзна идтаад̣̇ийсу д̇аад̣̇ибхааваббад̇д̇з ул̣аараг̇ун̣з. убаяог̇ад̇т̇з хи ид̣̇ам̣ саамиважанам̣. ниг̇г̇ан̣хиссанд̇ийд̇и ‘‘сийлаад̣̇исамбаннз д̣̇исваа д̇з самбхаавзнд̇аа вибаннасийлз амхз на б̣ахум̣ ман̃н̃иссанд̇ий’’д̇и ад̇д̇ани аг̇ааравабхаязна яат̇аа д̇з уб̣б̣аал̣хаа баггамиссанд̇и, д̇ат̇аа б̣аад̇хиссанд̇ийд̇и ад̇т̇о.

Duṭṭhacittāti rāgādidosehi dūsitacittā. Anādarāti satthari dhamme aññamaññañca ādararahitā agāravā. Tādīnaṃ mettacittānanti mettābhāvanāya sampayuttahadaye teneva arahattādhigamena iṭṭhādīsu tādibhāvappatte uḷāraguṇe. Upayogatthe hi idaṃ sāmivacanaṃ. Niggaṇhissantīti ‘‘sīlādisampanne disvā te sambhāventā vipannasīle amhe na bahuṃ maññissantī’’ti attani agāravabhayena yathā te ubbāḷhā pakkamissanti, tathā bādhissantīti attho.

сигкаабзнд̇аабийд̇и сигкаабияамаанааби. гаммад̇т̇з хи аяам̣ гад̇д̇унид̣̇д̣̇зсо. т̇зрзхийд̇и ад̇д̇ано аажарияубаж̇жхааязхи. жийварад̇хааран̣анд̇и ид̣̇ам̣ саман̣абадибад̇д̇ияаа нид̣̇ассанамад̇д̇ам̣, д̇асмаа ‘‘звам̣ д̇з абхиггамид̇аб̣б̣ам̣, звам̣ д̇з бадиггамид̇аб̣б̣а’’нд̇иаад̣̇инаа (а. ни. 4.122) сигкаабияамаанаабийд̇и ад̇т̇о. на сун̣иссанд̇ийд̇и оваад̣̇ам̣ на г̇ан̣хиссанд̇и.

Sikkhāpentāpīti sikkhāpiyamānāpi. Kammatthe hi ayaṃ kattuniddeso. Therehīti attano ācariyupajjhāyehi. Cīvaradhāraṇanti idaṃ samaṇapaṭipattiyā nidassanamattaṃ, tasmā ‘‘evaṃ te abhikkamitabbaṃ, evaṃ te paṭikkamitabba’’ntiādinā (a. ni. 4.122) sikkhāpiyamānāpīti attho. Na suṇissantīti ovādaṃ na gaṇhissanti.

д̇з д̇ат̇аа сигкид̇аа б̣аалаад̇и д̇з анд̇хаб̣аалаа аажарияубаж̇жхааязхи сигкаабияамаанааби анаад̣̇арад̇ааяа асигкид̇аад̇и. наад̣̇ияиссанд̇убаж̇жхааязд̇и убаж̇жхааяз аажарияз жа аад̣̇арам̣ на гаронд̇и, д̇зсам̣ анусаасанияам̣ на д̇идтанд̇и. яат̇аа гим̣? кал̣ун̇го вияа саарат̇им̣ яат̇аа кал̣ун̇го д̣̇удтассо ассад̣̇амагам̣ наад̣̇ияад̇и на д̇асса убад̣̇зсз д̇идтад̇и, звам̣ д̇зби убаж̇жхааяаажарияз на бхааяанд̇и на саараж̇ж̇анд̇ийд̇и ад̇т̇о.

Te tathā sikkhitā bālāti te andhabālā ācariyupajjhāyehi sikkhāpiyamānāpi anādaratāya asikkhitāti. Nādiyissantupajjhāyeti upajjhāye ācariye ca ādaraṃ na karonti, tesaṃ anusāsaniyaṃ na tiṭṭhanti. Yathā kiṃ? Khaḷuṅko viya sārathiṃ yathā khaḷuṅko duṭṭhasso assadamakaṃ nādiyati na tassa upadese tiṭṭhati, evaṃ tepi upajjhāyācariye na bhāyanti na sārajjantīti attho.

‘‘зва’’нд̇иаад̣̇и вуд̇д̇ассзвад̇т̇асса ниг̇аманам̣. д̇ад̇т̇а званд̇и вуд̇д̇аббагаарзна. анааг̇ад̇ад̣̇д̇хаананд̇и анааг̇ад̇амад̣̇д̇хаанам̣, анааг̇ад̇з гаалзд̇и ад̇т̇о. д̇ам̣язва саруубад̇о д̣̇ассзнд̇о ‘‘бад̇д̇з гааламхи бажчимз’’д̇и ааха. д̇ад̇т̇а гад̇амо бажчимагаало? ‘‘д̇ад̇ияасан̇г̇ийд̇ид̇о бадтааяа бажчимагаало’’д̇и гзжи, д̇ам̣ згз наануж̇аананд̇и. саасанасса хи бан̃жаяуг̇аани вимуд̇д̇ияуг̇ам̣, самаад̇хияуг̇ам̣, сийлаяуг̇ам̣, суд̇аяуг̇ам̣, д̣̇аанаяуг̇анд̇и. д̇зсу батамам̣ вимуд̇д̇ияуг̇ам̣, д̇асмим̣ анд̇арахид̇з самаад̇хияуг̇ам̣ вад̇д̇ад̇и, д̇асмимби анд̇арахид̇з сийлаяуг̇ам̣ вад̇д̇ад̇и, д̇асмимби анд̇арахид̇з суд̇аяуг̇ам̣ вад̇д̇ад̇зва. абарисуд̣̇д̇хасийло хи згад̣̇зсзна барияад̇д̇иб̣аахусажжам̣ баг̇г̇аяха д̇идтад̇и лаабхаад̣̇игаамад̇ааяа. яад̣̇аа бана маад̇игаабарияосаанаа барияад̇д̇и саб̣б̣асо анд̇арад̇хааяад̇и, д̇ад̇о бадтааяа лин̇г̇амад̇д̇амзва авасиссад̇и, д̇ад̣̇аа яат̇аа д̇ат̇аа д̇ханам̣ сам̣харид̇ваа д̣̇аанамукзна виссаж̇ж̇знд̇и, саа гира нзсам̣ жаримаа саммаабадибад̇д̇и. д̇ад̇т̇а суд̇аяуг̇ад̇о бадтааяа бажчимагаало, ‘‘сийлаяуг̇ад̇о бадтааяаа’’д̇и абарз.

‘‘Eva’’ntiādi vuttassevatthassa nigamanaṃ. Tattha evanti vuttappakārena. Anāgataddhānanti anāgatamaddhānaṃ, anāgate kāleti attho. Taṃyeva sarūpato dassento ‘‘patte kālamhi pacchime’’ti āha. Tattha katamo pacchimakālo? ‘‘Tatiyasaṅgītito paṭṭhāya pacchimakālo’’ti keci, taṃ eke nānujānanti. Sāsanassa hi pañcayugāni vimuttiyugaṃ, samādhiyugaṃ, sīlayugaṃ, sutayugaṃ, dānayuganti. Tesu paṭhamaṃ vimuttiyugaṃ, tasmiṃ antarahite samādhiyugaṃ vattati, tasmimpi antarahite sīlayugaṃ vattati, tasmimpi antarahite sutayugaṃ vattateva. Aparisuddhasīlo hi ekadesena pariyattibāhusaccaṃ paggayha tiṭṭhati lābhādikāmatāya. Yadā pana mātikāpariyosānā pariyatti sabbaso antaradhāyati, tato paṭṭhāya liṅgamattameva avasissati, tadā yathā tathā dhanaṃ saṃharitvā dānamukhena vissajjenti, sā kira nesaṃ carimā sammāpaṭipatti. Tattha sutayugato paṭṭhāya pacchimakālo, ‘‘sīlayugato paṭṭhāyā’’ti apare.

звам̣ т̇зро бажчимз гаалз уббаж̇ж̇анагам̣ махаабхаяам̣ д̣̇ассзд̇ваа буна д̇ад̇т̇а саннибад̇ид̇абхигкуунам̣ оваад̣̇ам̣ д̣̇ад̣̇анд̇о ‘‘бураа ааг̇ажчад̇з’’д̇иаад̣̇инаа д̇иссо г̇аат̇аа абхааси. д̇ад̇т̇а бураа ааг̇ажчад̇з зд̇анд̇и зд̇ам̣ маяаа д̇умхаагам̣ вуд̇д̇ам̣ бадибад̇д̇ианд̇арааяагарам̣ анааг̇ад̇ам̣ махаабхаяам̣ ааг̇ажчад̇и бураа, яаава ааг̇амиссад̇и, д̇аавад̣̇зваад̇и ад̇т̇о. суб̣б̣ажаад̇и важанагкамаа соважассагаарагзхи д̇хаммзхи саманнааг̇ад̇аа, г̇аруунам̣ анусаасанияо бад̣̇агкин̣аг̇г̇аахино хот̇аад̇и ад̇т̇о. сакилаад̇и муд̣̇ухад̣̇аяаа.

Evaṃ thero pacchime kāle uppajjanakaṃ mahābhayaṃ dassetvā puna tattha sannipatitabhikkhūnaṃ ovādaṃ dadanto ‘‘purā āgacchate’’tiādinā tisso gāthā abhāsi. Tattha purā āgacchate etanti etaṃ mayā tumhākaṃ vuttaṃ paṭipattiantarāyakaraṃ anāgataṃ mahābhayaṃ āgacchati purā, yāva āgamissati, tāvadevāti attho. Subbacāti vacanakkhamā sovacassakārakehi dhammehi samannāgatā, garūnaṃ anusāsaniyo padakkhiṇaggāhino hothāti attho. Sakhilāti muduhadayā.

мзд̇д̇ажид̇д̇аад̇и саб̣б̣асад̇д̇зсу хид̇уубасам̣хааралагкан̣ааяа мзд̇д̇ааяа самбаяуд̇д̇ажид̇д̇аа. гаарун̣игаад̇и гарун̣ааяа нияуд̇д̇аа барзсам̣ д̣̇угкаабанаяанаагааравуд̇д̇ияаа гарун̣ааяа саманнааг̇ад̇аа. аарад̣̇д̇хавийрияаад̇и агусалаанам̣ бахаанааяа гусалаанам̣ убасамбад̣̇ааяа баг̇г̇ахид̇авийрияаа. бахид̇ад̇д̇аад̇и ниб̣б̣аанам̣ бадибзсид̇ажид̇д̇аа. нижжанд̇и саб̣б̣агаалам̣. д̣̇ал̣хабараггамаад̇и т̇иравийрияаа.

Mettacittāti sabbasattesu hitūpasaṃhāralakkhaṇāya mettāya sampayuttacittā. Kāruṇikāti karuṇāya niyuttā paresaṃ dukkhāpanayanākāravuttiyā karuṇāya samannāgatā. Āraddhavīriyāti akusalānaṃ pahānāya kusalānaṃ upasampadāya paggahitavīriyā. Pahitattāti nibbānaṃ paṭipesitacittā. Niccanti sabbakālaṃ. Daḷhaparakkamāti thiravīriyā.

бамаад̣̇анд̇и бамаж̇ж̇анам̣, гусалаанам̣ д̇хаммаанам̣ ананудтаанам̣, агусалзсу жа д̇хаммзсу жид̇д̇авоссаг̇г̇о. вуд̇д̇ан̃хи –

Pamādanti pamajjanaṃ, kusalānaṃ dhammānaṃ ananuṭṭhānaṃ, akusalesu ca dhammesu cittavossaggo. Vuttañhi –

‘‘д̇ад̇т̇а гад̇амо бамаад̣̇о? гааяад̣̇ужжарид̇з ваа важийд̣̇ужжарид̇з ваа манод̣̇ужжарид̇з ваа бан̃жасу ваа гаамаг̇ун̣зсу жид̇д̇асса воссаг̇г̇о воссаг̇г̇аануббад̣̇аанам̣, гусалаанам̣ д̇хаммаанам̣ бхааванааяа асаггажжагирияад̇аа’’д̇иаад̣̇и (вибха. 930).

‘‘Tattha katamo pamādo? Kāyaduccarite vā vacīduccarite vā manoduccarite vā pañcasu vā kāmaguṇesu cittassa vossaggo vossaggānuppadānaṃ, kusalānaṃ dhammānaṃ bhāvanāya asakkaccakiriyatā’’tiādi (vibha. 930).

аббамаад̣̇анд̇и аббамаж̇ж̇анам̣, со бамаад̣̇асса бадибагкад̇о взд̣̇ид̇аб̣б̣о. ад̇т̇ад̇о хи аббамаад̣̇о наама сад̇ияаа авиббаваасо, убадтид̇ааяа сад̇ияаа зва жзд̇ам̣ наамам̣. аяан̃хзд̇т̇а ад̇т̇о – яасмаа бамаад̣̇амуулагаа саб̣б̣з анад̇т̇аа, аббамаад̣̇амуулагаа жа саб̣б̣з ад̇т̇аа, д̇асмаа бамаад̣̇ам̣ бхаяад̇о убад̣̇д̣̇авад̇о д̣̇исваа аббамаад̣̇ан̃жа кзмад̇о анубад̣̇д̣̇авад̇о д̣̇исваа аббамаад̣̇абадибад̇д̇ияаа сикаабхууд̇ам̣ сийлаад̣̇игканд̇хад̇д̇аяасан̇г̇ахам̣ саммаад̣̇идтиаад̣̇ийнам̣ адтаннам̣ ан̇г̇аанам̣ васзна адтан̇г̇игам̣ арияамаг̇г̇ам̣ бхаавзт̇а, амад̇ам̣ ниб̣б̣аанам̣ пусанд̇аа сажчигаронд̇аа ад̇д̇ано санд̇аанз уббаад̣̇зт̇а, д̣̇ассанамаг̇г̇амад̇д̇з адтад̇ваа убари д̇ин̣н̣ам̣ маг̇г̇аанам̣ уббаад̣̇анавасзна вад̣дхзт̇а, звам̣ во аббамаад̣̇абхааванаа сикаабад̇д̇аа бхависсад̇ийд̇и.

Appamādanti appamajjanaṃ, so pamādassa paṭipakkhato veditabbo. Atthato hi appamādo nāma satiyā avippavāso, upaṭṭhitāya satiyā eva cetaṃ nāmaṃ. Ayañhettha attho – yasmā pamādamūlakā sabbe anatthā, appamādamūlakā ca sabbe atthā, tasmā pamādaṃ bhayato upaddavato disvā appamādañca khemato anupaddavato disvā appamādapaṭipattiyā sikhābhūtaṃ sīlādikkhandhattayasaṅgahaṃ sammādiṭṭhiādīnaṃ aṭṭhannaṃ aṅgānaṃ vasena aṭṭhaṅgikaṃ ariyamaggaṃ bhāvetha, amataṃ nibbānaṃ phusantā sacchikarontā attano santāne uppādetha, dassanamaggamatte aṭṭhatvā upari tiṇṇaṃ maggānaṃ uppādanavasena vaḍḍhetha, evaṃ vo appamādabhāvanā sikhāpattā bhavissatīti.

звам̣ т̇зро самбад̇д̇абарисам̣ овад̣̇ад̇и. имаа зва жимасса т̇зрасса ан̃н̃ааб̣яаагаран̣аг̇аат̇аа ахзсунд̇и.

Evaṃ thero sampattaparisaṃ ovadati. Imā eva cimassa therassa aññābyākaraṇagāthā ahesunti.

пуссад̇т̇зраг̇аат̇ааван̣н̣анаа нидтид̇аа.

Phussattheragāthāvaṇṇanā niṭṭhitā.

Next: 2. саарибуд̇д̇ад̇т̇зраг̇аат̇ааван̣н̣анаа • 2. Sāriputtattheragāthāvaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. пуссад̇т̇зраг̇аат̇аа • 1. Phussattheragāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact