| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
6. билинд̣̇аважчасуд̇д̇аван̣н̣анаа
6. Pilindavacchasuttavaṇṇanā
26. чадтз билинд̣̇аважчод̇и билинд̣̇аад̇исса наамам̣, важчод̇и г̇од̇д̇авасзна т̇зрам̣ сан̃ж̇аананд̇и. васалаваад̣̇зна самуд̣̇аажарад̇ийд̇и ‘‘зхи, васала, абзхи, васалаа’’д̇иаад̣̇инаа бхигкуу васалаваад̣̇зна вохарад̇и аалабад̇и. самб̣ахулаа бхигкууд̇и б̣ахуу бхигкуу. д̇з т̇зрам̣ д̇ат̇аа самуд̣̇аажаранд̇ам̣ д̣̇исваа ‘‘арахаава самаано аббахийнаваасанад̇д̇аа звам̣ бхан̣ад̇ий’’д̇и аж̇аананд̇аа ‘‘д̣̇осанд̇аро ман̃н̃з аяам̣ т̇зро звам̣ самуд̣̇аажарад̇ий’’д̇и жинд̇зд̇ваа уллабанаад̇хиббааяаа д̇ам̣ д̇ад̇о вудтаабзд̇ум̣ бхаг̇авад̇о аарожзсум̣. д̇зна вуд̇д̇ам̣ – ‘‘ааяасмаа, бханд̇з, билинд̣̇аважчо бхигкуу васалаваад̣̇зна самуд̣̇аажарад̇ий’’д̇и. гзжи банааху – ‘‘имам̣ т̇зрам̣ бхигкуу ‘арахаа’д̇и сан̃ж̇аананд̇и, аяан̃жа бхигкуу парусаважанзна звам̣ самуд̣̇аажарад̇и, ‘абхууд̇о зва ну ко имасмим̣ уд̇д̇аримануссад̇хаммо’д̇и ваасанаавасзна д̇асса д̇ат̇аа самуд̣̇аажаарам̣ аж̇аананд̇аа арияабхааван̃жасса асад̣̇д̣̇аханд̇аа уж̇жхаанасан̃н̃ино бхаг̇авад̇о д̇амад̇т̇ам̣ аарожзсу’’нд̇и. бхаг̇аваа т̇зрасса д̣̇осанд̇араабхаавам̣ багаасзд̇угаамо згзна бхигкунаа д̇ам̣ баггосаабзд̇ваа саммукаа д̇асса ‘‘буб̣б̣аажин̣н̣авасзнааяам̣ д̇ат̇аа самуд̣̇аажарад̇и, на парусаважанаад̇хиббааяо’’д̇и ааха. д̇зна вуд̇д̇ам̣ – ‘‘ат̇а ко бхаг̇аваа ан̃н̃ад̇арам̣ бхигкум̣ ааманд̇зсий’’д̇иаад̣̇и.
26. Chaṭṭhe pilindavacchoti pilindātissa nāmaṃ, vacchoti gottavasena theraṃ sañjānanti. Vasalavādena samudācaratīti ‘‘ehi, vasala, apehi, vasalā’’tiādinā bhikkhū vasalavādena voharati ālapati. Sambahulā bhikkhūti bahū bhikkhū. Te theraṃ tathā samudācarantaṃ disvā ‘‘arahāva samāno appahīnavāsanattā evaṃ bhaṇatī’’ti ajānantā ‘‘dosantaro maññe ayaṃ thero evaṃ samudācaratī’’ti cintetvā ullapanādhippāyā taṃ tato vuṭṭhāpetuṃ bhagavato ārocesuṃ. Tena vuttaṃ – ‘‘āyasmā, bhante, pilindavaccho bhikkhū vasalavādena samudācaratī’’ti. Keci panāhu – ‘‘imaṃ theraṃ bhikkhū ‘arahā’ti sañjānanti, ayañca bhikkhū pharusavacanena evaṃ samudācarati, ‘abhūto eva nu kho imasmiṃ uttarimanussadhammo’ti vāsanāvasena tassa tathā samudācāraṃ ajānantā ariyabhāvañcassa asaddahantā ujjhānasaññino bhagavato tamatthaṃ ārocesu’’nti. Bhagavā therassa dosantarābhāvaṃ pakāsetukāmo ekena bhikkhunā taṃ pakkosāpetvā sammukhā tassa ‘‘pubbāciṇṇavasenāyaṃ tathā samudācarati, na pharusavacanādhippāyo’’ti āha. Tena vuttaṃ – ‘‘atha kho bhagavā aññataraṃ bhikkhuṃ āmantesī’’tiādi.
д̇ад̇т̇а буб̣б̣зниваасам̣ манаси гарид̇ваад̇и сад̇т̇аа ‘‘сажжам̣ гира д̇вам̣, важча, бхигкуу васалаваад̣̇зна самуд̣̇аажарасий’’д̇и т̇зрам̣ бужчид̇ваа д̇зна ‘‘звам̣, бханд̇з’’д̇и вуд̇д̇з ‘‘аяам̣ важчо гилзсаваасанааяа васалаваад̣̇ам̣ на барижжаж̇ад̇и, гим̣ ну ко ад̇ийд̇зсуби ад̇д̇абхаавзсу б̣раахман̣аж̇аад̇иго ахосий’’д̇и ааваж̇ж̇знд̇о буб̣б̣зниваасан̃аан̣зна саб̣б̣ан̃н̃уд̇ан̃н̃аан̣зна ваа д̇асса буб̣б̣зниваасам̣ ад̇ийд̇аасу ж̇аад̇ийсу нивуд̇т̇агканд̇хасанд̇аанам̣ манаси гарид̇ваа хад̇т̇ад̇алз табид̇ам̣ аамалагам̣ вияа бажжагкагаран̣авасзна ад̇д̇ано манаси гад̇ваа. бхигкуу ааманд̇зсийд̇и д̇з бхигкуу сан̃н̃аабзд̇ум̣ аалаби, абхааси. д̇зна вуд̇д̇ам̣ ‘‘маа ко д̇умхз, бхигкавз’’д̇иаад̣̇и.
Tattha pubbenivāsaṃ manasi karitvāti satthā ‘‘saccaṃ kira tvaṃ, vaccha, bhikkhū vasalavādena samudācarasī’’ti theraṃ pucchitvā tena ‘‘evaṃ, bhante’’ti vutte ‘‘ayaṃ vaccho kilesavāsanāya vasalavādaṃ na pariccajati, kiṃ nu kho atītesupi attabhāvesu brāhmaṇajātiko ahosī’’ti āvajjento pubbenivāsañāṇena sabbaññutaññāṇena vā tassa pubbenivāsaṃ atītāsu jātīsu nivutthakkhandhasantānaṃ manasi karitvā hatthatale ṭhapitaṃ āmalakaṃ viya paccakkhakaraṇavasena attano manasi katvā. Bhikkhū āmantesīti te bhikkhū saññāpetuṃ ālapi, abhāsi. Tena vuttaṃ ‘‘mā kho tumhe, bhikkhave’’tiādi.
д̇ад̇т̇а маад̇и бадисзд̇хз нибаад̇о, д̇асса ‘‘уж̇жхааяид̇т̇аа’’д̇и иминаа самб̣анд̇хо. маа уж̇жхааяид̇т̇аад̇и маа хздтаа гад̇ваа жинд̇аяид̇т̇а, ологаяид̇т̇аад̇и ад̇т̇о. важчасса бхигкунод̇и жа уж̇жхааяанасса усууяанад̇т̇ад̇д̇аа самбад̣̇аанаважанам̣. ид̣̇аанисса ануж̇жхааяид̇аб̣б̣з гааран̣ам̣ д̣̇ассзнд̇о ‘‘на, бхигкавз, важчо д̣̇осанд̇аро бхигкуу васалаваад̣̇зна самуд̣̇аажарад̇ий’’д̇и ааха. д̇ассад̇т̇о – бхигкавз, аяам̣ важчо д̣̇осанд̇аро д̣̇осажид̇д̇о д̣̇осзна б̣яаабаад̣̇зна д̣̇уусид̇ажид̇д̇о худ̇ваа бхигкуу васалаваад̣̇зна на самуд̣̇аажарад̇и , маг̇г̇знзва жасса б̣яаабаад̣̇о самуг̇гхаад̇ид̇о. звам̣ ад̣̇осанд̇арад̇д̇зби д̇асса д̇ат̇аа самуд̣̇аажаарасса буримаж̇аад̇исид̣̇д̇хам̣ гааран̣ам̣ д̣̇ассзнд̇о ‘‘важчасса, бхигкавз’’д̇иаад̣̇имааха.
Tattha māti paṭisedhe nipāto, tassa ‘‘ujjhāyitthā’’ti iminā sambandho. Mā ujjhāyitthāti mā heṭṭhā katvā cintayittha, olokayitthāti attho. Vacchassa bhikkhunoti ca ujjhāyanassa usūyanatthattā sampadānavacanaṃ. Idānissa anujjhāyitabbe kāraṇaṃ dassento ‘‘na, bhikkhave, vaccho dosantaro bhikkhū vasalavādena samudācaratī’’ti āha. Tassattho – bhikkhave, ayaṃ vaccho dosantaro dosacitto dosena byāpādena dūsitacitto hutvā bhikkhū vasalavādena na samudācarati , maggeneva cassa byāpādo samugghātito. Evaṃ adosantarattepi tassa tathā samudācārassa purimajātisiddhaṃ kāraṇaṃ dassento ‘‘vacchassa, bhikkhave’’tiādimāha.
д̇ад̇т̇а аб̣б̣огин̣н̣аанийд̇и кад̇д̇ияаад̣̇иж̇аад̇ианд̇арзхи авомиссаани ананд̇арид̇аани. бан̃жа ж̇аад̇исад̇аани б̣раахман̣агулз бажжааж̇аад̇аанийд̇и саб̣б̣аани д̇аани важчасса бан̃жа ж̇аад̇исад̇аани бадибаадияаа б̣раахман̣агулз зва ж̇аад̇аани, ахзсунд̇и ад̇т̇о. со д̇асса васалаваад̣̇о д̣̇ийгхарад̇д̇ам̣ самуд̣̇аажин̣н̣од̇и яо зд̇арахи кийн̣аасавзнаби сад̇аа бавад̇д̇ияад̇и, со д̇асса важчасса бхигкуно васалаваад̣̇о д̣̇ийгхарад̇д̇ам̣ ид̇о ж̇аад̇ид̇о бадтааяа уд̣̇д̇хам̣ аароханавасзна бан̃жаж̇аад̇исад̇амад̇д̇ам̣ гаалам̣ б̣раахман̣аж̇аад̇игад̇д̇аа самуд̣̇аажин̣н̣о самуд̣̇аажарид̇о ахоси. б̣раахман̣аа хи ж̇аад̇исид̣̇д̇хзна маанзна т̇ад̣̇д̇хаа ан̃н̃ам̣ васалаваад̣̇зна самуд̣̇аажаранд̇и. ‘‘аж̇жхаажин̣н̣о’’д̇иби батанд̇и, со зва ад̇т̇о. д̇знаад̇и д̇зна д̣̇ийгхарад̇д̇ам̣ д̇ат̇аа самуд̣̇аажин̣н̣абхаавзна, зд̇знасса д̇ат̇аа самуд̣̇аажаарасса гааран̣ам̣ ваасанаад̇и д̣̇ассзд̇и. гаа банааяам̣ ваасанаа наама? яам̣ гилзсарахид̇ассааби санд̇аанз аббахийнагилзсаанам̣ самаажаарасад̣̇исасамаажаарахзд̇убхууд̇ам̣, анаад̣̇игаалабхаавид̇зхи гилзсзхи аахид̇ам̣ саамад̇т̇ияамад̇д̇ам̣, д̇ат̇ааруубаа ад̇химуд̇д̇ийд̇и вад̣̇анд̇и. д̇ам̣ банзд̇ам̣ абхинийхаарасамбад̇д̇ияаа н̃зяяааваран̣аббахаанавасзна яад̇т̇а гилзсаа бахийнаа, д̇ад̇т̇а бхаг̇авад̇о санд̇аанз над̇т̇и. яад̇т̇а бана д̇ат̇аа гилзсаа на бахийнаа, д̇ад̇т̇а саавагаанам̣ бажжзгаб̣уд̣̇д̇хаанан̃жа санд̇аанз ад̇т̇и, д̇ад̇о д̇ат̇ааг̇ад̇ова анааваран̣ан̃аан̣ад̣̇ассано.
Tattha abbokiṇṇānīti khattiyādijātiantarehi avomissāni anantaritāni. Pañca jātisatāni brāhmaṇakule paccājātānīti sabbāni tāni vacchassa pañca jātisatāni paṭipāṭiyā brāhmaṇakule eva jātāni, ahesunti attho. So tassa vasalavādo dīgharattaṃ samudāciṇṇoti yo etarahi khīṇāsavenapi satā pavattiyati, so tassa vacchassa bhikkhuno vasalavādo dīgharattaṃ ito jātito paṭṭhāya uddhaṃ ārohanavasena pañcajātisatamattaṃ kālaṃ brāhmaṇajātikattā samudāciṇṇo samudācarito ahosi. Brāhmaṇā hi jātisiddhena mānena thaddhā aññaṃ vasalavādena samudācaranti. ‘‘Ajjhāciṇṇo’’tipi paṭhanti, so eva attho. Tenāti tena dīgharattaṃ tathā samudāciṇṇabhāvena, etenassa tathā samudācārassa kāraṇaṃ vāsanāti dasseti. Kā panāyaṃ vāsanā nāma? Yaṃ kilesarahitassāpi santāne appahīnakilesānaṃ samācārasadisasamācārahetubhūtaṃ, anādikālabhāvitehi kilesehi āhitaṃ sāmatthiyamattaṃ, tathārūpā adhimuttīti vadanti. Taṃ panetaṃ abhinīhārasampattiyā ñeyyāvaraṇappahānavasena yattha kilesā pahīnā, tattha bhagavato santāne natthi. Yattha pana tathā kilesā na pahīnā, tattha sāvakānaṃ paccekabuddhānañca santāne atthi, tato tathāgatova anāvaraṇañāṇadassano.
зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о билинд̣̇аважчасса сад̇иби васаласамуд̣̇аажаарз д̣̇осанд̇араабхаавасан̇каад̇ам̣ ад̇т̇ам̣ вид̣̇ид̇ваа. имам̣ уд̣̇аананд̇и д̇асса аг̇г̇апалаад̇хиг̇амавибхааванам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ āyasmato pilindavacchassa satipi vasalasamudācāre dosantarābhāvasaṅkhātaṃ atthaṃ viditvā. Imaṃ udānanti tassa aggaphalādhigamavibhāvanaṃ imaṃ udānaṃ udānesi.
д̇ад̇т̇а яамхи на мааяаа васад̇и на маанод̇и яасмим̣ арияабуг̇г̇алз санд̇ад̣̇осаббадижчаад̣̇аналагкан̣аа мааяаа, ‘‘сзяяохамасмий’’д̇иаад̣̇инаа самбаг̇г̇ахавасзна бавад̇д̇о ун̣н̣ад̇илагкан̣о маано жа на васад̇и, маг̇г̇зна самуг̇гхаад̇ид̇ад̇д̇аа на бавад̇д̇ад̇и на уббаж̇ж̇ад̇и. яо вийд̇алобхо амамо нираасод̇и яо жа рааг̇аад̣̇ибарияааяавасзна бавад̇д̇асса аарамман̣аг̇г̇ахан̣алагкан̣асса лобхасса саб̣б̣ат̇аа виг̇ад̇ад̇д̇аа вийд̇алобхо, д̇ад̇о зва руубаад̣̇ийсу гад̇т̇ажи мамааяанаабхаавад̇о амамо абариг̇г̇ахо, анааг̇ад̇аанамби бхаваад̣̇ийнам̣ анаасийсанад̇о нираасо. банун̣н̣агод̇ход̇и гуж̇жханалагкан̣асса год̇хасса анааг̇аамимаг̇г̇зна саб̣б̣асо бахийнад̇д̇аа банун̣н̣агод̇хо самужчиннаагхаад̇о. абхиниб̣б̣уд̇ад̇д̇од̇и яо звам̣ мааяаамааналобхагод̇хаанам̣ самуг̇гхаад̇зна д̇ад̣̇згадтад̇ааяа саб̣б̣асса сам̣гилзсабагкасса суббахийнад̇д̇аа саб̣б̣асо гилзсабариниб̣б̣аанзна абхиниб̣б̣уд̇ажид̇д̇о сийд̇ибхууд̇о. со б̣раахман̣о со саман̣о са бхигкууд̇и со зваруубо кийн̣аасаво саб̣б̣асо б̣аахид̇абаабад̇д̇аа б̣раахман̣о, со зва самид̇абаабад̇д̇аа самажарияааяа жа саман̣о, со зва жа саб̣б̣асо бхиннагилзсад̇д̇аа бхигку наама. звам̣бхууд̇о жа, бхигкавз, важчо со гат̇ам̣ д̣̇осанд̇аро гин̃жи гааяагаммаад̣̇им̣ бавад̇д̇зяяа, гзвалам̣ бана ваасанааяа аббахийнад̇д̇аа васалаваад̣̇зна самуд̣̇аажарад̇ийд̇и.
Tattha yamhi na māyā vasati na mānoti yasmiṃ ariyapuggale santadosappaṭicchādanalakkhaṇā māyā, ‘‘seyyohamasmī’’tiādinā sampaggahavasena pavatto uṇṇatilakkhaṇo māno ca na vasati, maggena samugghātitattā na pavattati na uppajjati. Yo vītalobho amamo nirāsoti yo ca rāgādipariyāyavasena pavattassa ārammaṇaggahaṇalakkhaṇassa lobhassa sabbathā vigatattā vītalobho, tato eva rūpādīsu katthaci mamāyanābhāvato amamo apariggaho, anāgatānampi bhavādīnaṃ anāsīsanato nirāso. Panuṇṇakodhoti kujjhanalakkhaṇassa kodhassa anāgāmimaggena sabbaso pahīnattā panuṇṇakodho samucchinnāghāto. Abhinibbutattoti yo evaṃ māyāmānalobhakodhānaṃ samugghātena tadekaṭṭhatāya sabbassa saṃkilesapakkhassa suppahīnattā sabbaso kilesaparinibbānena abhinibbutacitto sītibhūto. So brāhmaṇoso samaṇo sa bhikkhūti so evarūpo khīṇāsavo sabbaso bāhitapāpattā brāhmaṇo, so eva samitapāpattā samacariyāya ca samaṇo, so eva ca sabbaso bhinnakilesattā bhikkhu nāma. Evaṃbhūto ca, bhikkhave, vaccho so kathaṃ dosantaro kiñci kāyakammādiṃ pavatteyya, kevalaṃ pana vāsanāya appahīnattā vasalavādena samudācaratīti.
чадтасуд̇д̇аван̣н̣анаа нидтид̇аа.
Chaṭṭhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 6. билинд̣̇аважчасуд̇д̇ам̣ • 6. Pilindavacchasuttaṃ
