| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. билинд̣̇аважчад̇т̇зраабад̣̇аанаван̣н̣анаа
5. Pilindavacchattheraapadānavaṇṇanā
ниб̣б̣уд̇з логанаат̇амхийд̇иаад̣̇игам̣ ааяасмад̇о билинд̣̇аважчад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз махаабхог̇агулз ниб̣б̣ад̇д̇о хздтаа вуд̇д̇анаязна сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ д̣̇звад̇аанам̣ бияаманаабабхаавзна аг̇г̇адтаанз табзнд̇ам̣ д̣̇исваа д̇ам̣ таананд̇арам̣ бад̇т̇зд̇ваа яааваж̇ийвам̣ гусалам̣ гад̇ваа д̇ад̇о жуд̇о д̣̇звамануссзсу сам̣саранд̇о сумзд̇хасса бхаг̇авад̇о гаалз гулаг̇зхз ниб̣б̣ад̇д̇о. бариниб̣б̣уд̇з бхаг̇авад̇и д̇асса т̇уубам̣ бууж̇зд̇ваа сан̇гхасса махаад̣̇аанам̣ бавад̇д̇зд̇ваа д̇ад̇о жавид̇ваа д̣̇звамануссзсу убхаяасамбад̇д̇ияо анубхавид̇ваа ануббаннз б̣уд̣̇д̇хз жаггавад̇д̇ий рааж̇аа худ̇ваа махааж̇анам̣ бан̃жасийлзсу бад̇идтаабзд̇ваа саг̇г̇абарааяанам̣ агааси. со ануббаннзязва амхаагам̣ бхаг̇авад̇и саавад̇т̇ияам̣ б̣раахман̣агулз ниб̣б̣ад̇д̇и, билинд̣̇од̇исса наамам̣ агам̣су. важчод̇и г̇од̇д̇ам̣. со абарабхааг̇з билинд̣̇аважчод̇и бан̃н̃ааяид̇т̇а. сам̣саарз бана сам̣взг̇аб̣ахулад̇ааяа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа жуул̣аг̇анд̇хаарам̣ наама виж̇ж̇ам̣ саад̇хзд̇ваа д̇ааяа виж̇ж̇ааяа аагаасажаарий баражид̇д̇авид̣̇уу жа худ̇ваа рааж̇аг̇ахз лаабхаг̇г̇аяасаг̇г̇абад̇д̇о бадивасад̇и.
Nibbutelokanāthamhītiādikaṃ āyasmato pilindavacchattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare mahābhogakule nibbatto heṭṭhā vuttanayena satthu santike dhammaṃ suṇanto satthāraṃ ekaṃ bhikkhuṃ devatānaṃ piyamanāpabhāvena aggaṭṭhāne ṭhapentaṃ disvā taṃ ṭhānantaraṃ patthetvā yāvajīvaṃ kusalaṃ katvā tato cuto devamanussesu saṃsaranto sumedhassa bhagavato kāle kulagehe nibbatto. Parinibbute bhagavati tassa thūpaṃ pūjetvā saṅghassa mahādānaṃ pavattetvā tato cavitvā devamanussesu ubhayasampattiyo anubhavitvā anuppanne buddhe cakkavattī rājā hutvā mahājanaṃ pañcasīlesu patiṭṭhāpetvā saggaparāyanaṃ akāsi. So anuppanneyeva amhākaṃ bhagavati sāvatthiyaṃ brāhmaṇakule nibbatti, pilindotissa nāmaṃ akaṃsu. Vacchoti gottaṃ. So aparabhāge pilindavacchoti paññāyittha. Saṃsāre pana saṃvegabahulatāya paribbājakapabbajjaṃ pabbajitvā cūḷagandhāraṃ nāma vijjaṃ sādhetvā tāya vijjāya ākāsacārī paracittavidū ca hutvā rājagahe lābhaggayasaggapatto paṭivasati.
ат̇а амхаагам̣ бхаг̇аваа абхисамб̣уд̣̇д̇хо худ̇ваа ануггамзна рааж̇аг̇ахам̣ убаг̇ад̇о. д̇ад̇о бадтааяа б̣уд̣̇д̇хаанубхаавзна д̇асса саа виж̇ж̇аа на самбаж̇ж̇ад̇и, ад̇д̇ано гижжам̣ на саад̇хзд̇и. со жинд̇зси – ‘‘суд̇ам̣ ко банзд̇ам̣ аажарияабаажарияаанам̣ бхаасамаанаанам̣ ‘яад̇т̇а махааг̇анд̇хааравиж̇ж̇аа д̇харад̇и , д̇ад̇т̇а жуул̣аг̇анд̇хааравиж̇ж̇аа на самбаж̇ж̇ад̇ий’д̇и саман̣асса бана г̇од̇амасса ааг̇ад̇агаалад̇о бадтааяа нааяам̣ мама виж̇ж̇аа самбаж̇ж̇ад̇и, ниссам̣саяам̣ саман̣о г̇од̇амо махааг̇анд̇хааравиж̇ж̇ам̣ ж̇аанаад̇и, яам̣нуунаахам̣ д̇ам̣ баяирубаасид̇ваа д̇асса санд̇игз д̇ам̣ виж̇ж̇ам̣ барияаабун̣зяяа’’нд̇и. со бхаг̇аванд̇ам̣ убасан̇гамид̇ваа зд̇ад̣̇авожа – ‘‘ахам̣, махаасаман̣а, д̇ава санд̇игз згам̣ виж̇ж̇ам̣ барияаабун̣ид̇угаамо, огаасам̣ мз гарохий’’д̇и. ‘‘д̇зна хи мама санд̇игз баб̣б̣аж̇аахий’’д̇и ааха. со ‘‘виж̇ж̇ааяа баригаммам̣ баб̣б̣аж̇ж̇аа’’д̇и ман̃н̃амаано баб̣б̣аж̇и. д̇асса бхаг̇аваа д̇хаммам̣ гат̇зд̇ваа жарид̇аанугуулам̣ гаммадтаанам̣ ад̣̇ааси. со убаниссаяасамбаннад̇ааяа нажирассзва вибассанам̣ бадтабзд̇ваа арахад̇д̇ам̣ баабун̣и.
Atha amhākaṃ bhagavā abhisambuddho hutvā anukkamena rājagahaṃ upagato. Tato paṭṭhāya buddhānubhāvena tassa sā vijjā na sampajjati, attano kiccaṃ na sādheti. So cintesi – ‘‘sutaṃ kho panetaṃ ācariyapācariyānaṃ bhāsamānānaṃ ‘yattha mahāgandhāravijjā dharati , tattha cūḷagandhāravijjā na sampajjatī’ti samaṇassa pana gotamassa āgatakālato paṭṭhāya nāyaṃ mama vijjā sampajjati, nissaṃsayaṃ samaṇo gotamo mahāgandhāravijjaṃ jānāti, yaṃnūnāhaṃ taṃ payirupāsitvā tassa santike taṃ vijjaṃ pariyāpuṇeyya’’nti. So bhagavantaṃ upasaṅkamitvā etadavoca – ‘‘ahaṃ, mahāsamaṇa, tava santike ekaṃ vijjaṃ pariyāpuṇitukāmo, okāsaṃ me karohī’’ti. ‘‘Tena hi mama santike pabbajāhī’’ti āha. So ‘‘vijjāya parikammaṃ pabbajjā’’ti maññamāno pabbaji. Tassa bhagavā dhammaṃ kathetvā caritānukūlaṃ kammaṭṭhānaṃ adāsi. So upanissayasampannatāya nacirasseva vipassanaṃ paṭṭhapetvā arahattaṃ pāpuṇi.
55. яаа бана буримаж̇аад̇ияам̣ д̇ассоваад̣̇з тад̇ваа саг̇г̇з ниб̣б̣ад̇д̇аа д̣̇звад̇аа, д̇аа гад̇ан̃н̃уд̇ам̣ ниссааяа д̇асмим̣ сан̃ж̇аад̇аб̣ахумаанаа сааяам̣ баад̇ам̣ т̇зрам̣ баяирубаасид̇ваа г̇ажчанд̇и. д̇асмаа нам̣ бхаг̇аваа д̣̇звад̇аанам̣ ад̇ивияа бияаманаабабхаавзна аг̇г̇абхаавз табзси ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ д̣̇звад̇аанам̣ бияаманаабаанам̣ яад̣̇ид̣̇ам̣ билинд̣̇аважчо’’д̇и (а. ни. 1.209, 215). звам̣ со бад̇д̇ааг̇г̇адтаано ад̇д̇ано буб̣б̣агаммам̣ ануссарид̇ваа бийд̇исоманассавасзна буб̣б̣ажарид̇аабад̣̇аанам̣ багаасзнд̇о ниб̣б̣уд̇з логанаат̇амхийд̇иаад̣̇имааха.
55. Yā pana purimajātiyaṃ tassovāde ṭhatvā sagge nibbattā devatā, tā kataññutaṃ nissāya tasmiṃ sañjātabahumānā sāyaṃ pātaṃ theraṃ payirupāsitvā gacchanti. Tasmā naṃ bhagavā devatānaṃ ativiya piyamanāpabhāvena aggabhāve ṭhapesi ‘‘etadaggaṃ, bhikkhave, mama sāvakānaṃ bhikkhūnaṃ devatānaṃ piyamanāpānaṃ yadidaṃ pilindavaccho’’ti (a. ni. 1.209, 215). Evaṃ so pattaaggaṭṭhāno attano pubbakammaṃ anussaritvā pītisomanassavasena pubbacaritāpadānaṃ pakāsento nibbute lokanāthamhītiādimāha.
д̇ад̇т̇а гаамаруубааруубалогасса наат̇о бад̇хаанод̇и логанаат̇о. мзд̇хаа вужжанд̇и саб̣б̣ан̃н̃уд̇ан̃н̃аан̣аанааваран̣ан̃аан̣аад̣̇аяо, сунд̣̇араа, басадтаа ваа мзд̇хаа яасса со сумзд̇хо, аг̇г̇о жа со буг̇г̇ало жаад̇и аг̇г̇абуг̇г̇ало, д̇асмим̣ сумзд̇хз логанааяагз аг̇г̇абуг̇г̇алз канд̇хабариниб̣б̣аанзна ниб̣б̣уд̇з сад̇ийд̇и самб̣анд̇хо. басаннажид̇д̇о суманод̇и сад̣̇д̇хааяа басаад̣̇ид̇ажид̇д̇о соманассзна сунд̣̇арамано ахам̣ д̇асса сумзд̇хасса бхаг̇авад̇о т̇уубабууж̇ам̣ жзд̇ияабууж̇ам̣ агаасинд̇и ад̇т̇о.
Tattha kāmarūpārūpalokassa nātho padhānoti lokanātho. Medhā vuccanti sabbaññutaññāṇaanāvaraṇañāṇādayo, sundarā, pasaṭṭhā vā medhā yassa so sumedho, aggo ca so puggalo cāti aggapuggalo, tasmiṃ sumedhe lokanāyake aggapuggale khandhaparinibbānena nibbute satīti sambandho. Pasannacitto sumanoti saddhāya pasāditacitto somanassena sundaramano ahaṃ tassa sumedhassa bhagavato thūpapūjaṃ cetiyapūjaṃ akāsinti attho.
56. яз жа кийн̣аасаваа д̇ад̇т̇аад̇и д̇асмим̣ самааг̇амз яз жа кийн̣аасаваа бахийнагилзсаа чал̣абхин̃н̃аа чахи абхин̃н̃аахи саманнааг̇ад̇аа махид̣̇д̇хигаа маханд̇зхи ид̣̇д̇хийхи саманнааг̇ад̇аа санд̇и, д̇з саб̣б̣з кийн̣аасавз ахам̣ д̇ад̇т̇а самаанзд̇ваа судту аад̣̇арзна аанзд̇ваа сан̇гхабхад̇д̇ам̣ сагаласан̇гхасса д̣̇аад̇аб̣б̣абхад̇д̇ам̣ агаасим̣ д̇зсам̣ бхож̇зсинд̇и ад̇т̇о.
56.Ye ca khīṇāsavā tatthāti tasmiṃ samāgame ye ca khīṇāsavā pahīnakilesā chaḷabhiññā chahi abhiññāhi samannāgatā mahiddhikā mahantehi iddhīhi samannāgatā santi, te sabbe khīṇāsave ahaṃ tattha samānetvā suṭṭhu ādarena ānetvā saṅghabhattaṃ sakalasaṅghassa dātabbabhattaṃ akāsiṃ tesaṃ bhojesinti attho.
57. убадтааго д̇ад̣̇аа ахууд̇и д̇ад̣̇аа мама сан̇гхабхад̇д̇ад̣̇аанагаалз сумзд̇хасса бхаг̇авад̇о наамзна сумзд̇хо наама убадтаагасааваго аху ахосийд̇и ад̇т̇о. со сааваго маяхам̣ бууж̇аасаггаарам̣ анумод̣̇ид̇т̇а анумод̣̇ид̇о аанисам̣сам̣ гат̇зсийд̇и ад̇т̇о.
57.Upaṭṭhāko tadā ahūti tadā mama saṅghabhattadānakāle sumedhassa bhagavato nāmena sumedho nāma upaṭṭhākasāvako ahu ahosīti attho. So sāvako mayhaṃ pūjāsakkāraṃ anumodittha anumodito ānisaṃsaṃ kathesīti attho.
58. д̇зна жид̇д̇аббасаад̣̇знаад̇и д̇зна т̇уубабууж̇аагаран̣авасзна уббаннзна жид̇д̇аббасаад̣̇зна д̣̇звалогз д̣̇иб̣б̣авимаанам̣ убабаж̇ж̇им̣ убаг̇ад̇о асмийд̇и ад̇т̇о, д̇ад̇т̇а ниб̣б̣ад̇д̇омхийд̇и вуд̇д̇ам̣ ход̇и. чал̣аасийд̇исахассаанийд̇и д̇асмим̣ вимаанз ча асийд̇исахассаани д̣̇зважчарааяо мз маяхам̣ жид̇д̇ам̣ рамим̣су рамаабзсунд̇и самб̣анд̇хо.
58.Tena cittappasādenāti tena thūpapūjākaraṇavasena uppannena cittappasādena devaloke dibbavimānaṃ upapajjiṃ upagato asmīti attho, tattha nibbattomhīti vuttaṃ hoti. Chaḷāsītisahassānīti tasmiṃ vimāne cha asītisahassāni devaccharāyo me mayhaṃ cittaṃ ramiṃsu ramāpesunti sambandho.
59. мамзва анувад̇д̇анд̇ийд̇и д̇аа ажчарааяо саб̣б̣агаамзхи д̣̇иб̣б̣зхи руубаад̣̇ивад̇т̇угаамзхи убадтаханд̇ияо мамам̣ зва анувад̇д̇анд̇и мама важанам̣ анугаронд̇и сад̣̇аа нижжагааланд̇и ад̇т̇о. сзсам̣ сувин̃н̃зяяамзваад̇и.
59.Mameva anuvattantīti tā accharāyo sabbakāmehi dibbehi rūpādivatthukāmehi upaṭṭhahantiyo mamaṃ eva anuvattanti mama vacanaṃ anukaronti sadā niccakālanti attho. Sesaṃ suviññeyyamevāti.
билинд̣̇аважчад̇т̇зраабад̣̇аанаван̣н̣анаа самад̇д̇аа.
Pilindavacchattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. билинд̣̇аважчад̇т̇зраабад̣̇аанам̣ • 5. Pilindavacchattheraapadānaṃ
