| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
40. билинд̣̇аважчаваг̇г̇о
40. Pilindavacchavaggo
1. билинд̣̇аважчад̇т̇зраабад̣̇аанаван̣н̣анаа
1. Pilindavacchattheraapadānavaṇṇanā
жад̇д̇аалийсамаваг̇г̇з абад̣̇аанз наг̇арз хам̣савад̇ияаад̇иаад̣̇игам̣ ааяасмад̇о билинд̣̇аважчад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ийнаг̇арз д̣̇овааригагулз ниб̣б̣ад̇д̇о махад̣̇д̇хано махаабхог̇о ахоси. со годисаннижид̇ад̇ханараасим̣ ологзд̇ваа рахо нисинно ‘‘имам̣ саб̣б̣ад̇ханам̣ маяаа саммаа г̇ахзд̇ваа г̇анд̇ум̣ ваддад̇ий’’д̇и жинд̇зд̇ваа ‘‘б̣уд̣̇д̇хаббамукасса бхигкусан̇гхасса саб̣б̣абаригкаарад̣̇аанам̣ д̣̇аад̇ум̣ ваддад̇ий’’д̇и саннидтаанам̣ гад̇ваа чад̇д̇асад̇асахассам̣ аад̣̇им̣ гад̇ваа саб̣б̣абарибхог̇абаригкаарааниби сад̇асахассавасзна гаарзд̇ваа бад̣̇умуд̇д̇арам̣ бхаг̇аванд̇ам̣ ниманд̇зд̇ваа б̣уд̣̇д̇хаббамукасса бхигкусан̇гхасса махаад̣̇аанам̣ ад̣̇ааси. звам̣ сад̇д̇аахам̣ д̣̇аанам̣ д̣̇ад̇ваа барияосаанад̣̇ивасз ниб̣б̣аанаад̇хиг̇амам̣ бад̇т̇зд̇ваа яааваж̇ийвам̣ бун̃н̃аани гад̇ваа ж̇ийвид̇абарияосаанз д̣̇звалогз ниб̣б̣ад̇д̇о ча гаамааважарз д̣̇иб̣б̣асамбад̇д̇ияо анубхавид̇ваа мануссзсу жа жаггавад̇д̇иаад̣̇исамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з б̣раахман̣агулз ниб̣б̣ад̇д̇о саб̣б̣асиббзсу нибпад̇д̇им̣ бад̇д̇о г̇од̇д̇авасзна билинд̣̇аважчод̇и баагадо ахоси.
Cattālīsamavagge apadāne nagare haṃsavatiyātiādikaṃ āyasmato pilindavacchattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare dovārikakule nibbatto mahaddhano mahābhogo ahosi. So koṭisannicitadhanarāsiṃ oloketvā raho nisinno ‘‘imaṃ sabbadhanaṃ mayā sammā gahetvā gantuṃ vaṭṭatī’’ti cintetvā ‘‘buddhappamukhassa bhikkhusaṅghassa sabbaparikkhāradānaṃ dātuṃ vaṭṭatī’’ti sanniṭṭhānaṃ katvā chattasatasahassaṃ ādiṃ katvā sabbaparibhogaparikkhārānipi satasahassavasena kāretvā padumuttaraṃ bhagavantaṃ nimantetvā buddhappamukhassa bhikkhusaṅghassa mahādānaṃ adāsi. Evaṃ sattāhaṃ dānaṃ datvā pariyosānadivase nibbānādhigamaṃ patthetvā yāvajīvaṃ puññāni katvā jīvitapariyosāne devaloke nibbatto cha kāmāvacare dibbasampattiyo anubhavitvā manussesu ca cakkavattiādisampattiyo anubhavitvā imasmiṃ buddhuppāde brāhmaṇakule nibbatto sabbasippesu nipphattiṃ patto gottavasena pilindavacchoti pākaṭo ahosi.
1. со згад̣̇ивасам̣ сад̇т̇у санд̇игз д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа нажирассзва арахаа худ̇ваа ад̇д̇ано буб̣б̣агаммам̣ сарид̇ваа соманассаж̇аад̇о уд̣̇аанавасзна д̇ам̣ багаасзнд̇о наг̇арз хам̣савад̇ияаад̇иаад̣̇имааха. д̇ассад̇т̇о хздтаа вуд̇д̇ова. аасим̣ д̣̇оваариго аханд̇и ахам̣ хам̣савад̇ийнаг̇арз ран̃н̃о г̇зхад̣̇ваарз д̣̇ваарабаалаго аасим̣ ахосинд̇и ад̇т̇о. агкобхам̣ амид̇ам̣ бхог̇анд̇и ран̃н̃о валлабхад̇д̇аа ан̃н̃зхи кобхзд̇ум̣ жаалзд̇ум̣ асаггун̣зяяам̣ амид̇ам̣ абаримаан̣абхог̇ам̣ д̇ханам̣ мама гхарз саннижид̇ам̣ раасийгад̇ам̣ ахосийд̇и ад̇т̇о.
1. So ekadivasaṃ satthu santike dhammadesanaṃ sutvā paṭiladdhasaddho pabbajitvā nacirasseva arahā hutvā attano pubbakammaṃ saritvā somanassajāto udānavasena taṃ pakāsento nagare haṃsavatiyātiādimāha. Tassattho heṭṭhā vuttova. Āsiṃ dovāriko ahanti ahaṃ haṃsavatīnagare rañño gehadvāre dvārapālako āsiṃ ahosinti attho. Akkhobhaṃ amitaṃ bhoganti rañño vallabhattā aññehi khobhetuṃ cāletuṃ asakkuṇeyyaṃ amitaṃ aparimāṇabhogaṃ dhanaṃ mama ghare sannicitaṃ rāsīkataṃ ahosīti attho.
3. б̣ахуу мзд̇хиг̇ад̇аа бхог̇аад̇и анзгаа бхог̇аа мз маяаа ад̇хиг̇ад̇аа бад̇д̇аа бадилад̣̇д̇хаад̇и ад̇т̇о . сад̇т̇аваасиаад̣̇ийнам̣ баригкаараанам̣ наамаани наяаануяог̇зна сувин̃н̃зяяаани. баригкаарад̣̇аанаанисам̣саани жа сувин̃н̃зяяаанзваад̇и.
3.Bahū medhigatā bhogāti anekā bhogā me mayā adhigatā pattā paṭiladdhāti attho . Satthavāsiādīnaṃ parikkhārānaṃ nāmāni nayānuyogena suviññeyyāni. Parikkhāradānānisaṃsāni ca suviññeyyānevāti.
билинд̣̇аважчад̇т̇зраабад̣̇аанаван̣н̣анаа самад̇д̇аа.
Pilindavacchattheraapadānavaṇṇanā samattā.
д̣̇уд̇ияад̇ад̇ияажад̇уд̇т̇абан̃жамаабад̣̇аанаани уд̇д̇аанаанзваад̇и.
Dutiyatatiyacatutthapañcamāpadānāni uttānānevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. билинд̣̇аважчад̇т̇зраабад̣̇аанам̣ • 1. Pilindavacchattheraapadānaṃ
