| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪੦. ਪਿਲਿਨ੍ਦવਚ੍ਛવਗ੍ਗੋ
40. Pilindavacchavaggo
੧. ਪਿਲਿਨ੍ਦવਚ੍ਛਤ੍ਥੇਰਅਪਦਾਨવਣ੍ਣਨਾ
1. Pilindavacchattheraapadānavaṇṇanā
ਚਤ੍ਤਾਲੀਸਮવਗ੍ਗੇ ਅਪਦਾਨੇ ਨਗਰੇ ਹਂਸવਤਿਯਾਤਿਆਦਿਕਂ ਆਯਸ੍ਮਤੋ ਪਿਲਿਨ੍ਦવਚ੍ਛਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਹਂਸવਤੀਨਗਰੇ ਦੋવਾਰਿਕਕੁਲੇ ਨਿਬ੍ਬਤ੍ਤੋ ਮਹਦ੍ਧਨੋ ਮਹਾਭੋਗੋ ਅਹੋਸਿ। ਸੋ ਕੋਟਿਸਨ੍ਨਿਚਿਤਧਨਰਾਸਿਂ ਓਲੋਕੇਤ੍વਾ ਰਹੋ ਨਿਸਿਨ੍ਨੋ ‘‘ਇਮਂ ਸਬ੍ਬਧਨਂ ਮਯਾ ਸਮ੍ਮਾ ਗਹੇਤ੍વਾ ਗਨ੍ਤੁਂ વਟ੍ਟਤੀ’’ਤਿ ਚਿਨ੍ਤੇਤ੍વਾ ‘‘ਬੁਦ੍ਧਪ੍ਪਮੁਖਸ੍ਸ ਭਿਕ੍ਖੁਸਙ੍ਘਸ੍ਸ ਸਬ੍ਬਪਰਿਕ੍ਖਾਰਦਾਨਂ ਦਾਤੁਂ વਟ੍ਟਤੀ’’ਤਿ ਸਨ੍ਨਿਟ੍ਠਾਨਂ ਕਤ੍વਾ ਛਤ੍ਤਸਤਸਹਸ੍ਸਂ ਆਦਿਂ ਕਤ੍વਾ ਸਬ੍ਬਪਰਿਭੋਗਪਰਿਕ੍ਖਾਰਾਨਿਪਿ ਸਤਸਹਸ੍ਸવਸੇਨ ਕਾਰੇਤ੍વਾ ਪਦੁਮੁਤ੍ਤਰਂ ਭਗવਨ੍ਤਂ ਨਿਮਨ੍ਤੇਤ੍વਾ ਬੁਦ੍ਧਪ੍ਪਮੁਖਸ੍ਸ ਭਿਕ੍ਖੁਸਙ੍ਘਸ੍ਸ ਮਹਾਦਾਨਂ ਅਦਾਸਿ। ਏવਂ ਸਤ੍ਤਾਹਂ ਦਾਨਂ ਦਤ੍વਾ ਪਰਿਯੋਸਾਨਦਿવਸੇ ਨਿਬ੍ਬਾਨਾਧਿਗਮਂ ਪਤ੍ਥੇਤ੍વਾ ਯਾવਜੀવਂ ਪੁਞ੍ਞਾਨਿ ਕਤ੍વਾ ਜੀવਿਤਪਰਿਯੋਸਾਨੇ ਦੇવਲੋਕੇ ਨਿਬ੍ਬਤ੍ਤੋ ਛ ਕਾਮਾવਚਰੇ ਦਿਬ੍ਬਸਮ੍ਪਤ੍ਤਿਯੋ ਅਨੁਭવਿਤ੍વਾ ਮਨੁਸ੍ਸੇਸੁ ਚ ਚਕ੍ਕવਤ੍ਤਿਆਦਿਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ ਸਬ੍ਬਸਿਪ੍ਪੇਸੁ ਨਿਪ੍ਫਤ੍ਤਿਂ ਪਤ੍ਤੋ ਗੋਤ੍ਤવਸੇਨ ਪਿਲਿਨ੍ਦવਚ੍ਛੋਤਿ ਪਾਕਟੋ ਅਹੋਸਿ।
Cattālīsamavagge apadāne nagare haṃsavatiyātiādikaṃ āyasmato pilindavacchattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatīnagare dovārikakule nibbatto mahaddhano mahābhogo ahosi. So koṭisannicitadhanarāsiṃ oloketvā raho nisinno ‘‘imaṃ sabbadhanaṃ mayā sammā gahetvā gantuṃ vaṭṭatī’’ti cintetvā ‘‘buddhappamukhassa bhikkhusaṅghassa sabbaparikkhāradānaṃ dātuṃ vaṭṭatī’’ti sanniṭṭhānaṃ katvā chattasatasahassaṃ ādiṃ katvā sabbaparibhogaparikkhārānipi satasahassavasena kāretvā padumuttaraṃ bhagavantaṃ nimantetvā buddhappamukhassa bhikkhusaṅghassa mahādānaṃ adāsi. Evaṃ sattāhaṃ dānaṃ datvā pariyosānadivase nibbānādhigamaṃ patthetvā yāvajīvaṃ puññāni katvā jīvitapariyosāne devaloke nibbatto cha kāmāvacare dibbasampattiyo anubhavitvā manussesu ca cakkavattiādisampattiyo anubhavitvā imasmiṃ buddhuppāde brāhmaṇakule nibbatto sabbasippesu nipphattiṃ patto gottavasena pilindavacchoti pākaṭo ahosi.
੧. ਸੋ ਏਕਦਿવਸਂ ਸਤ੍ਥੁ ਸਨ੍ਤਿਕੇ ਧਮ੍ਮਦੇਸਨਂ ਸੁਤ੍વਾ ਪਟਿਲਦ੍ਧਸਦ੍ਧੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਹੁਤ੍વਾ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਉਦਾਨવਸੇਨ ਤਂ ਪਕਾਸੇਨ੍ਤੋ ਨਗਰੇ ਹਂਸવਤਿਯਾਤਿਆਦਿਮਾਹ। ਤਸ੍ਸਤ੍ਥੋ ਹੇਟ੍ਠਾ વੁਤ੍ਤੋવ। ਆਸਿਂ ਦੋવਾਰਿਕੋ ਅਹਨ੍ਤਿ ਅਹਂ ਹਂਸવਤੀਨਗਰੇ ਰਞ੍ਞੋ ਗੇਹਦ੍વਾਰੇ ਦ੍વਾਰਪਾਲਕੋ ਆਸਿਂ ਅਹੋਸਿਨ੍ਤਿ ਅਤ੍ਥੋ। ਅਕ੍ਖੋਭਂ ਅਮਿਤਂ ਭੋਗਨ੍ਤਿ ਰਞ੍ਞੋ વਲ੍ਲਭਤ੍ਤਾ ਅਞ੍ਞੇਹਿ ਖੋਭੇਤੁਂ ਚਾਲੇਤੁਂ ਅਸਕ੍ਕੁਣੇਯ੍ਯਂ ਅਮਿਤਂ ਅਪਰਿਮਾਣਭੋਗਂ ਧਨਂ ਮਮ ਘਰੇ ਸਨ੍ਨਿਚਿਤਂ ਰਾਸੀਕਤਂ ਅਹੋਸੀਤਿ ਅਤ੍ਥੋ।
1. So ekadivasaṃ satthu santike dhammadesanaṃ sutvā paṭiladdhasaddho pabbajitvā nacirasseva arahā hutvā attano pubbakammaṃ saritvā somanassajāto udānavasena taṃ pakāsento nagare haṃsavatiyātiādimāha. Tassattho heṭṭhā vuttova. Āsiṃ dovāriko ahanti ahaṃ haṃsavatīnagare rañño gehadvāre dvārapālako āsiṃ ahosinti attho. Akkhobhaṃ amitaṃ bhoganti rañño vallabhattā aññehi khobhetuṃ cāletuṃ asakkuṇeyyaṃ amitaṃ aparimāṇabhogaṃ dhanaṃ mama ghare sannicitaṃ rāsīkataṃ ahosīti attho.
੩. ਬਹੂ ਮੇਧਿਗਤਾ ਭੋਗਾਤਿ ਅਨੇਕਾ ਭੋਗਾ ਮੇ ਮਯਾ ਅਧਿਗਤਾ ਪਤ੍ਤਾ ਪਟਿਲਦ੍ਧਾਤਿ ਅਤ੍ਥੋ । ਸਤ੍ਥવਾਸਿਆਦੀਨਂ ਪਰਿਕ੍ਖਾਰਾਨਂ ਨਾਮਾਨਿ ਨਯਾਨੁਯੋਗੇਨ ਸੁવਿਞ੍ਞੇਯ੍ਯਾਨਿ। ਪਰਿਕ੍ਖਾਰਦਾਨਾਨਿਸਂਸਾਨਿ ਚ ਸੁવਿਞ੍ਞੇਯ੍ਯਾਨੇવਾਤਿ।
3.Bahū medhigatā bhogāti anekā bhogā me mayā adhigatā pattā paṭiladdhāti attho . Satthavāsiādīnaṃ parikkhārānaṃ nāmāni nayānuyogena suviññeyyāni. Parikkhāradānānisaṃsāni ca suviññeyyānevāti.
ਪਿਲਿਨ੍ਦવਚ੍ਛਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Pilindavacchattheraapadānavaṇṇanā samattā.
ਦੁਤਿਯਤਤਿਯਚਤੁਤ੍ਥਪਞ੍ਚਮਾਪਦਾਨਾਨਿ ਉਤ੍ਤਾਨਾਨੇવਾਤਿ।
Dutiyatatiyacatutthapañcamāpadānāni uttānānevāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧. ਪਿਲਿਨ੍ਦવਚ੍ਛਤ੍ਥੇਰਅਪਦਾਨਂ • 1. Pilindavacchattheraapadānaṃ
