| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
9. билинд̣̇аважчад̇т̇зраг̇аат̇ааван̣н̣анаа
9. Pilindavacchattheragāthāvaṇṇanā
свааг̇ад̇анд̇и ааяасмад̇о билинд̣̇аважчад̇т̇зрасса г̇аат̇аа. гаа уббад̇д̇и? аяам̣ гира бад̣̇умуд̇д̇араб̣уд̣̇д̇хагаалз хам̣савад̇ийнаг̇арз махаабхог̇агулз ниб̣б̣ад̇д̇о хздтаа вуд̇д̇анаязнзва сад̇т̇у санд̇игз д̇хаммам̣ сун̣анд̇о сад̇т̇аарам̣ згам̣ бхигкум̣ д̣̇звад̇аанам̣ бияаманаабабхаавзна аг̇г̇адтаанз табзнд̇ам̣ д̣̇исваа д̇ам̣ таананд̇арам̣ бад̇т̇зд̇ваа яааваж̇ийвам̣ гусалам̣ гад̇ваа д̇ад̇о жуд̇о д̣̇звамануссзсу сам̣саранд̇о сумзд̇хасса бхаг̇авад̇о гаалз мануссалогз ниб̣б̣ад̇д̇ид̇ваа бхаг̇авад̇и бариниб̣б̣уд̇з сад̇т̇у т̇уубасса бууж̇ам̣ гад̇ваа сан̇гхз жа махаад̣̇аанам̣ бавад̇д̇зд̇ваа д̇ад̇о жуд̇о д̣̇звамануссзсу зва сам̣саранд̇о ануббаннз б̣уд̣̇д̇хз жаггавад̇д̇ий рааж̇аа худ̇ваа махааж̇анам̣ бан̃жасу сийлзсу бад̇идтаабзд̇ваа саг̇г̇абарааяан̣ам̣ агааси. со ануббаннзязва амхаагам̣ бхаг̇авад̇и саавад̇т̇ияам̣ б̣раахман̣аг̇зхз ниб̣б̣ад̇д̇и. ‘‘билинд̣̇о’’д̇исса наамам̣ агам̣су. важчод̇и бана г̇од̇д̇ам̣ . д̇зна со абарабхааг̇з ‘‘билинд̣̇аважчо’’д̇и бан̃н̃ааяид̇т̇а. сам̣саарз бана сам̣взг̇аб̣ахулад̇ааяа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа жуул̣аг̇анд̇хаарам̣ наама виж̇ж̇ам̣ саад̇хзд̇ваа д̇ааяа виж̇ж̇ааяа аагаасажаарий баражид̇д̇авид̣̇уу жа худ̇ваа рааж̇аг̇ахз лаабхаг̇г̇аяасаг̇г̇аббад̇д̇о бадивасад̇и.
Svāgatanti āyasmato pilindavacchattherassa gāthā. Kā uppatti? Ayaṃ kira padumuttarabuddhakāle haṃsavatīnagare mahābhogakule nibbatto heṭṭhā vuttanayeneva satthu santike dhammaṃ suṇanto satthāraṃ ekaṃ bhikkhuṃ devatānaṃ piyamanāpabhāvena aggaṭṭhāne ṭhapentaṃ disvā taṃ ṭhānantaraṃ patthetvā yāvajīvaṃ kusalaṃ katvā tato cuto devamanussesu saṃsaranto sumedhassa bhagavato kāle manussaloke nibbattitvā bhagavati parinibbute satthu thūpassa pūjaṃ katvā saṅghe ca mahādānaṃ pavattetvā tato cuto devamanussesu eva saṃsaranto anuppanne buddhe cakkavattī rājā hutvā mahājanaṃ pañcasu sīlesu patiṭṭhāpetvā saggaparāyaṇaṃ akāsi. So anuppanneyeva amhākaṃ bhagavati sāvatthiyaṃ brāhmaṇagehe nibbatti. ‘‘Pilindo’’tissa nāmaṃ akaṃsu. Vacchoti pana gottaṃ . Tena so aparabhāge ‘‘pilindavaccho’’ti paññāyittha. Saṃsāre pana saṃvegabahulatāya paribbājakapabbajjaṃ pabbajitvā cūḷagandhāraṃ nāma vijjaṃ sādhetvā tāya vijjāya ākāsacārī paracittavidū ca hutvā rājagahe lābhaggayasaggappatto paṭivasati.
ат̇а яад̣̇аа амхаагам̣ бхаг̇аваа абхисамб̣уд̣̇д̇хо худ̇ваа ануггамзна рааж̇аг̇ахам̣ убаг̇ад̇о, д̇ад̇о бадтааяа б̣уд̣̇д̇хаанубхаавзна д̇асса саа виж̇ж̇аа на самбаж̇ж̇ад̇и, ад̇д̇ано гижжам̣ на саад̇хзд̇и. со жинд̇зси – ‘‘суд̇ам̣ ко бана мзд̇ам̣ аажарияабаажарияаанам̣ бхаасамаанаанам̣ ‘яад̇т̇а махааг̇анд̇хааравиж̇ж̇аа д̇харад̇и, д̇ад̇т̇а жуул̣аг̇анд̇хааравиж̇ж̇аа на самбаж̇ж̇ад̇ий’д̇и, саман̣асса бана г̇од̇амасса ааг̇ад̇агаалад̇о бадтааяа нааяам̣ мама виж̇ж̇аа самбаж̇ж̇ад̇и, ниссам̣саяам̣ саман̣о г̇од̇амо махааг̇анд̇хааравиж̇ж̇ам̣ ж̇аанаад̇и, яам̣нуунаахам̣ д̇ам̣ баяирубаасид̇ваа д̇асса санд̇игз д̇ам̣ виж̇ж̇ам̣ барияаабун̣зяяа’’нд̇и. со бхаг̇аванд̇ам̣ убасан̇гамид̇ваа зд̇ад̣̇авожа – ‘‘ахам̣, махаасаман̣а, д̇ава санд̇игз згам̣ виж̇ж̇ам̣ барияаабун̣ид̇угаамо, огаасам̣ мз гарохий’’д̇и. бхаг̇аваа ‘‘д̇зна хи баб̣б̣аж̇аа’’д̇и ааха. со ‘‘виж̇ж̇ааяа баригаммам̣ баб̣б̣аж̇ж̇аа’’д̇и ман̃н̃амаано баб̣б̣аж̇и. д̇асса бхаг̇аваа д̇хаммам̣ гат̇зд̇ваа жарид̇аанугуулам̣ гаммадтаанам̣ ад̣̇ааси. со убаниссаяасамбаннад̇ааяа нажирассзва вибассанам̣ вад̣дхзд̇ваа арахад̇д̇ам̣ баабун̣и. яаа бана буримаж̇аад̇ияам̣ д̇ассоваад̣̇з тад̇ваа саг̇г̇з ниб̣б̣ад̇д̇аа д̣̇звад̇аа, д̇ам̣ гад̇ан̃н̃уд̇ам̣ ниссааяа сан̃ж̇аад̇аб̣ахумаанаа сааяам̣ баад̇ам̣ т̇зрам̣ баяирубаасид̇ваа г̇ажчанд̇и. д̇асмаа т̇зро д̣̇звад̇аанам̣ бияаманаабад̇ааяа аг̇г̇ад̇ам̣ бад̇д̇о. д̇зна вуд̇д̇ам̣ абад̣̇аанз (аба. т̇зра 1.2.55-67) –
Atha yadā amhākaṃ bhagavā abhisambuddho hutvā anukkamena rājagahaṃ upagato, tato paṭṭhāya buddhānubhāvena tassa sā vijjā na sampajjati, attano kiccaṃ na sādheti. So cintesi – ‘‘sutaṃ kho pana metaṃ ācariyapācariyānaṃ bhāsamānānaṃ ‘yattha mahāgandhāravijjā dharati, tattha cūḷagandhāravijjā na sampajjatī’ti, samaṇassa pana gotamassa āgatakālato paṭṭhāya nāyaṃ mama vijjā sampajjati, nissaṃsayaṃ samaṇo gotamo mahāgandhāravijjaṃ jānāti, yaṃnūnāhaṃ taṃ payirupāsitvā tassa santike taṃ vijjaṃ pariyāpuṇeyya’’nti. So bhagavantaṃ upasaṅkamitvā etadavoca – ‘‘ahaṃ, mahāsamaṇa, tava santike ekaṃ vijjaṃ pariyāpuṇitukāmo, okāsaṃ me karohī’’ti. Bhagavā ‘‘tena hi pabbajā’’ti āha. So ‘‘vijjāya parikammaṃ pabbajjā’’ti maññamāno pabbaji. Tassa bhagavā dhammaṃ kathetvā caritānukūlaṃ kammaṭṭhānaṃ adāsi. So upanissayasampannatāya nacirasseva vipassanaṃ vaḍḍhetvā arahattaṃ pāpuṇi. Yā pana purimajātiyaṃ tassovāde ṭhatvā sagge nibbattā devatā, taṃ kataññutaṃ nissāya sañjātabahumānā sāyaṃ pātaṃ theraṃ payirupāsitvā gacchanti. Tasmā thero devatānaṃ piyamanāpatāya aggataṃ patto. Tena vuttaṃ apadāne (apa. thera 1.2.55-67) –
‘‘ниб̣б̣уд̇з логанаат̇амхи, сумзд̇хз аг̇г̇абуг̇г̇алз;
‘‘Nibbute lokanāthamhi, sumedhe aggapuggale;
басаннажид̇д̇о сумано, т̇уубабууж̇ам̣ агаасахам̣.
Pasannacitto sumano, thūpapūjaṃ akāsahaṃ.
‘‘яз жа кийн̣аасаваа д̇ад̇т̇а, чал̣абхин̃н̃аа махид̣̇д̇хигаа;
‘‘Ye ca khīṇāsavā tattha, chaḷabhiññā mahiddhikā;
д̇зхам̣ д̇ад̇т̇а самаанзд̇ваа, сан̇гхабхад̇д̇ам̣ агаасахам̣.
Tehaṃ tattha samānetvā, saṅghabhattaṃ akāsahaṃ.
‘‘сумзд̇хасса бхаг̇авад̇о, убадтааго д̇ад̣̇аа аху;
‘‘Sumedhassa bhagavato, upaṭṭhāko tadā ahu;
сумзд̇хо наама наамзна, анумод̣̇ид̇т̇а со д̇ад̣̇аа.
Sumedho nāma nāmena, anumodittha so tadā.
‘‘д̇зна жид̇д̇аббасаад̣̇зна, вимаанам̣ убабаж̇ж̇ахам̣;
‘‘Tena cittappasādena, vimānaṃ upapajjahaṃ;
чал̣аасийд̇исахассаани, ажчарааяо рамим̣су мз.
Chaḷāsītisahassāni, accharāyo ramiṃsu me.
‘‘мамзва анувад̇д̇анд̇и, саб̣б̣агаамзхи д̇аа сад̣̇аа;
‘‘Mameva anuvattanti, sabbakāmehi tā sadā;
ан̃н̃з д̣̇звз абхибхоми, бун̃н̃агаммассид̣̇ам̣ палам̣.
Aññe deve abhibhomi, puññakammassidaṃ phalaṃ.
‘‘бан̃жавийсамхи габбамхи, варун̣о наама кад̇д̇ияо;
‘‘Pañcavīsamhi kappamhi, varuṇo nāma khattiyo;
висуд̣̇д̇хабхож̇ано аасим̣, жаггавад̇д̇ий ахам̣ д̇ад̣̇аа.
Visuddhabhojano āsiṃ, cakkavattī ahaṃ tadā.
‘‘на д̇з б̣ийж̇ам̣ баваббанд̇и, наби нийяанд̇и нан̇г̇алаа;
‘‘Na te bījaṃ pavappanti, napi nīyanti naṅgalā;
агадтабаагимам̣ саалим̣, барибхун̃ж̇анд̇и маанусаа.
Akaṭṭhapākimaṃ sāliṃ, paribhuñjanti mānusā.
‘‘д̇ад̇т̇а раж̇ж̇ам̣ гарид̇ваана, д̣̇звад̇д̇ам̣ буна г̇ажчахам̣;
‘‘Tattha rajjaṃ karitvāna, devattaṃ puna gacchahaṃ;
д̇ад̣̇ааби зд̣̇исаа маяхам̣, ниб̣б̣ад̇д̇аа бхог̇асамбад̣̇аа.
Tadāpi edisā mayhaṃ, nibbattā bhogasampadā.
‘‘на мам̣ мид̇д̇аа амид̇д̇аа ваа, хим̣санд̇и саб̣б̣абаан̣ино;
‘‘Na maṃ mittā amittā vā, hiṃsanti sabbapāṇino;
саб̣б̣зсамби бияо хоми, бун̃н̃агаммассид̣̇ам̣ палам̣.
Sabbesampi piyo homi, puññakammassidaṃ phalaṃ.
‘‘д̇им̣сагаббасахассамхи , яам̣ д̣̇аанамад̣̇ад̣̇им̣ д̇ад̣̇аа;
‘‘Tiṃsakappasahassamhi , yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, г̇анд̇хаалзбассид̣̇ам̣ палам̣.
Duggatiṃ nābhijānāmi, gandhālepassidaṃ phalaṃ.
‘‘имасмим̣ бхад̣̇д̣̇агз габбз, зго аасим̣ ж̇анаад̇хибо;
‘‘Imasmiṃ bhaddake kappe, eko āsiṃ janādhipo;
махаанубхааво рааж̇аахам̣, жаггавад̇д̇ий махаб̣б̣ало.
Mahānubhāvo rājāhaṃ, cakkavattī mahabbalo.
‘‘сохам̣ бан̃жасу сийлзсу, табзд̇ваа ж̇анад̇ам̣ б̣ахум̣;
‘‘Sohaṃ pañcasu sīlesu, ṭhapetvā janataṃ bahuṃ;
баабзд̇ваа суг̇ад̇им̣язва, д̣̇звад̇аанам̣ бияо ахум̣.
Pāpetvā sugatiṃyeva, devatānaṃ piyo ahuṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
д̇ат̇аа д̣̇звад̇аахи ад̇ивияа бияааяид̇аб̣б̣абхаавад̇о имам̣ т̇зрам̣ бхаг̇аваа д̣̇звад̇аанам̣ бияаманаабабхаавзна аг̇г̇адтаанз табзси – ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ д̣̇звад̇аанам̣ бияаманаабаанам̣ яад̣̇ид̣̇ам̣ билинд̣̇аважчо’’д̇и (а. ни. 1.209, 215) со згад̣̇ивасам̣ бхигкусан̇гхамаж̇жхз нисинно ад̇д̇ано г̇ун̣з бажжавзгкид̇ваа д̇зсам̣ гааран̣абхууд̇ам̣ виж̇ж̇аанимид̇д̇ам̣ бхаг̇авад̇о санд̇игз ааг̇аманам̣ басам̣санд̇о ‘‘свааг̇ад̇ам̣ наабаг̇ад̇а’’нд̇и г̇аат̇ам̣ абхааси.
Tathā devatāhi ativiya piyāyitabbabhāvato imaṃ theraṃ bhagavā devatānaṃ piyamanāpabhāvena aggaṭṭhāne ṭhapesi – ‘‘etadaggaṃ, bhikkhave, mama sāvakānaṃ bhikkhūnaṃ devatānaṃ piyamanāpānaṃ yadidaṃ pilindavaccho’’ti (a. ni. 1.209, 215) so ekadivasaṃ bhikkhusaṅghamajjhe nisinno attano guṇe paccavekkhitvā tesaṃ kāraṇabhūtaṃ vijjānimittaṃ bhagavato santike āgamanaṃ pasaṃsanto ‘‘svāgataṃ nāpagata’’nti gāthaṃ abhāsi.
9. д̇ад̇т̇а свааг̇ад̇анд̇и сунд̣̇арам̣ ааг̇аманам̣, ид̣̇ам̣ мамаад̇и самб̣анд̇хо. ат̇а ваа свааг̇ад̇анд̇и судту ааг̇ад̇ам̣, маяаад̇и вибхад̇д̇и вибарин̣аамзд̇аб̣б̣аа. наабаг̇ад̇анд̇и на абаг̇ад̇ам̣ хид̇аабхивуд̣̇д̇хид̇о на абзд̇ам̣. наяид̣̇ам̣ д̣̇уманд̇ид̇ам̣ мамаад̇и ид̣̇ам̣ мама д̣̇удту гат̇ид̇ам̣, д̣̇удту ваа виймам̣сид̇ам̣ на ход̇и. ид̣̇ам̣ вуд̇д̇ам̣ ход̇и – яам̣ бхаг̇авад̇о санд̇игз мамааг̇аманам̣, яам̣ ваа маяаа д̇ад̇т̇а ааг̇ад̇ам̣, д̇ам̣ свааг̇ад̇ам̣, свааг̇ад̇ад̇д̇ааязва на д̣̇урааг̇ад̇ам̣. яам̣ ‘‘бхаг̇авад̇о санд̇игз д̇хаммам̣ суд̇ваа баб̣б̣аж̇иссаамий’’д̇и мама манд̇ид̇ам̣ г̇ад̣̇ид̇ам̣ гат̇ид̇ам̣, жид̇д̇зна ваа виймам̣сид̇ам̣ ид̣̇амби на д̣̇умманд̇инд̇и. ид̣̇аани д̇ад̇т̇а гааран̣ам̣ д̣̇ассзнд̇о ‘‘сам̣вибхад̇д̇зсуу’’д̇иаад̣̇имааха. сам̣вибхад̇д̇зсууд̇и багаарад̇о вибхад̇д̇зсу. д̇хаммзсууд̇и н̃зяяад̇хаммзсу самат̇ад̇хаммзсу ваа, наанаад̇ид̇т̇иязхи багад̇иаад̣̇ивасзна, саммаасамб̣уд̣̇д̇хзхи д̣̇угкаад̣̇ивасзна сам̣вибхаж̇ид̇ваа вуд̇д̇ад̇хаммзсу. яам̣ сздтам̣ д̇ад̣̇убааг̇аминд̇и яам̣ д̇ад̇т̇а сздтам̣, д̇ам̣ жад̇усажжад̇хаммам̣, д̇асса ваа б̣од̇хагам̣ саасанад̇хаммам̣ убааг̇амим̣, ‘‘аяам̣ д̇хаммо аяам̣ винаяо’’д̇и убаг̇ажчим̣. саммаасамб̣уд̣̇д̇хзхи зва ваа гусалаад̣̇ивасзна канд̇хаад̣̇ивасзна яат̇аасабхаавад̇о сам̣вибхад̇д̇зсу сабхаавад̇хаммзсу яам̣ д̇ад̇т̇а сздтам̣ уд̇д̇амам̣ баварам̣, д̇ам̣ маг̇г̇апаланиб̣б̣аанад̇хаммам̣ убааг̇амим̣, ад̇д̇абажжагкад̇о убаг̇ажчим̣ сажчаагаасим̣, д̇асмаа свааг̇ад̇ам̣ мама на абаг̇ад̇ам̣ суманд̇ид̇ам̣ на д̣̇умманд̇ид̇анд̇и яож̇анаа.
9. Tattha svāgatanti sundaraṃ āgamanaṃ, idaṃ mamāti sambandho. Atha vā svāgatanti suṭṭhu āgataṃ, mayāti vibhatti vipariṇāmetabbā. Nāpagatanti na apagataṃ hitābhivuddhito na apetaṃ. Nayidaṃ dumantitaṃ mamāti idaṃ mama duṭṭhu kathitaṃ, duṭṭhu vā vīmaṃsitaṃ na hoti. Idaṃ vuttaṃ hoti – yaṃ bhagavato santike mamāgamanaṃ, yaṃ vā mayā tattha āgataṃ, taṃ svāgataṃ, svāgatattāyeva na durāgataṃ. Yaṃ ‘‘bhagavato santike dhammaṃ sutvā pabbajissāmī’’ti mama mantitaṃ gaditaṃ kathitaṃ, cittena vā vīmaṃsitaṃ idampi na dummantinti. Idāni tattha kāraṇaṃ dassento ‘‘saṃvibhattesū’’tiādimāha. Saṃvibhattesūti pakārato vibhattesu. Dhammesūti ñeyyadhammesu samathadhammesu vā, nānātitthiyehi pakatiādivasena, sammāsambuddhehi dukkhādivasena saṃvibhajitvā vuttadhammesu. Yaṃ seṭṭhaṃ tadupāgaminti yaṃ tattha seṭṭhaṃ, taṃ catusaccadhammaṃ, tassa vā bodhakaṃ sāsanadhammaṃ upāgamiṃ, ‘‘ayaṃ dhammo ayaṃ vinayo’’ti upagacchiṃ. Sammāsambuddhehi eva vā kusalādivasena khandhādivasena yathāsabhāvato saṃvibhattesu sabhāvadhammesu yaṃ tattha seṭṭhaṃ uttamaṃ pavaraṃ, taṃ maggaphalanibbānadhammaṃ upāgamiṃ, attapaccakkhato upagacchiṃ sacchākāsiṃ, tasmā svāgataṃ mama na apagataṃ sumantitaṃ na dummantitanti yojanā.
билинд̣̇аважчад̇т̇зраг̇аат̇ааван̣н̣анаа нидтид̇аа.
Pilindavacchattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 9. билинд̣̇аважчад̇т̇зраг̇аат̇аа • 9. Pilindavacchattheragāthā
