Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi

6. бин̣д̣ажааригавад̇д̇агат̇аа

6. Piṇḍacārikavattakathā

365. д̇зна ко бана самаязна бин̣д̣ажааригаа бхигкуу д̣̇уннивад̇т̇аа д̣̇уббааруд̇аа анаагаббасамбаннаа бин̣д̣ааяа жаранд̇и, асаллагкзд̇вааби нивзсанам̣ бависанд̇и, асаллагкзд̇вааби нигкаманд̇и, ад̇исахасааби бависанд̇и, ад̇исахасааби нигкаманд̇и, ад̇ид̣̇уурзби д̇идтанд̇и, ажжаасаннзби д̇идтанд̇и, ад̇ижирамби д̇идтанд̇и, ад̇илахумби нивад̇д̇анд̇и. ан̃н̃ад̇ароби бин̣д̣ажаариго бхигку асаллагкзд̇ваа нивзсанам̣ баависи. со жа д̣̇ваарам̣ ман̃н̃амаано ан̃н̃ад̇арам̣ оварагам̣ баависи. д̇асмимби оварагз ид̇т̇ий наг̇г̇аа уд̇д̇аанаа нибаннаа ход̇и. ад̣̇д̣̇асаа ко со бхигку д̇ам̣ ид̇т̇им̣ наг̇г̇ам̣ уд̇д̇аанам̣ нибаннам̣. д̣̇исваана – ‘‘наяид̣̇ам̣ д̣̇ваарам̣, оварагам̣ ид̣̇а’’нд̇и д̇амхаа оварагаа нигками. ад̣̇д̣̇асаа ко д̇ассаа ид̇т̇ияаа саамиго д̇ам̣ ид̇т̇им̣ наг̇г̇ам̣ уд̇д̇аанам̣ нибаннам̣. д̣̇исваана – ‘‘иминаа мз бхигкунаа баж̇аабад̇ий д̣̇уусид̇аа’’д̇и д̇ам̣ бхигкум̣ г̇ахзд̇ваа аагодзси. ат̇а ко саа ид̇т̇ий д̇зна сад̣̇д̣̇зна бадиб̣уж̇жхид̇ваа д̇ам̣ бурисам̣ зд̇ад̣̇авожа – ‘‘гисса д̇вам̣, аяяа, имам̣ бхигкум̣ аагодзсий’’д̇и? ‘‘иминааси д̇вам̣ бхигкунаа д̣̇уусид̇аа’’д̇и? ‘‘наахам̣, аяяа, иминаа бхигкунаа д̣̇уусид̇аа; агаараго со бхигкуу’’д̇и д̇ам̣ бхигкум̣ мун̃жаабзси. ат̇а ко со бхигку аараамам̣ г̇анд̇ваа бхигкуунам̣ зд̇амад̇т̇ам̣ аарожзси. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бин̣д̣ажааригаа бхигкуу д̣̇уннивад̇т̇аа д̣̇уббааруд̇аа анаагаббасамбаннаа бин̣д̣ааяа жариссанд̇и, асаллагкзд̇вааби нивзсанам̣ бависиссанд̇и, асаллагкзд̇вааби нигкамиссанд̇и, ад̇исахасааби бависиссанд̇и, ад̇исахасааби нигкамиссанд̇и, ад̇ид̣̇уурзби д̇идтиссанд̇и, ажжаасаннзби д̇идтиссанд̇и, ад̇ижирамби д̇идтиссанд̇и, ад̇илахумби нивад̇д̇иссанд̇ий’’д̇и! ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… сажжам̣ гира, бхигкавз…бз… сажжам̣ бхаг̇аваад̇и…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси –

365. Tena kho pana samayena piṇḍacārikā bhikkhū dunnivatthā duppārutā anākappasampannā piṇḍāya caranti, asallakkhetvāpi nivesanaṃ pavisanti, asallakkhetvāpi nikkhamanti, atisahasāpi pavisanti, atisahasāpi nikkhamanti, atidūrepi tiṭṭhanti, accāsannepi tiṭṭhanti, aticirampi tiṭṭhanti, atilahumpi nivattanti. Aññataropi piṇḍacāriko bhikkhu asallakkhetvā nivesanaṃ pāvisi. So ca dvāraṃ maññamāno aññataraṃ ovarakaṃ pāvisi. Tasmimpi ovarake itthī naggā uttānā nipannā hoti. Addasā kho so bhikkhu taṃ itthiṃ naggaṃ uttānaṃ nipannaṃ. Disvāna – ‘‘nayidaṃ dvāraṃ, ovarakaṃ ida’’nti tamhā ovarakā nikkhami. Addasā kho tassā itthiyā sāmiko taṃ itthiṃ naggaṃ uttānaṃ nipannaṃ. Disvāna – ‘‘iminā me bhikkhunā pajāpatī dūsitā’’ti taṃ bhikkhuṃ gahetvā ākoṭesi. Atha kho sā itthī tena saddena paṭibujjhitvā taṃ purisaṃ etadavoca – ‘‘kissa tvaṃ, ayya, imaṃ bhikkhuṃ ākoṭesī’’ti? ‘‘Imināsi tvaṃ bhikkhunā dūsitā’’ti? ‘‘Nāhaṃ, ayya, iminā bhikkhunā dūsitā; akārako so bhikkhū’’ti taṃ bhikkhuṃ muñcāpesi. Atha kho so bhikkhu ārāmaṃ gantvā bhikkhūnaṃ etamatthaṃ ārocesi. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma piṇḍacārikā bhikkhū dunnivatthā duppārutā anākappasampannā piṇḍāya carissanti, asallakkhetvāpi nivesanaṃ pavisissanti, asallakkhetvāpi nikkhamissanti, atisahasāpi pavisissanti, atisahasāpi nikkhamissanti, atidūrepi tiṭṭhissanti, accāsannepi tiṭṭhissanti, aticirampi tiṭṭhissanti, atilahumpi nivattissantī’’ti! Atha kho te bhikkhū bhagavato etamatthaṃ ārocesuṃ…pe… saccaṃ kira, bhikkhave…pe… saccaṃ bhagavāti…pe… vigarahitvā…pe… dhammiṃ kathaṃ katvā bhikkhū āmantesi –

366. ‘‘д̇зна хи, бхигкавз, бин̣д̣ажааригаанам̣ бхигкуунам̣ вад̇д̇ам̣ бан̃н̃аабзссаами яат̇аа бин̣д̣ажааригзхи бхигкуухи саммаа вад̇д̇ид̇аб̣б̣ам̣. бин̣д̣ажааригзна, бхигкавз, бхигкунаа – ‘ид̣̇аани г̇аамам̣ бависиссаамий’д̇и д̇иман̣д̣алам̣ бадижчаад̣̇знд̇зна бариман̣д̣алам̣ ниваасзд̇ваа гааяаб̣анд̇ханам̣ б̣анд̇хид̇ваа саг̇ун̣ам̣ гад̇ваа сан̇гхаадияо баарубид̇ваа г̇ан̣тигам̣ бадимун̃жид̇ваа д̇ховид̇ваа бад̇д̇ам̣ г̇ахзд̇ваа саад̇хугам̣ ад̇арамаанзна г̇аамо бависид̇аб̣б̣о.

366. ‘‘Tena hi, bhikkhave, piṇḍacārikānaṃ bhikkhūnaṃ vattaṃ paññāpessāmi yathā piṇḍacārikehi bhikkhūhi sammā vattitabbaṃ. Piṇḍacārikena, bhikkhave, bhikkhunā – ‘idāni gāmaṃ pavisissāmī’ti timaṇḍalaṃ paṭicchādentena parimaṇḍalaṃ nivāsetvā kāyabandhanaṃ bandhitvā saguṇaṃ katvā saṅghāṭiyo pārupitvā gaṇṭhikaṃ paṭimuñcitvā dhovitvā pattaṃ gahetvā sādhukaṃ ataramānena gāmo pavisitabbo.

‘‘нивзсанам̣ бависанд̇зна саллагкзд̇аб̣б̣ам̣ – ‘иминаа бависиссаами, иминаа нигкамиссаамий’д̇и. наад̇исахасаа бависид̇аб̣б̣ам̣. наад̇исахасаа нигкамид̇аб̣б̣ам̣. наад̇ид̣̇уурз таад̇аб̣б̣ам̣. наажжаасаннз таад̇аб̣б̣ам̣. наад̇ижирам̣ таад̇аб̣б̣ам̣. наад̇илахум̣ нивад̇д̇ид̇аб̣б̣ам̣. тид̇агзна саллагкзд̇аб̣б̣ам̣ – ‘бхигкам̣ д̣̇аад̇угаамаа ваа ад̣̇аад̇угаамаа ваа’д̇и. сажз гаммам̣ ваа нигкибад̇и, аасанаа ваа вудтаад̇и, гадажчум̣ ваа бараамасад̇и, бхааж̇анам̣ ваа бараамасад̇и, табзд̇и ¹ ваа – д̣̇аад̇угаамассаад̇и ² таад̇аб̣б̣ам̣. бхигкааяа д̣̇ияяамаанааяа ваамзна хад̇т̇зна сан̇гхаадим̣ ужжаарзд̇ваа д̣̇агкин̣зна хад̇т̇зна бад̇д̇ам̣ бан̣аамзд̇ваа убхохи хад̇т̇зхи бад̇д̇ам̣ бадиг̇г̇ахзд̇ваа бхигкаа бадиг̇г̇ахзд̇аб̣б̣аа. на жа бхигкаад̣̇ааяигааяа мукам̣ уллогзд̇аб̣б̣ам̣ ³. саллагкзд̇аб̣б̣ам̣ – ‘суубам̣ д̣̇аад̇угаамаа ваа ад̣̇аад̇угаамаа ваа’д̇и. сажз гадажчум̣ ваа бараамасад̇и, бхааж̇анам̣ ваа бараамасад̇и, табзд̇и ваа – д̣̇аад̇угаамассаад̇и таад̇аб̣б̣ам̣. бхигкааяа д̣̇иннааяа сан̇гхаадияаа бад̇д̇ам̣ бадижчаад̣̇зд̇ваа саад̇хугам̣ ад̇арамаанзна нивад̇д̇ид̇аб̣б̣ам̣.

‘‘Nivesanaṃ pavisantena sallakkhetabbaṃ – ‘iminā pavisissāmi, iminā nikkhamissāmī’ti. Nātisahasā pavisitabbaṃ. Nātisahasā nikkhamitabbaṃ. Nātidūre ṭhātabbaṃ. Nāccāsanne ṭhātabbaṃ. Nāticiraṃ ṭhātabbaṃ. Nātilahuṃ nivattitabbaṃ. Ṭhitakena sallakkhetabbaṃ – ‘bhikkhaṃ dātukāmā vā adātukāmā vā’ti. Sace kammaṃ vā nikkhipati, āsanā vā vuṭṭhāti, kaṭacchuṃ vā parāmasati, bhājanaṃ vā parāmasati, ṭhapeti ⁴ vā – dātukāmassāti ⁵ ṭhātabbaṃ. Bhikkhāya diyyamānāya vāmena hatthena saṅghāṭiṃ uccāretvā dakkhiṇena hatthena pattaṃ paṇāmetvā ubhohi hatthehi pattaṃ paṭiggahetvā bhikkhā paṭiggahetabbā. Na ca bhikkhādāyikāya mukhaṃ ulloketabbaṃ ⁶. Sallakkhetabbaṃ – ‘sūpaṃ dātukāmā vā adātukāmā vā’ti. Sace kaṭacchuṃ vā parāmasati, bhājanaṃ vā parāmasati, ṭhapeti vā – dātukāmassāti ṭhātabbaṃ. Bhikkhāya dinnāya saṅghāṭiyā pattaṃ paṭicchādetvā sādhukaṃ ataramānena nivattitabbaṃ.

‘‘суббадижчаннзна анд̇арагхарз г̇анд̇аб̣б̣ам̣. сусам̣вуд̇зна анд̇арагхарз г̇анд̇аб̣б̣ам̣. огкид̇д̇ажагкунаа анд̇арагхарз г̇анд̇аб̣б̣ам̣. на угкид̇д̇агааяа анд̇арагхарз г̇анд̇аб̣б̣ам̣. на уж̇ж̇аг̇гхигааяа анд̇арагхарз г̇анд̇аб̣б̣ам̣. аббасад̣̇д̣̇зна анд̇арагхарз г̇анд̇аб̣б̣ам̣. на гааяаббажаалагам̣ анд̇арагхарз г̇анд̇аб̣б̣ам̣. на б̣аахуббажаалагам̣ анд̇арагхарз г̇анд̇аб̣б̣ам̣. на сийсаббажаалагам̣ анд̇арагхарз г̇анд̇аб̣б̣ам̣. на камбхагад̇зна анд̇арагхарз г̇анд̇аб̣б̣ам̣. на ог̇ун̣тид̇зна анд̇арагхарз г̇анд̇аб̣б̣ам̣. на уггудигааяа анд̇арагхарз г̇анд̇аб̣б̣ам̣. яо батамам̣ г̇аамад̇о бин̣д̣ааяа бадиггамад̇и, д̇зна аасанам̣ бан̃н̃абзд̇аб̣б̣ам̣, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибид̇аб̣б̣ам̣, аваггаарабаад̇и д̇ховид̇ваа убадтаабзд̇аб̣б̣аа, баанийяам̣ барибхож̇анийяам̣ убадтаабзд̇аб̣б̣ам̣. яо бажчаа г̇аамад̇о бин̣д̣ааяа бадиггамад̇и, сажз ход̇и бхуд̇д̇аавасзсо, сажз ааган̇кад̇и, бхун̃ж̇ид̇аб̣б̣ам̣ . но жз ааган̇кад̇и, аббахарид̇з ваа чад̣д̣зд̇аб̣б̣ам̣, аббаан̣агз ваа уд̣̇агз обилаабзд̇аб̣б̣ам̣. д̇зна аасанам̣ уд̣̇д̇харид̇аб̣б̣ам̣, баад̣̇од̣̇агам̣ баад̣̇абийтам̣ баад̣̇агат̇алигам̣ бадисаамзд̇аб̣б̣ам̣, аваггаарабаад̇и д̇ховид̇ваа бадисаамзд̇аб̣б̣аа, баанийяам̣ барибхож̇анийяам̣ бадисаамзд̇аб̣б̣ам̣ , бхад̇д̇аг̇г̇ам̣ саммаж̇ж̇ид̇аб̣б̣ам̣. яо бассад̇и баанийяагхадам̣ ваа барибхож̇анийяагхадам̣ ваа важжагхадам̣ ваа рид̇д̇ам̣ д̇ужчам̣ д̇зна убадтаабзд̇аб̣б̣ам̣. сажасса ход̇и ависаяхам̣, хад̇т̇авигаарзна д̣̇уд̇ияам̣ ааманд̇зд̇ваа хад̇т̇авилан̇гхагзна убадтаабзд̇аб̣б̣ам̣, на жа д̇аббажжаяаа ваажаа бхинд̣̇ид̇аб̣б̣аа. ид̣̇ам̣ ко, бхигкавз, бин̣д̣ажааригаанам̣ бхигкуунам̣ вад̇д̇ам̣ яат̇аа бин̣д̣ажааригзхи бхигкуухи саммаа вад̇д̇ид̇аб̣б̣а’’нд̇и.

‘‘Suppaṭicchannena antaraghare gantabbaṃ. Susaṃvutena antaraghare gantabbaṃ. Okkhittacakkhunā antaraghare gantabbaṃ. Na ukkhittakāya antaraghare gantabbaṃ. Na ujjagghikāya antaraghare gantabbaṃ. Appasaddena antaraghare gantabbaṃ. Na kāyappacālakaṃ antaraghare gantabbaṃ. Na bāhuppacālakaṃ antaraghare gantabbaṃ. Na sīsappacālakaṃ antaraghare gantabbaṃ. Na khambhakatena antaraghare gantabbaṃ. Na oguṇṭhitena antaraghare gantabbaṃ. Na ukkuṭikāya antaraghare gantabbaṃ. Yo paṭhamaṃ gāmato piṇḍāya paṭikkamati, tena āsanaṃ paññapetabbaṃ, pādodakaṃ pādapīṭhaṃ pādakathalikaṃ upanikkhipitabbaṃ, avakkārapāti dhovitvā upaṭṭhāpetabbā, pānīyaṃ paribhojanīyaṃ upaṭṭhāpetabbaṃ. Yo pacchā gāmato piṇḍāya paṭikkamati, sace hoti bhuttāvaseso, sace ākaṅkhati, bhuñjitabbaṃ . No ce ākaṅkhati, appaharite vā chaḍḍetabbaṃ, appāṇake vā udake opilāpetabbaṃ. Tena āsanaṃ uddharitabbaṃ, pādodakaṃ pādapīṭhaṃ pādakathalikaṃ paṭisāmetabbaṃ, avakkārapāti dhovitvā paṭisāmetabbā, pānīyaṃ paribhojanīyaṃ paṭisāmetabbaṃ , bhattaggaṃ sammajjitabbaṃ. Yo passati pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ tena upaṭṭhāpetabbaṃ. Sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpetabbaṃ, na ca tappaccayā vācā bhinditabbā. Idaṃ kho, bhikkhave, piṇḍacārikānaṃ bhikkhūnaṃ vattaṃ yathā piṇḍacārikehi bhikkhūhi sammā vattitabba’’nti.

Next: 7. ааран̃н̃игавад̇д̇агат̇аа • 7. Āraññikavattakathā

Footnotes:

1. таабзд̇и (га.)

2. д̣̇аад̇угаамияаад̇и (сяаа.), д̣̇аад̇угаамаа вияаад̇и (сий.)

3. ологзд̇аб̣б̣ам̣ (сяаа.)

4. ṭhāpeti (ka.)

5. dātukāmiyāti (syā.), dātukāmā viyāti (sī.)

6. oloketabbaṃ (syā.)

Related texts:

адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / бин̣д̣ажааригавад̇д̇агат̇аа • Piṇḍacārikavattakathā

дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / бин̣д̣ажааригавад̇д̇агат̇ааван̣н̣анаа • Piṇḍacārikavattakathāvaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / бин̣д̣ажааригавад̇д̇агат̇аад̣̇иван̣н̣анаа • Piṇḍacārikavattakathādivaṇṇanā

дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 6. бин̣д̣ажааригавад̇д̇агат̇аа • 6. Piṇḍacārikavattakathā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact