| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၆. ပိဏ္ဍစာရိကဝတ္တကထာ
6. Piṇḍacārikavattakathā
၃၆၆. ပိဏ္ဍစာရိကဝတ္တေ ဧဝံ ဝိနိစ္ဆယော ဝေဒိတဗ္ဗောတိ ယောဇနာ။ ကပ္ပာသံ ဝာ ဂဟေတ္ဝာတိ သမ္ဗန္ဓော။ ယဉ္စာတိ ယဉ္စ ကိဉ္စိ ဝတ္ထုံ, ဂဟေတ္ဝာတိ သမ္ဗန္ဓော။ ကရောန္တီ ဌိတာ ဝာတိ ကရောန္တီ ဟုတ္ဝာ ဌိတာ ဝာ။ တန္တိ ကမ္မံ။ န စ ဘိက္ခာဒာယိကာယာတိ ဣတ္ထိလိင္ဂဝသေန ဝုတ္တတ္တာ ဣတ္ထိယာ ဧဝ မုခံ န ဥလ္လောကေတဗ္ဗန္တိ အတ္ထံ ပဋိက္ခိပန္တော အာဟ ‘‘ဣတ္ထီ ဝာ ဟောတူ’’တိအာဒိ။ ‘‘ဘိက္ခာဒာနသမယေ’’တိ ဣမိနာ အညသ္မိံ သမယေ ဩလောကေန္တောပိ နတ္ထိ ဒောသောတိ ဒသ္သေတိ။ ဧကသ္မိံ ကာလေ ဘိက္ခာယ ဒဒမာနာယ သဗ္ဗကာလမ္ပိ န ဩလောကေတဗ္ဗန္တိ အနိစ္ဆိတတ္ထံ ပဋိက္ခိပတိ။
366. Piṇḍacārikavatte evaṃ vinicchayo veditabboti yojanā. Kappāsaṃ vā gahetvāti sambandho. Yañcāti yañca kiñci vatthuṃ, gahetvāti sambandho. Karontī ṭhitā vāti karontī hutvā ṭhitā vā. Tanti kammaṃ. Na ca bhikkhādāyikāyāti itthiliṅgavasena vuttattā itthiyā eva mukhaṃ na ulloketabbanti atthaṃ paṭikkhipanto āha ‘‘itthī vā hotū’’tiādi. ‘‘Bhikkhādānasamaye’’ti iminā aññasmiṃ samaye olokentopi natthi dosoti dasseti. Ekasmiṃ kāle bhikkhāya dadamānāya sabbakālampi na oloketabbanti anicchitatthaṃ paṭikkhipati.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi / ၆. ပိဏ္ဍစာရိကဝတ္တကထာ • 6. Piṇḍacārikavattakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / စူဠဝဂ္ဂ-အဋ္ဌကထာ • Cūḷavagga-aṭṭhakathā / ပိဏ္ဍစာရိကဝတ္တကထာ • Piṇḍacārikavattakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပိဏ္ဍစာရိကဝတ္တကထာဝဏ္ဏနာ • Piṇḍacārikavattakathāvaṇṇanā
