| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
6. පිණ්‌ඩචාරිකවත්‌තකථා
6. Piṇḍacārikavattakathā
366. පිණ්‌ඩචාරිකවත්‌තෙ එවං විනිච්‌ඡයො වෙදිතබ්‌බොති යොජනා. කප්‌පාසං වා ගහෙත්‌වාති සම්‌බන්‌ධො. යඤ්‌චාති යඤ්‌ච කිඤ්‌චි වත්‌ථුං, ගහෙත්‌වාති සම්‌බන්‌ධො. කරොන්‌තී ඨිතා වාති කරොන්‌තී හුත්‌වා ඨිතා වා. තන්‌ති කම්‌මං. න ච භික්‌ඛාදායිකායාති ඉත්‌ථිලිඞ්‌ගවසෙන වුත්‌තත්‌තා ඉත්‌ථියා එව මුඛං න උල්‌ලොකෙතබ්‌බන්‌ති අත්‌ථං පටික්‌ඛිපන්‌තො ආහ ‘‘ඉත්‌ථී වා හොතූ’’තිආදි. ‘‘භික්‌ඛාදානසමයෙ’’ති ඉමිනා අඤ්‌ඤස්‌මිං සමයෙ ඔලොකෙන්‌තොපි නත්‌ථි දොසොති දස්‌සෙති. එකස්‌මිං කාලෙ භික්‌ඛාය දදමානාය සබ්‌බකාලම්‌පි න ඔලොකෙතබ්‌බන්‌ති අනිච්‌ඡිතත්‌ථං පටික්‌ඛිපති.
366. Piṇḍacārikavatte evaṃ vinicchayo veditabboti yojanā. Kappāsaṃ vā gahetvāti sambandho. Yañcāti yañca kiñci vatthuṃ, gahetvāti sambandho. Karontī ṭhitā vāti karontī hutvā ṭhitā vā. Tanti kammaṃ. Na ca bhikkhādāyikāyāti itthiliṅgavasena vuttattā itthiyā eva mukhaṃ na ulloketabbanti atthaṃ paṭikkhipanto āha ‘‘itthī vā hotū’’tiādi. ‘‘Bhikkhādānasamaye’’ti iminā aññasmiṃ samaye olokentopi natthi dosoti dasseti. Ekasmiṃ kāle bhikkhāya dadamānāya sabbakālampi na oloketabbanti anicchitatthaṃ paṭikkhipati.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 6. පිණ්‌ඩචාරිකවත්‌තකථා • 6. Piṇḍacārikavattakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / චූළවග්‌ග-අට්‌ඨකථා • Cūḷavagga-aṭṭhakathā / පිණ්‌ඩචාරිකවත්‌තකථා • Piṇḍacārikavattakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / පිණ්‌ඩචාරිකවත්‌තකථාවණ්‌ණනා • Piṇḍacārikavattakathāvaṇṇanā
