| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
6. бин̣д̣абаад̇амахабпалабан̃хо
6. Piṇḍapātamahapphalapañho
6. ‘‘бханд̇з нааг̇асзна, бхаасид̇амбзд̇ам̣ д̇хаммасан̇г̇ийд̇игаарагзхи т̇зрзхи –
6. ‘‘Bhante nāgasena, bhāsitampetaṃ dhammasaṅgītikārakehi therehi –
‘‘‘жунд̣̇асса бхад̇д̇ам̣ бхун̃ж̇ид̇ваа, гаммаарассаад̇и мз суд̇ам̣;
‘‘‘Cundassa bhattaṃ bhuñjitvā, kammārassāti me sutaṃ;
ааб̣аад̇хам̣ сампусий д̇хийро, баб̣аал̣хам̣ мааран̣анд̇ига’нд̇и 1.
Ābādhaṃ samphusī dhīro, pabāḷhaṃ māraṇantika’nti 2.
‘‘буна жа бхаг̇авад̇аа бхан̣ид̇ам̣ ‘д̣̇взмз, аананд̣̇а, бин̣д̣абаад̇аа самасамапалаа самавибаагаа ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жа. гад̇амз д̣̇вз? яан̃жа бин̣д̣абаад̇ам̣ барибхун̃ж̇ид̇ваа д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхи, яан̃жа бин̣д̣абаад̇ам̣ барибхун̃ж̇ид̇ваа д̇ат̇ааг̇ад̇о анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и. имз д̣̇вз бин̣д̣абаад̇аа самасамапалаа самавибаагаа, ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жаа’д̇и. яад̣̇и, бханд̇з нааг̇асзна, бхаг̇авад̇о жунд̣̇асса бхад̇д̇ам̣ бхуд̇д̇аависса 3 каро ааб̣аад̇хо уббанно, баб̣аал̣хаа жа взд̣̇анаа бавад̇д̇аа мааран̣анд̇игаа, д̇зна хи ‘д̣̇взмз, аананд̣̇а, бин̣д̣абаад̇аа самасамапалаа самавибаагаа ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жаа’д̇и яам̣ важанам̣, д̇ам̣ мижчаа. яад̣̇и д̣̇взмз бин̣д̣абаад̇аа самасамапалаа самавибаагаа ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жа, д̇зна хи бхаг̇авад̇о жунд̣̇асса бхад̇д̇ам̣ бхуд̇д̇аависса 4 каро ааб̣аад̇хо уббанно, баб̣аал̣хаа жа взд̣̇анаа бавад̇д̇аа мааран̣анд̇игаад̇и д̇амби важанам̣ мижчаа. гим̣ну ко, бханд̇з нааг̇асзна, со бин̣д̣абаад̇о висаг̇ад̇ад̇ааяа махабпало, рог̇уббаад̣̇агад̇ааяа махабпало , ааяувинаасагад̇ааяа махабпало, бхаг̇авад̇о ж̇ийвид̇ахаран̣ад̇ааяа махабпало? д̇ад̇т̇а мз гааран̣ам̣ б̣руухи бараваад̣̇аанам̣ ниг̇г̇ахааяа, зд̇т̇ааяам̣ ж̇ано саммуул̣хо лобхавасзна ад̇иб̣ахум̣ кааяид̇зна лохид̇абагканд̣̇игаа уббаннаад̇и. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
‘‘Puna ca bhagavatā bhaṇitaṃ ‘dveme, ānanda, piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā ca. Katame dve? Yañca piṇḍapātaṃ paribhuñjitvā tathāgato anuttaraṃ sammāsambodhiṃ abhisambujjhi, yañca piṇḍapātaṃ paribhuñjitvā tathāgato anupādisesāya nibbānadhātuyā parinibbāyati. Ime dve piṇḍapātā samasamaphalā samavipākā, ativiya aññehi piṇḍapātehi mahapphalatarā ca mahānisaṃsatarā cā’ti. Yadi, bhante nāgasena, bhagavato cundassa bhattaṃ bhuttāvissa 5 kharo ābādho uppanno, pabāḷhā ca vedanā pavattā māraṇantikā, tena hi ‘dveme, ānanda, piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā cā’ti yaṃ vacanaṃ, taṃ micchā. Yadi dveme piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā ca, tena hi bhagavato cundassa bhattaṃ bhuttāvissa 6 kharo ābādho uppanno, pabāḷhā ca vedanā pavattā māraṇantikāti tampi vacanaṃ micchā. Kiṃnu kho, bhante nāgasena, so piṇḍapāto visagatatāya mahapphalo, roguppādakatāya mahapphalo , āyuvināsakatāya mahapphalo, bhagavato jīvitaharaṇatāya mahapphalo? Tattha me kāraṇaṃ brūhi paravādānaṃ niggahāya, etthāyaṃ jano sammūḷho lobhavasena atibahuṃ khāyitena lohitapakkhandikā uppannāti. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, д̇хаммасан̇г̇ийд̇игаарагзхи т̇зрзхи –
‘‘Bhāsitampetaṃ, mahārāja, dhammasaṅgītikārakehi therehi –
‘‘‘жунд̣̇асса бхад̇д̇ам̣ бхун̃ж̇ид̇ваа, гаммаарассаад̇и мз суд̇ам̣;
‘‘‘Cundassa bhattaṃ bhuñjitvā, kammārassāti me sutaṃ;
ааб̣аад̇хам̣ сампусий д̇хийро, баб̣аал̣хам̣ мааран̣анд̇ига’нд̇и.
Ābādhaṃ samphusī dhīro, pabāḷhaṃ māraṇantika’nti.
‘‘бхаг̇авад̇аа жа бхан̣ид̇ам̣ ‘д̣̇взмз, аананд̣̇а, бин̣д̣абаад̇аа самасамапалаа самавибаагаа ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жа. гад̇амз д̣̇вз? яан̃жа бин̣д̣абаад̇ам̣ барибхун̃ж̇ид̇ваа д̇ат̇ааг̇ад̇о ануд̇д̇арам̣ саммаасамб̣од̇хим̣ абхисамб̣уж̇жхи, яан̃жа бин̣д̣абаад̇ам̣ барибхун̃ж̇ид̇ваа д̇ат̇ааг̇ад̇о анубаад̣̇исзсааяа ниб̣б̣аанад̇хаад̇уяаа бариниб̣б̣ааяад̇и 7, имз д̣̇вз бин̣д̣абаад̇аа самасамапалаа самавибаагаа, ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жаа’д̇и.
‘‘Bhagavatā ca bhaṇitaṃ ‘dveme, ānanda, piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā ca. Katame dve? Yañca piṇḍapātaṃ paribhuñjitvā tathāgato anuttaraṃ sammāsambodhiṃ abhisambujjhi, yañca piṇḍapātaṃ paribhuñjitvā tathāgato anupādisesāya nibbānadhātuyā parinibbāyati 8, ime dve piṇḍapātā samasamaphalā samavipākā, ativiya aññehi piṇḍapātehi mahapphalatarā ca mahānisaṃsatarā cā’ti.
‘‘со бана бин̣д̣абаад̇о б̣ахуг̇ун̣о анзгаанисам̣со. д̣̇звад̇аа, махаарааж̇а, хадтаа басаннамаанасаа ‘аяам̣ бхаг̇авад̇о бажчимо бин̣д̣абаад̇о’д̇и д̣̇иб̣б̣ам̣ ож̇ам̣ суугарамад̣̇д̣̇авз аагирим̣су. д̇ан̃жа бана саммаабаагам̣ лахубаагам̣ 9 манун̃н̃ам̣ б̣ахурасам̣ ж̇адтараг̇г̇ид̇зж̇асса хид̇ам̣. на, махаарааж̇а, д̇ад̇онид̣̇аанам̣ бхаг̇авад̇о гожи ануббанно рог̇о уббанно, аби жа, махаарааж̇а, бхаг̇авад̇о багад̇ид̣̇уб̣б̣алз сарийрз кийн̣з ааяусан̇каарз уббанно рог̇о бхияяо абхивад̣дхи.
‘‘So pana piṇḍapāto bahuguṇo anekānisaṃso. Devatā, mahārāja, haṭṭhā pasannamānasā ‘ayaṃ bhagavato pacchimo piṇḍapāto’ti dibbaṃ ojaṃ sūkaramaddave ākiriṃsu. Tañca pana sammāpākaṃ lahupākaṃ 10 manuññaṃ bahurasaṃ jaṭṭharaggitejassa hitaṃ. Na, mahārāja, tatonidānaṃ bhagavato koci anuppanno rogo uppanno, api ca, mahārāja, bhagavato pakatidubbale sarīre khīṇe āyusaṅkhāre uppanno rogo bhiyyo abhivaḍḍhi.
‘‘яат̇аа, махаарааж̇а, багад̇ияаа ж̇аламаано аг̇г̇и ан̃н̃асмим̣ убаад̣̇аанз д̣̇иннз бхияяо баж̇ж̇алад̇и, звамзва ко, махаарааж̇а, бхаг̇авад̇о багад̇ид̣̇уб̣б̣алз сарийрз кийн̣з ааяусан̇каарз уббанно рог̇о бхияяо абхивад̣дхи.
‘‘Yathā, mahārāja, pakatiyā jalamāno aggi aññasmiṃ upādāne dinne bhiyyo pajjalati, evameva kho, mahārāja, bhagavato pakatidubbale sarīre khīṇe āyusaṅkhāre uppanno rogo bhiyyo abhivaḍḍhi.
‘‘яат̇аа ваа бана, махаарааж̇а, сод̇о багад̇ияаа санд̣̇амаано абхивудтз махаамзгхз бхияяо махогхо уд̣̇агаваахаго ход̇и, звамзва ко, махаарааж̇а, бхаг̇авад̇о багад̇ид̣̇уб̣б̣алз сарийрз кийн̣з ааяусан̇каарз уббанно рог̇о бхияяо абхивад̣дхи.
‘‘Yathā vā pana, mahārāja, soto pakatiyā sandamāno abhivuṭṭhe mahāmeghe bhiyyo mahogho udakavāhako hoti, evameva kho, mahārāja, bhagavato pakatidubbale sarīre khīṇe āyusaṅkhāre uppanno rogo bhiyyo abhivaḍḍhi.
‘‘яат̇аа ваа бана, махаарааж̇а, багад̇ияаа абхисаннад̇хаад̇у гужчи ан̃н̃асмим̣ аж̇жхохарид̇з бхияяо ааяамзяяа 11, звамзва ко, махаарааж̇а, бхаг̇авад̇о багад̇ид̣̇уб̣б̣алз сарийрз кийн̣з ааяусан̇каарз уббанно рог̇о бхияяо абхивад̣дхи, над̇т̇и, махаарааж̇а, д̇асмим̣ бин̣д̣абаад̇з д̣̇осо, на жа д̇асса саггаа д̣̇осам̣ ааробзд̇у’’нд̇и.
‘‘Yathā vā pana, mahārāja, pakatiyā abhisannadhātu kucchi aññasmiṃ ajjhoharite bhiyyo āyameyya 12, evameva kho, mahārāja, bhagavato pakatidubbale sarīre khīṇe āyusaṅkhāre uppanno rogo bhiyyo abhivaḍḍhi, natthi, mahārāja, tasmiṃ piṇḍapāte doso, na ca tassa sakkā dosaṃ āropetu’’nti.
‘‘бханд̇з нааг̇асзна, гзна гааран̣зна д̇з д̣̇вз бин̣д̣абаад̇аа самасамапалаа самавибаагаа ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жаа’’д̇и? ‘‘д̇хаммаанумаж̇ж̇анасамаабад̇д̇ивасзна, махаарааж̇а, д̇з д̣̇вз бин̣д̣абаад̇аа самасамапалаа самавибаагаа ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жаа’’д̇и.
‘‘Bhante nāgasena, kena kāraṇena te dve piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā cā’’ti? ‘‘Dhammānumajjanasamāpattivasena, mahārāja, te dve piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā cā’’ti.
‘‘бханд̇з нааг̇асзна, гад̇амзсам̣ д̇хаммаанам̣ анумаж̇ж̇анасамаабад̇д̇ивасзна д̇з д̣̇вз бин̣д̣абаад̇аа самасамапалаа самавибаагаа ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жаа’’д̇и? ‘‘наваннам̣, махаарааж̇а, анубуб̣б̣авихаарасамаабад̇д̇ийнам̣ ануломаббадиломасамаабаж̇ж̇анавасзна д̇з д̣̇вз бин̣д̣абаад̇аа самасамапалаа самавибаагаа ад̇ивияа ан̃н̃зхи бин̣д̣абаад̇зхи махабпалад̇араа жа махаанисам̣сад̇араа жаа’’д̇и.
‘‘Bhante nāgasena, katamesaṃ dhammānaṃ anumajjanasamāpattivasena te dve piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā cā’’ti? ‘‘Navannaṃ, mahārāja, anupubbavihārasamāpattīnaṃ anulomappaṭilomasamāpajjanavasena te dve piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā cā’’ti.
‘‘бханд̇з нааг̇асзна, д̣̇вийсу язва д̣̇ивасзсу ад̇химад̇д̇ам̣ д̇ат̇ааг̇ад̇о наваанубуб̣б̣авихаарасамаабад̇д̇ияо ануломаббадиломам̣ самаабаж̇ж̇ий’’д̇и? ‘‘аама, махаарааж̇аа’’д̇и. ‘‘ажчарияам̣, бханд̇з нааг̇асзна, аб̣бхуд̇ам̣ бханд̇з нааг̇асзна. яам̣ имасмим̣ б̣уд̣̇д̇хагкзд̇д̇з асад̣̇исам̣ барамад̣̇аанам̣, д̇амби имзхи д̣̇вийхи бин̣д̣абаад̇зхи аг̇ан̣ид̇ам̣. ажчарияам̣, бханд̇з нааг̇асзна, аб̣бхуд̇ам̣, бханд̇з нааг̇асзна. яаава маханд̇аа наваанубуб̣б̣авихаарасамаабад̇д̇ияо, яад̇ра хи наама наваанубуб̣б̣авихаарасамаабад̇д̇ивасзна д̣̇аанам̣ махабпалад̇арам̣ ход̇и махаанисам̣сад̇аран̃жа. саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Bhante nāgasena, dvīsu yeva divasesu adhimattaṃ tathāgato navānupubbavihārasamāpattiyo anulomappaṭilomaṃ samāpajjī’’ti? ‘‘Āma, mahārājā’’ti. ‘‘Acchariyaṃ, bhante nāgasena, abbhutaṃ bhante nāgasena. Yaṃ imasmiṃ buddhakkhette asadisaṃ paramadānaṃ, tampi imehi dvīhi piṇḍapātehi agaṇitaṃ. Acchariyaṃ, bhante nāgasena, abbhutaṃ, bhante nāgasena. Yāva mahantā navānupubbavihārasamāpattiyo, yatra hi nāma navānupubbavihārasamāpattivasena dānaṃ mahapphalataraṃ hoti mahānisaṃsatarañca. Sādhu, bhante nāgasena, evametaṃ tathā sampaṭicchāmī’’ti.
бин̣д̣абаад̇амахабпалабан̃хо чадто.
Piṇḍapātamahapphalapañho chaṭṭho.
Footnotes:
