| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਪਿਣ੍ਡਪਾਤਮਹਪ੍ਫਲਪਞ੍ਹੋ
6. Piṇḍapātamahapphalapañho
੬. ‘‘ਭਨ੍ਤੇ ਨਾਗਸੇਨ, ਭਾਸਿਤਮ੍ਪੇਤਂ ਧਮ੍ਮਸਙ੍ਗੀਤਿਕਾਰਕੇਹਿ ਥੇਰੇਹਿ –
6. ‘‘Bhante nāgasena, bhāsitampetaṃ dhammasaṅgītikārakehi therehi –
‘‘‘ਚੁਨ੍ਦਸ੍ਸ ਭਤ੍ਤਂ ਭੁਞ੍ਜਿਤ੍વਾ, ਕਮ੍ਮਾਰਸ੍ਸਾਤਿ ਮੇ ਸੁਤਂ।
‘‘‘Cundassa bhattaṃ bhuñjitvā, kammārassāti me sutaṃ;
‘‘ਪੁਨ ਚ ਭਗવਤਾ ਭਣਿਤਂ ‘ਦ੍વੇਮੇ, ਆਨਨ੍ਦ, ਪਿਣ੍ਡਪਾਤਾ ਸਮਸਮਫਲਾ ਸਮવਿਪਾਕਾ ਅਤਿવਿਯ ਅਞ੍ਞੇਹਿ ਪਿਣ੍ਡਪਾਤੇਹਿ ਮਹਪ੍ਫਲਤਰਾ ਚ ਮਹਾਨਿਸਂਸਤਰਾ ਚ। ਕਤਮੇ ਦ੍વੇ? ਯਞ੍ਚ ਪਿਣ੍ਡਪਾਤਂ ਪਰਿਭੁਞ੍ਜਿਤ੍વਾ ਤਥਾਗਤੋ ਅਨੁਤ੍ਤਰਂ ਸਮ੍ਮਾਸਮ੍ਬੋਧਿਂ ਅਭਿਸਮ੍ਬੁਜ੍ਝਿ, ਯਞ੍ਚ ਪਿਣ੍ਡਪਾਤਂ ਪਰਿਭੁਞ੍ਜਿਤ੍વਾ ਤਥਾਗਤੋ ਅਨੁਪਾਦਿਸੇਸਾਯ ਨਿਬ੍ਬਾਨਧਾਤੁਯਾ ਪਰਿਨਿਬ੍ਬਾਯਤਿ। ਇਮੇ ਦ੍વੇ ਪਿਣ੍ਡਪਾਤਾ ਸਮਸਮਫਲਾ ਸਮવਿਪਾਕਾ, ਅਤਿવਿਯ ਅਞ੍ਞੇਹਿ ਪਿਣ੍ਡਪਾਤੇਹਿ ਮਹਪ੍ਫਲਤਰਾ ਚ ਮਹਾਨਿਸਂਸਤਰਾ ਚਾ’ਤਿ। ਯਦਿ, ਭਨ੍ਤੇ ਨਾਗਸੇਨ, ਭਗવਤੋ ਚੁਨ੍ਦਸ੍ਸ ਭਤ੍ਤਂ ਭੁਤ੍ਤਾવਿਸ੍ਸ 3 ਖਰੋ ਆਬਾਧੋ ਉਪ੍ਪਨ੍ਨੋ, ਪਬਾਲ਼੍ਹਾ ਚ વੇਦਨਾ ਪવਤ੍ਤਾ ਮਾਰਣਨ੍ਤਿਕਾ, ਤੇਨ ਹਿ ‘ਦ੍વੇਮੇ, ਆਨਨ੍ਦ, ਪਿਣ੍ਡਪਾਤਾ ਸਮਸਮਫਲਾ ਸਮવਿਪਾਕਾ ਅਤਿવਿਯ ਅਞ੍ਞੇਹਿ ਪਿਣ੍ਡਪਾਤੇਹਿ ਮਹਪ੍ਫਲਤਰਾ ਚ ਮਹਾਨਿਸਂਸਤਰਾ ਚਾ’ਤਿ ਯਂ વਚਨਂ, ਤਂ ਮਿਚ੍ਛਾ। ਯਦਿ ਦ੍વੇਮੇ ਪਿਣ੍ਡਪਾਤਾ ਸਮਸਮਫਲਾ ਸਮવਿਪਾਕਾ ਅਤਿવਿਯ ਅਞ੍ਞੇਹਿ ਪਿਣ੍ਡਪਾਤੇਹਿ ਮਹਪ੍ਫਲਤਰਾ ਚ ਮਹਾਨਿਸਂਸਤਰਾ ਚ, ਤੇਨ ਹਿ ਭਗવਤੋ ਚੁਨ੍ਦਸ੍ਸ ਭਤ੍ਤਂ ਭੁਤ੍ਤਾવਿਸ੍ਸ 4 ਖਰੋ ਆਬਾਧੋ ਉਪ੍ਪਨ੍ਨੋ, ਪਬਾਲ਼੍ਹਾ ਚ વੇਦਨਾ ਪવਤ੍ਤਾ ਮਾਰਣਨ੍ਤਿਕਾਤਿ ਤਮ੍ਪਿ વਚਨਂ ਮਿਚ੍ਛਾ। ਕਿਂਨੁ ਖੋ, ਭਨ੍ਤੇ ਨਾਗਸੇਨ, ਸੋ ਪਿਣ੍ਡਪਾਤੋ વਿਸਗਤਤਾਯ ਮਹਪ੍ਫਲੋ, ਰੋਗੁਪ੍ਪਾਦਕਤਾਯ ਮਹਪ੍ਫਲੋ , ਆਯੁવਿਨਾਸਕਤਾਯ ਮਹਪ੍ਫਲੋ, ਭਗવਤੋ ਜੀવਿਤਹਰਣਤਾਯ ਮਹਪ੍ਫਲੋ? ਤਤ੍ਥ ਮੇ ਕਾਰਣਂ ਬ੍ਰੂਹਿ ਪਰવਾਦਾਨਂ ਨਿਗ੍ਗਹਾਯ, ਏਤ੍ਥਾਯਂ ਜਨੋ ਸਮ੍ਮੂਲ਼੍ਹੋ ਲੋਭવਸੇਨ ਅਤਿਬਹੁਂ ਖਾਯਿਤੇਨ ਲੋਹਿਤਪਕ੍ਖਨ੍ਦਿਕਾ ਉਪ੍ਪਨ੍ਨਾਤਿ। ਅਯਮ੍ਪਿ ਉਭਤੋ ਕੋਟਿਕੋ ਪਞ੍ਹੋ ਤવਾਨੁਪ੍ਪਤ੍ਤੋ, ਸੋ ਤਯਾ ਨਿਬ੍ਬਾਹਿਤਬ੍ਬੋ’’ਤਿ।
‘‘Puna ca bhagavatā bhaṇitaṃ ‘dveme, ānanda, piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā ca. Katame dve? Yañca piṇḍapātaṃ paribhuñjitvā tathāgato anuttaraṃ sammāsambodhiṃ abhisambujjhi, yañca piṇḍapātaṃ paribhuñjitvā tathāgato anupādisesāya nibbānadhātuyā parinibbāyati. Ime dve piṇḍapātā samasamaphalā samavipākā, ativiya aññehi piṇḍapātehi mahapphalatarā ca mahānisaṃsatarā cā’ti. Yadi, bhante nāgasena, bhagavato cundassa bhattaṃ bhuttāvissa 5 kharo ābādho uppanno, pabāḷhā ca vedanā pavattā māraṇantikā, tena hi ‘dveme, ānanda, piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā cā’ti yaṃ vacanaṃ, taṃ micchā. Yadi dveme piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā ca, tena hi bhagavato cundassa bhattaṃ bhuttāvissa 6 kharo ābādho uppanno, pabāḷhā ca vedanā pavattā māraṇantikāti tampi vacanaṃ micchā. Kiṃnu kho, bhante nāgasena, so piṇḍapāto visagatatāya mahapphalo, roguppādakatāya mahapphalo , āyuvināsakatāya mahapphalo, bhagavato jīvitaharaṇatāya mahapphalo? Tattha me kāraṇaṃ brūhi paravādānaṃ niggahāya, etthāyaṃ jano sammūḷho lobhavasena atibahuṃ khāyitena lohitapakkhandikā uppannāti. Ayampi ubhato koṭiko pañho tavānuppatto, so tayā nibbāhitabbo’’ti.
‘‘ਭਾਸਿਤਮ੍ਪੇਤਂ, ਮਹਾਰਾਜ, ਧਮ੍ਮਸਙ੍ਗੀਤਿਕਾਰਕੇਹਿ ਥੇਰੇਹਿ –
‘‘Bhāsitampetaṃ, mahārāja, dhammasaṅgītikārakehi therehi –
‘‘‘ਚੁਨ੍ਦਸ੍ਸ ਭਤ੍ਤਂ ਭੁਞ੍ਜਿਤ੍વਾ, ਕਮ੍ਮਾਰਸ੍ਸਾਤਿ ਮੇ ਸੁਤਂ।
‘‘‘Cundassa bhattaṃ bhuñjitvā, kammārassāti me sutaṃ;
ਆਬਾਧਂ ਸਮ੍ਫੁਸੀ ਧੀਰੋ, ਪਬਾਲ਼੍ਹਂ ਮਾਰਣਨ੍ਤਿਕ’ਨ੍ਤਿ॥
Ābādhaṃ samphusī dhīro, pabāḷhaṃ māraṇantika’nti.
‘‘ਭਗવਤਾ ਚ ਭਣਿਤਂ ‘ਦ੍વੇਮੇ, ਆਨਨ੍ਦ, ਪਿਣ੍ਡਪਾਤਾ ਸਮਸਮਫਲਾ ਸਮવਿਪਾਕਾ ਅਤਿવਿਯ ਅਞ੍ਞੇਹਿ ਪਿਣ੍ਡਪਾਤੇਹਿ ਮਹਪ੍ਫਲਤਰਾ ਚ ਮਹਾਨਿਸਂਸਤਰਾ ਚ। ਕਤਮੇ ਦ੍વੇ? ਯਞ੍ਚ ਪਿਣ੍ਡਪਾਤਂ ਪਰਿਭੁਞ੍ਜਿਤ੍વਾ ਤਥਾਗਤੋ ਅਨੁਤ੍ਤਰਂ ਸਮ੍ਮਾਸਮ੍ਬੋਧਿਂ ਅਭਿਸਮ੍ਬੁਜ੍ਝਿ, ਯਞ੍ਚ ਪਿਣ੍ਡਪਾਤਂ ਪਰਿਭੁਞ੍ਜਿਤ੍વਾ ਤਥਾਗਤੋ ਅਨੁਪਾਦਿਸੇਸਾਯ ਨਿਬ੍ਬਾਨਧਾਤੁਯਾ ਪਰਿਨਿਬ੍ਬਾਯਤਿ 7, ਇਮੇ ਦ੍વੇ ਪਿਣ੍ਡਪਾਤਾ ਸਮਸਮਫਲਾ ਸਮવਿਪਾਕਾ, ਅਤਿવਿਯ ਅਞ੍ਞੇਹਿ ਪਿਣ੍ਡਪਾਤੇਹਿ ਮਹਪ੍ਫਲਤਰਾ ਚ ਮਹਾਨਿਸਂਸਤਰਾ ਚਾ’ਤਿ।
‘‘Bhagavatā ca bhaṇitaṃ ‘dveme, ānanda, piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā ca. Katame dve? Yañca piṇḍapātaṃ paribhuñjitvā tathāgato anuttaraṃ sammāsambodhiṃ abhisambujjhi, yañca piṇḍapātaṃ paribhuñjitvā tathāgato anupādisesāya nibbānadhātuyā parinibbāyati 8, ime dve piṇḍapātā samasamaphalā samavipākā, ativiya aññehi piṇḍapātehi mahapphalatarā ca mahānisaṃsatarā cā’ti.
‘‘ਸੋ ਪਨ ਪਿਣ੍ਡਪਾਤੋ ਬਹੁਗੁਣੋ ਅਨੇਕਾਨਿਸਂਸੋ। ਦੇવਤਾ, ਮਹਾਰਾਜ, ਹਟ੍ਠਾ ਪਸਨ੍ਨਮਾਨਸਾ ‘ਅਯਂ ਭਗવਤੋ ਪਚ੍ਛਿਮੋ ਪਿਣ੍ਡਪਾਤੋ’ਤਿ ਦਿਬ੍ਬਂ ਓਜਂ ਸੂਕਰਮਦ੍ਦવੇ ਆਕਿਰਿਂਸੁ। ਤਞ੍ਚ ਪਨ ਸਮ੍ਮਾਪਾਕਂ ਲਹੁਪਾਕਂ 9 ਮਨੁਞ੍ਞਂ ਬਹੁਰਸਂ ਜਟ੍ਠਰਗ੍ਗਿਤੇਜਸ੍ਸ ਹਿਤਂ। ਨ, ਮਹਾਰਾਜ, ਤਤੋਨਿਦਾਨਂ ਭਗવਤੋ ਕੋਚਿ ਅਨੁਪ੍ਪਨ੍ਨੋ ਰੋਗੋ ਉਪ੍ਪਨ੍ਨੋ, ਅਪਿ ਚ, ਮਹਾਰਾਜ, ਭਗવਤੋ ਪਕਤਿਦੁਬ੍ਬਲੇ ਸਰੀਰੇ ਖੀਣੇ ਆਯੁਸਙ੍ਖਾਰੇ ਉਪ੍ਪਨ੍ਨੋ ਰੋਗੋ ਭਿਯ੍ਯੋ ਅਭਿવਡ੍ਢਿ।
‘‘So pana piṇḍapāto bahuguṇo anekānisaṃso. Devatā, mahārāja, haṭṭhā pasannamānasā ‘ayaṃ bhagavato pacchimo piṇḍapāto’ti dibbaṃ ojaṃ sūkaramaddave ākiriṃsu. Tañca pana sammāpākaṃ lahupākaṃ 10 manuññaṃ bahurasaṃ jaṭṭharaggitejassa hitaṃ. Na, mahārāja, tatonidānaṃ bhagavato koci anuppanno rogo uppanno, api ca, mahārāja, bhagavato pakatidubbale sarīre khīṇe āyusaṅkhāre uppanno rogo bhiyyo abhivaḍḍhi.
‘‘ਯਥਾ, ਮਹਾਰਾਜ, ਪਕਤਿਯਾ ਜਲਮਾਨੋ ਅਗ੍ਗਿ ਅਞ੍ਞਸ੍ਮਿਂ ਉਪਾਦਾਨੇ ਦਿਨ੍ਨੇ ਭਿਯ੍ਯੋ ਪਜ੍ਜਲਤਿ, ਏવਮੇવ ਖੋ, ਮਹਾਰਾਜ, ਭਗવਤੋ ਪਕਤਿਦੁਬ੍ਬਲੇ ਸਰੀਰੇ ਖੀਣੇ ਆਯੁਸਙ੍ਖਾਰੇ ਉਪ੍ਪਨ੍ਨੋ ਰੋਗੋ ਭਿਯ੍ਯੋ ਅਭਿવਡ੍ਢਿ।
‘‘Yathā, mahārāja, pakatiyā jalamāno aggi aññasmiṃ upādāne dinne bhiyyo pajjalati, evameva kho, mahārāja, bhagavato pakatidubbale sarīre khīṇe āyusaṅkhāre uppanno rogo bhiyyo abhivaḍḍhi.
‘‘ਯਥਾ વਾ ਪਨ, ਮਹਾਰਾਜ, ਸੋਤੋ ਪਕਤਿਯਾ ਸਨ੍ਦਮਾਨੋ ਅਭਿવੁਟ੍ਠੇ ਮਹਾਮੇਘੇ ਭਿਯ੍ਯੋ ਮਹੋਘੋ ਉਦਕવਾਹਕੋ ਹੋਤਿ, ਏવਮੇવ ਖੋ, ਮਹਾਰਾਜ, ਭਗવਤੋ ਪਕਤਿਦੁਬ੍ਬਲੇ ਸਰੀਰੇ ਖੀਣੇ ਆਯੁਸਙ੍ਖਾਰੇ ਉਪ੍ਪਨ੍ਨੋ ਰੋਗੋ ਭਿਯ੍ਯੋ ਅਭਿવਡ੍ਢਿ।
‘‘Yathā vā pana, mahārāja, soto pakatiyā sandamāno abhivuṭṭhe mahāmeghe bhiyyo mahogho udakavāhako hoti, evameva kho, mahārāja, bhagavato pakatidubbale sarīre khīṇe āyusaṅkhāre uppanno rogo bhiyyo abhivaḍḍhi.
‘‘ਯਥਾ વਾ ਪਨ, ਮਹਾਰਾਜ, ਪਕਤਿਯਾ ਅਭਿਸਨ੍ਨਧਾਤੁ ਕੁਚ੍ਛਿ ਅਞ੍ਞਸ੍ਮਿਂ ਅਜ੍ਝੋਹਰਿਤੇ ਭਿਯ੍ਯੋ ਆਯਮੇਯ੍ਯ 11, ਏવਮੇવ ਖੋ, ਮਹਾਰਾਜ, ਭਗવਤੋ ਪਕਤਿਦੁਬ੍ਬਲੇ ਸਰੀਰੇ ਖੀਣੇ ਆਯੁਸਙ੍ਖਾਰੇ ਉਪ੍ਪਨ੍ਨੋ ਰੋਗੋ ਭਿਯ੍ਯੋ ਅਭਿવਡ੍ਢਿ, ਨਤ੍ਥਿ, ਮਹਾਰਾਜ, ਤਸ੍ਮਿਂ ਪਿਣ੍ਡਪਾਤੇ ਦੋਸੋ, ਨ ਚ ਤਸ੍ਸ ਸਕ੍ਕਾ ਦੋਸਂ ਆਰੋਪੇਤੁ’’ਨ੍ਤਿ।
‘‘Yathā vā pana, mahārāja, pakatiyā abhisannadhātu kucchi aññasmiṃ ajjhoharite bhiyyo āyameyya 12, evameva kho, mahārāja, bhagavato pakatidubbale sarīre khīṇe āyusaṅkhāre uppanno rogo bhiyyo abhivaḍḍhi, natthi, mahārāja, tasmiṃ piṇḍapāte doso, na ca tassa sakkā dosaṃ āropetu’’nti.
‘‘ਭਨ੍ਤੇ ਨਾਗਸੇਨ, ਕੇਨ ਕਾਰਣੇਨ ਤੇ ਦ੍વੇ ਪਿਣ੍ਡਪਾਤਾ ਸਮਸਮਫਲਾ ਸਮવਿਪਾਕਾ ਅਤਿવਿਯ ਅਞ੍ਞੇਹਿ ਪਿਣ੍ਡਪਾਤੇਹਿ ਮਹਪ੍ਫਲਤਰਾ ਚ ਮਹਾਨਿਸਂਸਤਰਾ ਚਾ’’ਤਿ? ‘‘ਧਮ੍ਮਾਨੁਮਜ੍ਜਨਸਮਾਪਤ੍ਤਿવਸੇਨ, ਮਹਾਰਾਜ, ਤੇ ਦ੍વੇ ਪਿਣ੍ਡਪਾਤਾ ਸਮਸਮਫਲਾ ਸਮવਿਪਾਕਾ ਅਤਿવਿਯ ਅਞ੍ਞੇਹਿ ਪਿਣ੍ਡਪਾਤੇਹਿ ਮਹਪ੍ਫਲਤਰਾ ਚ ਮਹਾਨਿਸਂਸਤਰਾ ਚਾ’’ਤਿ।
‘‘Bhante nāgasena, kena kāraṇena te dve piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā cā’’ti? ‘‘Dhammānumajjanasamāpattivasena, mahārāja, te dve piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā cā’’ti.
‘‘ਭਨ੍ਤੇ ਨਾਗਸੇਨ, ਕਤਮੇਸਂ ਧਮ੍ਮਾਨਂ ਅਨੁਮਜ੍ਜਨਸਮਾਪਤ੍ਤਿવਸੇਨ ਤੇ ਦ੍વੇ ਪਿਣ੍ਡਪਾਤਾ ਸਮਸਮਫਲਾ ਸਮવਿਪਾਕਾ ਅਤਿવਿਯ ਅਞ੍ਞੇਹਿ ਪਿਣ੍ਡਪਾਤੇਹਿ ਮਹਪ੍ਫਲਤਰਾ ਚ ਮਹਾਨਿਸਂਸਤਰਾ ਚਾ’’ਤਿ? ‘‘ਨવਨ੍ਨਂ, ਮਹਾਰਾਜ, ਅਨੁਪੁਬ੍ਬવਿਹਾਰਸਮਾਪਤ੍ਤੀਨਂ ਅਨੁਲੋਮਪ੍ਪਟਿਲੋਮਸਮਾਪਜ੍ਜਨવਸੇਨ ਤੇ ਦ੍વੇ ਪਿਣ੍ਡਪਾਤਾ ਸਮਸਮਫਲਾ ਸਮવਿਪਾਕਾ ਅਤਿવਿਯ ਅਞ੍ਞੇਹਿ ਪਿਣ੍ਡਪਾਤੇਹਿ ਮਹਪ੍ਫਲਤਰਾ ਚ ਮਹਾਨਿਸਂਸਤਰਾ ਚਾ’’ਤਿ।
‘‘Bhante nāgasena, katamesaṃ dhammānaṃ anumajjanasamāpattivasena te dve piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā cā’’ti? ‘‘Navannaṃ, mahārāja, anupubbavihārasamāpattīnaṃ anulomappaṭilomasamāpajjanavasena te dve piṇḍapātā samasamaphalā samavipākā ativiya aññehi piṇḍapātehi mahapphalatarā ca mahānisaṃsatarā cā’’ti.
‘‘ਭਨ੍ਤੇ ਨਾਗਸੇਨ, ਦ੍વੀਸੁ ਯੇવ ਦਿવਸੇਸੁ ਅਧਿਮਤ੍ਤਂ ਤਥਾਗਤੋ ਨવਾਨੁਪੁਬ੍ਬવਿਹਾਰਸਮਾਪਤ੍ਤਿਯੋ ਅਨੁਲੋਮਪ੍ਪਟਿਲੋਮਂ ਸਮਾਪਜ੍ਜੀ’’ਤਿ? ‘‘ਆਮ, ਮਹਾਰਾਜਾ’’ਤਿ। ‘‘ਅਚ੍ਛਰਿਯਂ, ਭਨ੍ਤੇ ਨਾਗਸੇਨ, ਅਬ੍ਭੁਤਂ ਭਨ੍ਤੇ ਨਾਗਸੇਨ। ਯਂ ਇਮਸ੍ਮਿਂ ਬੁਦ੍ਧਕ੍ਖੇਤ੍ਤੇ ਅਸਦਿਸਂ ਪਰਮਦਾਨਂ, ਤਮ੍ਪਿ ਇਮੇਹਿ ਦ੍વੀਹਿ ਪਿਣ੍ਡਪਾਤੇਹਿ ਅਗਣਿਤਂ। ਅਚ੍ਛਰਿਯਂ, ਭਨ੍ਤੇ ਨਾਗਸੇਨ, ਅਬ੍ਭੁਤਂ, ਭਨ੍ਤੇ ਨਾਗਸੇਨ। ਯਾવ ਮਹਨ੍ਤਾ ਨવਾਨੁਪੁਬ੍ਬવਿਹਾਰਸਮਾਪਤ੍ਤਿਯੋ, ਯਤ੍ਰ ਹਿ ਨਾਮ ਨવਾਨੁਪੁਬ੍ਬવਿਹਾਰਸਮਾਪਤ੍ਤਿવਸੇਨ ਦਾਨਂ ਮਹਪ੍ਫਲਤਰਂ ਹੋਤਿ ਮਹਾਨਿਸਂਸਤਰਞ੍ਚ। ਸਾਧੁ, ਭਨ੍ਤੇ ਨਾਗਸੇਨ, ਏવਮੇਤਂ ਤਥਾ ਸਮ੍ਪਟਿਚ੍ਛਾਮੀ’’ਤਿ।
‘‘Bhante nāgasena, dvīsu yeva divasesu adhimattaṃ tathāgato navānupubbavihārasamāpattiyo anulomappaṭilomaṃ samāpajjī’’ti? ‘‘Āma, mahārājā’’ti. ‘‘Acchariyaṃ, bhante nāgasena, abbhutaṃ bhante nāgasena. Yaṃ imasmiṃ buddhakkhette asadisaṃ paramadānaṃ, tampi imehi dvīhi piṇḍapātehi agaṇitaṃ. Acchariyaṃ, bhante nāgasena, abbhutaṃ, bhante nāgasena. Yāva mahantā navānupubbavihārasamāpattiyo, yatra hi nāma navānupubbavihārasamāpattivasena dānaṃ mahapphalataraṃ hoti mahānisaṃsatarañca. Sādhu, bhante nāgasena, evametaṃ tathā sampaṭicchāmī’’ti.
ਪਿਣ੍ਡਪਾਤਮਹਪ੍ਫਲਪਞ੍ਹੋ ਛਟ੍ਠੋ।
Piṇḍapātamahapphalapañho chaṭṭho.
Footnotes:
