| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
8. бин̣д̣абаад̇игасуд̇д̇аван̣н̣анаа
8. Piṇḍapātikasuttavaṇṇanā
28. адтамз бажчаабхад̇д̇анд̇и згаасанигакалубажчаабхад̇д̇игаанам̣ баад̇ова бхуд̇д̇аанам̣ анд̇омаж̇жханхигоби бажчаабхад̇д̇амзва, ид̇ха бана багад̇ибхад̇д̇ассзва бажчад̇о бажчаабхад̇д̇анд̇и взд̣̇ид̇аб̣б̣ам̣. бин̣д̣абаад̇абадигганд̇аананд̇и бин̣д̣абаад̇ад̇о бадигганд̇аанам̣, бин̣д̣абаад̇ам̣ бариязсид̇ваа бхад̇д̇агижжасса нидтаабанавасзна д̇ад̇о нивад̇д̇аанам̣. гарзриман̣д̣аламаал̣зд̇и зд̇т̇а гарзрийд̇и варун̣аругкасса наамам̣. со гира г̇анд̇хагудияаа ман̣д̣абасса саалааяа жа анд̇арз ход̇и, д̇зна г̇анд̇хагудийби ‘‘гарзригудигаа’’д̇и вужжад̇и, ман̣д̣абоби саалааби ‘‘гарзриман̣д̣аламаал̣о’’д̇и. д̇асмаа гарзриругкасса авид̣̇уурз гад̇з нисийд̣̇анасааласан̇каад̇з ман̣д̣аламаал̣з. д̇ин̣абан̣н̣ажчад̣̇анам̣ ановассагам̣ ‘‘ман̣д̣аламаал̣о’’д̇и вад̣̇анд̇и, ад̇имуд̇д̇агаад̣̇илад̇ааман̣д̣або ‘‘ман̣д̣аламаал̣о’’д̇и абарз.
28. Aṭṭhame pacchābhattanti ekāsanikakhalupacchābhattikānaṃ pātova bhuttānaṃ antomajjhanhikopi pacchābhattameva, idha pana pakatibhattasseva pacchato pacchābhattanti veditabbaṃ. Piṇḍapātapaṭikkantānanti piṇḍapātato paṭikkantānaṃ, piṇḍapātaṃ pariyesitvā bhattakiccassa niṭṭhāpanavasena tato nivattānaṃ. Karerimaṇḍalamāḷeti ettha karerīti varuṇarukkhassa nāmaṃ. So kira gandhakuṭiyā maṇḍapassa sālāya ca antare hoti, tena gandhakuṭīpi ‘‘karerikuṭikā’’ti vuccati, maṇḍapopi sālāpi ‘‘karerimaṇḍalamāḷo’’ti. Tasmā karerirukkhassa avidūre kate nisīdanasālasaṅkhāte maṇḍalamāḷe. Tiṇapaṇṇacchadanaṃ anovassakaṃ ‘‘maṇḍalamāḷo’’ti vadanti, atimuttakādilatāmaṇḍapo ‘‘maṇḍalamāḷo’’ti apare.
гаалзна гааланд̇и гаалз гаалз анд̇аранд̇араа, д̇асмим̣ д̇асмим̣ самаязд̇и ад̇т̇о. манаабигзд̇и манавад̣дхагз, бияаруубз идтзд̇и ад̇т̇о. идтаанидтабхааво жа буг̇г̇алавасзна жа д̣̇вааравасзна жа г̇ахзд̇аб̣б̣о. згажжасса хи идтаабхимад̇о згажжасса анидто ход̇и, згажжасса анидтаабхимад̇о згажжасса идто . д̇ат̇аа згасса д̣̇ваарасса идто ан̃н̃асса анидто. вибаагавасзна банзд̇т̇а винижчаяо взд̣̇ид̇аб̣б̣о. гусалавибааго хи зганд̇зна идто, агусалавибааго анидто зваад̇и. жагкунаа руубз бассид̇унд̇и г̇аамам̣ бин̣д̣ааяа бавидто убаасагзхи г̇зхам̣ бавзсзд̇ваа бууж̇аасаггаарагаран̣ад̇т̇ам̣ убанийд̇зсу аасанавид̇аанаад̣̇ийсу наанаавирааг̇асамуж̇ж̇алаван̣н̣асан̇каад̇з раж̇анийяз ан̃н̃з жа савин̃н̃аан̣агаруубз жагкуд̣̇вааригавин̃н̃аан̣зхи бассид̇ум̣. сад̣̇д̣̇зд̇и д̇ат̇зва иссараж̇анаанам̣ г̇зхам̣ бавидто д̇зсам̣ баяуд̇д̇з г̇ийд̇аваад̣̇ид̇асад̣̇д̣̇з сод̇ум̣. г̇анд̇хзд̇и д̇ат̇аа д̇зхи бууж̇аасаггааравасзна убанийд̇з бубпад̇хуумаад̣̇иг̇анд̇хз гхааяид̇ум̣. расзд̇и д̇зхи д̣̇иннаахаарабарибхог̇з наанаг̇г̇арасз сааяид̇ум̣. подтаб̣б̣зд̇и махаг̇гхабажжад̇т̇аран̣зсу аасанзсу нисиннагаалз сукасампассз подтаб̣б̣з пусид̇ум̣. зван̃жа бан̃жад̣̇вааригаидтаарамман̣аббадилаабхам̣ гид̇д̇зд̇ваа ид̣̇аани манод̣̇вааригаидтаарамман̣аббадилаабхам̣ д̣̇ассзд̇ум̣ ‘‘саггад̇о’’д̇иаад̣̇и вуд̇д̇ам̣. д̇ам̣ хздтаа вуд̇д̇ад̇т̇амзва.
Kālena kālanti kāle kāle antarantarā, tasmiṃ tasmiṃ samayeti attho. Manāpiketi manavaḍḍhake, piyarūpe iṭṭheti attho. Iṭṭhāniṭṭhabhāvo ca puggalavasena ca dvāravasena ca gahetabbo. Ekaccassa hi iṭṭhābhimato ekaccassa aniṭṭho hoti, ekaccassa aniṭṭhābhimato ekaccassa iṭṭho . Tathā ekassa dvārassa iṭṭho aññassa aniṭṭho. Vipākavasena panettha vinicchayo veditabbo. Kusalavipāko hi ekantena iṭṭho, akusalavipāko aniṭṭho evāti. Cakkhunā rūpe passitunti gāmaṃ piṇḍāya paviṭṭho upāsakehi gehaṃ pavesetvā pūjāsakkārakaraṇatthaṃ upanītesu āsanavitānādīsu nānāvirāgasamujjalavaṇṇasaṅkhāte rajanīye aññe ca saviññāṇakarūpe cakkhudvārikaviññāṇehi passituṃ. Saddeti tatheva issarajanānaṃ gehaṃ paviṭṭho tesaṃ payutte gītavāditasadde sotuṃ. Gandheti tathā tehi pūjāsakkāravasena upanīte pupphadhūmādigandhe ghāyituṃ. Raseti tehi dinnāhāraparibhoge nānaggarase sāyituṃ. Phoṭṭhabbeti mahagghapaccattharaṇesu āsanesu nisinnakāle sukhasamphasse phoṭṭhabbe phusituṃ. Evañca pañcadvārikaiṭṭhārammaṇappaṭilābhaṃ kittetvā idāni manodvārikaiṭṭhārammaṇappaṭilābhaṃ dassetuṃ ‘‘sakkato’’tiādi vuttaṃ. Taṃ heṭṭhā vuttatthameva.
гим̣ бана абин̣д̣абаад̇игаанам̣ аяам̣ наяо на лаб̣бхад̇ийд̇и? лаб̣бхад̇и. д̇зсамби хи ниманд̇анасалаагабхад̇д̇аад̣̇иад̇т̇ам̣ г̇аамам̣ г̇ад̇агаалз ул̣ааравибхаваа убаасагаа д̇ат̇аа саггаарасаммаанам̣ гаронд̇иязва, д̇ам̣ бана анияад̇ам̣. бин̣д̣абаад̇игаанам̣ бана д̇ад̣̇аа нижжамзва д̇ад̇т̇а бууж̇аасаггаарам̣ гарияамаанам̣ д̣̇исваа, саггаараг̇аруд̇ааяа аниссаран̣амаг̇г̇з тад̇ваа, аяонисоманасигааравасзна д̇з бхигкуу звамаахам̣су. д̇знзвааха – ‘‘ханд̣̇аавусо, маяамби бин̣д̣абаад̇игаа хомаа’’д̇иаад̣̇и.
Kiṃ pana apiṇḍapātikānaṃ ayaṃ nayo na labbhatīti? Labbhati. Tesampi hi nimantanasalākabhattādiatthaṃ gāmaṃ gatakāle uḷāravibhavā upāsakā tathā sakkārasammānaṃ karontiyeva, taṃ pana aniyataṃ. Piṇḍapātikānaṃ pana tadā niccameva tattha pūjāsakkāraṃ kariyamānaṃ disvā, sakkāragarutāya anissaraṇamagge ṭhatvā, ayonisomanasikāravasena te bhikkhū evamāhaṃsu. Tenevāha – ‘‘handāvuso, mayampi piṇḍapātikā homā’’tiādi.
д̇ад̇т̇а ханд̣̇аад̇и воссаг̇г̇ад̇т̇з нибаад̇о. лажчаамаад̇и лабхиссаама. д̇знубасан̇гамийд̇и д̇ад̇т̇а сурабхиг̇анд̇хагудияам̣ нисинно д̇зсам̣ д̇ам̣ гат̇аасаллаабам̣ суд̇ваа ‘‘имз бхигкуу маад̣̇исасса наама б̣уд̣̇д̇хасса саасанз баб̣б̣аж̇ид̇ваа маяаа сад̣̇д̇хим̣ згавихаарз васанд̇ааби звам̣ аяонисоманасигааравасзна гат̇ам̣ бавад̇д̇знд̇и, саллзкз на вад̇д̇анд̇и, ханд̣̇а д̇з д̇ад̇о ниваарзд̇ваа саллзкавихаарз нияож̇зссаамий’’д̇и ман̣д̣аламаал̣ам̣ убасан̇гами. сзсам̣ хздтаа вуд̇д̇анаяамзва.
Tattha handāti vossaggatthe nipāto. Lacchāmāti labhissāma. Tenupasaṅkamīti tattha surabhigandhakuṭiyaṃ nisinno tesaṃ taṃ kathāsallāpaṃ sutvā ‘‘ime bhikkhū mādisassa nāma buddhassa sāsane pabbajitvā mayā saddhiṃ ekavihāre vasantāpi evaṃ ayonisomanasikāravasena kathaṃ pavattenti, sallekhe na vattanti, handa te tato nivāretvā sallekhavihāre niyojessāmī’’ti maṇḍalamāḷaṃ upasaṅkami. Sesaṃ heṭṭhā vuttanayameva.
зд̇амад̇т̇ам̣ вид̣̇ид̇ваад̇и ‘‘аббижчад̇аасанд̇удтид̇аасаллзкаанам̣ васзна гилзсз д̇хунид̇ум̣ д̇ан̣хам̣ висосзд̇ум̣ бадибаннод̇и бин̣д̣абаад̇игасса сад̇о д̣̇зваа бихаяанд̇и, д̇асса бадибад̇д̇ияаа аад̣̇араж̇аад̇аа бияааяанд̇и, на ид̇о ан̃н̃ат̇аа’’д̇и имамад̇т̇ам̣ вид̣̇ид̇ваа д̇ад̣̇ад̇т̇ад̣̇ийбанам̣ имам̣ уд̣̇аанам̣ уд̣̇аанзси.
Etamatthaṃ viditvāti ‘‘appicchatāsantuṭṭhitāsallekhānaṃ vasena kilese dhunituṃ taṇhaṃ visosetuṃ paṭipannoti piṇḍapātikassa sato devā pihayanti, tassa paṭipattiyā ādarajātā piyāyanti, na ito aññathā’’ti imamatthaṃ viditvā tadatthadīpanaṃ imaṃ udānaṃ udānesi.
д̇ад̇т̇а но жз сад̣̇д̣̇асилоганиссид̇од̇и ‘‘ахо аяяо аббижчо санд̇удто барамасаллзкавуд̇д̇ий’’д̇иаад̣̇инаа барзхи гид̇д̇ид̇аб̣б̣асад̣̇д̣̇асан̇каад̇ам̣ силогам̣. д̇ан̣хааяа ниссид̇о на ход̇и жзд̇и ад̇т̇о. сад̣̇д̣̇о ваа саммукаа ван̣н̣абхан̣анат̇уд̇игхосо, силого бараммукабхууд̇аа басам̣саа бад̇т̇адаяасад̇аа ваа. сзсам̣ ананд̇арасуд̇д̇з вуд̇д̇анаяамзва.
Tattha no ce saddasilokanissitoti ‘‘aho ayyo appiccho santuṭṭho paramasallekhavuttī’’tiādinā parehi kittitabbasaddasaṅkhātaṃ silokaṃ. Taṇhāya nissito na hoti ceti attho. Saddo vā sammukhā vaṇṇabhaṇanathutighoso, siloko parammukhabhūtā pasaṃsā patthaṭayasatā vā. Sesaṃ anantarasutte vuttanayameva.
адтамасуд̇д̇аван̣н̣анаа нидтид̇аа.
Aṭṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 8. бин̣д̣абаад̇игасуд̇д̇ам̣ • 8. Piṇḍapātikasuttaṃ
