| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. පිණ්‌ඩපාතිකත්‌ථෙරඅපදානං
10. Piṇḍapātikattheraapadānaṃ
37.
37.
‘‘තිස්‌සො නාමාසි සම්‌බුද්‌ධො, විහාසි විපිනෙ තදා;
‘‘Tisso nāmāsi sambuddho, vihāsi vipine tadā;
තුසිතා හි ඉධාගන්‌ත්‌වා, පිණ්‌ඩපාතං අදාසහං.
Tusitā hi idhāgantvā, piṇḍapātaṃ adāsahaṃ.
38.
38.
‘‘සම්‌බුද්‌ධමභිවාදෙත්‌වා, තිස්‌සං නාම මහායසං;
‘‘Sambuddhamabhivādetvā, tissaṃ nāma mahāyasaṃ;
සකං චිත්‌තං පසාදෙත්‌වා, තුසිතං අගමාසහං.
Sakaṃ cittaṃ pasādetvā, tusitaṃ agamāsahaṃ.
39.
39.
‘‘ද්‌වෙනවුතෙ ඉතො කප්‌පෙ, යං දානමදදිං තදා;
‘‘Dvenavute ito kappe, yaṃ dānamadadiṃ tadā;
දුග්‌ගතිං නාභිජානාමි, පිණ්‌ඩපාතස්‌සිදං ඵලං.
Duggatiṃ nābhijānāmi, piṇḍapātassidaṃ phalaṃ.
40.
40.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පිණ්‌ඩපාතිකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā piṇḍapātiko thero imā gāthāyo abhāsitthāti.
පිණ්‌ඩපාතිකත්‌ථෙරස්‌සාපදානං දසමං.
Piṇḍapātikattherassāpadānaṃ dasamaṃ.
සද්‌දසඤ්‌ඤකවග්‌ගො ඡත්‌තිංසතිමො.
Saddasaññakavaggo chattiṃsatimo.
තස්‌සුද්‌දානං –
Tassuddānaṃ –
සද්‌දසඤ්‌ඤී යවසිකො, කිංසුකොරණ්‌ඩපුප්‌ඵියො;
Saddasaññī yavasiko, kiṃsukoraṇḍapupphiyo;
ආලම්‌බනො අම්‌බයාගු, සුපුටී මඤ්‌චදායකො;
Ālambano ambayāgu, supuṭī mañcadāyako;
සරණං පිණ්‌ඩපාතො ච, ගාථා තාලීසමෙව ච.
Saraṇaṃ piṇḍapāto ca, gāthā tālīsameva ca.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. පදුමකෙසරියත්‌ථෙරඅපදානාදිවණ්‌ණනා • 1-10. Padumakesariyattheraapadānādivaṇṇanā
