| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. бин̣д̣асуд̇д̇ам̣
8. Piṇḍasuttaṃ
154. згам̣ самаяам̣ бхаг̇аваа маг̇ад̇хзсу вихарад̇и бан̃жасаалааяам̣ б̣раахман̣аг̇аамз. д̇зна ко бана самаязна бан̃жасаалааяам̣ б̣раахман̣аг̇аамз гумааригаанам̣ баахунагаани бхаванд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа бан̃жасаалам̣ б̣раахман̣аг̇аамам̣ бин̣д̣ааяа баависи. д̇зна ко бана самаязна бан̃жасаалзяяагаа б̣раахман̣аг̇ахабад̇игаа маарзна баабимад̇аа анваавидтаа бхаванд̇и – маа саман̣о г̇од̇амо бин̣д̣амалад̇т̇аад̇и.
154. Ekaṃ samayaṃ bhagavā magadhesu viharati pañcasālāyaṃ brāhmaṇagāme. Tena kho pana samayena pañcasālāyaṃ brāhmaṇagāme kumārikānaṃ pāhunakāni bhavanti. Atha kho bhagavā pubbaṇhasamayaṃ nivāsetvā pattacīvaramādāya pañcasālaṃ brāhmaṇagāmaṃ piṇḍāya pāvisi. Tena kho pana samayena pañcasāleyyakā brāhmaṇagahapatikā mārena pāpimatā anvāviṭṭhā bhavanti – mā samaṇo gotamo piṇḍamalatthāti.
ат̇а ко бхаг̇аваа яат̇аад̇ход̇зна бад̇д̇зна бан̃жасаалам̣ б̣раахман̣аг̇аамам̣ бин̣д̣ааяа баависи д̇ат̇аад̇ход̇зна 1 бад̇д̇зна бадиггами. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ зд̇ад̣̇авожа – ‘‘аби д̇вам̣, саман̣а, бин̣д̣амалад̇т̇аа’’д̇и? ‘‘д̇ат̇аа ну д̇вам̣, баабима, агааси яат̇аахам̣ бин̣д̣ам̣ на лабхзяяа’’нд̇и. ‘‘д̇зна хи, бханд̇з, бхаг̇аваа д̣̇уд̇ияамби бан̃жасаалам̣ б̣раахман̣аг̇аамам̣ бин̣д̣ааяа бависад̇у. д̇ат̇аахам̣ гариссаами яат̇аа бхаг̇аваа бин̣д̣ам̣ лажчад̇ий’’д̇и.
Atha kho bhagavā yathādhotena pattena pañcasālaṃ brāhmaṇagāmaṃ piṇḍāya pāvisi tathādhotena 2 pattena paṭikkami. Atha kho māro pāpimā yena bhagavā tenupasaṅkami; upasaṅkamitvā bhagavantaṃ etadavoca – ‘‘api tvaṃ, samaṇa, piṇḍamalatthā’’ti? ‘‘Tathā nu tvaṃ, pāpima, akāsi yathāhaṃ piṇḍaṃ na labheyya’’nti. ‘‘Tena hi, bhante, bhagavā dutiyampi pañcasālaṃ brāhmaṇagāmaṃ piṇḍāya pavisatu. Tathāhaṃ karissāmi yathā bhagavā piṇḍaṃ lacchatī’’ti.
‘‘абун̃н̃ам̣ басави мааро, аасаж̇ж̇а нам̣ д̇ат̇ааг̇ад̇ам̣;
‘‘Apuññaṃ pasavi māro, āsajja naṃ tathāgataṃ;
гим̣ ну ман̃н̃аси баабима, на мз баабам̣ вибажжад̇и.
Kiṃ nu maññasi pāpima, na me pāpaṃ vipaccati.
‘‘сусукам̣ вад̇а ж̇ийваама, язсам̣ но над̇т̇и гин̃жанам̣;
‘‘Susukhaṃ vata jīvāma, yesaṃ no natthi kiñcanaṃ;
бийд̇ибхагкаа бхависсаама, д̣̇зваа аабхассараа яат̇аа’’д̇и.
Pītibhakkhā bhavissāma, devā ābhassarā yathā’’ti.
ат̇а ко мааро баабимаа ‘‘ж̇аанаад̇и мам̣ бхаг̇аваа, ж̇аанаад̇и мам̣ суг̇ад̇о’’д̇и д̣̇угкий д̣̇уммано д̇ад̇т̇званд̇арад̇хааяийд̇и.
Atha kho māro pāpimā ‘‘jānāti maṃ bhagavā, jānāti maṃ sugato’’ti dukkhī dummano tatthevantaradhāyīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. бин̣д̣асуд̇д̇аван̣н̣анаа • 8. Piṇḍasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. бин̣д̣асуд̇д̇аван̣н̣анаа • 8. Piṇḍasuttavaṇṇanā
