| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਪਿਣ੍ਡਸੁਤ੍ਤਂ
8. Piṇḍasuttaṃ
੧੫੪. ਏਕਂ ਸਮਯਂ ਭਗવਾ ਮਗਧੇਸੁ વਿਹਰਤਿ ਪਞ੍ਚਸਾਲਾਯਂ ਬ੍ਰਾਹ੍ਮਣਗਾਮੇ। ਤੇਨ ਖੋ ਪਨ ਸਮਯੇਨ ਪਞ੍ਚਸਾਲਾਯਂ ਬ੍ਰਾਹ੍ਮਣਗਾਮੇ ਕੁਮਾਰਿਕਾਨਂ ਪਾਹੁਨਕਾਨਿ ਭવਨ੍ਤਿ। ਅਥ ਖੋ ਭਗવਾ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਪਞ੍ਚਸਾਲਂ ਬ੍ਰਾਹ੍ਮਣਗਾਮਂ ਪਿਣ੍ਡਾਯ ਪਾવਿਸਿ। ਤੇਨ ਖੋ ਪਨ ਸਮਯੇਨ ਪਞ੍ਚਸਾਲੇਯ੍ਯਕਾ ਬ੍ਰਾਹ੍ਮਣਗਹਪਤਿਕਾ ਮਾਰੇਨ ਪਾਪਿਮਤਾ ਅਨ੍વਾવਿਟ੍ਠਾ ਭવਨ੍ਤਿ – ਮਾ ਸਮਣੋ ਗੋਤਮੋ ਪਿਣ੍ਡਮਲਤ੍ਥਾਤਿ।
154. Ekaṃ samayaṃ bhagavā magadhesu viharati pañcasālāyaṃ brāhmaṇagāme. Tena kho pana samayena pañcasālāyaṃ brāhmaṇagāme kumārikānaṃ pāhunakāni bhavanti. Atha kho bhagavā pubbaṇhasamayaṃ nivāsetvā pattacīvaramādāya pañcasālaṃ brāhmaṇagāmaṃ piṇḍāya pāvisi. Tena kho pana samayena pañcasāleyyakā brāhmaṇagahapatikā mārena pāpimatā anvāviṭṭhā bhavanti – mā samaṇo gotamo piṇḍamalatthāti.
ਅਥ ਖੋ ਭਗવਾ ਯਥਾਧੋਤੇਨ ਪਤ੍ਤੇਨ ਪਞ੍ਚਸਾਲਂ ਬ੍ਰਾਹ੍ਮਣਗਾਮਂ ਪਿਣ੍ਡਾਯ ਪਾવਿਸਿ ਤਥਾਧੋਤੇਨ 1 ਪਤ੍ਤੇਨ ਪਟਿਕ੍ਕਮਿ। ਅਥ ਖੋ ਮਾਰੋ ਪਾਪਿਮਾ ਯੇਨ ਭਗવਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਭਗવਨ੍ਤਂ ਏਤਦવੋਚ – ‘‘ਅਪਿ ਤ੍વਂ, ਸਮਣ, ਪਿਣ੍ਡਮਲਤ੍ਥਾ’’ਤਿ? ‘‘ਤਥਾ ਨੁ ਤ੍વਂ, ਪਾਪਿਮ, ਅਕਾਸਿ ਯਥਾਹਂ ਪਿਣ੍ਡਂ ਨ ਲਭੇਯ੍ਯ’’ਨ੍ਤਿ। ‘‘ਤੇਨ ਹਿ, ਭਨ੍ਤੇ, ਭਗવਾ ਦੁਤਿਯਮ੍ਪਿ ਪਞ੍ਚਸਾਲਂ ਬ੍ਰਾਹ੍ਮਣਗਾਮਂ ਪਿਣ੍ਡਾਯ ਪવਿਸਤੁ। ਤਥਾਹਂ ਕਰਿਸ੍ਸਾਮਿ ਯਥਾ ਭਗવਾ ਪਿਣ੍ਡਂ ਲਚ੍ਛਤੀ’’ਤਿ।
Atha kho bhagavā yathādhotena pattena pañcasālaṃ brāhmaṇagāmaṃ piṇḍāya pāvisi tathādhotena 2 pattena paṭikkami. Atha kho māro pāpimā yena bhagavā tenupasaṅkami; upasaṅkamitvā bhagavantaṃ etadavoca – ‘‘api tvaṃ, samaṇa, piṇḍamalatthā’’ti? ‘‘Tathā nu tvaṃ, pāpima, akāsi yathāhaṃ piṇḍaṃ na labheyya’’nti. ‘‘Tena hi, bhante, bhagavā dutiyampi pañcasālaṃ brāhmaṇagāmaṃ piṇḍāya pavisatu. Tathāhaṃ karissāmi yathā bhagavā piṇḍaṃ lacchatī’’ti.
‘‘ਅਪੁਞ੍ਞਂ ਪਸવਿ ਮਾਰੋ, ਆਸਜ੍ਜ ਨਂ ਤਥਾਗਤਂ।
‘‘Apuññaṃ pasavi māro, āsajja naṃ tathāgataṃ;
ਕਿਂ ਨੁ ਮਞ੍ਞਸਿ ਪਾਪਿਮ, ਨ ਮੇ ਪਾਪਂ વਿਪਚ੍ਚਤਿ॥
Kiṃ nu maññasi pāpima, na me pāpaṃ vipaccati.
‘‘ਸੁਸੁਖਂ વਤ ਜੀવਾਮ, ਯੇਸਂ ਨੋ ਨਤ੍ਥਿ ਕਿਞ੍ਚਨਂ।
‘‘Susukhaṃ vata jīvāma, yesaṃ no natthi kiñcanaṃ;
ਪੀਤਿਭਕ੍ਖਾ ਭવਿਸ੍ਸਾਮ, ਦੇવਾ ਆਭਸ੍ਸਰਾ ਯਥਾ’’ਤਿ॥
Pītibhakkhā bhavissāma, devā ābhassarā yathā’’ti.
ਅਥ ਖੋ ਮਾਰੋ ਪਾਪਿਮਾ ‘‘ਜਾਨਾਤਿ ਮਂ ਭਗવਾ, ਜਾਨਾਤਿ ਮਂ ਸੁਗਤੋ’’ਤਿ ਦੁਕ੍ਖੀ ਦੁਮ੍ਮਨੋ ਤਤ੍ਥੇવਨ੍ਤਰਧਾਯੀਤਿ।
Atha kho māro pāpimā ‘‘jānāti maṃ bhagavā, jānāti maṃ sugato’’ti dukkhī dummano tatthevantaradhāyīti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਪਿਣ੍ਡਸੁਤ੍ਤવਣ੍ਣਨਾ • 8. Piṇḍasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਪਿਣ੍ਡਸੁਤ੍ਤવਣ੍ਣਨਾ • 8. Piṇḍasuttavaṇṇanā
