| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. бин̣д̣асуд̇д̇аван̣н̣анаа
8. Piṇḍasuttavaṇṇanā
154. адтамз баахунагаани бхаванд̇ийд̇и д̇ат̇ааруубз нагкад̇д̇з д̇ад̇т̇а д̇ад̇т̇а бзсзд̇аб̣б̣аани баахунагаани бхаванд̇и, ааг̇анд̇угабан̣н̣аагаарад̣̇аанаани ваа. саяам̣жаран̣ад̣̇ивасз самаваяаж̇аад̇иг̇од̇д̇аа гумаарагаа д̇ад̇о д̇ад̇о саннибад̇анд̇и. гумааригааяоби ад̇д̇ано ад̇д̇ано вибхаваануруубзна алан̇гад̇аа д̇ахам̣ д̇ахам̣ вижаранд̇и. д̇ад̇ра гумааригааяоби яат̇ааружигаанам̣ гумаарагаанам̣ бан̣н̣аагаарам̣ бзсзнд̇и, гумаарагааби гумааригаанам̣ ан̃н̃асмим̣ асад̇и анд̇амасо маалааг̇ул̣знаби баригкибанд̇и. анваавидтаад̇и ану аавидтаа. д̇ам̣д̣̇ивасам̣ гира бан̃жасад̇аа гумааригааяо уяяаанагийл̣ам̣ г̇ажчанд̇ияо бадибат̇з сад̇т̇аарам̣ д̣̇исваа чан̣абуувам̣ д̣̇ад̣̇зяяум̣. сад̇т̇аа д̇аасам̣ д̣̇аанаанумод̣̇анад̇т̇ам̣ багин̣н̣агад̇хаммад̣̇зсанам̣ д̣̇зсзяяа, д̣̇зсанаабарияосаанз саб̣б̣ааби сод̇аабад̇д̇ипалз бад̇идтахзяяум̣. мааро д̇аасам̣ самбад̇д̇ияаа анд̇арааяам̣ гариссаамийд̇и анваависи. баал̣ияам̣ бана маа саман̣о г̇од̇амо бин̣д̣амалад̇т̇аад̇и зд̇д̇агам̣язва вуд̇д̇анд̇и.
154. Aṭṭhame pāhunakāni bhavantīti tathārūpe nakkhatte tattha tattha pesetabbāni pāhunakāni bhavanti, āgantukapaṇṇākāradānāni vā. Sayaṃcaraṇadivase samavayajātigottā kumārakā tato tato sannipatanti. Kumārikāyopi attano attano vibhavānurūpena alaṅkatā tahaṃ tahaṃ vicaranti. Tatra kumārikāyopi yathārucikānaṃ kumārakānaṃ paṇṇākāraṃ pesenti, kumārakāpi kumārikānaṃ aññasmiṃ asati antamaso mālāguḷenapi parikkhipanti. Anvāviṭṭhāti anu āviṭṭhā. Taṃdivasaṃ kira pañcasatā kumārikāyo uyyānakīḷaṃ gacchantiyo paṭipathe satthāraṃ disvā chaṇapūvaṃ dadeyyuṃ. Satthā tāsaṃ dānānumodanatthaṃ pakiṇṇakadhammadesanaṃ deseyya, desanāpariyosāne sabbāpi sotāpattiphale patiṭṭhaheyyuṃ. Māro tāsaṃ sampattiyā antarāyaṃ karissāmīti anvāvisi. Pāḷiyaṃ pana mā samaṇo gotamo piṇḍamalatthāti ettakaṃyeva vuttanti.
гим̣ бана сад̇т̇аа маараавадданам̣ аж̇аанид̇ваа бавидтод̇и? аама аж̇аанид̇ваа. гасмаа? анааваж̇ж̇анад̇ааяа. б̣уд̣̇д̇хаанан̃хи – ‘‘асугадтаанз бхад̇д̇ам̣ лабхиссаама, на лабхиссаамаа’’д̇и ааваж̇ж̇анам̣ на ананужчавигам̣. бавидто бана мануссаанам̣ убажаарабхзд̣̇ам̣ д̣̇исваа, ‘‘гим̣ ид̣̇а’’нд̇и? ааваж̇ж̇знд̇о н̃ад̇ваа, ‘‘аамисад̇т̇ам̣ маараавадданам̣ бхинд̣̇ид̇ум̣ ананужчавига’’нд̇и абхинд̣̇ид̇ваава нигканд̇о.
Kiṃ pana satthā mārāvaṭṭanaṃ ajānitvā paviṭṭhoti? Āma ajānitvā. Kasmā? Anāvajjanatāya. Buddhānañhi – ‘‘asukaṭṭhāne bhattaṃ labhissāma, na labhissāmā’’ti āvajjanaṃ na ananucchavikaṃ. Paviṭṭho pana manussānaṃ upacārabhedaṃ disvā, ‘‘kiṃ ida’’nti? Āvajjento ñatvā, ‘‘āmisatthaṃ mārāvaṭṭanaṃ bhindituṃ ananucchavika’’nti abhinditvāva nikkhanto.
убасан̇гамийд̇и амид̇д̇авиж̇аязна вияа д̇удто сагалаг̇аамз гадажчумад̇д̇амби бхад̇д̇ам̣ алабхид̇ваа г̇аамад̇о нигкаманд̇ам̣ бхаг̇аванд̇ам̣ г̇аамияамануссавзсзна убасан̇гами. д̇ат̇аахам̣ гариссаамийд̇и ид̣̇ам̣ со мусаа бхаасад̇и. звам̣ гирасса ахоси – ‘‘маяаа звам̣ вуд̇д̇з буна бависиссад̇и, ат̇а нам̣ г̇аамад̣̇аарагаа ‘сагалаг̇аамз жарид̇ваа гадажчубхигкамби алабхид̇ваа г̇аамад̇о нигкамма буна бавидтосий’д̇иаад̣̇ийни вад̇ваа уббан̣д̣зссанд̇ий’’д̇и. бхаг̇аваа бана – ‘‘сажааяам̣ мам̣ звам̣ вихзтзссад̇и муд̣̇д̇хамассзва сад̇д̇ад̇хаа палиссад̇ий’’д̇и д̇асмим̣ анугамбааяа абависид̇ваа г̇аат̇аад̣̇ваяамааха.
Upasaṅkamīti amittavijayena viya tuṭṭho sakalagāme kaṭacchumattampi bhattaṃ alabhitvā gāmato nikkhamantaṃ bhagavantaṃ gāmiyamanussavesena upasaṅkami. Tathāhaṃ karissāmīti idaṃ so musā bhāsati. Evaṃ kirassa ahosi – ‘‘mayā evaṃ vutte puna pavisissati, atha naṃ gāmadārakā ‘sakalagāme caritvā kaṭacchubhikkhampi alabhitvā gāmato nikkhamma puna paviṭṭhosī’tiādīni vatvā uppaṇḍessantī’’ti. Bhagavā pana – ‘‘sacāyaṃ maṃ evaṃ viheṭhessati muddhamasseva sattadhā phalissatī’’ti tasmiṃ anukampāya apavisitvā gāthādvayamāha.
д̇ад̇т̇а басавийд̇и ж̇анзси нибпаад̣̇зси. аасаж̇ж̇аад̇и аасаад̣̇зд̇ваа гхаддзд̇ваа. на мз баабам̣ вибажжад̇ийд̇и мама баабам̣ на бажжад̇и. нибпалам̣ зд̇анд̇и гим̣ ну д̇вам̣ звам̣ ман̃н̃аси? маа звам̣ ман̃н̃и, ад̇т̇и д̇аяаа гад̇асса баабасса паланд̇и д̣̇ийбзд̇и. гин̃жананд̇и мад̣̇д̣̇ид̇ум̣ самад̇т̇ам̣ рааг̇агин̃жанаад̣̇и гилзсаж̇аад̇ам̣. аабхассараа яат̇аад̇и яат̇аа аабхассараа д̣̇зваа саббийд̇игаж̇жхаанзна яаабзнд̇аа бийд̇ибхагкаа наама хонд̇и, звам̣ бхависсаамаад̇и. адтамам̣.
Tattha pasavīti janesi nipphādesi. Āsajjāti āsādetvā ghaṭṭetvā. Na me pāpaṃ vipaccatīti mama pāpaṃ na paccati. Nipphalaṃ etanti kiṃ nu tvaṃ evaṃ maññasi? Mā evaṃ maññi, atthi tayā katassa pāpassa phalanti dīpeti. Kiñcananti maddituṃ samatthaṃ rāgakiñcanādi kilesajātaṃ. Ābhassarā yathāti yathā ābhassarā devā sappītikajjhānena yāpentā pītibhakkhā nāma honti, evaṃ bhavissāmāti. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. бин̣д̣асуд̇д̇ам̣ • 8. Piṇḍasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. бин̣д̣асуд̇д̇аван̣н̣анаа • 8. Piṇḍasuttavaṇṇanā
