| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. бин̣д̣асуд̇д̇аван̣н̣анаа
8. Piṇḍasuttavaṇṇanā
154. д̇ад̇т̇а д̇ад̇т̇аад̇и д̇асмим̣ д̇асмим̣ н̃аад̇имид̇д̇агулз. баахунагаанийд̇и бахид̇аб̣б̣абан̣н̣аагаараани. ааг̇анд̇угабан̣н̣аагаараанийд̇и ааг̇анд̇угаанам̣ убаг̇ад̇аанам̣ д̣̇аад̇аб̣б̣абан̣н̣аагаараани. саяам̣жарад̣̇ивасзд̇и гумаарагаанан̃жа гумааригаанан̃жа саяам̣ ад̇д̇анаа жарид̇аб̣б̣ачан̣ад̣̇ивасз. ид̣̇аани д̇амад̇т̇ам̣ вид̇т̇аарад̇о д̣̇ассзнд̇о ‘‘самаваяаж̇аад̇иг̇од̇д̇аа’’д̇иаад̣̇имааха. самаваяасамаж̇аад̇игасамаг̇од̇д̇аад̇и бажжзгам̣ сама-сад̣̇д̣̇о яож̇зд̇аб̣б̣о. г̇од̇д̇асамад̇аа жа ааваахавиваахаяог̇яад̇аавасзна д̣̇адтаб̣б̣аа, на згаг̇од̇д̇ад̇аавасзна. д̇ад̇о д̇ад̇о г̇аамад̇о. ан̃н̃асмим̣ д̣̇аад̇аб̣б̣з асад̇и. чан̣авасзна бахин̣ид̇ум̣ самбаад̣̇ид̇ам̣ буувам̣ чан̣абуувам̣. д̇аасам̣ самбад̇д̇ияаад̇и д̇аасам̣ д̣̇аанам̣ д̇хаммассаванан̃жаад̇и д̇ассаа д̣̇увид̇хааяаби самбад̇д̇ияаа.
154.Tattha tatthāti tasmiṃ tasmiṃ ñātimittakule. Pāhunakānīti pahitabbapaṇṇākārāni. Āgantukapaṇṇākārānīti āgantukānaṃ upagatānaṃ dātabbapaṇṇākārāni. Sayaṃcaradivaseti kumārakānañca kumārikānañca sayaṃ attanā caritabbachaṇadivase. Idāni tamatthaṃ vitthārato dassento ‘‘samavayajātigottā’’tiādimāha. Samavayasamajātikasamagottāti paccekaṃ sama-saddo yojetabbo. Gottasamatā ca āvāhavivāhayogyatāvasena daṭṭhabbā, na ekagottatāvasena. Tato tato gāmato. Aññasmiṃ dātabbe asati. Chaṇavasena pahiṇituṃ sampāditaṃ pūvaṃ chaṇapūvaṃ. Tāsaṃ sampattiyāti tāsaṃ dānaṃ dhammassavanañcāti tassā duvidhāyapi sampattiyā.
н̃аан̣ам̣ наама ааваж̇ж̇анабуб̣б̣агам̣, д̇асмаа аж̇аананасса ‘‘анааваж̇ж̇анад̇ааяаа’’д̇и гааран̣ам̣ вад̇ваа сзсагааран̣ам̣ вад̣̇анд̇о ‘‘б̣уд̣̇д̇хаана’’нд̇иаад̣̇имааха. убажаарабхзд̣̇анд̇и б̣уд̣̇д̇хам̣ д̣̇исваа мануссзхи гаад̇аб̣б̣аубажаарасса бхинд̣̇анам̣. бхинд̣̇ид̇унд̇и вид̇хамид̇ум̣.
Ñāṇaṃ nāma āvajjanapubbakaṃ, tasmā ajānanassa ‘‘anāvajjanatāyā’’ti kāraṇaṃ vatvā sesakāraṇaṃ vadanto ‘‘buddhāna’’ntiādimāha. Upacārabhedanti buddhaṃ disvā manussehi kātabbaupacārassa bhindanaṃ. Bhinditunti vidhamituṃ.
бхаг̇аваа банаад̇и банасад̣̇д̣̇о висзсад̇т̇аж̇од̇аго. д̇зна на гзвалам̣ бхаг̇аваа уббан̣д̣анам̣ барихаранд̇о д̇ам̣ г̇аамам̣ на буна баависи, ат̇а ко маарам̣ анугамбанд̇од̇и ид̣̇ам̣ висзсам̣ ж̇од̇зд̇и.
Bhagavā panāti panasaddo visesatthajotako. Tena na kevalaṃ bhagavā uppaṇḍanaṃ pariharanto taṃ gāmaṃ na puna pāvisi, atha kho māraṃ anukampantoti idaṃ visesaṃ joteti.
ж̇анзсийд̇и абун̃н̃ам̣ ж̇анзси, ж̇анзнд̇о жа яат̇аа д̇ад̇о ааяад̇им̣ т̇ирад̇арам̣ маханд̇ам̣ д̣̇угкам̣ нибпаж̇ж̇иссад̇и, звам̣ нибпаад̣̇зси. аасаж̇ж̇ананд̇и зд̇т̇а нанд̇и нибаад̇амад̇д̇ам̣. гин̃жад̇и мад̣̇д̣̇ад̇и абхибхавад̇ийд̇и гин̃жананд̇и ааха ‘‘мад̣̇д̣̇ид̇ум̣ самад̇т̇а’’нд̇и.
Janesīti apuññaṃ janesi, janento ca yathā tato āyatiṃ thirataraṃ mahantaṃ dukkhaṃ nipphajjissati, evaṃ nipphādesi. Āsajjananti ettha nanti nipātamattaṃ. Kiñcati maddati abhibhavatīti kiñcananti āha ‘‘maddituṃ samattha’’nti.
бин̣д̣асуд̇д̇аван̣н̣анаа нидтид̇аа.
Piṇḍasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. бин̣д̣асуд̇д̇ам̣ • 8. Piṇḍasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. бин̣д̣асуд̇д̇аван̣н̣анаа • 8. Piṇḍasuttavaṇṇanā
