| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਪਿਣ੍ਡਸੁਤ੍ਤવਣ੍ਣਨਾ
8. Piṇḍasuttavaṇṇanā
੧੫੪. ਅਟ੍ਠਮੇ ਪਾਹੁਨਕਾਨਿ ਭવਨ੍ਤੀਤਿ ਤਥਾਰੂਪੇ ਨਕ੍ਖਤ੍ਤੇ ਤਤ੍ਥ ਤਤ੍ਥ ਪੇਸੇਤਬ੍ਬਾਨਿ ਪਾਹੁਨਕਾਨਿ ਭવਨ੍ਤਿ, ਆਗਨ੍ਤੁਕਪਣ੍ਣਾਕਾਰਦਾਨਾਨਿ વਾ। ਸਯਂਚਰਣਦਿવਸੇ ਸਮવਯਜਾਤਿਗੋਤ੍ਤਾ ਕੁਮਾਰਕਾ ਤਤੋ ਤਤੋ ਸਨ੍ਨਿਪਤਨ੍ਤਿ। ਕੁਮਾਰਿਕਾਯੋਪਿ ਅਤ੍ਤਨੋ ਅਤ੍ਤਨੋ વਿਭવਾਨੁਰੂਪੇਨ ਅਲਙ੍ਕਤਾ ਤਹਂ ਤਹਂ વਿਚਰਨ੍ਤਿ। ਤਤ੍ਰ ਕੁਮਾਰਿਕਾਯੋਪਿ ਯਥਾਰੁਚਿਕਾਨਂ ਕੁਮਾਰਕਾਨਂ ਪਣ੍ਣਾਕਾਰਂ ਪੇਸੇਨ੍ਤਿ, ਕੁਮਾਰਕਾਪਿ ਕੁਮਾਰਿਕਾਨਂ ਅਞ੍ਞਸ੍ਮਿਂ ਅਸਤਿ ਅਨ੍ਤਮਸੋ ਮਾਲਾਗੁਲ਼ੇਨਪਿ ਪਰਿਕ੍ਖਿਪਨ੍ਤਿ। ਅਨ੍વਾવਿਟ੍ਠਾਤਿ ਅਨੁ ਆવਿਟ੍ਠਾ। ਤਂਦਿવਸਂ ਕਿਰ ਪਞ੍ਚਸਤਾ ਕੁਮਾਰਿਕਾਯੋ ਉਯ੍ਯਾਨਕੀਲ਼ਂ ਗਚ੍ਛਨ੍ਤਿਯੋ ਪਟਿਪਥੇ ਸਤ੍ਥਾਰਂ ਦਿਸ੍વਾ ਛਣਪੂવਂ ਦਦੇਯ੍ਯੁਂ। ਸਤ੍ਥਾ ਤਾਸਂ ਦਾਨਾਨੁਮੋਦਨਤ੍ਥਂ ਪਕਿਣ੍ਣਕਧਮ੍ਮਦੇਸਨਂ ਦੇਸੇਯ੍ਯ, ਦੇਸਨਾਪਰਿਯੋਸਾਨੇ ਸਬ੍ਬਾਪਿ ਸੋਤਾਪਤ੍ਤਿਫਲੇ ਪਤਿਟ੍ਠਹੇਯ੍ਯੁਂ। ਮਾਰੋ ਤਾਸਂ ਸਮ੍ਪਤ੍ਤਿਯਾ ਅਨ੍ਤਰਾਯਂ ਕਰਿਸ੍ਸਾਮੀਤਿ ਅਨ੍વਾવਿਸਿ। ਪਾਲ਼ਿਯਂ ਪਨ ਮਾ ਸਮਣੋ ਗੋਤਮੋ ਪਿਣ੍ਡਮਲਤ੍ਥਾਤਿ ਏਤ੍ਤਕਂਯੇવ વੁਤ੍ਤਨ੍ਤਿ।
154. Aṭṭhame pāhunakāni bhavantīti tathārūpe nakkhatte tattha tattha pesetabbāni pāhunakāni bhavanti, āgantukapaṇṇākāradānāni vā. Sayaṃcaraṇadivase samavayajātigottā kumārakā tato tato sannipatanti. Kumārikāyopi attano attano vibhavānurūpena alaṅkatā tahaṃ tahaṃ vicaranti. Tatra kumārikāyopi yathārucikānaṃ kumārakānaṃ paṇṇākāraṃ pesenti, kumārakāpi kumārikānaṃ aññasmiṃ asati antamaso mālāguḷenapi parikkhipanti. Anvāviṭṭhāti anu āviṭṭhā. Taṃdivasaṃ kira pañcasatā kumārikāyo uyyānakīḷaṃ gacchantiyo paṭipathe satthāraṃ disvā chaṇapūvaṃ dadeyyuṃ. Satthā tāsaṃ dānānumodanatthaṃ pakiṇṇakadhammadesanaṃ deseyya, desanāpariyosāne sabbāpi sotāpattiphale patiṭṭhaheyyuṃ. Māro tāsaṃ sampattiyā antarāyaṃ karissāmīti anvāvisi. Pāḷiyaṃ pana mā samaṇo gotamo piṇḍamalatthāti ettakaṃyeva vuttanti.
ਕਿਂ ਪਨ ਸਤ੍ਥਾ ਮਾਰਾવਟ੍ਟਨਂ ਅਜਾਨਿਤ੍વਾ ਪવਿਟ੍ਠੋਤਿ? ਆਮ ਅਜਾਨਿਤ੍વਾ। ਕਸ੍ਮਾ? ਅਨਾવਜ੍ਜਨਤਾਯ। ਬੁਦ੍ਧਾਨਞ੍ਹਿ – ‘‘ਅਸੁਕਟ੍ਠਾਨੇ ਭਤ੍ਤਂ ਲਭਿਸ੍ਸਾਮ, ਨ ਲਭਿਸ੍ਸਾਮਾ’’ਤਿ ਆવਜ੍ਜਨਂ ਨ ਅਨਨੁਚ੍ਛવਿਕਂ। ਪવਿਟ੍ਠੋ ਪਨ ਮਨੁਸ੍ਸਾਨਂ ਉਪਚਾਰਭੇਦਂ ਦਿਸ੍વਾ, ‘‘ਕਿਂ ਇਦ’’ਨ੍ਤਿ? ਆવਜ੍ਜੇਨ੍ਤੋ ਞਤ੍વਾ, ‘‘ਆਮਿਸਤ੍ਥਂ ਮਾਰਾવਟ੍ਟਨਂ ਭਿਨ੍ਦਿਤੁਂ ਅਨਨੁਚ੍ਛવਿਕ’’ਨ੍ਤਿ ਅਭਿਨ੍ਦਿਤ੍વਾવ ਨਿਕ੍ਖਨ੍ਤੋ।
Kiṃ pana satthā mārāvaṭṭanaṃ ajānitvā paviṭṭhoti? Āma ajānitvā. Kasmā? Anāvajjanatāya. Buddhānañhi – ‘‘asukaṭṭhāne bhattaṃ labhissāma, na labhissāmā’’ti āvajjanaṃ na ananucchavikaṃ. Paviṭṭho pana manussānaṃ upacārabhedaṃ disvā, ‘‘kiṃ ida’’nti? Āvajjento ñatvā, ‘‘āmisatthaṃ mārāvaṭṭanaṃ bhindituṃ ananucchavika’’nti abhinditvāva nikkhanto.
ਉਪਸਙ੍ਕਮੀਤਿ ਅਮਿਤ੍ਤવਿਜਯੇਨ વਿਯ ਤੁਟ੍ਠੋ ਸਕਲਗਾਮੇ ਕਟਚ੍ਛੁਮਤ੍ਤਮ੍ਪਿ ਭਤ੍ਤਂ ਅਲਭਿਤ੍વਾ ਗਾਮਤੋ ਨਿਕ੍ਖਮਨ੍ਤਂ ਭਗવਨ੍ਤਂ ਗਾਮਿਯਮਨੁਸ੍ਸવੇਸੇਨ ਉਪਸਙ੍ਕਮਿ। ਤਥਾਹਂ ਕਰਿਸ੍ਸਾਮੀਤਿ ਇਦਂ ਸੋ ਮੁਸਾ ਭਾਸਤਿ। ਏવਂ ਕਿਰਸ੍ਸ ਅਹੋਸਿ – ‘‘ਮਯਾ ਏવਂ વੁਤ੍ਤੇ ਪੁਨ ਪવਿਸਿਸ੍ਸਤਿ, ਅਥ ਨਂ ਗਾਮਦਾਰਕਾ ‘ਸਕਲਗਾਮੇ ਚਰਿਤ੍વਾ ਕਟਚ੍ਛੁਭਿਕ੍ਖਮ੍ਪਿ ਅਲਭਿਤ੍વਾ ਗਾਮਤੋ ਨਿਕ੍ਖਮ੍ਮ ਪੁਨ ਪવਿਟ੍ਠੋਸੀ’ਤਿਆਦੀਨਿ વਤ੍વਾ ਉਪ੍ਪਣ੍ਡੇਸ੍ਸਨ੍ਤੀ’’ਤਿ। ਭਗવਾ ਪਨ – ‘‘ਸਚਾਯਂ ਮਂ ਏવਂ વਿਹੇਠੇਸ੍ਸਤਿ ਮੁਦ੍ਧਮਸ੍ਸੇવ ਸਤ੍ਤਧਾ ਫਲਿਸ੍ਸਤੀ’’ਤਿ ਤਸ੍ਮਿਂ ਅਨੁਕਮ੍ਪਾਯ ਅਪવਿਸਿਤ੍વਾ ਗਾਥਾਦ੍વਯਮਾਹ।
Upasaṅkamīti amittavijayena viya tuṭṭho sakalagāme kaṭacchumattampi bhattaṃ alabhitvā gāmato nikkhamantaṃ bhagavantaṃ gāmiyamanussavesena upasaṅkami. Tathāhaṃ karissāmīti idaṃ so musā bhāsati. Evaṃ kirassa ahosi – ‘‘mayā evaṃ vutte puna pavisissati, atha naṃ gāmadārakā ‘sakalagāme caritvā kaṭacchubhikkhampi alabhitvā gāmato nikkhamma puna paviṭṭhosī’tiādīni vatvā uppaṇḍessantī’’ti. Bhagavā pana – ‘‘sacāyaṃ maṃ evaṃ viheṭhessati muddhamasseva sattadhā phalissatī’’ti tasmiṃ anukampāya apavisitvā gāthādvayamāha.
ਤਤ੍ਥ ਪਸવੀਤਿ ਜਨੇਸਿ ਨਿਪ੍ਫਾਦੇਸਿ। ਆਸਜ੍ਜਾਤਿ ਆਸਾਦੇਤ੍વਾ ਘਟ੍ਟੇਤ੍વਾ। ਨ ਮੇ ਪਾਪਂ વਿਪਚ੍ਚਤੀਤਿ ਮਮ ਪਾਪਂ ਨ ਪਚ੍ਚਤਿ। ਨਿਪ੍ਫਲਂ ਏਤਨ੍ਤਿ ਕਿਂ ਨੁ ਤ੍વਂ ਏવਂ ਮਞ੍ਞਸਿ? ਮਾ ਏવਂ ਮਞ੍ਞਿ, ਅਤ੍ਥਿ ਤਯਾ ਕਤਸ੍ਸ ਪਾਪਸ੍ਸ ਫਲਨ੍ਤਿ ਦੀਪੇਤਿ। ਕਿਞ੍ਚਨਨ੍ਤਿ ਮਦ੍ਦਿਤੁਂ ਸਮਤ੍ਥਂ ਰਾਗਕਿਞ੍ਚਨਾਦਿ ਕਿਲੇਸਜਾਤਂ। ਆਭਸ੍ਸਰਾ ਯਥਾਤਿ ਯਥਾ ਆਭਸ੍ਸਰਾ ਦੇવਾ ਸਪ੍ਪੀਤਿਕਜ੍ਝਾਨੇਨ ਯਾਪੇਨ੍ਤਾ ਪੀਤਿਭਕ੍ਖਾ ਨਾਮ ਹੋਨ੍ਤਿ, ਏવਂ ਭવਿਸ੍ਸਾਮਾਤਿ। ਅਟ੍ਠਮਂ।
Tattha pasavīti janesi nipphādesi. Āsajjāti āsādetvā ghaṭṭetvā. Na me pāpaṃ vipaccatīti mama pāpaṃ na paccati. Nipphalaṃ etanti kiṃ nu tvaṃ evaṃ maññasi? Mā evaṃ maññi, atthi tayā katassa pāpassa phalanti dīpeti. Kiñcananti maddituṃ samatthaṃ rāgakiñcanādi kilesajātaṃ. Ābhassarā yathāti yathā ābhassarā devā sappītikajjhānena yāpentā pītibhakkhā nāma honti, evaṃ bhavissāmāti. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਪਿਣ੍ਡਸੁਤ੍ਤਂ • 8. Piṇḍasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਪਿਣ੍ਡਸੁਤ੍ਤવਣ੍ਣਨਾ • 8. Piṇḍasuttavaṇṇanā
