| Library / Tipiṭaka / තිපිටක • Tipiṭaka / ථෙරගාථාපාළි • Theragāthāpāḷi |
2. පිණ්‌ඩොලභාරද්‌වාජත්‌ථෙරගාථා
2. Piṇḍolabhāradvājattheragāthā
123.
123.
‘‘නයිදං අනයෙන ජීවිතං, නාහාරො හදයස්‌ස සන්‌තිකො;
‘‘Nayidaṃ anayena jīvitaṃ, nāhāro hadayassa santiko;
ආහාරට්‌ඨිතිකො සමුස්‌සයො, ඉති දිස්‌වාන චරාමි එසනං.
Āhāraṭṭhitiko samussayo, iti disvāna carāmi esanaṃ.
124.
124.
‘‘පඞ්‌කොති හි නං පවෙදයුං, යායං වන්‌දනපූජනා කුලෙසු;
‘‘Paṅkoti hi naṃ pavedayuṃ, yāyaṃ vandanapūjanā kulesu;
සුඛුමං සල්‌ලං දුරුබ්‌බහං, සක්‌කාරො කාපුරිසෙන දුජ්‌ජහො’’ති.
Sukhumaṃ sallaṃ durubbahaṃ, sakkāro kāpurisena dujjaho’’ti.
ඉත්‌ථං සුදං ආයස්‌මා පිණ්‌ඩොලභාරද්‌වාජො ථෙරො ගාථායො අභාසිත්‌ථාති.
Itthaṃ sudaṃ āyasmā piṇḍolabhāradvājo thero gāthāyo abhāsitthāti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ථෙරගාථා-අට්‌ඨකථා • Theragāthā-aṭṭhakathā / 2. පිණ්‌ඩොලභාරද්‌වාජත්‌ථෙරගාථාවණ්‌ණනා • 2. Piṇḍolabhāradvājattheragāthāvaṇṇanā
